Virgo citum cupiens obitum,
Appetit et bibit ore rogum.

Emicat inde Columba replens
Martyris os, nive candidior
Visa relinquere, et astra sequi:
Spiritus hic erat Eulalice
Lacteolus, celer, innocuus.

Colla fluunt, abeunte anima,
Et rogus igneus emoritur :
Pax datur artubus exanimis,
Flatus in æthera plaudit ovans,
Templaque celsa petit volucer.

Vidit et ipse satelles Avem
Feminæ ab ore meare palam:
Obstupefactus, et attonitus.
Prosilit, et sua gesta fugit :
Lictor et ipse fugit pavidus.

Ecce nivem glacialis hyems
Ingerit, et tegit omne forum :
Membraque tegit simul Eulaliæ,
Ossa jacent sub gelido,
Pallioli vice linteoli,

Cedat amor lachrymantum hominum,
Qui celebrare suprema solent:
Flebile cedat et officium;
Ipsa elementa, jubente Deo,
Exequias tibi, Virgo, ferunt.

Nunc locus Emerita est tumulo
Clara Colonia Vettoniæ,
Quam memorabilis annis Ana
Præterit, et viridante rapax
Gurgite moenia pulchra pluit.

Hic, ubi marmore perspicuo
Atria luminant alma viator,
Et peregrinus, et indigena:
Reliquias, cineresque sacros
Servat humus veneranda sinu.
Tecta corusca super rutilant
De laquearibus aureolis,
Saxaque cæsa solum variant:
Floribus ut rorulenta putes
Prata rubescere multi modis.

Carpite purpureas violas,
Sanguineosque crocos metite:
Non caret his gemellis hyems,
Laxat et arctat tepens glacies.
Floribus ut cumulet calathos.
Ista comantibus e foliis
Munera, virgo puerque date:
Ast ego serta choro et in medio
Texta feram pede Dactylico,
Vilia, marcida, festa tamen.

Sic venerari ossa libet, Ossibus Altare et impositum : Illa Dei ita sub pedibus Prospicit hæc, populosque suos Carmine proprio tali foveat.

Laudibus efferant eximiis

Astra, solum, mare, quicquid habet,

Supplicatio. Oremus Redemptorem, mutato nomine, fol. CLXXXVII.

Capitula.Jesu, Dei Filius, qui hortum Electorum ingrediens, inter lilia pasceris, quando in corpore tuo, quod est Ecclesia, Sanctarum Virginum cœtibus decoraris, ubi beatissimam Eulaliam mirabiliter B introducens, ita mirificis eam floribus maluisti fulcire,ut odor virtutum ejus tamquam floscula aromatum ad nos usque descenderet: te supplici intentione rogamus, ut, amotis figuris veteris Testamenti,quæ, velut umbræ, in typicis observationibus præcesserunt, dies illa. Evangelica utique traditio, in nobis aspirando proficiat,qualiter ita exemplo virginis Eulaliæ Evangelii lucem tota devotione sequamur,ut umbras præteriti erroris, et criminis nesciamus. Pater noster. Liberati a malo. fol. 2.

Benedictio. Deus virtutum, per quem sancta Eulalia,dum ad passionem vadit, ad gloriam pervenit, det vobis, nec vitiorum passionibus adstringi,et a passionum vitiis liberari: R. Amen. Quæ sua membra non vitiis, sed pro Deo passionibus subdidit, obtia neat vos numquam tentationum certaminibus vinci: R. Amen. Ut, sicut illa post passionem obtinuit coronam, ita vos per pœnitentiam veniatis ad veniam. R. Amen.

D

Per misericordiam.

[CCCXLU] Lauda. Sicut palma exaltata sum in gaudio. Alleluia. Et sicut oliva speciosa in campis, Alleluia.P.Sicut vitis fructifica visuavitatem odoris. Alleluia, alleluia, alleluia. V. Ego autem, sicut oliva fructifera in domo Domini, sperabo; et in misericordia Dei mei in æternum, et in sæculum sæculi. P. Sicut vitis. V. Gloria, et honor. P. Sicut vitis. Oratio, Domine Jesu Christe,qui beatam Eulaliam virginem in tenero ætatis statu, nec mundi inlecebris, nec persecutorum permisisti superari tormentis: in qua munere tuo, nec sexus vincitur, nec affectus; cujus constantiam nec sævitia, terruit,nec pœna edomuit,nec ungula minuit,nec flamma compescuit; Hujus ergo deprecatio pro nobis præsente prævaleat, ut mala a nobis præsentia, futuraque removeat. R .Amen. Per misericordiam.

Ad Matutinum. Antiphona.Labia mea aperies. Psalmus L. Oratio. Exultent Doa.ine. fol. CLXXX.

Antiphona. Surge, propera sponsa mea,et veni. Jam enim hyems transiit, et recessit. Flores apparuerunt in terram nostram. P, Quam pulchra es amica mea, et quam decora! Pulchriores oculitui

Antiphona. Gaude et lætare in omni corde, filia A Sion: P. Ecce Dominus in medio tui fortis exultabit super te in laude. V. Delectare in Domino: et dabit tibi petitiones cordis tui. P. Ecce Dominus V. Gloria, et honor Patri. P. Ecce Dominus.

Oratio. Gaude et lætare filia Sion, quia abstuliDominus inimicos tuos, dum te, et in passione victricem, et ab omni contagio hæresum reddidit innocentem; quæsumus ergo, ut meritis tuis ab omni tentatione salvemur, qui diem tuum venerantes incolimus; et qui in te vicisse credimus Christum, nos per eum vicisse lætemur impulsiones carnalium passionum. R. Amen.

Per misericordiam.

Antiphona. Veni sponsa ad præparatum regnum cœlorum, intra in gaudium, P. Et percipe benedic- B tionem a Domino. V. Non det in commotionem pedem tuum: neque obdormitet qui custodit te. P. Et percipe. V. Gloria, et honor Patri. P. Et percipe.

Oratio. Domine Jesu Christe, qui beatissimæ martyris tuæ Eulaliæ corpusculum in Cruce pendentem superna adsparsione vestiti, ut et candor virginem, et refrigerium indueret martyrem : adsiste nobis propitius, et tantis in martyre semper ostende beneficiis; dum per illam, et superna dona prærogas, et martyris excubias miraculis propagas, et Ecclesiæ festa, eadem visitando dignanter inradias. R. Amen. Per misericordiam tuam.

Antiphona, Virgo Israel, ornaberis tympanis tuis, P. Et egredieris in choro psallentium. . Audi filia, et vide, et inclina aurem tuam : et obliviscere populum tuum, et domum patris tui. P. Et egredieris. V. Gloria, et honor. P. Et egredieris.

Oratio. Domine Jesu Christe, qui animam famulæ tuæ Eulaliæ beatissimæ martyris pro te feliciter triumphantem examinas per flammam, suscipis per columbam, et tibimet copulas in gloria sempiterna: adesto [CCCXLIV] nobis, ut Spiritus martyris non desit supplicantibus in suffragio, qui etiam persequentibus refulsit insigni miraculo; nec aliquando recedat beneficiis ab Ecclesia, quæ apud te requiescit in cœlesti aula. R. Amen.

Per misericordiam tuam.

R. Hæc dicit Dominus: Dilectione æterna dilexi te.P. Propterea attraxi te ad misericodiam. Adhuc ædificabo te, et ædificaberis virgo Israel: tolle tym. panum tuum, et procede in choro psallentium,quoniam veniet tibi dies consolationis. R. Recordatus sum tui, miserans adolescentiam tuam, et charitatem desponsationis tuæ. P. Propterea attraxi. V. Gloria, et honor Patri. P. Propterea.

Oratio. Audi, et suscipe precantium vota, dilecta Dei virgo Eulalia, quæ sponsa Christi de fide, soror monstraris esse de sanguine : effluant in nobis flores virtutum, effugiant umbræ tentationum : exemplo tuo proficiamus in melius, ne in deterius consistentes, vitæ dona perdamus: ut cum tempus putationis advenerit; et fides, qua Christum credimus,

C

nos liberet a suppliciis, et affectus, qua illi propinquare nitimur, nos ditet muneribus sempiternis. R. Amen.

Per misericordiam.

In Laudibus.

Ad Canticum. Antiphona. Tu nosti, Domine, quia non comederim in mensa execrationis, nec biberim vinum libaminum : nunquam enim lætata est ancilla tua, nisi in te, Domine.

Canticum Esther (Cap. xiv).

Domine mi, rex omnipotens, adjuva me sollicitam, et cujus præter te nullus auxiliator est alius. Periculum meum in manu mea est.

Audivi enim a patre meo, quod tu Domine tulisti Israel de cunctis gentibus, et patres nostros ex omnibus retro majoribus suis,

Ut possideres hereditatem sempiternam, * fecistique eis sicut locutus es.

Peccavimus in conspectu tuo, et idcirco tradidisti nos in manu inimicorum nostrorum:

Justus es Domine: et nunc non eis sufficit, quod durissima nos opprimunt servitute,

Sed robur manuum suarum, idolorum potentiæ deputantes, volunt tua mutare promissa, et delere hereditatem tuam.

Et claudere ora laudantium, atque extinguere gloriam templi et altaris tui,

Ut aperiantora gentium,et laudentidolorum fortitudinem, et prædicent carnalem regem in sempiternum.

Ne tradas Domine sceptrum tuum his, qui non sunt, ne rideat ad ruinam nostram :

Sed convertere consilium eorum super eos, et eum, qui in noз cœpit sævire, disperde.

Memento Domine, et ostende te nobis in tempore tribulationis nostræ, et mihi da fiduciam rex deorum, et universe, Domine, potestatis :

Tribue sermonem compositum in ore meo in conspectu leonis, et transfer cor illius in odium hostis nostri, 'utet ipse pereat, et cæteri qui ei concentiunt.

Nos cum libera manu tua adjuva, nullum alium habemus auxiliatorem, nisi, te, Domine, habens omnium scientiam ; et nosti quod oderim gloriam iniquorum.

Et detester cubile incircumcisorum, et omnis alienigenæ.

Tu scis necessitatem meam, quod oderim signum superbiæ et gloriæ meæ, * quod est super caput meum in diebus ostentationis meæ.

Et dedester illud quasi pannum menstruatæ, * et quod non comportem illud in diebus silentii mei. Et quod non comederim in mensa Aman, * nec mihi placuerit convivium regis, nec biberim vinum libaminum :

Et quod numquam lætata sit ancilla tua, ex quo huc translata sum usque in præsentem diem, * nisi in te Domine Deus Abraham.

Deus fortis super omnes, exaudi vocem eorum

Oratio. Auxilio tuo, Domine, defendendam,tuendamque nostram committimus imbecillitatem, ut tuum sit, nos evadere de muscipulis impiorum, cujus fuit, venerandam Eulaliam non cedere terroribus persequentium; ac sicut illam atrocitas non terruit sævientis, ita non queant inducere nos decipula oblatrantis; ut ipse unus per nos vinca. tur suis convitiis et erroribus cunctis, qui expugnatus est per Eulaliam,passione superante. R. Amen. Per misericordiam tuam.

Ad Benedictus. Antiphona. Filia Sion, benedic Domino Deo excelso in omni benedictione, et laude. Canticum. Benedictus es Domine. fol. 6.

[CCCXLV] Oratio. Beata Dei Virgo, quæ in Sion B speculatione gloriosa consistis, quam Deus ipse dilexisse testatur, ex quo tibi non recessuram ultra misericordiam pollicetur; da nobis Domine meritis suis, ut amore divino flagrantes, in futuro judicio inveniamur indemnes. Amen. Et adjuti gratia divinitatis illius, qui est pius, et misericors in omnia sæcula sæculorum. R. Amen.

Lectio libri Ecclesiastici Salomonis (Cap. xxiv). Deo gratias.

Sapientia laudabit animam suam, et in Domino honorabitur, in medio populi sui gloriabitur, in ecclesiis Altissimi aperiet os suum, et in conspectu virtutis illius honorabitur, in medio populi exaltabitur, et in plenitudine sancta admirabitur, in multitudine electorum habebit laudem, et inter benedictos benedicetur, dicens : Quasi cedrus exaltata sum in Libano, et quasi cypressus in montem Sion: quasi palma exaltata sum in Cades, et quasi plantatio rosæ in Jericho : Quasi oliva speciosa in campis, et quasi platanus dilatata sum juxta aquam in plateis. Sicut cinnamomum aspalathum aromatizans odorem dedi: quasi myrrha electa dedi suavilatem odoris quasi storax, et galbanus, et ungula, et gutta, et quasi libanus non incensus vaporavi habitationem meam, et quasi balsamum non mistum odor meus. Ego quasi terebinthus expandi ramos meos,etrami mei rami honoris et gratiæ. Ego quasi vitis fructificavi odorem suavitatis; et flores mei flores honoris et honestatis. Ego mater pulchræ dilectionis, et timoris, et agnitionis, sanctæ spei. In me gratia omnis vitæ et veritatis, in me omnis spes vitæ et virtus. Transite ad me omnes qui concupiscitis me, et a generationibus meis implemini: Spiritus enim

Ꭰ

et favum: Memoria mea in generatione sæculorum. Qui edunt me, adhuc esurient: et qui bibunt me, adhuc sitiunt. Qui audiunt me, non confundentur et qui operantur in me, non peccant. Qui elucidant me, vitam æternam posssidebunt. R. Amen. Hymnus.

Laudem beatæ Eulaliæ
Puro canamus pectore:
Quam Christus inter Martyres
Casto sacravit sanguine.
Quæ clausa duris postibus,
Interque fortes cardines;
Somni, cibique nescia
Christum canebat pervigil.

Custos tremendi luminis
Lux stupebat in vinculis
In Carceris angustia
Mentis beatæ gaudia.

Judex furore turbidus,
Surgit cruentis faucibus,
Et increpat noctis moram,
Sanctam daturus hostiam.

Lentoque primo verbere
Christi puella cæditur;
Sed consecrare pernegat
Libamen aris impium.

Tunc in reciso stipite
Ductis in altum brachiis,
Latus Puellæ cæditur,
Nudaque flammis uritur.

Victor recedit spiritus,
Corpus relinquens pallidum;
Quod lege mortis perditum
Reducat ad vitam Deus.

Jam jam quieti psallite,
Patrique laudem dicite,
Christumque laudemus pium,
Simulque Sanctum Spiritum.
Hæc nos redemit Trinitas,
Cujus perennis gloria
In sæcla nescit mori,
Vivens per omne sæculum.
Amen.

Supplicatio. Oremus Redemptorem mundi, mutato nomine, fol. CLXXXVII.

Capitula. Domine Jesu Christe, cui beata Eulalia et virgo placuit, et martyr adhæsit: dum tibi et virgo permanet casta, et pro te extenditur in catasta; dum tibi corpus servat integrum, et pro te gaudet ungulis exaratum ejus pudicitiæ, atque victoriæ favens, nobis propitius esse dignare ; ut et immunditiæ nostræ ejus oratione abluantur, [CCCXLVI] et tormenta ejus fortitudine resolvantur. Pater noster. Liberati a malo. fol. 2.

Lauda. Sicut palma exaltala sum. Benedictio. Deus virtutum. Require in Vesperis præcedentibus. In exeunte Vespera.

Lauda. Lucerna pedibus meis. fol. CLX.

Sono. Dominus Deus cœli. Quære retro in Ves- A peris præcedentibus.

Antiphona. Gaude filia Sion, jubila Filia Hierusalem. P. Ecce Rex tuus venit tibi justus, conservans. V. Gloriosa dicta sunt de te, civitas Dei. P. Ecce Rex. V. Gloria, et honor. P. Ecce Rex.

Dominus sit. R. Et cum.

Lauda. Specie et pulchritudine. fol. CLXXIX.
Hymnus. Landem beatæ Eulaliæ.

Supplicatio. Oremus Redemptionem. Quære retro in Laudibus.

Capitula. Domine Jesu Christe, qui sanctæ Eulaliæ tuæ arcana possidens, ei et virginitatis pudorem, et passionis tribuisti ruborem, dum et pudica in Secreto, et invicta in foro, et illic manet, ut te promereatur, et hic vincit, ut a te coronetur: an- B nue precibus ejus, ut conscientiam nostram ita pudor possideat, ne deserat fortitudo: illic tranquilla maneat, ne contaminetur : hic vincere studeat, ut probetur, Piissime.

Pater noster. Liberati a malo. fol. 2.

Benedictio. Dominus Jesus Christus, qui sanctam Eulaliam constantia roboravit, vos in tentatione robustos statuat: R. Amen. Qui eam passione glorificavit, a vobis passionum ignominiam tergat R. Amen. Qui illam inter tormenta victricem tortorum fecit, vos inter turbines Mundi eruat ab omni eventu periculi. R. Amen.

Lauda. Sicut palma exaltata. Oratio. Domine Jesu Christe, qui beatam Eulaliam. Quære in Vesperis præcedentibus.

DIE XII.

IN FESTO SANCTÆ EUGENIÆ VIRGINIS, ET COMITUM

EJUS MARTYRUM.

Ad Vesperum.

Lauda. Exortum est. fol. CLXII. Sono. Gaudete justi. Fol. CLXV. Antiphona. Viri justi. fol. CLXII. Lauda. Invocabant Dominum. fol. CLXVIII.

Hymnus.

Honore Sanctæ Eugeniæ

Castis canamus laudibus :

Christo fideli jubilo,

Dulci psallamus modulo.

Qui dudum Sanctam Virginem

Puro sacravit pectore,

Mentis arcana possidens,

Sacro nitore inluminat.

Fidelis Christi famula

Mundi calcat jactantiam,
Arctum callem arripiens,
Vitam cœlestem sequitur.
Castam vitam dum ageret,
Cœnobioque degeret,
Pater effecta Monachis,
Matrem celabat tegmine.

Edax morbi libidinis
Vexat pectus Melantiæ;
Pulchrum vultumque ut viderat,
Amore cœco carpitur.

C

D

Quem Virgo Christi pervidens
Suis pellit eloquiis,
Sævumque virus aspidum,
Certo refutans carmine,

Illa Tribunal Judicis,
Furore armata Dæmonis,
Verbis malignis adpetit,
Castam expugnans animam.

Sed est cremata obscœnitas,
Sancta probatur castitas;
Præfectus, dum Eugeniam,
Prolem recepit propriam.
Illico temnunt idola :
Reseratur Ecclesia:
Pater in sacerdotio
Martyr dicatus est Christo.
Maxque ab Alexandria
Roma revertit Claudia
Cum prole; sed Eugenia
Christi sectatur atria.

Tunc cælebsque Eugenia
Prothum, Hyacinthum socios,
Virtute Christi refertos,
Basilla offert famulos

Divinis mox oraculis Corda perlustrant Virginis; Ob hoc Pompejus dispuit, Et Christum Deum credidit,

Pro quo ense percutitur, Et Christo sponso jungitur : [CCCXLVII] Prothus et Hyacinthus iterum Plectuntur collo gladio.

Tetris post hæc Eugenia Bis denis trusa feriis, Nescia potusque cibi Mucrone plectitur civis.

Coelis locatur Spiritus Sanctorum cum agminibus: Nos annuis recursibus Hymnum Deo persolvimus;

Horum nos, Deus, meritis Ablatos nunc a vitiis, Sursum reduc a sordibus, Reformans sacris sedibus.

Præsta Pater tu inclyte, Cuncta qui regis cum Prole Paraclito cum Spiritu

Simul per omne sæculum.

Amen.