Obrazy na stronie
PDF
ePub
[blocks in formation]

55

min liep muoz diu vil liebe sîn,

min liep daz kan wol twingen:

und owe, liep, solt ich mit liebe ringen!
Vil maneger hande varwe hat

in sînem krâm der meie,

Diu heide wunneclîche stât

mit bluomen maniger leie,

Sint gel grüen rôt, sint blå brûn blanc,

60 sint wunneclich entsprungen;

diu vogelin hohent ir gesanc:

mich mac diu liebe jungen.

hei, wirt si mir, sô habe ich wol gesungen.

Min liep sô vil der schone treit,

65 von dem ich singe hiure.

Min lieb ist liep, ez ist niht leit,

mîn lieb ist vil gehiure.

Min lieb ist vrô, daz lâze ich sin,

min lieb in rehter güete,

70 min lieb ist rehter sælden schrîn.

daz ir got iemer hüete:

wie gar min herze denne in fröiden blüete!

XLV. Der Hardegger.

Ich bin ûf einer verte då mich niht erwenden mac:
ich rîte unz an die herberge einen iegeslichen tac,
ez, sî trucken, ez sî naz、

ald swie diu wazzer vliezen in den landen.

5 In fürhte ouch niht die morder alsô grôz als umb ein hår noch die rouber ûf den strâzen, wizzent daz für wâr: ich laze ouch niht dur sküniges haz

10

15

noch dur die fürsten, ob siz wolden anden.

Wolten mir dann gråven wern

und al die frien die uns sint gesezzen,

ob die zein ander wolten swern,

dar zuo die werden dienestman, der ich niht sol vergezzen, und ouch die starken stete in al der werlte rehte gar:

dien irten mich der verte niht

die ich dar muoz und ouch ungerne var.

20

Ez wirt vil tiere in drùhen und in stricken oft ersnellet: daz kumt daz si niht wizzen wâ man in die lâge tuot; Der doch deheinez niemer würde gevangen noch ervellet, möhten si rehte wizzen wol der wildenære muot.

Hie bi heiz ich die menschen tumber danne iht wildes si: die wizzen beidenthalp den snal,

des libes tôt, der sêle val,

und sint doch endehafter sorgen umbe ir strûchen vrî.

XLVI. Hêr Reinmâr von Brennenberc.

Lieber meie, nu ist dîn schoene

aber leider gar zergân

Und der kleinen vogele done:

wenne hebent sî nu an,

5 Nahtegal ir süezen sanc?
er wil komen zorneclichen

der uns vert die bluomen twanc.
Sol ich ane lôn belîben,

sô muoz ich klagen ander nôt: 10 Diu wol trûren mac vertriben mit ir süezem munde rôt,

15

Diu verderbet mir den lip. frowe, ir twinget niht sô sêre: ah, là stân, vil sælic wip!

Ich muoz einez noch gedenken: dâ von lide ich ungemach.

Do ich von ir muoste wenken
und mir liebes niht geschach,
Dô verlôs ich fröiden trôst.
20 noch hât mich diu minnecliche
sender sorgen niht crlôst.

Sendiu leit und kumber swære,
seht, diu sint mir nû bereit,
Sît diu liebe sældenbære

25 mir ir hulde hât verseit.

Seht, dô sprach sî ́deist erwant:
ich wil iuch mit güete minnen.'
frowe, nu gebt mir iuwer hant.

Diu Liebe zuo der Schoene sprach ich bin gewert 30 vil maniges stolzen heldes und vil maniger werden vrouwen.' Diu Schoene sprach 'ich bin noch hohers werdes wert

daz ich dur mînen fröiden lust mich lâze in wirde schouwen.'

Diu Liebe sprach 'swem ich bin liep,

dem dunke ich schone und då bi guot, des ich mich underwinde.'

35 din Schoene sprach du bist ein diep:

sô bin ich offenbâr und lâze mich in fröiden vinden.'

diu Liebe sprach 'sô kan ich sliezen zwei in ein,

der du niht kanst ensliezen, swie dîn varwe ie schein

durliuhtec glanz und dîn vil liehter aneblic.

40 ich gen dir vor, du gêst mir nâch, und reiz dich in der minnen stric.'

Diu Schoene sprach vrò Liebe, sît daz ir nu sît gewaldic der vil süezen minne, wer kan daz gelîmen Daz iuwer rât dem senden herzen siufzen gît

und alsô hôhe twingen kan? daz sult ir mir nu rîmen.'

45 Diu Liebe sprach ich sage ez dir:

ich var aldur die ganzen tür; kein herze ist mir z'enge.'

diu Schoene sprach 'ist daz, dîn gir,

sô hân ich ruom und hôhen prîs die wîte und ouch die lenge.' diu Liebe sprach 'sô bin ich süeze und dà bî guot.'

50 diu Schoene sprach ich bin mit wirdekeit behuot.'

diu Liebe sprach ich hân der minne slôzgewalt.'

diu Schoene sprach ich hân zen fröiden manigen werden helt

Schoen unde liep diu vüegent mit ein ander bî

gestalt.'

baz dann der liehte rubîn tuo in dem vil klaren golde.

55 Schoen âne liep daz ist der rchten minne vrî:

so wol in der si mit ein ander beide triuten solde!

Schoen unde liep diu liebent wol

den ougen und den herzen baz den sî die minne enzündent.

schoen unde liep man prîsen sol,

60 swâ sî mit ganzer stætekeit sich zuo dem manne gevründent. schoen unde liep dag ist ein minneclîchez wip.

schoen unde lieb ist mînes herzen leitvertrîp.

schoen unde liep daz machet al mîn trûren laz.

diu schone gît mir hôhen muot: diu liebe tuot dem herzen baz.

65 Wâ sint nu alle die von minnen sungen ê?

si sint meistôt, die al der werlde fröide kunden machen.

Von Sente Gallen friunt, dîn scheiden tuot mir wê:

du riuwes mich, dîns schimpfes maniger kunde wol gelachen. Reinmar, dins sanges maniger gert,

70 ich muoz dich klagen und mînen meister von der Vogelweide. von Niuwenburc ein hêrre wert

und ouch von Rucke Heinrich sungen wol von minnen beide. von Johansdorf und ouch von Hûsen Friderich

die sungen wol, mit sange wârens hovelich,

75 Walther von Metz, Rubin, und einer, hiez Wahsmuot.

von Guotenburc Uolrich, der liute vil din singen dûhte guot.

[blocks in formation]

10

15

wer sach ie sô schoenen plån?

der brach ich zeinem kranze,

den truoc ich mit tschoie zuo den frouwen an dem tanze. well ieman werden hôhgemuot, der hebe sich ùf die schanze. Da stât viol unde klê,

sumerlaten, gamandrê,

die werden zîtelôsen,

ôstergloien vant ich då, die liljen und die rôsen:

dâ wunschte ich daz ich sament miner frowen solte kôsen.

Si gap mir an ir den prîs

daz, ich wære ir dulz amis

mit dienste disen meien:

dur si so wil ich reien.

Ein fôres stuont dà nâhen,

20. aldar begunde ich gàhen: dà hôrte ich mich empfahen

die vogel alsô suoze.

so wol dem selben gruoze!
Ich hôrt då wol tschantieren,

25 die nahtegal toubieren:
aldâ muost ich parlieren

ze rehte: wie mir wære?

ich was an alle swære.

Ein riviere ich dâ gesach,

30 durh den fôres gieng ein bach

zetal übr ein plåniure.

ich sleich ir nâch unz ich si vant die schoenen crêâtiure.

bi dem fontâne saz, diu klâre süeze von faitiure.

Ir ougen lieht und wol gestalt,

35 si was an sprüchen niht ze balt,

man mehte si wol liden.

ir munt ist rôt, ir kel ist blanc,

« PoprzedniaDalej »