von hovemünchen und von klôsterrittern kan ich niht gesagen. Hofmünchen klôsterrittern, disen beiden wolt ich ir reht ze rehte wol bescheiden, ob sie sich wolten lâzen vinden 10 dâ sie ze rehte solten wesen: in klôster münche suln genesen, so suln des hoves sich ritter underwinden. Waz kleider frowen wol an stê? des wil ich iuch bescheiden: ein hemde wîz alsam ein snê, 15 daz ist daz sie got minne und habe in liep, dêst wol ein rîchez kleit. Dar obe sol sin ein roc gesniten, sô daz sie liep und leit sol tragen mit vil kiuschen siten. ir gürtel sî diu minne, ir vürspan daz sie tugende sî bereit; 20 ob iht des sî daz wandels an ir blecke. dar obe ein schapel von der art daz sie vor valsche si bewart: sie sælic wip, der lop ist immer niuwe. 25 Ein lip, zwô sêle, ein munt, ein muot, ein triwe vor missewende und ouch vor varnder scham behuot, hie zwei, dâ zwei, in eime vereinet gar mit stæten triuwen ganz: Swâ liep mit liebe des wirt enein, då kan ich niht gedenken daz golt silber edel gestein 30 der zweier fröide vergulte diu sich biut durch liehter venster glanz. Und ob diu minue der zweier herze bünde, swå man diu beide undr einer decke fünde, då möht wol sîn der sælden dach. 35 nu wol im dem ez, ie geschach! ich weiz daz wol daz, sin got niht verdrüzze. Turnieren was ê ritterlich: nu ist ez rinderlich toblich tôtreis und mordes rich, mortmezzer und mortkolbe, gesliffen aks gar ùf des mannes tot: 40 Sus ist der turnei nu gestalt, des werdent schoenen frowen ir ougen rôt, ir herze kalt, Dò man turnierens pflac dur ritters lère, dur hôhen muot, dur hübescheit und dur êre, 45 dô hæte man umb eine decke ungerne erwürget guoten man. swer daz nu tuot und daz wol kan, der dunket sich zer werde gar ein recke. Ein höuschrek wânde ein löuwe sin, 50 dô sprach ein heime 'mich bedunkt ich sî ein howendez swin.' ein ohse wânde dag er sunge baz dann ie kein nahtegal. Dô sprach ein afte wæn ich bin daz schoenste tier.' ein tôre jach sô hân ich wîsen sin.' ein snegge wolte springen vür den lêhbart beide berc unt tal. 55 Ein môr sprach mich mac nieman überwîzen.' ein hase sprach 'ich tar wol wolve bîzen.' ein igel sprach 'mîn hût ist linde: solt ich ez bî dem eide sagen, sie möhte ein keiserinne tragen 60 ze næhste an ir.' die lüge sint alle swinde. Ez was ein gar unsælic man in einer stat gesezzen, dar inne er nie kein heil gewan: der dâhte 'ich wil versuochen wie mîn glücke in frömden landen sî.' Dô im der reise ze muote wart, 65 Unsæld wart sîn geverte, diu huop sich mit im ûf die vart. er lief gein einem walde: er wànde er wære Unsælden worden vrî. Er sprach 'Unsæld, nu bin ich dir entrunnen.' 'nein', sprach Unsælde, 'ich hân den sig gewunnen. swaz du gelief, daz selbe ich rande: 70 ûf dînem hals was mîn gemach.' der man dô zuo im selben sprach 'sost niht sô guot, ichn kêre wider ze lande.' Swenn ein vluorzùn driu jâr gestat und daz ein hunt des zûnes alter driu verslizzen hat, 75 wirt danne ein ros drîstunt als alt also der hunt, deist alt genuoc: Wirt danne ein man drîstunt als alt also daz ros, seht der ist allen wîben gar ze kalt, ern ist niht minnebær, swie vil er fiurs hie vor uz helme sluoc. Swer in dan vor geriht kampfliche an sprichet, 80 day alte hovereht er an im brichet: daz sult ir sunder triegen wizzen. ist daz ich ez beziugen sol, so beziuge ichz mit hêrn Hoier wol, der hat driu rosses alter wol verslizzen. 85 Ich hàn gehæret manigen tac daz eteswenne ein nagel cin îsen wol behaben mac und daz ein îsn behabt ein ros, daz ros behabt ein biderben man: So wirt ouch eteswenne erwerl ein burc von biderbem manne und von der bürge ein lant ernert. 90 swaz grôzer dinge ergât, diu hebent sich von kleinen dingen an. Nagl isen ros burc lant diu fünviu wæren bereit, wan daz mich dunket an den mæren wê im daz er ie wart geborn 95 an dem diu fünviu sint verlorn: der wære wert der åhte und ouch des bannes Got vater unser då du bist in deme himelrîche gewaltic alles des dir ist, geheiliget so werd din nam, zuo müeze uns komen daz riche din: 100 Din wille werde dem gelich hie ûf der erde als in den himeln, des gewer unsich. nu gib uns unser tegelich brôt und swes wir dar nâch dürftic sin. Vergib uns allen sament unser schulde also du wilt daz wir durch dîne hulde 105 vergeben der wir ie genâmen 110 dekeinen schaden, swie grôz er sî: vor sünden kor sô mache uns vri und læse uns ouch von allem übcle. âmen. Alle schuole sint gar ein wint wane diu schuole aleine dâ der minne junger sint: diu ist sô künste rîch daz, man ir muoz der meisterschefte jehen. Ir besme zamet sô wilden man, daz, er nie engehôrte noch gesach, daz, er daz kan: wâ hât ieman sô hôher schuole mêr gehæret und gesehen? 115 Diu minne lêrt die frouwen schône grüezen, diu minne lêret mangen spruch vil süezen, diu minne lêret grôze milte, sie lêrt die jungen in der jugent 120 ritterlich gebåren under schilte. Man tuot uns michel wunder kunt, wie man für Parzifâlen truoc mit zühten manger stunt den grål von arte rein, des wunsch was allen künicrîchen obe. 123 ein reincz wîp: der kiusche reichet wol des grâles zil. diu sich vor valsche vrît, diu wirt geziert wol nach der wisen lobe. Wil ieman nach dem niuwen gråle strîten, der sol sîn kiusche milte zallen zîten, als alle die des grâles pflågen 130 und noch vil guoter frouwen pflegen. wirt dem ein reiner wibes segen, der ist vri vor vrô Schanden und ir mâgen. Venediær die hânt vernomen daz rœmesch rîche veile sî: des sint in brieve komen. 135 nu hânt sie sich vermezzen sie weln gern dar zuo ir stiure geben, Daz ez noch kome in ir gewalt: swaz sie daz kosten mac, des sint sie willic unde balt; sie jehent, würd in daz rîch, sie wolden immer deste gerner leben. Ir herzog ist ein mehtic kürsenære: 140 und wart ie kürsenære krônebære sô mac er vil wol krône tragen, der ez nu müge vergelten baz mit schatze. 145 Von Rine so bin ich geborn, in Ôsterrîche erwahsen, Beheim hàn ich mir erkorn mêr dur den hêrren danne dur daz lant: doch beide sint sie guot. Der hêrre ist guot, sîn lant ist sam, wan deich mich einer dinge sêre bî in beiden scham, 150 daz mich nieman enwirdet, ez ensî ob erz alleine tuot. und heten mich die sîne unwerdeclîche, ich hân den künic alleine noch 155 und weder ritter noch daz roch: mich stiuret niht sîn alte noch sin vende. Ez fuor ein ebenhêriu diet in einem scheffe, biz daz schef gein einer müln geriet: 160 Daz sie diu ruoder in die hant geruochten nemen: dô sich der ir dekeiner underwant, don mohte er ouch daz schif niht eine bringen von der müln hin dan. Sus truoc der wâc daz schif mit disen liuten hin durch die müln. diz bispel mac betiuten 165 die fürsten die sô sint verdrozzen daz sie niht ruodernt gegen dem stade, ê daz ûf in geligt der schade der jenen geschach die durch die mülen flozzen. XLI. Bruoder Wernher. Swer kosteclîche ein schone hûs mit holze rehte entworfen hat, die siule grôz, die wende starc, ûf dremel wol gedillet stât, gespenget wol, und daz die tür mit slôzen sîn bewart, Der virste in rehter mâze erhaben, mit starken hengelboumen sleht, 5 dar ûf mit latten wol geströut, an hohe und an der wîte reht: ob ez nu gar bereitet sî, mich dunket an der vart, Låt erg belîben âne dach, die tremel siule und ouch die starken wende, daz würde ein niht. ich wæne ich ir ze Wiene wîlent einez, sach, 10 daz nam dâ von vil lasterlich ein ende: als ez diu nezze und ouch der snê mit winde sunder dach begreif, si schuofen daz in kurzer frist, an êren ez vil gar zersleif. Dâ ich ein lop erniuwen sol daz âne dach sô manigen tac gestanden ist und âne bant, jâ wæn ez ieman rehte mac 15 gerihten als ob sîn von jugent mit vlize wære gepflogen. Dà im die siul sint worden vùl und daz, die rennen sint enzwei, und ez diu schand durchvlozzen hât, dâ stêt mîn vlicken vür ein ei: swaz ich im niuwer nagel slå, wir sîn dâ mite betrogen. Ez touc ze ganzer stæte niht 20 då man sich sol ze hôhen êren pflihten. den man von jugent unz an sin alter ie in houbetsünden siht, |