1. Inter laudum praeconia Virgo martyr Caecilia Sublimetur organicis Hymnum dando cum canticis. 2. Quam illustrat in gloria Vera sumendo gaudia Cum coetibus angelicis Honor coronae duplicis. 3. Mundana sprevit vitia Dei sequens vestigia In deitate simplicis Et in personis triplicis.
4. Peroptavit martyria
Pro Christo, tenet atria Gaudens sanctis mirificis Alta coelestis apicis.
5. Per hanc pollet ecclesia, Per hanc resultat curia Sanctorum sonis lyricis Summi conspectu judicis. 6. Per hanc dantur suffragia Passionis angaria, Coelo triumphat coelicis Consortibus pacificis. 7. Fac nos regnare patria Supernorum, Caecilia, Qua tuos, Christe, reficis Sanctorum visu et perficis. 8. Patri cum prole propria Flaminique praeconia, Decus laudis multiplicis Praestet grex plebis simplicis.
5. Pugil constans fit pugnando Contra reos, triumphando Belli campo victoriae Palma fulsit egregie.
6. Res miranda, memoranda, Res stupenda, cogitanda, Quod muliebri specie
Sit haec virtus constantiae.
7. Preces demus supplicando, Ut haec virgo deprecando Perennis fonte gratiae Adquirat dona veniae.
8. Patrem, natum venerando Atque flamen sociando,
Laus, virtus, honor, gloriae Trinitati sint hagiae.
Brev. Celsonense imp. Caesaraugustae 1514. Verfasser: Anonymus
148. De ss. Candido et Concordio.
1. Voces addamus vocibus, Intus laetemur cordibus Pace sanctorum socia Recolentes exitia.
2. Triumphavit Mauritius, Cujus et Exuperius
Cum Victore et Candido Adjunctus est consortio. 3. Non terret hos ferocitas
Nec dolorum immanitas, Parati nam sunt libere Calicem mortis bibere.
4. Subjectos inde milites Hortantur, quod et limites. Adquirant coeli, gaudium, Cum corona martyrium. 5. Est Angelorum unio Ex istorum collegio Sanctorum laudans Dominum Verumque patrem luminum. 6. Pro nobis prece supplici Voto, sancti, unanimi Orate Deum, quaesumus, Ut plaudat nostris cantibus.
7. Deum patrem et filium Et quoque sanctum spiritum Laudemus dantem gratiam, Candido sancto gloriam.
Ex Brev. ms. S. Cucuphatis bei Tamayo, Martyrol. Hispan. V, 288. Es unterliegt keinem Zweifel, dafs wir einen alten und unverfälschten Hymnus vor uns haben. - 4, 3 Coeli et gaudium. 4, 4 martyrii. 7, 3 Laudemus tantam gratiam.
149. De ss. Candido et Concordio.
1. Beata lucens sacrata martyrio
Diesque splendens, in qua sancta legio Neglectis jussis pro tanti sacrilegi Corpora subdit ipsius voragini,
2. Turgidus ille nam contra Christiferos Tremit rex mille sexcentos armigeros Dei, qui almam peroptabant patriam Et salvatoris quiescebant regulis.
3. Ut decimentur mandat hic terribili Morteque dentur affectu horribili, Superviventes et placato animo. Obedientes suo sint imperio.
4. Sed quia Deo nequit quis resistere, Crudelis leo hos beatos vincere
Non valens fecit ob suam insaniam Illorum fundi pretiosum sanguinem.
5. Civium turbis adjuncti sunt coelicis Cruore fuso dato vitae termino, Maximianum furientem impium Digne spernendo, ut servirent Domino. 6. Laus, decus, virtus, honor et victoria Deo, qui unus trinusque in gloria
Regnat et sanctum militantem Candidum Duxit in altum per sacrum martyrium.
Ex Brev. ms. S. Cucuphatis bei Tamayo V, 288.
150. De ss. Cordula et Candia.
1. Fulget jam nova lux binaque gloria Dertosae rutilans, Cordula, Candia, Per quas efficitur nobilis incola In terra patriae poli.
2. Sanctarum merita et gaudia virginum Reddunt ecclesiae festaque martyrum, Sese dum sociant milia milium Sexu militiae novo.
3. Atrox cum gladius saevit in agnulas, Tingens purpureo sanguine candidas, Sponsus suscipit has caede cruentulas Exsultansque adjicit sibi.
4. Caesis virginibus cum diademate Dantur, sublatitat lintreque Cordula, Cum dupla aureola surgit et aurea Adepta die altera.
5. O summa deitas, trina sed unica, Quae tot virginibus tantaque praemia Praestas, supplicibus da pia munera Nobis propitiabilis.
Brev. Dertusanum imp. Lugduni 1547.
151. De ss. Cordula et Candia.
1. Festum sacrarum virginum Praesens dies reduplicat, Qua Cordula per Dominum Palmam cruore vendicat. 2. Humanum passam terruit Dirae necis martyrium, Libensque tandem diruit Hostile robur virium.
3. Dertosa felix recipit Caput beatae Candiae, Plus decoris quo percipit Suae monile ecclesiae. 4. Nos Candia purificet, Conjungat Deo Cordula, Utra in eo amplificet Prece commendans sedula.
5. Praesta, Deus piissime, Ut his intercedentibus
Ad nuptias laetissime
Intremus cum prudentibus.
Brev. Dertusense imp. Lugduni 1547. 3, 3 Plus decus.
1. Clara praeclara meritis Cnnctis prudenter venditis Te sequitur propitium, Jesu, redemptor omnium. 2. Te quaesivit et comperit Tibique virgo peperit Plura sanctorum germinum, Jesu, corona virginum,
3. Nihil habere voluit,
Sed paupertatem coluit, Ut esset tibi gratior,
Jesu, corona celsior.
4. Invicta sic abstinuit Et vivens tibi placuit Saepe fletu, silentio, Jesu, nostra redemptio. 5. Clara praeclare claruit,
Signis multis nam floruit, Ob hoc mundatis cordibus Jesum ciamus vocibus. 6. Ad preces sanctae virginis Et laudem tui nominis Nos, summi patris unice, Jesu, labantes respice.
7. Per virginem, quam colimus, Cui devote psallimus,
Tui nos cernant oculi
Jesu, redemptor saeculi.
Brev. Auriense imp. Salmanticae 1501 2, 1 Te que sunt et comperit. 2, 3 Pluratas sanctorum geminum.
1. Clara stella movet bella Veterem contra Cerberum Te ducente et regente, Conditor alme siderum.
2. Polum cernit, solum spernit, Castigat carnem vimine
Hujus vita volat ita
A solis ortus cardine.
3. Linquit castra, petit astra, Supernae data gloriae; Quid turbaris, irascaris, Hostis Herodes impie? 4. Scandit coelos, cantat melos Chorus sanctarum virginum, Gaudet alma sumpta palma, Jesu, corona virginum.
5. Ordo chordae plantat corde Repletus corde coelitus, Dans optata, dans captata, Veni, creator spiritus. 6. Sancta Clara, mensam para Antiqui memor ferculi, Para dapes, quas dant apes, Jesu, salvator saeculi.
7. Quod implorat, quod exorat Francisci haec familia, Cito dato corde grato.
Orat. ms. Franciscanum saec. 15. Privatbesitz in Valencia. Veterum.
154. De sancto Disma. Ad Vesperas.
1. Pange, lingua, praedatoris Sancti poenitentiam Atque nostri redemptoris Immensam clementiam, Ut ex fletu peccatoris
Sumat quis fiduciam.
2. Nobis in exemplum datus Fructus poenitentiae, Ut nemo sit desperatus Consequendae veniae, Quantumcunque maculatus Multiplici crimine.
3. In supremae vitae hora, Quando latro moritur, Paradisus sine mora
Eidem conceditur
Christique voce sonora
Coelestibus traditur.
4. Verbum dicit nato Dei, De quo tu miraberis: Domine, memento mei, Dum in regnum veneris; Respondet redemptor rei: Hodie salvaberis.
5. Tantum ergo confessorem Veneremur laudibus Et sumamus protectorem, Ut succurrat omnibus Atque exoret redemptorem Pro nostris criminibus.
6. Trino Deo laus et uni Donetur per saecula, Qui concessit et latroni Coeli tabernacula, Ut nobis coelestis doni Donet habitacula.
« PoprzedniaDalej » |