(del in eam) septiformem Spiritum tuum sanctum paraclitum de cœlis. R. Amen.

Spiritum sapientiæ et intellectus. R. Amen.
Spiritum consilii et fortitudinis. R. Amen.
Spiritum scientiæ et pietatis. . Amen.

Adimple eum (vel eam) Spiritu timoris tui, et consigna eum (vel cam) signo Cru† cis Christi, in vitam propitiatus æternam. Per eumdem Dominum nostrum Jesum Christum Filium tuum, qui tecum vivit et regnat in unitate ejusdem Spiritus sancti Deus, per omnia sæcula sæculorum. R. Amen.

Pontifex, accepta mitra, sedet in faldistorio, et inquisito Confirmandi nomine sibi per Patrinum vel Matrinam flexis genibus præsentati, et summitate pollicis dextræ manus Chrismate intincta, dicit :

N. Signo te signo Cru † cis.

Quod dum dicit, producit pollice signum Crucis in frontem illius, deinde prosequitur :

Et confirmo te Chrismate salutis In nomine Patris, et Fit lii, et Spiritus † sancti. R. Amen. Deinde leviter eum in maxilla cædit, dicens :

Pax tecum.

Unctione peracta, Pontifex tergit cum mica panis, et lavat pollicem et manus super pelvim, et aqua lotionis cum pane funditur in piscinam sacrarii.

Interim dum lavat manus, legitur a Ministris sequens Antiphona.

Confirma hoc, Deus, quod operatus es in nobis a templo sancto tuo, quod est in Jerusalem. v. Gloria Patri etc. R. Sicut erat etc.

Deinde repetitur Antiphona; qua repetita Pontifex, deposita mitra, surgit, et stans versus ad altare, junctis ante pectus manibus, dicit:

*. Ostende nobis, Domine, misericordiam tuam, R. Et salutare tuum da nobis.

. Domine, exaudi orationem meam. R. Et clainor meus ad te veniat.

*. Dominus vobiscum. R. Et cum spiritu tuo.

OREMUS.

Deus, qui Apostolis tuis sanctum dedisti Spiritum, et per eos eorumque successores cæteris fidelibus tradendum esse voluisti, respice propitius ad humilitatis nostræ famulatum, et præsta, ut illius cor, cujus frontem sacro Chrismate delinivimus, et signo sanctæ Crucis signavimus, idem Spiritus in eo (vel in ea) superveniens, templum gloriæ suæ dignanter inhabitando perficiat. Qui cum Patre et eodem Spiritu sancto vivis et regnas Deus, in sæcula sæculorum. R. Amen.

Deinde dicit :

Ecce sic benedicetur omnis homo, qui timet Dominum.

Et vertens se ad confirmatum, et faciens super eum signum crucis, dicit:

Benedicat te Dominus ex Sion, ut videas bona Jerusalem omnibus diebus vitæ tuæ, et habeas vitam æternam. R. Amen. Cætera ut supra, pag. 5.

DE CLERICO FACIENDO.

Tonsuræ conferendæ necessaria: Forfices pro incidendis capillis, Bacile minus pro illis imponendis, Gremiale.

Tonsurando necessaria: Confirmatio ante suscepta, Attestatio Baptismi, Prævia Confessio, Tunica talaris, Superpelliceum, Candela si intra Missarum solemnia tonsura recipiatur, Oratio Dominus pars hereditatis etc. memoriter.

Si extra Missarum solemnia, quocumque scilicet die, hora et loco minus solemniter Tonsura conferatur, Pontifex supra Rochetum, vel, si sit Religiosus, supra superpelliceum

stola alba supra mozettam, et mitra simplici paratus, ac dens ad faldistorium ante medium altaris, si sit in cape. vel in loco convenienti sibi paratum, sedet.

Vel si ante immediate, vel post Missam privatim celebr tam conferatur, Pontifex, deposita planeta, vel ea indute et mitra simplici, accedens ad faldistorium ante mediur altaris positum, sedet.

Vel denique si Tonsuram tantum in privatæ Missæ celebratione, cum mitra simplici; aut etiam cum aliquo ex ma joribus Ordinibus intra Missarum solemnia Pontificaliter paratus conferat Episcopus: In Missa de Sabbato ante Dominicam Passionis, et in aliis Missis in quibus non dicitur Gloria in excelsis, post Introitum Tonsura conferri debeti In Missis vero de quatuor temporibus, de Sabbato Sancto et in aliis Missis in quibus dicitur Gloria in excelsis, dicto Kyrie eleison, ad tonsuram proceditur.

Pontifice igitur sedente in faldistorio, vocatur Tonsurandus nominatim, et respondens Adsum, accedit: tum facta profunda reverentia Pontifici, genuflectit coram illo.

Deinde surgit Pontifex cum mitra, et dicit :

*. Sit nomen Domini benedictum. R. Ex hoc nunc et usque in sæculum.

V. Adjutorium nostrum in nomine Domini. v. Qui fecit cœlum et terram.

Oremus, fratres charissimi, Dominum nostrum Jesum Christum pro hoc famulo suo, qui ad deponendum comas capitis sui pro ejus amore festinat. ut donet ei Spiritum sanctum, qui habitum Religionis in eo in perpetuum conservet, et a mundi impedimento, ac sæculari desiderio cor ejus defendat ut, sicut immutatur in vultu, ita dextera manus ejus virtutis ei tribuat incrementa, et ab omni cæcitate spirituali et humana oculos ejus aperiat, et lumen ei æternæ gratiæ concedat: Qui vivit et regnat cum Deo Patre in unitate ejusdem Spiritus sancti Deus, per omnia sæcula sæculorum.

Post hæc, sedente Pontifice, schola seu Ministri inchoant et prosequuntur Antiphonam et Psalmum ut habentur. pag. 13.

Repetitur Antiphona. Tu es Domine, etc.

Incepto Psalmo, Pontifex cum forficibus incidit Tonsurando extremitates capillorum in quatuor locis, videlicet in fronte, in occipitio, et ad utramque autem, deinde in medio capitis aliquot crines capillorum, et in bacile deponit. dicente eo qui tondetur :

Dominus pars hæreditatis meæ, et calicis mei tu es qui restitues hæreditatem meam mihi.

Tonso Clerico, Pontifex, deposita mitra, surgit et stans versus ad illum, dicit:

OREMUS.

Præsta, quæsumus omnipotens Deus, ut hic famulus tuus, cujus hodie comas capitis pro amore divino deposuimus, in tua dilectione perpetuo maneat, et eum sine macula iu sempiternum custodias. Per Christum Dominum nostrum. R. Amen.

Tunc schola, seu Ministri inchoant et prosequuntur Antiphonam et Psalmum ut habentur, pag. 14; antiphona incepta, Pontifex sedet cum mitra.

Repetita Antiphona Hic accipiet etc., Pontifex, deposita mitra, surgit et conversus ad altare, dicit : Oremus.

Et Ministri dicunt :

Flectamus genua. . Levate.

Pontifex versus ad Tonsum, dicit :

Adesto, Domine, supplicationibus nostris, et hunc famulum tuum benedicere dignare, cui in tuo sancto nomine habitum sacræ religionis imponimus; ut, te largiente, et devotus in Ecclesia tua persistere, et vitam percipere mereatur æternam. Per Christum Dominum nostrum. R. Amen.

Tum Pontifex, accepta mitra, sedet et, accipiens præ manibus superpelliceum, Tonsum totaliter induit, dicens :

Induat te Dominus novum hominem, qui secundum Deum creatus est, in justitia et sanctitate veritatis.

Quo expedito, Pontifex, deposita mitra, surgit et versus illum dicit:

OREMUS.

Omnipotens sempiterne Deus, propitiare peccatis nostris, et ab omni servitute sæcularis habitus hunc famulum tuum emunda; ut dum ignominiam sæcularis habitus deponit, tua semper in ævum gra tia perfruatur; ut sicut similitudinem coronæ tuæ eum gestare facimus in capite, sic tua virtute hæreditatem subsequi mereatur æternam in corde, qui cum Patre et Spiritu sancto vivis et regnas Deus, per omnia sæcula sæculorum. R. Amen.

Deinde Pontifex, accepta mitra, sedet et Clericum sic alloquitur:

Fili charissime, animadvertere debes, quod bodie de foro Ecclesiæ factus sis, et privilegia clericalia sis sortitus. Cave igitur, ne propter culpam tuam illa perdas; et habitu honesto, bonisque moribus, atque operibus Deo placere studeas. Quod ipse tibi concedat per Spiritum sanctum suum. R. Amen.

Et si nullus alius ordo conferatur, subdit:

Dic semel septem Psalmos pœnitentiales cum Litaniis, Versiculis, et Orationibus, et omnipotentem Deum etiam pro me ora.

DE MINORIRUS ORDINIBUS

UNI TANTUM CONFERENDIS.

Minoribus conferendis necessaria: Claves Ecclesiæ in alıqua pelvicula, Campanula, si non adsint campanæ majores, Codex Lectoris, Liber exorcismorum vel Pontificale seu Missale, Candelabrum cum cereo extincto, Urceolus vacuus, Hostia cum Mappa pro Ordinandi communione si ordines intra Missam recipiantur.