M25 JESU CHRISTO AETERNO DEO AETERNIQUE PATRIS CONSUBSTANTIALI FILIO SUMMO ET AETERNO SACERDOTI DEI ET HOMINUM MEDIATORI ECCLESIAE FUNDATORI QUI SOLUS EST REMUNERATOR LABORUM HAS LITURGICAS INSTITUTIONES ALOISIUS MARIA MARINGOLA OFFERT ET CONSECRAT 240 PRAEFATIO Duabus potissimum de causis, optimae spei juvenes, Sacrae Liturgiae doctrinam vobis esse arbitror summo studio exquirendam, prima, ut quae ad Dei cultum sacraque pertinent, qua par est cura et sedulitate, perficere, altera ut sanctissima Religionis dogmata per ipsam abunde expressa ac testata, et facili negotio explicare, et ab acerrimis calumniantium telis fortiter defendere valeatis. Quocirca nemini ex vobis mírum esse poterit, si tot Summi Pontifices, inprimisque Benedictus XIV, nostrisque temporibus Leo XII, ad hujusmodi excolenda studia eruditissimorum quorumque animos excitarint. Intelligebant enim Pontifices sapientissimi, non mediocres sane fructus e perspecta Sacrae Liturgiae cognitione in reliquas Theologicae Scientiae partes redundare. At vero cum nostra, tum superiore aetate quamplurimi singulari et |