votion, chongeal son ér mystér a béhani é vér carguet, hag assai pratiquein er vertu péhani e zou fréh pé profit er mystér-zé.

En hani ag er puemzec e zou carguet ag er hetan mystér ag er Rosær, de laret-é, a Annonciation en Incarnation, e zelie peb dé, durant er mis, laret quênt é verchad er Gredo, en tair Ave Maria hag er Bater.

Hanhuein e rér accourageour pé accourageourès en hani e zou er pèn pé er chef ag er puemzec a dud e laquér de formein ur Rosær. En hanhue-zé e ra d'antand de beb chef a vanden er sourci bras e zelie attàu quemér eit formein ha conduie mad é buemzec, én ur ziscoein reih de beb hani a nehai er mystér e zelie inourein peb mis. En accourageour pé accourageourès en dès èl-cé ul léh à i– nour é ty Marie. Peb-unan e zelie sellet èl un devér eit ou receu er gargue-zé, péhani e talhuou dehou ur brotection particuliér a berh er Huérhiès santel.

Peb chef a vanden e zelie gobér é bossible eit ma vou cavet guet ou peb tra é règle, hac en devout surtout sourci a hobér changein a vystér de beb-unan peb mis.

A pe varhue, pé a p'hum denne ag er verdiah unan ag er puemzec, er chef e laque un aral én é léh, sel-quênt sel-guel, hag e ra scrihuein é hanhue ar é blanquen paper, ma ne elle er gobér ean-memb.

A pen da de unan ag er puemzec ancoéhat é verchad, pé hum drompein a vystér, erré-ral eij

quement-cé ne cessant quet a ounit en indulgeanceu ag er Rosær.

Peb-unan e lare é verchad én é dy pé én ilis èl peb sort peden aral. Arlerh er merchad, é rér ul lusque ag er galon de Zoué eit hun Tad Santel er Pab. Un dra vad-é, a pe ellér, hum assamblein ur huéh ér mis, eit laret assamble er merchad, eit rein en eil d'éguilé scùir vad, eit hum antretenein ag er pén e elle dougue d'en devotion (hemb neoah hum abusein jamas de gonze a neuétædeu er hanton), eit rannein livreu mad itré-z-hai, eit pedein Doué d'ur voéh aveit er Pab, aveit dobérieu en llis, eit conversion er béherion, eit erré e zou én agonie, eit en ineanneu e zou ér purgatoér. Eit quement-cé é ma bet instituet er Rosær bihue, ha drès peb tra eit goulenne, dré Jésus ha Marie, ma quemérou Doué truhé dohemb, ma rei d'emb miséricorde, ma conservou ha ma stréàuou er fé, ma rei d'en Ilis triomflein ha ma hoarnou particuliéremant hun Tad Santel er Pab, Viquél JesusChrouist ar en doar. Un dra vad-é hum assamblein èl-cé de bedein, ha surtout a pe vennér obtenein surroh ur hræce vras benac guet Doué: gùélet e rér exampleu caër a græceu particuliér accordet de nàuvédeu en dès bet groeit assamble er verdér ha hoérezèd a bep Rosær.

Ellein e rér hum laquat goassèd ha merhèd én ur memb Rosær nitra caërroh eit gùélet en tadeu ha mameu, berdér ha hoérezèd joéntet assamble eit inourein ha pratiquein en devotion

men.

Mæs a p'en dès én ur memb Rosær goassèd ha merhèd péré nen dint quet ag ur memb famille, ag ur memb ty, nen dé quet a propos na jaugeable hum assamblein ur ùéh ér mis, meit hag ean e vehé én ilis, idan mæstronie ur Bélèg. É peb léh, a hend-aral, é ma requis m'hum assamblou er merhèd guet er merhèd, hag er goassèd guet er goassèd.

Receu e rér é berdiah er Rosær bihue en ol fidélèd a bep stad ha condition. Ne rér difforh erbet a hanni; ne glasquér, dré en devotion-men, meit sterdein davantage liameu er garanté. Er ré peurran ha disterran e zou liès mad er ré deittan guet Jésus ha Marie. Ne refusér quet er beherion; ne vehé quet neoah receuet er ré e vehé hanauet guet en ol eit bout tud a fal example hag a scandal. Couviein e rér er gueih péherion d'ou devout recour doh ur moyand quer puissant ha quer capable d'ou honvertissein.

É antréein ér verdiah, é rér un alézon a buemzec blanc ahoel pé a bucmzec liard, én inour d'er puemzec mystér; reneuéein e rér peb plai er memb alézon. Un dra desirable vehé, eit mui a reihtæt, er gobér dalh-mad é mis guenvér peb plai. Guet en alézon-cé é paiér quetan tout en dispigneu e zou requis mad gobér eit pourvéein er péh e zou necessær cavouet, èl m'en dé er planquenneu papér hag er billettenneu eit peb mystér; er rest e chervige nezé de fournissein livreu, limageu, chapeletteu, croésieu, médailleu ha treu aral capable de vaguein ha de grihuat en

devotion. Sel-brassoh ma vou en alézon, sel-mui é vou stréàuet a livreu hag a dreu mad aral é mesque en dud. Peb chef a vanden e zou carguet a receu alézoneu er puemzec. En alézon-cé nen dé quet absolumant requis eit gounit en Indulgeance, mas necessær-é neoah eit gobér en œevreu mad e glasquér dré guement-men.

Peb parræs, é péhani en hum gave er verdiah, e hoarne en alézoneu e rér én hi, eit hum chervige a nehai eit dobérieu er barræs-cé, diar avis en Directour particuliér.

É huélet en dud hemb fé, hemb religion, é hobér dispignea quer bras eit stréàuein er fal livreu, ha possible vehé ma refusehé gùir gréchenion mar-a-vlanc, mar-a-liard eit stréàuein ehué ré vad? Péh ur méh vehé quement-cé aveit omb! Ramb enta a volanté vad, peb-unan revé é voyand, é alézon.

É léh un alézon, er Vêléan e lare un overen, hag el Léannézèd e ra ur gommunion peb plai aveit er verdiah.

Conseillein e rér d'er verdér ha hoérezèd ag er Rosær bihue gobér peb suhun, pé peb mis, un ær pé un hantér-ær ahoel a adoration dirac er Sacremant, hag hent er Groès eit ineanneu er purgatoér. Ou angagein e rér de dostat d'er Sacremanteu liès, d'hum gârein itré-z-hai, ha de rein en eil d'éguilé scùir vad; d'assistein liessan ma elleint én officeu ag ou farræs, de soulagein er beurerion, de rein de bep cource un dra benac eit antretenein ou ilisieu, d'ou devout ur sourci

particuliér ag en aulær consacret d'er Huérhiès, de berdègue er peah hag er garanté é mesque en dud, d'hum laquat, ma nen dint déja, é berdiah er Roser ancién, ha d'el laret a guement ma elleint peb sul, a-cel fin m'er santefieint guel; de zouguein d'en devotion ag er Rosær en ol gréchenion, ha drès er réral en dud youanq, er gueih labourision, mechérerion, artisantèd péré en dès quement a zobér a brotection Marie, eit tennein ar nehai hag ar ou familleu bénédictioneu en Eutru-Doué. Ne zeliant quet bout gênet eit laret ur merchad bamdé. Ou douguein e glasquér ehué d'hum secour én ou linhuédeu revé dobérieu en inean ha ré er horv, én agonie surtout, ha de zihoal ag hum ancoéhat arlerh er marhue, mæs de hélie, a pe ellér, corveu er ré treménet d'en ilis ha d'er verret, én ur bedein aveit ou ineanneu.

Ol caloneu berdér ha hoéresèd er Rosær bihue ne zeliant formein, én dro de Jésus ha Marie, meit un ouélèd tanflammet a garanté doh-t-hai ou deu, hag occupet hemp quin a bedein Jésus dré Varie eit er ré n'er pedant quet, na ne vennant quet er hârein; eit er ré péré ne houlennant nitra guet ou, eit er ré e bella memb doht-hai en dourne charitable e glasque gùellat d'ou goulieu. Hur volanté principal é quement-men e zou, èl pe vehé, palaforcein en Nean d'obtenein d'embol miséricorde hag ur rémission general d'er bed antiér, dré vériteu hur Salvér. Eit établissein berdiah er Rosær bihue, ne