greis me halon é ran d'oh er sacrefice a ol er péh e zou én-an; ne hoarnan, na ne reservan nitra; m'hou pède d'em diusquein a bep desir de bligein hoah d'er bed; groeit ne chommou quet ém halon en disterran caranté doh en treu ag en doar. D'ER GOMMUNION.

Jésus tachet doh er groès.

Jésus. Andure e ran ur gloès péhani ne ellér quet comprenein, a pe doullér me zreid ha men deourne guet tacheu hir.

En inean fidel. O me Salvér, en dès er garanté tachet èl-cé doh ur groès! a pen doh me mæstre ha me roué, me venne bout én hi staguet ehué guet-n-oh; me venne bihuein ha merhuel crucefiet guet-n-oh ar en doar, a-cel-fin ma ellein bout un dé eurus guet-n-oh én nean.

ARLERH ER GOMMUNION.

Jésus sauet ar er groès

Jésus. Seuel e rér me hroès; men goulieu, péré e zou hoah fresque-bihue, e gresque, e ledanna, ha me souffranceu e zou hemb somme. Ah! perac n'ellet-hui léne er santimanteu a me halou doh men gùélet crucefiet itré deu lair! Consideret guet attantion : me bède eit m'anemiset, me hrata er baraouis d'el lair mad, me ra me Mam d'em Apostol câret, me ziscoa d'en dud e mès er brassan sehèd ag ou salvedigueah; me laqua m'inean itré deourne me Zad, hag, a pen dé achihue tout, me varhue dré garanté doh-oh.

En inean fidel. Mèn é on-mé! marhue-é Jésus, ine Jésus e zou marhue : Jésus mab Doué, en hani e ra er vuhé e zou marhue ar ur groès; inou é ma marhue aveit on. Marhue-é me Jésus! hag é varhue e zou me labour mé-memb; me féhedeué en dès lamet guet ou er vuhé. Er rehir e feute, en heaul e sclipse, en doar e gréne. Ha ma! ingrat péhour ma on, ha me vehé calettoh eit er rehir? ma ne gassan er péhed, ha ma ne bellan doh-t-ou, é ma calon un diaul e mès. O men Doué! reit d'eign er græce de ouilein bet er marhue er péhedeu a mem buhé treménet.

Jésus ér bé.

Péh ur glan a hlahar aveit Marie, pe receuas itré hé divréh er horv sacret-cé, hag a pe huélas el laquat ér bé! Guet calz a ræson é ma hanhuet Rouannès er Vartyret.

En inean fidel. Consolamb er vam carantéuscé ; séhamb hé dareu, é arsau a offancein hé mab; forbânamb er péhed ag hur haloneu, ha dihoallamb mad a reneuéein bamdé, èl m'hun nès groeit a guênt, er goulieu ag é bassion. Damb bermen d'el léh m'hur galhue en Eutru-Doué, ha n'ancoéhamb quet er reste ag en dé hun nès gùélet Jésus é verhuel ar en autær-men, durant er sacrefice adorable ag en Overen, èl pe vehemb bet ar er halvar.

E hanhue en Tad, hag er Mab, hag er Spered Santel. Amen.

LIVRIC-DOURNE

ER ROSÆR BIHUE.

Liéreu hun Tad Santel er Pab Gregoér XVI a zivout er Rosor bihue.

GREGOÉR XVI, PAB.

Bugalé a garanté, salud ha bénédiction apostolique.

É creis er glahar bras guet péhani é ma trézet hun inean dré en arben ag er malhurieu ag en amzér presant, ni hun nès cavet ur ræson vras a gonsolation én explication e za a rein d'emb hur mab câret Aloysius Lambruschini, Cardinal-Bélèg ag en Ilis Santel Rómén, a zivout ur pratique devot e za a vout sàuet a neué, principalemant én inour d'er Huérhiès glorius Varie, idan en hanhue a Rosar Bihue, dré hur merh câret Marie Jaricot, hag en dès déja, dré hou sourci ha labourieu, cresquet quement ér ranteleah a France. N'hun nès quet manquet a rein hur bennoh d'en Doué ol-buissant péhani, dré men dé er vamen a ol gonsolation hag en Tad a sclerdér, en dès

inspiret d'oh-hui ha de réral e chervige er Vam puissant-cé, er chonge santel d'hum impléein aquerh d'astenne ha de stréàuein partout hé inour santel, dré ur beden quer bère ha quen æz de laret. A greis calon enta, eit ma hum stréauou gùel-ar-huel, ha pêl-oh-pêl, er pratique devot-cé, é tamb d'hou secour dré hun autorité, ha de zigueor d'oh én intantion-zé en trésorieu sacret ag en indulgeanceu, eit péré é adressamb d'oh el liér apostolique e gavehet joéntet doh honnen.

Continuet enta, mem bugalé a garanté, de laquat hou c'ol nerh ha studie, dré er moyand ag er madeu spirituel-zé e dennamb guet quement a larganté ag en trésorieu a hræce en Eutru-Doué, eit stréàuein partout inour er Huérhiès santel, Mam de Zoué, accouraget ma oh dré er chonge-men lén a gonsolation hag a zoustér, penaus n'hun nès dangér erbet, na lam erbet de zougein, a pe vehemb goarnet ha conduyet dré-z-hi. El men dé hur brassan desir gùélet hou studie hag hun hani couronnet guet er gùellan chanche, ni e ra d'oh, guet caranté, hur bénédiction apostolique èl ur goarant a brotection en Eutru-Doué, hag ur merche ag en tuemdér ag hur halon doh-oh ha doh ol erré e zou ér verdiah devot-cé.

Reit é Rome, é Sant-Pierre, en eil a huavrér mil-eih-cand-deu-ha-tregond, er blai quetan ag ur pabonie.

GREGOÉR XVI, Pab.

Ar en adresse é ma scrihuet :

D'hur bugalé a garanté Jean-Françoes Betemps, Chanoine ag en ilis a Lyon, ha Benced Marduel, Viquél a ilis parræs Sant-Roch, é Paris.

GREGOÉR XVI, PAB.

El lier-men e zou eit ma vou dalhet chonge a nehi de virhuiquin.

Reit hun nès hur bennoh de Zoué en ol gonsolation, a p'hun nès cleuet er péh en dès laret d'emb hur mab câret Aloysius Lambruschini, Cardinal-Bélèg ag en Ilis santel Romén, a zivout ur pratique santel e za devotion apert ha sontile mara fidel a laquat én ou chonge, idan en hanhue a Kosar bihue, én inour d'er Huérhiès glorius Varie. Rac, ur gonfiance ferme hun nès a guement-men, guet secour Doué, unan ag en avantageu ag er pratique-men ne vou quet hemb quin contribuein, dré é æzemant memb, d'hobér laret liæssoh ur beden quer capable d'inourein santé– lemant Mam Doué é peb amzér hag é peb léh ; mæs èl ma ta d'en union ha d'en accord a guement a ineanneu, péré hé lare, rein dehi én ur certén façon un nerh neué, hi e sàuou agréaploh trema Doué, péhani, presset dré houlenneu accord é serviterion, hum lausque de vout touchet ha douguet de bardonnein. Rac-cé n'hun nès quet derénet a hoarnissein quentéh, guet hun autorité hac hun approbation a Bab, ur pratique

a

(

1