OREMUS.

Benedic, Domine sancte, Pater omnipotens, æterne Deus, per invocationem sancti nominis tui, et per adventum Jesu Christi Filii tui Domini nostri, et per donum sancti Spiritus Paracliti, hunc ensem, ut hic famulus tuus, qui hodierna die co tua pietate præcingitur, visibiles inimicos conculcet, victoriaque per omnia potitus, semper maneat illæsus. Per Christum Dominum nostrum. R. Amen. Deinde dicit, stans ut prius:

PSALMUS 143.

Benedictus Dominus Deus meus, qui docet manus meas ad prælium : et digitos meos ad bellum. Misericordia mea, et refugium meum: susceptor

meus, et liberator meus.

Protector meus, et in ipso speravi : * qui subdit populum meum sub me. Gloria Patri. Sicut erat

etc.

✰. Salvum fac servum tuum, Domine. R. Deus meus sperantem in te.

v. Esto ei, Domine, turris fortitudinis. H. A facie inimici.

*. Domine, exaudi orationem meam. R. Et clamor meus ad te veniat.

*. Dominus vobiscum. R. Et cum spiritu tuo.

OREMUS.

Domine sancte, Pater omnipotens, æterne Deus, qui cuncta solus ordinas et recte disponis, qui ad coercendam malitiam reproborum, et tuendam justitiam, usum gladii in terris hominibus tua salubri dispositione permisisti, et militarem ordinem ad popopuli protectionem institui voluisti; quique per beatum Joannem militibus ad se in deserto venientibus, ut neminem concuterent, sed propriis contenti essent stipendiis, dici fecisti; clementiam tuam, Domine, suppliciter exoramus, ut sicut David puero

tuo Goliam superandi largitus es facultatem, et Judam Machabæum de feritate gentium nomen tuum non invocantium triumphare fecisti ; ita et huic famulo tuo, qui noviter jugo militiæ colla supponit, pietate cœlesti vires et audaciam ad fidei et justitiæ defensionem tribuas, et præstes ei fidei, spei, et charitatis augmentum; et da tui timorem pariter et amorem, humilitatem, perseverantiam, obedientiam et patientiam bonam, et cuncta in eo recte disponas, ut neminem cum gladio isto vel alio, injuste lædat: et omnia cum eo justa et recta defendat: et sicut ipse de minori gradu ad novum militiæ promovetur honorem, ita veterem hominem deponens cum actibus suis, novum induat hominem: ut te timeat et recte colat, perfidorum consortia vitet, et suam in proximum charitatem extendat, præposito suo in omnibus recte obediat, et suum in cunctis juste officium exequatur. Per Christum Dominum nostrum. . Amen.

Tum ensem aqua benedicia aspergit.

Si autem ensis sit prius benedictus, omnia prædicta omittuntur. Post hæc Pontifex sedens, accepta mitra, dat ensem nudum novo Militi ante se genuflexo in manum dexteram, dicens :

Accipe gladium istum in nomine Pa† tris, et Filii, et Spiritus † sancti, et utaris eo ad defensionem tuam, ac sanctæ Dei Ecclesiæ, et ad confusionem inimicorum crucis Christi, ac fidei christianæ; et quantum humana fragilitas permiserit, cum eo neminem injuste lædas: quod ipse præstare dignetur, qui cum Patre, et Spiritu sancto vivit et regnat Deus per omnia sæcula sæculorum. R. Amen.

Deinde ensis in vaginam reponitur, et Pontifex cingit Militem novum ense, dicens :

Accingere gladio tuo super femur tuum poten

tissime; et attende, quod Sancti non in gladio, sed per fidem vicerunt regna.

Ense igitur accinctus Miles novus surgit, et ensem de vagina educit, et evaginatum ter viriliter vibrat, et super brachium sinistrum tergit, et in vaginam reponit.

Tunc Pontifex dat novo Militi osculum pacis, dicens:

Pax tecum.

Et iterum ensem evaginatum in dexteram accipiens, Militem novum ante se genuflexum cum ipso ense evaginato ter super scapulas leviter percutit, interim semel tantum dicens :

Esto miles pacificus, strenuus, fidelis, et Deo devotus.

Deinde reposito ense in vaginam, Pontifex manu dextera dat novo Militi leviter alapam, dicens: Exciteris a somno malitiæ, et vigila in fide Christi et fama laudabili.

Et Milites adstantes imponunt novo Militi calcaria; et Pontifex sedens cum mitra, dicit Antiphonam :

Speciosus forma præ filiis hominum, accingere gladio tuo super femur tuum, potentissime.

Surgit Pontifex, et versus ad novum Militem stans, et detecto capite, dicit:

Dominus vobiscum. . Et cum spiritu tuo.

OREMUS.

Omnipotens sempiterne Deus, super hunc famulum tuum, qui hoc eminenti mucrone circumcingi desiderat, gratiam tuæ bene† dictionis infunde, et eum dexteræ tuæ virtute fretum, fac contra cuncta adversantia cœlestibus armari præsidiis, quo nullis

in hoc sæculo tempestatibus bellorum turbetur. Per Christum Dominum nostrum. ». Amen.

His dictis, novus Miles osculatur manum Pontificis; et depositis ense et calcaribus, vadit in pace.

DE CREATIONE

MILITIS REGULARIS.

Cum summus Pontifex committit aliquem creari in Militem ordinis militaris, Pontifex, cui creatio hujusmodi commissa est, in primis imponit ei habitum illum, quo Milites illius ordinis, quem intendit profiteri, uti consueverunt. Deinde recipit ab eo adhuc genuflexo professionem, per tales emitti solitam, votorum, secundum illius ordinis instituta.

FINIS PRIMÆ PARTIS.

PARS SECUNDA.

DE BENEDICTIONE ET IMPOSITIONE

PRIMARII LAPIDIS PRO ECCLESIA ÆDIFICANDA.

Nemo Ecclesiam ædificet, priusquam Pontificis judicio locus et atrium designentur, et quid ad luminaria, quid ad rectoris ministrorumque stipendia sufficiat, quidque ad Ecclesiæ dotem pertineat, definiatur; et per eum, vel ejus auctoritate, per Sacerdotem crux in loco figatur, et lapis primarius in fundamento ponatur. Pridie igitur lignea crux in loco ubi debet esse altare, figatur. Sequenti vero die, lapis in Ecclesiæ fundatione ponendus, qui debet esse quadratus et angularis, benedici debet hoc modo. Pontifex paratus supra rochetum, vel, si sit regularis, supra superpelliceum, amictu, alba, cingulo, stola, et pluviali albi coloris, et mitra simplici, et baculum Pastoralem in sinistra tenens, stans, cum mitra, in loco ubi Ecclesia est fundanda, benedicit sal et aquam, dicens :

*. Adjutorium nostrum in nomine Domini. B. Qui fecit cœlum et terram.

Exorcizo te, creatura salis, per Deum † vivum, per Deum verum, per Deum † sanctum, per Deum, qui te per Eliseum Prophetam in aquam mitti jussit, ut sanaretur sterilitas aquæ ; ut efficiaris sal exorcizatum in salutem credentium ; et sis