stans in medio altaris versus ad Crucem incipit, si dicendum sit Credo,stantibus post eum diacono et subdiacono: deinde ad altare accedentibus, et cum eo prosequentibus, ut dictum est ad Gloria in excelsis.

6. Si autem sit prædicandum, concionator, finito Evangelio, prædicei, et sermone sive concione expleta, dicatur Credo,vel si non sit dicendum, cantetur Offertorium.

7. Cum vero in Symbolo cantatum fuerit, Et incarnatus est, diaconus, accepta Bursa de Credentia, ambabus ma. nibus eam defert elevatam cum solitis reverentiis ad medium altaris in quo explicat Corporale, et revertitur ad celebrantem. Cum non dicitur, Credo, subdiaconus defert Bursam simul cum Calice, ut infra dicetur.

8. Si quandoque celebrans cantat Missam sine diacono et subdiacono, Epistolamcantet in loco consueto ali. quis lector superpelliceo indutus, qui in fine non osculatur manum celebrantis; Evangelium autem cantat ipse celebrans ad cornu Evangelii, qui et in fine Missæ cantat e Missa est, vel Benedicamus Domino,aut Requiescant in pace, pro temporis diversitate.

VII. De Offertorio, et aliis usque ad Canonem.

a

1. D'cendum, post Evangelium celeSymbolo, vel si non sit dibrans osculatur altare in medio. et junctis manibus ante pectus, ibidem manu sinistra ad dextram, (ut dictum est supra) vertit se ad populum, et extendens ac jungens manus dicit, Dominus vobiscum, et junctis manibus revertitur per eamdem viam ad medium altaris ubi extendens et jungens manus, caputque Cruci inclinans, dicit Oremus: tum junctis, ut prius, manibus, dicit Offertorium, et omnia quæ usque ad finem Missæ in medio altaris dicenda sunt, dicit ibidem stans versus ad altare,

nisi ubi aliter ordinatur.

2. Dicto Offertorio, discooperit Calicem, et ad cornu Epistolæ sistit, et manu dextera amovet parvam Paliam desuper Hostiam, accipit Patenam cum Hostia, et ambabus manibus usque ad pectus eam elevatam tenens, oculis ad Deum elevatis, et statim dimissis, dicit, Suscipe, sancte Pater, etc.

3. Si fuerint aliæ Hostiæ non super Patenam, sed super Corporale, vel in alio Calice seu vase pro Communione populi consecrandæ, Calicem illum seu vas dextra discooperit, et intentionem suam etiam ad illas offerendas et consecrandas dirigens, dicit ut supra, Suscipe, etc, ut in ordine Missæ. Quo dicto, Patenam utraque manu tenens, cum ea facit signum crucis super Corporale, et deponit Hostiain circa medium anterioris partis Corporalis ante se, et Pate

nam ad manum dextram aliquantulum subtus Corporale, quam, exterso Calice, ut dicetur, cooperit Purificatorio. Si autem adsit vas seu Calix, cum aliis Hostiis ipsum cooperit alia Patena, vel Palla.

4. Deinde in cornu Epistolæ, accipit Calicem, Purificatorio extergit et sinistra tenens illius nodum, accipit ampullam vini de manu ministri, (qui osculatur ipsam ampullam, non autem manum celebrantis) et ponit vinum in Caticem, Deinde eodem modo tenens Calicem, producit signum crucis super ampullam aquæ, et dicit, Deus, qui humanæ substantiæ et infundens parum aquæ in Calice prosequitur, da nobis per hujus aquæ et vini mysterium, etc.Si vero celebrat pro Defunctis, non facit signum Crucis super aquam, sed imponit absque benedictione dicens orationem, ut supra.

5. Imposita aqua in Calice, et finita oratione prædicta, accipit manu dextra calicem discoopertum et stans ante medium altaris, ipsum ambabus manibus elevatum tenens, videlicet cum sinistra pedem, cum dextera autem nodum infra cuppam, intentis ad Deum oculis offert, dicens : Offerimus tibi, Domine, etc. qua Oratione dicta, facit signum crucis cum Calice super Corporale, et ipsum in medio post He stiam collocat, et Palla cooperit. Deinde junclis manibus super altare positis, aliquantulum inclinatus dicit secreto: In spiritu humilitatis, etc.Postea erectus, elevans oculos, manusque expandens, et statim jungens ante pectus (quod semper facit quando aliquid est benedicturus) dicit, Veni, sanctificator, etc. cum dicit Et benedic, signat manu dextera communiter super Hostiam et Calicem, sinistra posita super altare.

6. Tum junctis ante pectus manibus accedit ad cornu Epistolæ, ubi stans, ministro aquam fundente, lavat manus, id est, extremitates digitorum pollicis et indicis, dicens Psalmum Lavabo inter innocentes, cum Gloria Patri, etc. qui versus Gloria Patri, prætermittitur in Missis Defunctorum, et in Missis de Tempore a Dominica de Passione usque ad Sabbatum sanctum exclusive.

7. Celebrans lotis manibus cas tergit et illis ante pectus junctis revertitur ad medium altaris, ubi stans, oculosque ad Deum elevans, et statim demittens, manibus junctis super altare, aliquantulum inclinatus dicit secreto orationem Suscipe, sancta Trinitas, etc, Qua dicta, manibus hinc inde extensis et super altare positis, osculatur illud in medio tum junctis manibus ante pectus, demissisque oculis ad terram, a sinistra manu ad dexteram vertit se ad populum, et versus cum extendens et jungens manus, dicit voce aliquantulum elata, Orate fratres : et secreto prosequens, ut meum ac vestrum Sacrifi

cium, etc. perficit circulum, revertens junctis manibus ante pectus a manu dextra ad medium altaris. Et responso a ministro vel a circumstantibus Suscipiat Dóminus sacrificium de manibus tuis, etc. (alioquin per seipsum, dicens, Sacrificium de manibus meis,) ipse celebrans submissa voce dicit Amen, et manibus ante pectus extensis ut fit ad orationem, stans in medio altaris versus librum dicit absolute sine Oremus, et sine alia interpositioneOrationem velOrationes Secretas. Cum dicit Jesum Christum caput inclinat, quod facit in prima oratione, et in ultiina, si plures sint dicenda.

conclusione

8. Pervento autem in ultimæ Secretæ ad verba illaPer omnia sæcula sæculorum exclusive, sacerdos stans in medio altaris, depositis super eo manibus hinc inde extensis dicit convenienti et intelligibili voce Præfa tionem.Cum dicit, Sursum Corda, elevat manus hinc inde extensas usque ad pectus ita ut palma unius manus respiciat alteram. Cum dicit, Gratias agamus Domino, jungit manus, cum dicit Deo nostro, oculos elevat, et statim Cruci caput inclinat.Responso Dignum et justum est, elevatis et extensis, ut prius, manibus, prosequitur Præfationem propriam vel communem, ut tempus requirit. Cum dicit Sanctus, junctis ante pectus manibus, et inclinatus, voce mediocri prosequitur; ministro interim parvam campanulam pulsante. Cum dicit, Benedictus, qui venit in nomine Domini, etc, erigit se, et signum crucis sibi producit a fronté ad pectus.

9. In Missa solemni dicto Oremus. diaconus et subdiaconus accedunt ad altare in cornu Epistolæ, diaconus amovet Calicem, si est in altari, vel si est in Credentia, ut magis decet, accipit eum de manu subdiaconi, qui illum cum Patena et Hostia, coopertum Palla et Velo a collo sibi pendente, manu sinistra tenens,et alteram manum superponens velo, ne aliquid decidat,de Cre dentia detulit, comitatus ab acolytho ampullas vini et aquæ portante; ipse diaconus Calicem detegit, et dat patenam cum Hostia celebranti, osculando ejus manum: subdiaconus extergit Calicem Purificatorio, diaconus accepta ampulla vini de manu subdiaconi, ím. ponit vinum in Calicem, subdiaconus interim ampullam aquæ ostendens cele. branti, dicit, Benedicite Pater reverende, qui facto versum eam signo crucis dicit orationem, Deus qui humanæ, etc. Interim subdiaconus infundit paululum aquæ in Calicem, diaconus illum celebranti dat, et pedem Calicis tangens,seu brachium dextrum celebrantis sustentans, cum eo dicitOfferimus tibi, Domine, etc. quem postea positum in altari ut supra Palla cooperit; subdiacono deinde stanti in cornu Epistolæ

ponit in dextra manu Patenam, quam cooperit extremitate Veli ab ejus humero pendentis: qui vadit post celebrantem ante medium altaris, et facta genuflexione, ibi stat sustinens eam elevatam usque ad finem Orationis Do. minica, ut dicetur. In Missis autem Defunctorum, et in feria sexta Parasceve, Patena non tenetur a subdiacono.

10. Dicto Veni Sanctificator, ut supra, celebrans, ministrante diacono naviculam, et dicente, Benedicite, Pater reverende, ponit incensum in thuribulum, dicens, per intercessionem, etc. ut in Ordine Missæ. Deinde accepto thuribulo per manum diaconi,nullam tunc faciens Cruci reverentiam incensat oblata, ter ducens thuribulum super Calicem et Hostiam simul in modum Crucis, et ter circum Calicem et Hostiam, scilicet bis a dextra ad sinistram, et semel a sinistra ad dexteram (diacono interim pedem Calicis tenente manu dextra) dispensans verba in qualibet incensatione,hoc modo: in prima incensatione, incensum istud, in se cunda, a te benedictum, in tertia, ascendat ad te, Domine, in quartaet descendat super nos, in quinta et sexta misericordia tua. Deinde facta reverentia, incensat Crucem et altare, ut dictum est supra, assistente eodem diaco. no, interim dicens :Dirigatur, Domine, oratio mea,etc, et cum incensatur Crux, diaconus amovet Calicem ad partem Epistolæ,et incensata Cruce reponit in loco suo. Cum reddit thuribulum diacono,dicit, Accendat in nobis, etc, et incensatur ab eo: deinde diaconus incensat Chorum, et postremo subdiaconum tenentern Patenam: et ipse diaconus incensatur a thuriferario, et thurifera. rius postea incensat Acolythos et popu lum. Celebrans, postquam incensatus fuerit lavat manus ministrantibus acolythis ampuliam aquæ cum pelvicula et manutergio.

11. Cum dicitur Præfatio, diaconus et subdiaconus stant retro post celebran tem, et paulo antequam dicatur Sanctus, accedunt ad altare ubi cum celebrante hinc inde dicuntSanctus, et quæ sequuntur usque ad Canonem. Deinde diaconus accedit ad sinistram celebran tis, ei assistens dum dicitur Canon, nisi alius sacerdos assistat, quia tunc ipse staret ad dextram aliquantulum post celebrantem. Subdiaconus vero tunc stat post celebrantem.

VIII. De Canone Missæ usque ad Con secrationem.

1.FINITA Præfatione, ut supra, sacer

dos stans ante medium altaris, versus ad illud, aliquantulum elevat manus, oculisque elevatis ad Deum, et sine mora devote demissis, ac manibus junctis, et super altare positis, profunde inclinatus incipit Canonem, secreto di

cens: Te igitur, etc. ut in ordine Missæ. Cum dicit, uti accepta habeas et benedicas, etc. prius osculatur altare in medio, deinde erigit se, et stat junctis manibus ante pectus. Cum dicit, Hæc dona,hæc munera, hæc saneta Sacrificia, dextra manu signat ter communiter super Hostiam, et Calicem. Deinde extensis manibus ante pectus, prosequitur: In primis quæ tibi offerimus, etc.

2. Ubi dicit, una cum famulo tuo Papa nostro N. exprimit nomen Papa: Sede autem vacante, verba prædicta omittuntur. Ubi dicitur, et Antistite nostro N. specificatur nomen Patriarche, Archiepiscopi vel Episcopi ordi. narii in propria diœcesi,et non alterius Superioris, etiamsi celebrans sit omnino exemptus, vel sub alterius Episcopi jurisdictione. Si vero Episcopus ordinarius illius loci, in quo Missa celebratur, sit vita functus, prædicta verba omittuntur: quæ etiam omittuntur ab iis, qui Romæ celebrant. Si celebrans est Episcopus, Archiepiscopus, vel Patriarcha omissis prædictis verbis, co rum loco dicit, Et me indigno servo tuo. Summus autem Pontifex cum ce lebrat, omissis verbis, una cum famulo tuo Papa nostro N. et Antistite nostro N. dicit una cum me indigno famulo tuo, quem gregi tuo præesse voluisti, Et continuant omnes ut sequitur, et omnibus orthodoxis, etc.

5. Cum dicit Memento, Domine, elevans et jungens manus usquead faciem vel pectus,sic junctis manibus stat paulisper in quiete, demisso aliquantulum capite,faciens commemorationem vivo rum Christi fidelium ad suam voluntatem, quorum nomina, si vuit, secreto commemoret, non tamen necesse est ea exprimere, sed mente tantum eorum memoriam habeat. Potest etiam cele

brans, si pro pluribus orare intendit, ne circumstantibus sit morosus Missam in animo proponere sibi omnes illos tam vivos quam defunctos, pro quibus in ipsa Missa orare intendit, et hoc loco generaliter unico contextu ipsorum vivorum commemorationem agere, pro quibus ante Missam orare proposuit in Missa.

4. Commemoratione vivorum facta, demissis et extensis ut prius manibus, continuat,Et omnium circumstantium,

etc.

Similiter stans prosequitur, Communicantes. Cum dicit, Jesu Christi, caput Cruci inclinat; in conclusione quando dicit. Per eumdem, jungit manus. Cum dicit Hane igitur oblationem, expandit manus simul super obla ta, ita ut palmæ sint aperta versus ac supra Calicem et Hostiam quas sic tenet usque ad illa verba, Per Christum Dominum nostrum. Tunc enim jungit manus, et sic prosequitur :Quam oblationem tu Deus in omnibus quæsumus et cum dicit, benedictam, ad

scriptam, raktam, communiter signat ter super Hostiam et Calicem simul; deinde, cum dicit, ut nobis Corpus separatim signat semel super Hostiam tantumn; et cum dicit, et Sanguis, semel super Calicem tantum : deinde elevans et jungens manus ante pectus, prosequitur, fiat dilectissimi Filii tui Domini nostri Jesu Christi et inclinans caput Cruci, extergit, si opus fuerit, pollices et indices super Corporale, et dicit secreto, ut prius,Qui pridie quam pateretur, et accipiens pollice et indice dextra manusHostiam et eam cum illis ac indice et pollice sinistræ manus tenens, stans erectus ante medium altaris dicit, accepit panem in sanctas ac venerabiles manus suas, elevansque ad cœlum oculos, et statim demittens, dicit, et elevatis oculis in cœlum ad te Deum Patrem suum omnipotentem caputque aliquantulum inclinans, dicit, tibi gratias agens, et tenens Hostiam inter pollicem et indi

cem

sinistræ manus, dextera producit signum crucis super eam, dicens,benedixit. fregit, deditque discipulis suis, dicens: Accipite et manducate ex hoc omnes.

5. Si adsit vas cum aliis Ilostiis consecrandis, antequam accipiat Hostiam, discooperit manu dextera Calicem seu vas aliarum Hostiarum. Cum au tem finierit supradicta verba, cubitis super altare positis, stans capite inclinato, distincte, reverenter et secreto profert verba Consecrationis super Ho stiam, et simul super omnes, si plures sint consecrandæ, et Hostiam suam pollicibus et indicibus tantum tenens dicit, Hoe est enim Corpus meum. Quibus prolatis, celebrans tenens Hostiam inter pollices et indices prædictos super altare, reliquis manuum digitis extensis et simul junctis (et Hostiis,si plures sint consecratæ in loco, in quo a principio Missæ positæ sunt super Corporale vel in alio vase aut Calice demissis) genuflexus eam adorat: tunc se erigens, quantum commode potest, elevat in altum Iostiam, et intentis in eam oculis (quod et in elevatione Cali cis facit) populo reverenter ostendit adorandam: et mox sola manu dextera ipsam reverenter reponit super Corporale in eodem loco unde eam levavit et deinceps pollices et indices non dis.. jungit, nisi quando Hostiam consecratam tangere vel tractare debet usque ad ablutionem digitorum post commu nionem.

6. Reposita Hostia consecrata super Corporale, genuflexus ipsam venera tur, si adsit vas aliarum Hostiarum Patena vel Palla cooperit ut supra Interim dum celebrans elevat Hostiam accenso prius intorticio quod non ex tinguitur nisi postquam sacerdos Sanguinem sumpserit, vel alios commuuicaverit, si qui erant communicandi in

Missa) minister manu sinistra elevat fimbrias posteriores planetæ, ne ipsum celebrantem impediat in elevatione bra. chiorum, quod et facit in elevatione Calicis et manu dextra pulsat campanulam ter ad unamquamque elevatio nem, vel continuate, quousque sacerdos deponat Hostiam super Corporale, et similiter postmodum ad elevationem Calicis.

7. Celebrans, adorato Sacramento, surgit, et discooperit Calicem, in quem, si opus sit, extergit digitos; quod semper faciat, si aliquod fragmentum digitis adhæreat, et stans erectus dicit, Simili modo postquam cœnatum est. et ambabus manibus accipiens Calicem juxta nodum infra cuppam, et aliquantulum illum elevans, ac sta tim deponens, dicit, accipiens et hunc præclarum Calicem in sanctas ac venerabiles manus suas, etc., Cum dicit Item tibi gratias agens, caput inclinat: cum dicit, benedixit, sinistra Calicem infra cuppam tenens, dextra signat super eum et prosequens, deditque discipulis suis, etc. et ambabus manibus tenens Calicem, videlicet sinistra pedem, dextra nodum infra cuppam, cubitis super altare positis, et capite inclinato, profert atiente, continuate, et secreto, ut supra, verba Consecrationis Sanguinis: Hic est enim calix, etc. Quibus dictis, reponit Calicem super Corporale, et dicens secreto: Hæc quotiescumque feceritis, etc. genuflexus Sanguinem reverenter adorat. Tum se erigit, et accipiens Calicem discoopertum cum Sanguine ambabus manibus, ut prius, elevat eum, et erectum, quantum commode potest, ostendit populo adorandum: mox ipsum reverenter reponit super Corporale in locum pristinum, et manu dextera palla cooperit ac genuflexus Sacramentum veneratur.

8. In Missa solemni ad finem Præfationis accenduntur duo saltem intorticia ab acolythis, quæ extinguuntur post elevationem Calicis, nisi aliqui sint communicandi, et tunc extinguuntur post Communionem. In diebus etiam jejuniorum, et in Missis pro Defunctis tenentur accensa usque ad Communionem. Cum autem celebrans dicit, Quam oblationem, etc. diaconus accedit ad ejus dexteram, et ibi in superiori gradu altaris genuflexus, cum Sacramentum elevatur, fimbrias planetæ elevat, et quando opus est, se erigens, Calicem discooperit et cooperit, et cum celebrante genuflectit. Subdiaconus genuflectit in loco suo. Thuriferarius genuflexus in cornu Epistolæ ter incensat Hostiam, cum elevatur, et similiter Calicem, posito incenso in thuribulo abs que benedictione. Reposito Calice, dia conus redit ad librum, nisi alius assistat. Cæteri surgunt, et stant in locis suis.

MISSALE.

IX. De Canone post Consecrationem usque ad Orationem Dominicam.

1. EPOSITO Calice et adorato, sacer

Rdos stans ante altare, extensis

manibus ante pectus, dicit secreto: Unde et memores, etc. Cum dicit, de tuis donis ac datis, jungit manus ante pectus et cum dicit, Hostiam puTam, Hostiam sanctam, Hostiam immaculatam, manu sinistra posita super altare intra Corporale, dextera si gnat ter communiter super Hostiam et Calicem, et semel super Hostiam tantum, et semel super Calicem tantum, dicens: Panem sanctum vitæ æterno, et Calicem salutis perpetua; deinde stans ut prius, extensis mani bus, prosequitur, Supra quæ propitio, etc. Cum dicit, supplices te rogamus, etc. inclinat se ante medium altaris, manibus junctis super illo positis; cum dicit, Ex hac altaris participationé osculatur altare, manibus hinc inde super Corporale positis: cum dicit, sacroSanctum Fili tui, jungit manus, et dextra signans semel super Hostiam tantum, et semel super Calicem, sinistra super Corporale posita, dicit, Corpus, et Sanguinem sumpserimus: et cum dicit,omni benedictione

celesti, seipsum signat a fronte ad pectus signo crucis, sinistra posita infra pectus, et prosequitur, et gratia repleamur, cum dicit, Per eamdem, jungit manus.

2. Cum dicit, Memento, Domine, famulorum famularumque tuarum, etc. extensis et junctis manibus ante pectus, et usque ad faciem elevatis, et intentis oculis ad Sacramentum super altare, facit Commemorationem Fide. lium defunctorum, de quibus sibi vide tur, eodem modo ut dictum est de commemoratione vivorum. Qua commemo ratione facta, stans ut prius extensis manibus prosequitur, Ipsis, Domine, et omnibus in Christo, etc. et in fine ad Per cumdem, jungit manus, et caput inclinat.

3. Cum dicit, Nobis quoque peccatoribus, vocem aliquantulum elevat, et dextera manu pectus sibi percutit, sinistra posita super Corporale, et pro. sequitur secreto, famulis tuis, etc. stans manibus extensis ut prius. Cum dicit, Per Christum Dominum nostrum: Per quem hæc omnia, Domine semper bona creas, jungit manus ante pectus, deinde manu dextera ter signans com muniter super Hostiam et Calicem, dicit, sanctificas, vivificas, bene.

dicis, et præstas nobis, Postea discooperit manu dextera Calicem, et genuflexus Sacramentum adorat: tum se erigit, et reverenter accipit llostiam inter pollicem et indicem dexteræ manus; et cum ea super Calicem, quem manu sinistra tenet circa nodum infra cuppam, signat ter a labio ad labium

dicens, per ipsum, et cum ipso, et in ipso, et similiter cum Hostia signat bis inter Calicem et pectus, incipiens a labio Calicis, et dicit, est tibi Deo Patri omnipotenti in unitate Spiritussancti. Deinde tenens manu dextera Hostiam super Calicem, sinistra Calicem, elevat eum aliquantulum simul cum Hostia, dicens, omnis honor et gloria, et statim utrumque deponens, Hostiam collocat super Corporale, et si opus sit, digitos extergit, ut supra, ac pollices et indices ut prius jungens, Calicem Palla cooperit, et genuflexus Sacramentum adorat.

4. In Missa solemni cum celebrans dicit, per quem hæc omnia, etc. diaconus, factà Sacramento genuflexione, accedit ad dexteram celebrantis, et quando opus est, discooperit Calicem, et cum celebrante adorat: similiter cooperit, et iterum genuflectit. Cum incipit Pater noster, idem vadit retro post celebrantem, facta prius Sacramento genuflexione, ubi stat dum dicitur Oratio Dominica.

X. De Oratione Dominica, et aliis usque ad factam Communionem.

1. CELE

ELEBRANS, Cooperto Calice, adora toque Sacramento, erigit se, et manibus extensis hinc inde super altare intra Corporale positis, dicit intelligi bili voce Per omnia sæcula sæculorum, et cum dicit Oremus, jungit_manus, caput Sacramento inclinans. Cum incipit Pater noster, extendit manus, et stans oculis ad Sacramentum intentis, prosequitur usque ad finem. Responso a ministro, Sed libera nos a malo, et a celebrante submissa voce Amen, manu dextera, pollice et indice non disjunctis, Patenam aliquantulum Purifica. torio extergens, eam accipit inter indicem et medium digitos, quam tenens super altare erectam, sinistra super Corporale posita, dicit secreto, Libera nos, quæsumus, etc.

2. Antequam celebrans dicat, Da propitius pacem, elevat manu dextra Patenam de altari, et seipsum cum ea signat signo crucis, dicens, Da propitius pacem in diebus nostris, Cum signat se, manum sinistram ponit infra pectus: deinde Patenam ipsam osculatur, et prosequens, ut ope misericordiæ tuæ, etc. submittit Patenam Hostiæ, quam indice sinistro accommodat super Patenam, discooperit Calicem, et genu. flexus Sacramentum adorat, tum se erigens, accipit Hostiam inter pollicem et indicem dextræ manus, et cum illis, ac pollice et indice sinistræ manus eam super Calicem tenens, reverenter frangit per medium, dicens, Per eumdem Dominum nostrum Jesum Christum Filium tuum. et mediam partem, quam inter pollicem et indicem dextræ manus tenet, ponit super Patenam: de

alia media, quam sinistra manu tenet, frangit cum pollice et indice dextræ manus particulam, prosequens, Qui tecum vivit et regnat, etc. et eam inter ipsos dextræ manus pollicem et indicem retinens, partem majorem, quam sinistra tenet, adjungit media super Patenam posita, interim dicens, in unitate Spiritus sancti Deus, et particulam Hostiæ, quam in dextera manu retinuit, tenens super Calicem, quem sinistra per nodum infra cuppam retinet, intelligibili voce dicit Per omnia sæcula sæculorum. R.Amen; et cum ipsa particula signans ter a labio ad labium Calicis, dicit, Pax Domini sit semper vobiscum, Responso per ministrum, Et cum spiritu fuo, particulam, quam dextra manu tenet, immittit in Calicem, dicens secreto, Hæc commixtio et consecratio Corporis, etc. Deinde pollices et indices super Calicem aliquantulum tergit et jungit, Calicem Palla cooperit, et genuflexus Sacramentum adorat, surgit, et stans junctis manibus ante pectus, capite inclinato versus Sacramentum, dicit intelligibili voce, Agnus Dei, qui tollis peccata mundi, et dextra percutiens sibi pectus, sinistra super Corporale posita, dicit, miserere nobis, et deinde non jungit manus, sed iterum percutit sibi pectus, cum dicit secundo, miserere nobis, quod et tertio facit, cum dicit, Dona nobis pacem.

3. Tunc manibus junctis supra altare positis, oculisque ad Sacramentum intentis, inclinatus dicit secreto, Domine Jesu Christe, etc. Qua oratione finita, si est daturus pacem osculatur altare in medio, et instrumentum pacis ei por rectum a ministro juxta ipsum ad dexiram, hoc est in cornu Epistolæ, genuflexo, et dicit, Pax tecum, minister respondet, Et cum spiritu tuo. Si non adsit qui hujusmodi instrumento pacem recipiat a celebrante, pax non da tur, etiamsi illius datio Missæ conveniat nec osculatur altare, sed dicta præmissa oratione, statim subjungit alias orationes, ut in Ordine Missæ.

4. Si vero celebret pro Defunctis, non percutit pectus ad Agnus Dei, quia dicit, dona eis requiem: nec dicit primam orationem, Domine Jesu Christe, qui dixisti Apostolis tuis, etc. non dat pacem, sed dicit alias duas sequentes orationes Domine Jesu Christe, Fili Dei vivi, etc. Perceptio Corporis tui, etc. Quibus orationibus dictis, genufle. ctens Sacramentum adorat, et se erigens, dicit secreto, Panem cœlestem accipiam, etc. quo dicto, dextra manu accipit de Patena reverenter ambas partes lostia, et collocat inter pollicem et indicem sinistræ manus, quibus Patenam inter eumdem indicem et medium digitos supponit, et eadem manu sinistra tenens partes hujusmodi super Patenam inter pectus et Calicem pa