Repetitur Antiphona. Exurgat Deus.

Mirábilis Deus in sanctis suis; Deus Israël ipse dabit virtútem et fortitúdinem plebi suæ:* benedictus Deus. Et non dicitur Glória Patri, sed Antiphona repetitur.

Interim dum Antiphona et Psalmus prædicti dicuntur, Sacerdos circuit Ecclesiam intrinsecùs aspergendo : incipiens à parte Evangelii, aspergat etiam specialiter loca contaminata: quo facto, stans in Presbyterio versus ad Altare dicit :

DEUS, qui in omni loco dominatiónis tuæ clemens et benignus purificátor assistis, exaudi nos, quæsumus, et concéde, ut in pósterum inviolábilis hujus loci permaneat benedictio, et tui múneris beneficia, universitas Fidélium, quæ súpplicat, percipere mereátur, per Christum Dóminum nostrum. R. Amen.

Deinde dicitur Missa de die occurrenti.

Si verò Ecclesia sic polluta, jam erat ab Episcopo consecrata,

I

per solum Episcopum aquá, cum sale, vino, et cinere ab ipso benedictá reconciliari debet, juxta Decretalem. Sed nunc usus obtinuit, ut a simplici Sacerdote, ex Episcopi commissione, ea fieri possit reconciliatio. Et delegatus tunc uti debet ritu in Pontificali præscripto, et aquá ab Episcopo benedictá, ut dictum est suprà, quæ vocatur Gregoriana.

PRIDIE

Benedictio novi Cœmeterii.

RIDIE quam fiat benedictio, ponitur in medio Cameterio benedicendo lignea Crux, alta ad staturam hominis; et ante ipsam Crucem in terrâ figitur paxillus tridens ligneus altus ad cubitum unum, aptus ad affigendum illi tres candelas.

Sequenti die manè Sacerdos ab Episcopo facultatem habens, in Sacristiá paratus Amictu, Alba, Cingulo, Stola, et Pluviali albi coloris, adhibitis aliquot Sacerdotibus et Clericis indutis superpelliceis, qui deferant vasculum aquæ benedictæ, aspergillum, et thuribulum cum incensi navicula, et hoc Rituali libro, et tribus candelis cereis, procedit ad Cemeterium benedicendum ante Crucem in medio positam, et affiguntur, et accenduntur Candela super ligneum paxillum, et Sacerdos ante Crucem et candelas stans, discooperto capite dicit:

Orémus.

OMNIPOTENS Deus, qui es custos animárum, et tutéla salútis, fides credéntium, réspice propitius ad nostræ servitútis officium, et ad introitum nostrum purgétur, benedicátur et sanctificétur hoc Cometérium; ut humána córpora hîc post vitæ cursum quiescéntia, in magno judícii die simul cum felícibus animábus mereantur adipisci vitæ perennis gáudia. Per Christum Dóminum nostrum. R. Amen.

Mox ante ipsam Crucem omnes, genibus flexis, dicunt Litanias ordinarias, incipiente Cantore, cæteris respondentibus : et cùm dictum fuerit Ut ómnibus Fidélibus defunctis, etc. Te rogámus, audi nos; Sacerdos surgit, et clará voce dicit, producens manu signum Crucis: Ut hoc Cometérium purgáre, et benedícerę dignéris; R. Te rogámus, audi nos.

Deinde Sacerdos, ut priùs genuflectit, et Litaniæ perfi

ciuntur.

Quibus finitis, surgunt omnes, et Sacerdos Crucem aspergit aquá benedictâ, dicens Antiphonam: Asperges me, Dómine, hyssópo, et mundábor: lavábis me, et super nivem dealbábor.

Psalm. Miserére meî, Deus, * secundùm magnam misericórdiam tuam, etc. dicitur totus cum astantibus, cum Glória Patri, etc. Quo dicto repetitur Antiphona.

Dum dicitur Psalmus, Sacerdos circuit et perambulat totum Cœmeterium, incipiens ad ejus dexteram, aspergens ubique aqua benedictá: quo facto redit ante Crucem, et ad ipsam respiciens dicit:

DEUS,

Orémus.

EUs, qui es totius orbis Cónditor, et humáni géneris Redemptor, cunctarumque creaturárum visibilium et invisibilium perfectus dispósitor, te súpplici voce, ac puro corde expóscimus, ut hoc Cometérium, in quo famulorum famularumque tuárum córpora quiéscere debent post currícula hujus vitæ labéntia, purgare X, benedicere, et sanctificáre dignéris: quique remissiónem ómnium peccatórum per tuam magnam misericórdiam in te confidéntibus præstitisti, corpóribus quoque eórum in hoc Cœmetério quiescéntibus, et tubam primi Archángeli expectantibus consolatiónem perpétuam lárgiter impertire. Per Christum Dóminum nostrum. R. Amen.

Tunc figit in summitate Crucis unam ex tribus candelis ardentibus, et alias duas similiter ardentes in duobus brachiis ejusdem Crucis. Deinde incensat ipsam Crucem, et aspergit aqua benedictá. Quibus peractis, redit cum Ministris in Sa

cristiam.

Benedictio seu Reconciliatio Cometerii violati, ubi Ecclesia non est polluta.

MANE diei, quâ facienda est reconciliatio, Sacerdos, si

ab Episcopo facultatem habeat, adhibitis aliis Sacerdotibus et Clericis indutis superpelliceis in Sacristia, aut alio decenti loco, vestitus Amictu, Albd, Cingulo, Stold, et Pluviali albi coloris, accedit ad medium Cemeterii, Clerico Vasculum Aquae benedictae et Aspergillum deferente, et ibi super tapete genuflectit unà cum Ministris : et Cantores, aliique omnes genibus flexis, dicunt Litanias. In quibus cùm dictum fuerit, Ut ómnibus Fidélibus defunctis réquiem æternam, etc. Te rogámus, audi nos: Sacerdos surgit, et manu dexterâ producens signum Crucis super Cemeterium, clará voce dicit: Ut hoc Cometérium reconciliáre et sanctificáre dignéris; . Te

rogámus, audi nos.

Quibus dictis, ut priùs genuflectit, Cantoribus Litanias perficientibus.

Quibusfinitis, surgunt omnes; et Sacerdos, accepto aspergillo cum aqua benedicta, inchoat Antiphonam, Asperges me, Dómine, hyssópo, Clero prosequente et mundábor: lavábis me, et super nivem dealbábor. Psalmus Miserére meî, Deus, etc. dicitur totus sine Glória Patri: in fine repetitur Antiphona, Asperges me, etc.

Dum haec dicuntur, Sacerdos circuit totum Cometerium, incipiens ad ejus dexteram, aspergens ubique aqud benedictd, praesertim in loco ubi violatio commissa est. Quo peracto, redit ad locum ubi Litaniae dictae fuerunt; et ibi stans, dicit : Orémus. Et Ministri: Flectámus génua. R. Leváte.

DOMIN OMINE pie, qui agrum figuli prétio Sánguinis tui in sepultúram peregrinórum comparári voluisti, quæsumus, dignanter reminiscere clementissimi hujus mystérii tui. Tues enim, Dómine, figulus noster, tu quiétis nostræ ager, tu agri hujus prétium : Tu dedisti étiam, et suscepisti: Tu de prétio tui vivifici Sánguinis nos requiéscere donasti. Tu ergo, Dómine, qui es offensiónis nostræ clementíssimus indultor, expectantissimus Judicátor, judícii tui superabundantíssimus Miserátor, judícium tuæ justíssimæ severitátis abscondens post Miseratiónem tuæ piæ Redemptiónis, adesto exauditor, et effector nostræ reconciliatiónis; hocque Cometérium Peregrinórum tuórum coelestis pátriæ incolátum expectántium, benignus purifica, et reconcilia; et hîc tumulatórum et tumulandórum córpora de potentiâ et pietáte tuæ Resurrectiónis ad glóriam incorruptiónis non damnans, sed glorificans, resúscita. Qui ventúrus es judicáre vivos et mórtuos, et séculum per ignem. . Amen,

Deinde redit cum Ministris in Sacristiam.

DE EXORCISMIS

SEU BENEDICTIONIBUS

QUÆ HABENT ADJUNCTAS ADJURATIONES.

MEMINE

EMINERIT Parochus, nulli Sacerdoti, etiam Regulari, licere domos à daemonio vexatas, aut Energumenos, aut

fascino