per vos susceptum, ac onus humeris vestris impositum; studete sancte, et religiose vivere, atque omnipotenti Deo placere, ut gratiam suam possitis acquirere; quam ipse vobis per suam misericordiam concedere dignetur.

Tum ad singulos ista singulariter dicit:

Et omnipotentem Deum etiam pro me orate.

Quod illi devote suscipiunt, et respondent se facturos. Tum surgit Pontifex, et amoto faldistorio, convertit se ad cornu Evangelii, ubi deposita mitra dicit intelligibili

Voce :

Dominus vobiscum. Initium sancti Evangelii secundum Joannem. In principio erat Verbum etc.

Signat tabellam in qua est Evangelium aut (si deficiat) signat altare et se. Mox, acceptis mitra et baculo, prosequitur, factaque Cruci debita reverentia in infimo gradu altaris, revertitur ad faldistorium, ubi exuitur sacris vestibus. Si aliud Evangelium sit dicendum, illud dicit in cornu Evangelii, eoque dicto recedit, ut prius dicitur.

RITUS ET FORMULA

BENEDICTIONIS APOSTOLICE.

Ritus et forma, a Patriarchis, Primatibus, Archiepisco pis et Episcopis pro impertienda Benedictione, una cum Plenaria Indulgentia post Missarum solemnia, triplici signo crucis emisso, et in Episcopali throno cum mitra, cæterisque sacris paramentis indutis, circumstantibus ministris, adhibendus, quod congrue de Prælatis inferioribus intelligatur, talis esse debet :

Expleta in utraque solemnitate Missæ solemnis celebratione, in primis alta voce per ministrum superpelliceo indutum legantur litteræ Apostolicæ, quibus indulgentia Plenaria conceditur, una cum potestate Benedictionem Apostolicam super populum effundendi, ut de delegatione adstantibus constet, et concessio ex latino sermone in vulgarem ad populi intelligentiam translata recitetur. Postea Episcopus surgens, juxta Ritum in Cæremoniali Episcoporum expressum, dicet:

Precibus et meritis beatæ Mariæ semper Virginis, beati Michaelis Archangeli, beati Joannis Baptistæ, et sanctorum Apostolorum Petri, et Pauli, et omnium Sanctorum.

Misereatur vestri omnipotens Deus, et dimissis omnibus peccatis vestris perducat vos Jesus Christus ad vitam æternam. R. Amen.

Indulgentiam, absolutionem, et remissionem omnium peccatorum vestrorum, spatium veræ et fructuosæ pœnitentiæ, cor semper pœnitens et emendationem vitæ, perseverantiam in bonis operibus tribuat vobis omnipotens et misericors Dominus. R. Amen.

Et benedictio Dei omnipotentis Pa† tris, et Filii, et Spiritus † sancti descendat super vos, et maneat semper. B. Amen.

Demum post impertitam benedictionem, publicabitur la tino et vernaculo idiomate concessio Plenariæ Indulgentia sequenti formula:

Attentis facultatibus a Sanctissimo in Christo Patre et Domino nostro Domino N. diviua providentia Papa N., in enuntiatis Apostolicis Litteris expressis, datis Reverendissimo Domino Domino N. Dei et Apostolicæ Sedis gratia hujus sanctæ N. Ecclesiæ Antistiti; eadem Dominatio sua Reverendissima, Summi Pontificis nomine, dat et concedit omnibus hic præsentibus, vere pœnitentibus et confessis, ac sacra communione refectis Indulgentiam Plenariam in forma Ecclesiæ consueta: rogate igitur Deum pro felici statu Sanctissimi Domini nostri Papæ, Dominationis suæ Reverendissimæ, et sanctæ Matris Ecclesiæ.

FINIS PONTIFICALIS ROMANI.

FORMULA

PRO BENEDICTIONE VIE FERREÆ.

. Adjutorium nostrum in nomine Domini. B. Qui fecit cœlum et terram.

v. Domine, exaudi orationem meam. R. Et clamor meus ad te veniat.

. Dominus vobiscum. R. Et cum spiritu tuo.

OREMUS.

Omnipotens, sempiterne Deus, qui omnia elementa ad tuam gloriam, utilitatemque hominum condidisti; qui facis Angelos tuos spiritus et ministros tuos ignem urentem; qui mittis fulgura et eunt, et cui revertentia dicunt: Adoremus; tu, Domine, qui constituisti hominem super opera manuum tuarum, et omnia subjecisti sub pedibus ejus; tu, qui scientiarum Dominus es, in conspectu cujus cogitationes mortalium sunt timidæ, et incertæ providentiæ nostræ; dignare, quæsumus, hanc viam ferream diversique generis instrumenta servorum tuorum usibus accommodata, tua cœlesti benedictione per nostræ humilitatis officium perfundere, et benigna semper providentia tueri : ut, dum velocius homines properant in via, citius et imparati non discedant a vita; aut, dum rebus suis nimium dediti ambulare gaudent super pennas ventorum, in lege tua ambulare et viam mandatorum tuorum concurrere non omittant. Propitiare ergo, misericors Deus, precibus nostris; Angelis tuis manda ut accedant et jungant se ad currus istos,

cunctisque, qui in eis vehuntur, viam salutis ostendant, quemadmodum viro Ethiopi, dum reverteretur super currum suum sedens et legens, verbo tuo ac spiritu fidem et gratiam contulisti; et sicut famulus tuus Elias in curru igneo et equis igneis per turbinem ascendit in cœlum, ita famuli tui, inter æstuosos hujus sæculi turbines, ad beatam et tranquillam vitam deveniant. Per Dominum nostrum Jesum Christum Filium tuum, qui tecum vivit et regnat in unitate Spiritus Sancti Deus per omnia sæcula sæculorum. R. Amen.

Postea Pontifex vel Sacerdos aspergit viam et curricula aqua benedicta.