O SEPE mecum tempus in ultimum
Deducte, Bruto militiæ duce,
Quis te redonavit Quiritem

Dîs patriis, Italoque cælo,

5 Pompei, meorum prime sodalium? Cum quo morantem sæpe diem mero Fregi, coronatus nitentis

Malobathro Syrio capillos.

Tecum Philippos et celerem fugam 10 Sensi, relicta non bene parmula; Cum fracta virtus, et minaces,

15

Turpe, solum tetigere mento..
Sed me per hostis Mercurius celer
Denso paventem sustulit aëre :

Te rursus in bellum resorbens
Unda fretis tulit æstuosis.

v. 19. Vulg. FERTILI.

20

Ergo obligatam redde Jovi dapem;
Longaque fessum militia latus

Depone sub lauru mea; nec

Parce cadis tibi destinatis.

Oblivioso levia Massico

Ciboria exple: funde capacibus

Unguenta de conchis. quis udo

Deproperare apio coronas

25 Curatve myrto? quem Venus arbitrum

Dicet bibendi? non ego sanius

Bacchabor Edonis: recepto

Dulce mihi furere est amico.

VIII.

AD BARINEN.

ULLA si juris tibi pejerati

Pœna, Barine, nocuisset unquam ;

Dente si nigro fieres, vel uno

Turpior ungui;

5 Crederem: sed tu, simul obligasti

Perfidum votis caput, enitescis

Pulchrior multo, juvenumque prodis

Publica cura.

Expedit matris cineres opertos

10 Fallere, et toto taciturna noctis

Signa cum cælo, gelidaque Divos
Morte carentis.

Ridet hoc, inquam, Venus ipsa; rident Simplices Nymphæ, ferus et Cupido, 15 Semper ardentis acuens sagittas Cote cruenta.

20

Adde, quod pubes tibi crescit omnis.
Servitus crescit nova: nec priores
Inpiæ tectum dominæ relinquunt,
Sæpe minati.

Te suis matres metuunt juvencis,
Te senes parci; miseræque, nuper
Virgines, nuptæ, tua ne retardet

Aura maritos.

IX.

AD VALGIUM.

NoN semper imbres nubibus hispidos
Manant in agros; aut mare Caspium
Vexant inæquales procellæ

Usque; nec Armeniis in oris,

5 Amice Valgi, stat glacies iners Mensis per omnis; aut Aquilonibus

Querceta Gargani- laborant,

Et foliis viduantur orni.

Tu semper urgues flebilibus modis

10 Mysten ademtum; nec tibi Vespero Surgente decedunt amores,

Nec rapidum fugiente solem.

15

20

At non ter ævo functus amabilem
Ploravit omnis Antilochum senex

Annos; nec inpubem parentes

Troïlon, aut Phrygiæ sorores
Flevere semper. desine mollium
Tandem querelarum; et potius nova
Cantemus Augusti tropæa

Cæsaris et rigidum Niphaten,
Medumque flumen gentibus additum

Victis, minores, volvere vortices;
Intraque præscriptum Gelonos

Exiguis equitare campis.

X.

AD LICINIUM.

RECTIUS Vives, Licini, neque altum

Semper urguendo; neque, dum procellas
Cautus horrescis, nimium premendo

Litus iniquum.

5 Auream quisquis mediocritatem

Diligit tutus, caret obsoleti

Sordibus tecti, caret invidenda

Sobrius aula.

Sæpius ventis agitatur ingens

10 Pinus; et celsæ graviore casu

Decidunt turres; feriuntque summos

Fulgura montis.

v. 12. Vulg. FULMINA.

Sperat infestis, metuit secundis

Alteram sortem bene præparatum 15 Pectus. informis hiemes reducit Juppiter; idem

20

Submovet: non, si male nunc, et olim
Sic erit: quondam citharæ tacentem
Suscitat musam, neque semper arcum
Tendit Apollo.

Rebus angustis animosus atque

Fortis appare: sapienter idem

Contrahes vento nimium secundo

Turgida vela.

XI.

AD QUINTIUM.

QUID bellicosus Cantaber, et Scythes,
Hirpine Quinti, cogitet Hadria

Divisus objecto, remittas

Quærere; nec trepides in usum

5 Poscentis ævi pauca. fugit retro Levis juventas et decor, arida

Pellente lascivos amores

Canitie, facilemque somnum.

Non semper idem floribus est honor

10 Vernis; neque uno Luna rubens nitet

Voltu. quid æternis minorem

Consiliis animum fatigas?