Secreta.

Oblationibus quesumus domine placare susceptis. et ad te nostras etiam rebelles compelle propitius uoluntates. per dominum.

Praefatio.

aeterne deus. misericordiae dator et totius bonitatis auctor. qui ieiuniis orationibus et elemosinis. peccatorum remedia. et uirtutum omnium tribuis incrementa. Te humili deuotione praecamur. ut qui ad haec agenda saluberrimam dedisti doctrinam. ad complendum indefessam tribuas efficaciam. Ut oboedienter tua exequentes praecepta. feliciter tua capiamus promissa. per christum.

Ad complendum.

Tua nos domine quesumus sancta purificent. et operationis suae1 perficiant esse placatos. per.

Super populum.

Deus qui sperantibus in te misereri potius eligis quam irasci. da nobis digne flere mala quae fecimus. ut tuae consolationis gratiam inuenire mereamur. per dominum.

DIE DOMINICA DE PASSIONE DOMINI.

Quesumus omnipotens deus familiam tuam propitius respice. ut te largiente regatur in corpore. et te seruante custodiatur in mente. per dominum.

Secreta.

Haec munera quesumus domine et uincula nostrae prauitatis absoluant. et tuae nobis misericordiae dona concilient. per dominum.

Praefatio.

/ aeterne deus. maiestatem tuam propensius implo- [fo. 54v. rantes. ut quanto magis dies salutiferae festiuitatis accedit. tanto deuotius ad eius digne caelebrandum proficiamus paschale mysterium. per christum dominum nostrum.

Ad complendum.

Adesto nobis domine deus noster et quos tuis mysteriis recreasti. perpetuis defende praesidiis. per dominum.

1 The same reading appears in the S. Gall MS. 348, and in the Leofric Missal, where it has been amended by the insertion of the word remedio after suae. The Leonine Sacramentary (ed. Muratori) has operationes suae: but the correction in the Leofric Missal has the support of the Gelasian Postcommunion "de Pascha Annotina." (Gel. Sacr. p. 98.)

FERIA II.

Sanctifica quesumus domine nostra ieiunia. et cunctarum nobis propitius indulgentiam largire culparum. per dominum.

Secreta.

Concede nobis domine deus noster ut haec hostia salutaris et nostrorum fiat purgatio delictorum et tuae propitiatio maiestatis. per dominum.

Praefatio.

aeterne deus. Te suppliciter exorantes. ut sic sanctificentur nostra ieiunia. quo cunctorum nobis peccatorum proueniat indulgentia. quatinus adpropinquante unigeniti filii tui passione bonorum operum tibi placere ualeamus exhibitione. per christum dominum nostrum.

Ad complendum.

Sacramenti tui quesumus domine participatio salutaris. et purificationem nobis praebeat et medelam. per.

Super populum.

Da quesumus domine populo tuo1 salutem mentis et corporis. ut bonis operibus inherendo tua semper mereatur protectione defendi. per dominum.

FERIA III.

Nostra tibi quesumus domine sint accepta ieiunia. quae nos et expiando gratia tua dignos efficiant. et ad remedia [fo. 55. perducant aeterna. per dominum nostrum.

Secreta.

Hostias tibi domine deferimus immolandas. quae temporali consolatione nos laetificent. ut promissa certius speremus aeterna. per dominum.

Praefatio.

aeterne deus. Et te deuotis mentibus supplicare. ut nos interius exteriusque restaures. et parsimonia salutari a peccatorum sordibus purges. Et quos inlecebrosis delectationibus non uis impediri. spiritalium uirtutum facias uigore muniri. Et sic in rebus transitoriis foueas. ut perpetuis inherere concedas. per christum.

JUMIÈGES.

1 Tuo added above the line.

G

Ad complendum.

Da quesumus omnipotens deus ut quae diuina sunt iugiter exequentes. donis mereamur caelestibus propinquare. per dominum nostrum.

Super populum.

Da nobis quesumus domine perseucrantem in tua uoluntate famulatum. ut in diebus nostris et merito et numero populus tibi seruiens augeatur. per dominum.

FERIA IIII.

Sanctificato hoc ieiunio deus corda fidelium miserator illustra. et quibus deuotionis praestas affectum. praebe supplicantibus pium benignus auxilium. per.

Secreta.

Annue misericors deus ut hostias placationis et laudis. sincero tibi deferamus obsequio. per dominum nostrum.

Praefatio.

aeterne deus. Et te supplici deuotione exorare. ut per ieiunia quae sacris institutis exequimur. ja cunctis [fo. 55v. reatibus emundari mereamur. tuamque percipere ualeamus propitiationem. qui praeparamur ad caelebrandum unigeniti filii tui passionem. per quem maiestatem tuam.

Ad complendum.

Caelestis doni benedictione percepta supplices te deus omnipotens depraecamur. ut hoc idem nobis et sacramenti causa sit et salutis. per dominum.

Super populum.

Adesto supplicationibus nostris omnipotens deus. ut qui fiduciam sperandę pietatis indulges. consuetae misericordiae tribue benignus effectum. per.

FERIA V.

Praesta quesumus omnipotens deus ut dignitas conditionis humanae per inmoderantiam sauciata medicinalis parsimoniae studio reformetur. per dominum nostrum.

Secreta.

Domine deus noster qui in his potius creaturis quas ad fragilitatis nostrae subsidium condidisti. tuo quoque nomini munera iussisti dicanda constitui. tribue quesumus ut et uitae nobis praesentis auxilium. et aeternitatis efficiant sacramentum.

per.

Praefatio.

aeterne deus. Qui sic nobis tribuis sollempnę tibi deferre ieiunium. ut indulgentiae tuae speremus nos percipere subsidium. Sic nos instituis ad caelebranda paschalia festa. ut per haec adquiramus gaudia sempiterna. per christum.

Ad complendum.

Quod ore suinpsimus domine mente capiamus, et de munere temporali. fiat nobis remedium sempiternum. per dominum.

Super populum.

/Adesto quesumus domine propitius plebi tuae. et [fo. 56. quae tibi non placent. respuens tuorum potius repleatur delectationibus mandatorum. per dominum.

FERIA VI.

Cordibus nostris domine gratiam tuam benignus infunde. ut peccata nostra castigatione uoluntaria cohibentes. temporaliter potius maceremur quam suppliciis deputemur aeternis. per dominum nostrum.

Secreta.

Praesta nobis misericors deus ut dignae tuis seruire semper altaribus mereamur. et eorum perpetua participatione saluari.

per.

Praefatio.

aeterne deus. Cuius nos misericordia praeuenit ut bene agamus. subsequitur ne frustra agamus. Accendit intentionem. qua ad bona opera peragenda inardescamus. tribuit efficaciam. qua haec ad perfectum perducere ualeamus. Tuam ergo clementiam indefessis uocibus obsecramus, ut nos ieiunii uictimis a peccatis mundatos ad caelebrandam unigeniti filii tui domini nostri passionem facias esse deuotos. per quem.

Ad complendum.

Sumpti sacrificii domine perpetua nos tuitio non relinquat. et noxia semper a nobis cuncta depellat. per dominum nostrum.

Super populum.

Concede quesumus omnipotens deus ut qui protectionis tuae gratiam quaerimus liberati a malis omnibus secura tibi mente seruiamus. per dominum nostrum.

SABBATO.

/Proficiat quesumus domine plebs tibi dicata piae [fo. 56v. deuotionis affectu. ut sacris actionibus erudita. quanto maiestati tuae fit gratior. tanto donis potioribus augeatur. per.

Secreta.

Cunctis nos quesumus domine reatibus et periculis propitiatus absolue. quos tantis mysteriis tribuis esse consortes. per dominum

nostrum.

Praefatio.

aeterne deus. Cuius nos fides excitat. spes erigit karitas iungit. Cuius miseratio gratuituf purificat. quos conscientiae reatus accusat. Te igitur cum interno rugitu depraecamur. ut carnalis alimoniae refrenatione castigati ad caebrandumt paschale mysterium inueniamur idonei. per christum dominum

nostrum.

Ad complendum.

Diuini satiati muneris largitate quesumus domine deus noster. ut huius semper participatione uiuamus. per.

Super populum.

Tueatur quesumus domine dextera tua populum depraecantem. et purificatum dignanter erudiat. ut et consolatione praesente ad futura bona proficiat. per dominum.

BENEDICTIO PALMARUM.

Deus qui temporibus noe famuli tui per columbam ramum oliue uirentibus foliis in ore deferentem post diluuii effusionem pacem hominibus redditam nuntiare uoluisti et qui unigenito tuo domino nostro iesu christo hierosolymam properanti pueros ebreorum palmarum obuiam uenientes laudesque concinentes

[DOMINICA IN RAMIS PALMARUM.2]

[fo. 57.

Omnipotens sempiterne deus qui humano generi ad imitandum humilitatis exemplum saluatorem nostrum carnem sumere et crucem subire fecisti. concede propitius. ut et patientiae ipsius habere documenta. et resurrectionis consortia mereamur. per eundem dominum nostrum.

The loss of one or more leaves at this point involves the loss of part of the text of this benediction, and makes it impossible to say whether the MS. gave any additional or alternative form. The same benediction is found, with slight variation, in the Pontifical of Egbert, where the latter part of it runs as follows:-". laudesque decantantes, et uoce eleuata dicentes, Osanna in excelsis. Benedictus qui uenit in nomine Domini, Rex Israel, uoluisti benedicere: sanctificare atque cousecrare digneris hos palmarum ramos diuersarumque frondium uel florum, ut omnes qui ex eis in manibus accipere uoluerint tibi placere possint, et in die iudicii cum palma victoriae et fructu iustitiae ad iudicium peruenire mereantur, et exinde gloriam accipientes indefectiuam tecum sine fine uita aeterna permanere. Per." (Surtees Soc. Ed. p. 128.)

The heading of this mass has apparently been written in blue: only parts of one or two letters are now visible.