Curat; et votis puerorum amicas
Adplicat auris.

Hæc Jovem sentire Deosque cunctos, Spem bonam certamque domum reporto, 75 Doctus et Phoebi chorus et Dianæ

Q. HORATII FLACCI

CARMINUM

LIBER QUARTUS.

I.

AD VENEREM.

INTERMISSA, Venus, diu

Rursus bella moves? parce precor, precor.

Non sum qualis eram bonæ

Sub regno Cinara. desine, dulcium

5 Mater sæva Cupidinum,

Circa lustra decem flectere mollibus

Jam durum imperiis: abi

Quo blandæ juvenum te revocant preces.

Tempestivius in domum

10 Paulli, purpureis ales oloribus,

Comissabere Maximi;

Si torrere jecur quæris idoneum.

Namque et nobilis, et decens,

Et pro sollicitis non tacitus reis,

v. 9. Vulg. DOмO.

R

15 Et centum puer artium,

20

Late signa feret militiæ tuæ:

Et, quandoque potentior

Largi muneribus riserit æmuli,
Albanos prope te lacus

Ponet marmoream sub trabe citrea.

Illic plurima naribus

Duces tura; lyraque et Berecyntia
Delectabere tibia

Mixtis carminibus non sine fistula.

25 Illic bis pueri die

30

Numen cum teneris virginibus tuum
Laudantes, pede candido

In morem Salium ter quatient humum.
Me nec femina, nec puer

Jam, nec spes animi credula mutui,

Nec certare juvat mero,

Nec vincire novis tempora floribus.

Sed cur heu! Ligurine, cur

Manat rara meas lacrima per genas?

35 Cur facunda parum decoro

40

Inter verba cadit lingua silentio ?

Nocturnis ego somniis

Jam captum teneo, jam volucrem sequor Te per gramina Martii

Campi, te per aquas, dure, volubilis.

v. 18. Vulg. LARGIS.

22. 23. LYRA, BERECYNTIA, Tibiæ.

II.

AD ANTONIUM IULUM.

PINDARUM quisquis studet æmulari,
Iule, ceratis ope Dædalea

Nititur pennis, vitreo daturus

Nomina ponto.

5 Monte decurrens velut amnis, imbres

Quem super notas aluere ripas,

Fervet, inmensusque ruit profundo

Pindarus ore;

Laurea donandus Apollinari,

10 Seu per audacis nova dithyrambos Verba devolvit, numerisque fertur Lege solutis:

Seu Deos, regesve canit Deorum Sanguinem, per quos cecidere justa 15 Morte Centauri, cecidit tremendæ Flamma Chimæræ :

Sive, quos Elea domum reducit

Palma cælestis, pugilemve equumve

Dicit, et centum potiore signis

Munere donat:

Flebili sponsæ juvenemve raptum

Plorat, et vires animumque moresque

Aureos educit in astra, nigroque

Invidet Orco.

v. 13. Vulg. REGESQUE.

25 Multa Dircæum levat aura cycnum,

Tendit, Antoni, quotiens in altos
Nubium tractus: ego, apis Matinæ
More modoque

Grata carpentis thyma per laborem,
30 Plurimum circa nemus uvidique
Tiburis rivos operosa parvus
Carmina fingo.

Concines majore poëta plectro

Cæsarem, quandoque trahet ferocis

35 Per sacrum clivom merita decorus
Fronde Sygambros:

Quo nihil majus meliusve terris
Fata donavere bonique Divi,

Nec dabunt, quamvis redeant in aurum

40 Tempora priscum.

Concines lætosque dies, et Urbis

Publicum ludum super inpetrato

Fortis Augusti reditu, forumque
Litibus orbum.

45 Tum meæ (si quid loquor audiendum)
Vocis accedet bona pars; et, O sol
Pulcher, ô laudande, canam, recepto

Cæsare felix.

Isque dum procedit, Io triumphe, 50 Non semel dicemus, Io triumphe, Civitas omnis; dabimusque Divis Tura benignis.

v. 31. Vulg. RIPAS.

45. LOQUAR. 49. TUQUE, PROCEDIS.