MATRIMONIIS MIXTIS INTER CATHOLICOS ET PROTESTANTE S. Scripsit AUGUSTINUS DE ROSKOVÁNY, ANTEA CANONICUS AGRIENSIS, NUNC EPISCOPUS VACIENSIS. Tomus III. BIBL Supplementa ad Tom. 1. et 2. item Continuationem historiae PESTINI, 1854. Typis Gustavi Emich, Typographo-Bibliopolae. 110. m. 268. MONITU M. Cum quaestio de matrimoniis mixtis inter Catholicos et Protestantes, cuius historiam duobus Tomis anno 1842. Quinqueecclesiis editis usque annum 1841. perduxeram, deinceps quoque tum in pluribus Regnis ac Provinciis publicae Administrorum, Comitiorum, ac Principum discussioni subjecta, tum per Eruditos in permultis opusculis libellisque ventilata disputataque fuerit, sed et Monumenta complura ad historiam quaestionis primis duobus Tomis vulgatam spectantia primum post editos hos Tomos ad manus venerint, multumque momenti habeant: visum est, Tomo huic tertio tam Monumenta haec supplementi instar inserere, quam historiam matr. mixtorum inde ab anno 1841. usque a. 1853. perductam continuative proponere. In Tomo hoc Monumenta bis centum et triginta vulgantur, Literatura vero centum septuaginta quatuor Auctorum de mixtis matrimoniis tractantium sistit conspectum. Pro commodo lectoris in tractatu historico huius Tomi prout inviatio ad primum operis Tomum, ita id quoque accurate adnotatum est, quo loco correspondens Monumentum quaerendum sit. Vacii Calendis Januariis 1854, |