Obrazy na stronie
PDF
ePub

Singuli autem Examinatores antequam munera sua adeant, coram Vice-Cancellario, exigente Seniore Procuratore, juramentum præstabunt in hæc verba; viz.

Domine Doctor, tu jurabis, quod munus et officium Examinatoris publici in Facultate Medicina sedulo et fideliter pro virili exequeris, forma et modo per Statuta requisitis. Resp. Juro.

Item tu jurabis, quod, sepositis omni odio et amicitia, timore et spe, neque indigno cuivis testimonium perhibebis, neque digno denegabis. Resp. Juro.

Item tu jurabis, quod nullo modo revelabis suffragium quod vel ipse tuleris, vel alius quivis Examinator tulerit, de testimonio alicui perhibendo vel denegando. Resp. Juro.

§. 3. De tempore, loco, et modo Examinatio

nis.

Semel quolibet anno, videlicet Hebdomada secunda pleni Termini Trinitatis, EXAMINATIO in Facultate Medicinæ habeatur.

Huic EXAMINATIONI liceat Examinatoribus cum consensu Vice-Cancellarii locum aliquem idoneum assignare, modo ante EXAMINATIONEM habendam triduo saltem de hac re Academiam certiorem faciant.

Instituatur examen in Theoria et Praxi Medicinæ in Anatomice-Physiologia, Pathologia, et Materia Medica-insuper in Chemia et Botanice, quatenus eæ disciplinæ Artem Medicam illustrare videantur. Examinatoribus liberum esto, quemlibet Candidatum vel in hisce universis, vel in aliqua parte harum (prout ipsis satius visum fuerit) examinare. Porro nun

D

quam non adjiciantur veteres illi Scriptores, Hippocrates, Aretæus, Galenus, et Celsus, quorum duo ad minimum in omni examine semper adhibentor.

Cujuslibet Candidati examen, partim viva voce, partim scriptis, peragatur, et quantum fieri poterit, uno decursu, vel saltem sine diei intervallo, absolvatur. Omnes Examinatores uniuscujusque examini per integrum tempus intersint, nisi aliquid in scriptis præstandum sit, quo in casu unus tantummodo adesse teneatur.

Inter examinandum, aut Latino aut Anglicano Idiomate uti licebit, prout Examinatoribus magis expedire videbitur.

Peracta demum EXAMINATIONE, Examinatores de Candidatis singulis inter se judicium ferent, et quemcunque dignum invenerint, ei testimonium perhibebunt sub hac forma:

A. B. [die mensis et anni] pro gradu Baccalaurei in Medicina examinatus, prout Statuta requirunt satisfecit nobis Examinatoribus.

[blocks in formation]

Nomina quoque eorum qui Examinatoribus satisfecerunt in Registrum peculiare inserentur penes Registrarium Universitatis, finita quaque EXAMINATIONE, adservandum.

Quod si contingat aliquem hujusmodi Testimonio indignum reperiri, licebit illi in aliqua sequente EXAMINATIONE Candidatum se iterum profiteri.

Huic EXAMINATIONI interesse licebit omnibus Magistris in Artibus, Baccalaureis in Jure Civili, et quibuslibet superiore aliquo Gradu insignitis;

necnon Baccalaureis in Artibus, si modo coram Professore Regio spoponderint Medicinæ se operam daturos. Sub eadem conditione licebit Juristis et aliis nondum graduatis, qui examen pro Gradu A. B. vel J. C. B. subierint, et qui quadriennium a die Matriculationis suæ compleverint, his Examinationibus interesse.

Unusquisque Candidatus examen subiturus, Professorem Medicinæ Regium hac de re certiorem facere tenebitur decimo quarto die ad minimum ante Hebdomadam EXAMINATIONI habendæ destinatam. Quo quidem tempore, Professori in manus literas certificatorias tradendas curabit, quibus se, apud quoddam melioris notæ Nosocomiam, cum morbis curandis interfuisse, tum Lecturis audiendis diligentem operam dedisse, liquido constet. Nec Professori Regio licebit, literis certificatoriis istis a majori parte Examinatorum non approbatis, aliquem ad examen subeundum admittere.

Cautum insuper esto ne quis se sistat examinandum, nisi qui septem annos (scil. 28 Terminos) a tempore matriculationis suæ compleverit.

§. 4. De Examinatoribus remunerandis. STATUTUM est, quod Candidatus unusquisque ante EXAMINATIONEM inchoandam Professori Regio in manus deponet sex libras, ab eo, honorarii nomine, duobus reliquis Examinatoribus persolvendas. Ipse Professor feoda antiquitus imperata solus percipiat.

§. 5. Quot anni, in studio Medicinæ ponendi, ad incipiendum in Medicina requirantur. STATUTUM est, quod qui ad Doctoratum in Medicina promoveri cupit, post Gradum

Baccalaurei in Medicina susceptum, per tres annos integros studio Medicinæ incumbat, priusquam ad incipiendum in eadem Facultate admittatur.

§. 6. Exercitium pro Gradu Doctoris in Medicina præstandum.

STATUTUM est, quod Baccalaureus in Medicina, priusquam ad incipiendum in eadem Facultate admittatur, dissertationem a se conscriptam de thesi quavis Medica, prius a Professore Regio approbata, publice intra Scholarum præcinctus coram Professore Regio recitare, eique ejusdem dissertationis exemplar, finita lectione, tradere tenebitur.

Denique, ad tollendam omnem dubitationem, pronunciamus quod omnes qui in Medicina inceperint, eodem suffragandi jure gaudeant, ac si in Artibus aliquando rexissent.

§. 7. De incorporandis sive Medicina studiosis, sive Graduatis.

STATUTUM est, quod unusquisque sive Graduatus in Medicina, sive studiosus, ex alia Academia hic incorporandus, priusquam in matriculam hujus Academiæ referatur, testimonia coram Vice-Cancellario exhibeat, quibus liquido pateat eum exercitia præstitisse omnia, quæ in sua Academia nondum Graduati pro Baccalaureatu in Artibus præstare tenentur. Cautum sit insuper nequis in Medicina Graduatus incorporetur, nisi examen prius subierit, tempus compleverit, et reliqua præstiterit omnia, quæ per præsens hoc Statutum requiruntur.

SECTIO VI.

De Tempore et Exercitiis requisitis ad Gradus in Theologia capessendos.

§. 1. Quot anni, in audiendo publico Theologia Professore ponendi, requirantur ad Gradum Baccalaurei in S. Theologia.

STATUTUM est, quod, qui S. Theologiæ dat operam, antequam Baccalaureatum in illa Facultate consequatur, Gradum Magistri in Artibus suscipiat, et postquam in illa Facultate inceperit, publicum S. Theologiæ Prælectorem, per septennium completum (numerando a die suæ admissionis ad regendum) audivisse te

neatur.

§. 2. Exercitia pro Gradu Baccalaurei in S. Theologia præstanda.

STATUTUM est, quod is, qui ad Gradum Baccalaurei in S. Theologia promoveri cupit, priusquam Gratiam proponat, bis in disputationibus Theologicis pro Forma Opponentis principalis, (id est, primo vel secundo loco disputantis,) munere perfunctus fuerit, et semel per duas horas in Schola Theologica pro Forma responderit.

Quodque ante hujusmodi Disputationes, Quæstiones, una cum nominibus Opponentium et Respondentis, per septem dies integros significentur, programmate affixo valvis utriusque exterioris portæ Scholarum, ac insuper muris Collegii Omnium Animarum, et Oriel, qua Australis et Occidentalis parietes plateam versus in angulos coeunt.

« PoprzedniaDalej »