5. Qui regit cosmi fabricamque coelos. Gyrat immotus, pater estque gnatus, Flamen est, trinus Deus unus ante Saecula semper.
Brev. Zamoranum imp. 15**.
1. Sidus aurorae maris atque stella, Lumen o fulgens solio in corusco, Luce nam cujus renitent Olympi Sidera cuncta.
2. Aura nautarum refugans procellas. Litus ostendens iter ad cupitum, Gurgite in vasto rege naufragantes Hoc, pia mater.
3. En peregrini fragiles vagamur Per vias mundi pedicis repletas, Subveni lapso, baculum cadenti Porrige dextrum.
4. Tu ligas dytem baratri superbum, Conteris saevum caput et draconis, Ergo jam nostri miserans reatus Vincula solve.
5. Quaesumus, virgo, faveas precanti, Gaudii portam resera beatam, Quaeque digneris paradisus affert Tu dare nobis.
6. Qui regit cosmi fabricamque coelos Gyrat immotus, pater estque gnatus, Flamen est, trinus Deus unus ante Saecula semper.
Brev. Zamoranum imp. 15**.
70. In Festo Rosarii BMV.
1. O quam odorifero flore refragas, Stirpis Davidicae florida virgo, Castis visceribus mater honoris, Hortus praeriguus deliciarum.
2. Perfusus roseo cujus odore Obstrusus sterilis ventre Johannes Exultans teneros gestiit artus Florens in veteris stipite legis.
3. Tu cum virgineo enixa decore Praestas aureolam pectoris almi Lactem suscipiens numine sacro, Ex te dum Deus est corpore natus.
4. Quem regum venerans coetus adorat, Ipso de superis flore fragrante,
Sed supplex humili munere templo Offers, hinc Simeon sentit odorem. 5. Tandem aromaticus flos duodenis
In templo celebrem spargere odorem Doctorum medius sed procul abs te, Cujus tunc penetrant viscera spinae. 6. Lux lucis oriens splendor amoenae Et sol justitiae, flos matris almae, Sertis nos roseis ipse corona, Judex cum veneris, gloria regni.
Offic. ms. saec. 16. Cod. Semin. Gerunden. 2309. A.
imp. Lugduni 1547. B.
3, 1 Sic cum virgineo A.
Brev. Dertusense 1, 1 mirifico flore A. 1, 2 Jessea virgo B. Str. 4 und 5 fehlen A.
71. In Festo Rosarii BMV.
1. Dilectus veniens matris ad hortum, Ut myrrham meteret pomaque patris, Jam sponsam vocitat, participare Fructu, qui veteri crimine prodit. 2. Quam felix hominis culpa redempti Sponsi sanguinis et lota cruore, Tingit sponsa genas fonte livoris, Disciplina flagris saevit iniquis.
3. O flos angelici sponse decoris,
Quem mater vepribus dira coronat, Quo tu nos redimens floribus almis Sic caesi capitis membra reparas.
4. Nostrae sollicitus, Christe, salutis Ut gigas properas vincere ligno, Victor qui fuerat protoparentis, Quod non rapueras, stipite solvens.
5. Tu summi cithara et gloria patris, Carnis psalterium sic cruce tactum, Cui consors gemitu flebilis ore
Sed constans animo mater adhaesit.
6. Lux lucis oriens splendor amoenae Et sol justitiae, flos matris almae, Sertis nos roseis ipse corona, Judex cum veneris, gloria regni.
Offic. ms. saec. 16. Cod. Semin. Gerunden. 2309. A. imp. Lugduni 1547. B. Str. 4 und 5 fehlen A.
72. In Festo Rosarii BMV.
1. Granum, quod moriens ubere fructu Complens aethereos reficis orbes, Consurgens rosea luce serenus Matris jam teneros auget amores.
2. Hinc coelo vehitur terra sublimi, Aeterni residens sede parentis, Et terrae segetis contulit aris Summis fasciculis primitiarum.
3. E summo redolens funditur oras Orbis in extremas semine verbi, Demulcens liquido pectora sacro. Fecundans fluidam numine terram.
4. Scandens perpetuos, virgo, triumphos Transis coelicolas rite choreas, Illis virgineo flore suavis Gestans justitiae solis amictus.
5. Regina angelicis praedita turmis, Procedis rosea flante caterva, Campos transgrediens aetheris omnis, Quo certe tibi par nil fore constat.
6. Lux lucis oriens splendor amoenae Et sol justitiae, flos matris almae, Sertis nos roseis ipse corona, Judex cum veneris, gloria regni.
Offic. ms. saec. 16. Cod. Semin. Gerunden. 2309. A.
imp. Lugduni 1547. B. 1, 4 sit (1: sic) teneros duxit (L: auxit) amores A. 5, 1 praedita turis A. 5, 2 Procedens A. 5, 4 nil flore A;
1. Virga de Jesse prodiit, Virga virens tenella, Quae tota florens exiit De materna fiscella, Purissima, sanctissima, Rorifera, fructifera,
Carens omni procella.
2. In templo cum virginibus Virgo est educata, Divinis charismatibus Tota inebriata, Agillima, humillima, Doctissima, verissima,
Deo et mundo grata.
3. Virgines sacratissimas
Virgo amplectebatur, Ad laudes praeclarissimas Ipsas exhortabatur, Deifica, pacifica, Hymnodica, melodica
4. Et sicut mente praeditas Virgines diligebat,
Sic vagas et indomitas Acriter arguebat, Archetypa, zelotypa, Legifera, justifera
Utrasque dirigebat.
5. Huic spiritus angelici Devote assistebant, Manna saporis coelici
De sursum afferebant, Quo viscera sacrifera Cibario, sacrario
Mire reficiebat.
6. A mane usque tertiam Laudibus insistebat,
Post haec totam industriam Ad opus convertebat, Ad cantica Davidica Post rediens ut sitiens
7. Ob hoc pater ingenitus Exaltetur potenter,
Ejusque unigenitus
Commendetur prudenter, Hinc spiritus paraclitus Vivificus, munificus
Invocetur clementer.
Cod. Matriten. Bb. 150 saec. 14. Verfasser dieses sowie des folgenden Hymnus ist der Franziskaner Fra Gil de Zamora (Johannes Aegidius Zamorensis), ein fruchtbarer Schriftsteller, Erzieher Sanchos, des Sohnes Alphons des Weisen. Cfr. Bibliotheca Hispana vetus II, 71 sqq.
1. Mundi hujus creaturas, Tam praesentes quam futuras, Manentes et perituras Ad laudes virginis puras Invitemus perenniter, Psallamus concorditer.
2. Haec est virgo generosa, Haec est virgo gratiosa, Haec est prudens et formosa, Haec est veris vernans rosa,
Redolens suaviter,
Sanans liberaliter.
3. Haec est absque labe spina, Haec est stella matutina, Haec est gloriae cortina, Sobria propinans vina,
Quae pungunt mentaliter, Soporant feliciter.
4. Haec est mater Salvatoris, Haec est mater genitoris, Haec est thalamus pudoris, Haec est clibanus amoris, Et ardens virtualiter Et incendens salubriter.
Cod. Matriten. Bb. 150. saec. 14.
5. Haec est alvear dulcoris, Haec est facies decoris, Pomum stupendi odoris, Descensus vernalis roris, Algens miraciliter, Humectans fertiliter. 6. Ob hoc pater exaltetur, Ob hoc filius laudetur, Ob hoc pneuma invocetur
A nobis fideliter Atque unanimiter.
1. O maris portus, pia virgo, mater Alma, coelorum via, lux et astrum, O Dei Christi genitrix Maria Divaque, salve.
2. Ecce nos aegros misero parente, Quos diu traxit lue tam peremptos, Germinis nutu facis advenire Gaudia prima.
3. Quis datur coeli soliumque porta, Flebiles intrant aditus beatos, Supplices palmas manibus tenentes Te duce psallunt.
4. Te vocat clamor populi ruentis, Mater, o pandas miseris asylum, Dulcis, ut tandem pateant eisdem Abdita sacra.
5. Pro reis ora genitum, precamur,
Nos fove et serva, populumque clerum, Carminis vatis sociumque vota Suscipe, virgo.
6. Gloriam, cives, Domino canamus, Pneumati, patri pariterque gnato, Qui polos orbis regit et gubernat
Aurea Expositio hymnorum una cum textu noviter emendata per Jacobum Alora. Salmanticae 1501. „Jacobi Alora ad divam genitricem Dei Mariam hymnus, carmine sapphico endecasyllabo adonioque compositus, incipitur.“
« PoprzedniaDalej » |