nobis non desinis. et ut eum indesinenter esuriamus hortaris. Cuius carne dum pascimur roboramur. et sanguine dum potamur abluimur. per quem.

Ad complendum.

Quesumus omnipotens deus ut illius salutaris capiamus effectum. cuius per haec mysteria pignus accepimus. per.

Super populum.

Ascendant ad te domine praeces nostrae. et ab aecclesia tua cunctam repelle nequitiam. per.

FERIA IIII.

Praeces nostras quesumus domine clementer exaudi. et contra cuncta nobis aduersantia dexteram tuae maiestatis ex-/ [fo. 44v. tende. per dominum nostrum.

Alia.

Deuotionem populi tui quesumus domine. benignus intende ut qui per abstinentiam macerantur in corporę. per fructum boni operis reficiantur in mente. per dominum nostrum.

Secreta.

Hostias tibi domine placationis offerimus. ut et delicta nostra miseratus absoluas. et nutantia corda tu dirigas. per dominum. Praefatio.

aeterne deus. qui in alimentum corporis humani frugum copiam producere iussisti. et in alimentum animarum ieiunii nobis medicinam indidisti. Te itaque supplices inuocamus. ut tibi sit acceptabile ieiunium nostrum. et nos a cybis ieiunantes a peccatis absoluas. per christum.

Ad complendum.

Tui domine perceptione sacramenti et a nostris mundemur occultis. et ab hostium liberemur insidiis. per dominum nostrum.

Super populum.

Mentes nostras quesumus domine lumine tuae claritatis inlustra. ut uidere possimus quae agenda sunt. et quae recta sunt agere ualeamus. per dominum.

FERIA V.

Deuotionem populi tui quesumus domine benignus intende. ut qui per abstinentiam macerantur in corporę. per fructum boni operis reficiantur in mente. per.

JUMIÈGES.

F

Secreta.

Sacrificiumt domine quesumus propitius ista nos saluent quae medicinalibus sunt instituta ieiuniis. per dominum nostrum.

Praefatio.

eterne deus. Quia competenter atque salubriter [fo. 45. religiosa sunt nobis instituta ieiunia. ut corporeae iocunditatis inmoderatas coerceamus inlecebras. Et terrenę delectationis insolentia refrenata purior atque tranquillior appetitus ad caelestia contemplanda mysteria fidelium reddatur animarum. per christum dominum nostrum.

Ad complendum.

Tuorum nos domine largitate donorum et temporalibus attolle praesidiis, et renoua sempiternis. per.

Super populum.

Da quesumus domine populis christianis. et quae profitentur agnoscere et caeleste munus diligere quod frequentant. per dominum nostrum.

FERIA VI.

Adesto domine propitius plebi tuae. et quam tibi facis esse deuotam benigno refoue miseratus auxilio. per.

Secreta.

Suscipe quesumus domine munera nostris oblata seruitiis. et tua propitius dona sanctifica. per dominum.

Praefatio.

aeterne deus. Qui ieiunii obseruatione et elemosinarum gratissima largitione nos docuisti nostrorum consequi remedia peccatorum. Unde tuam imploramus clementiam. ut his obseruationibus. et ceteris bonorum operum exhibitionibus muniti ea operemur. quibus ad aeterna gaudia consequenda et spes nobis suppetat et facultas. per christum.

Ad complendum.

Per huius domine operationem mysterii et uitia /nostra [fo. 45v. purgentur. et iusta desideria impleantur. per.

Super populum.

Exaudi nos misericors deus et mentibus nostris gratię tuae lumen ostende. per dominum nostrum,

SABBATO IN XII. LECTIONIBUS.

Populum tuum quesumus domine propitius respice. atque ab co flagella tuae iracundiae clementer auerte. per.

Alia.

Deus. qui nos in tantis periculis constitutos pro humanof scis fragilitate non posse subsistere. da nobis salutem mentis et corporis. ut ea quae pro peccatis nostris patimur. te adiuuante uincamus. per dominum nostrum.

Alia.

Protector noster aspice deus.. ut qui malorum nostrorum pondere premimur. percepta misericordia libera tibi mente. famulemur. per.

Alia.

Adesto domine quesumus supplicationibus nostris. ut esse te largiente mereamur. et inter prospera humiles. et inter aduersa securi. per dominum.

Alia.

Praeces populi tui quesumus domine clementer exaudi. ut qui iustę pro peccatis nostris affligimur. pro tui nominis gloria. misericorditer liberemur. per.

Alia.

Quesumus omnipotens deus uota humilium respice. atque ad defensionem nostram dexteram tuae maiestatis extende. per dominum.

Alia.

Actiones nostras quesumus domine et aspirando praeueni. et adiuuando prosequere. ut cuncta nostra operatio et a te semper incipiat. et per te cepta finiatur. per dominum.

Ad missam.

/Deus qui tribus pueris mitigasti flammas ignium. [fo. 46. concede propitius. ut nos famulos tuos non exurat flamma uitiorum. per dominum.

Secreta.

Praesentibus sacrificiis domine ieiunia nostra sanctifica. ut quod obseruantia nostra profitetur extrinsecus interius operetur. per.

Praefatio.

& aeterne deus. Inluminator et redemptor animarum nostrarum qui nos per primum adam abstinentiae lege uiolata paradyso eiectos. fortioris ieiunii remedio ad antique patriae beatitudinem per gratiam reuocasti nosque pia institutione docuisti. quibus obseruationibus a peccatis omnibus liberemur. per christum. ..

Ad complendum.

Sanctificationibus tuis omnipotens deus et uitia nostra curentur. et remedia nobis aeterna proueniant. per dominum nostrum iesum christum.

DIE DOMINICA UACAT.

Deus qui conspicis omni nos uirtute destitui interius exteriusque custodi. ut ab omnibus aduersitatibus muniamur in corpore et a prauis cogitationibus mundemur in mente. per dominum.

Secreta.

Sacrificiis praesentibus domine quesumus intende placatus. ut et deuotioni nostrae proficiant et saluti. per.

Praefatio.

aeterne deus. Et maiestatem tuam suppliciter exorare ut mentibus nostris medicinalis obseruantię munus infundas. Et qui neglegentibus etiam /subsidia ferre non desinis [fo. 46v. beneficia praebeas potiora deuotis. per christum dominum

nostrum.

Ad complendum.

Supplices te rogamus omnipotens deus ut quos tuis reficis. sacramentis. tibi etiam placitis moribus dignanter deseruire concedas. per dominum nostrum.

FERIA II.

Praesta quesumus omnipotens deus ut familia tua. quae se affligendo carne ab alimentis abstinet. sectando iustitiam a culpa ieiunet. per dominum.

Secreta.

Haec hostia domine placationis et laudis. tua nos propitiatione dignos efficiat. per.

Praefatio.

aeterne deus. Et pietatem tuam supplici deuotione deposcere ut ieiunii nostri oblatione placatus. et peccatorum nobis concedas ueniam et nos a noxiis liberes insidiis. per christum.

Ad complendum.

Haec nos communio domine purget a crimine. et caelestis remedii faciat esse consortes. per.

Super populum.

Adesto supplicationibus nostris omnipotens deus. et quibus fiduciam sperandae pietatis indulges. consuetae misericordiae tribue benignus effectum. per dominum.

FERIA III.

Perfice quesumus domine benignus in nobis obseruantiae sanctae subsidium. ut quae te auctore facienda cognouimus. te operante impleamus. per dominum.

Secreta.

Sanctificationem tuam nobis domine his mysteriis placatus operare. quae nos et a terrenis purget uitiis. et ad caelestia dona perducat. per.

Praefatio.

/ aeterne deus. Qui ob animarum medelam ieiunii [fo. 47. deuotione castigari corpora praecepisti. Concede quesumus ut corda nostra ita pietatis tuae ualeant exercere mandata. ut ad tua mereamur te opitulante peruenire promissa. per christum.

Ad complendum.

Ut sacris domine reddamur digni muneribus. fac nos tuis quesumus oboedire mandatis. per.

Super populum.

Propitiare domine supplicationibus nostris. et animarum nostrarum medere languoribus. ut remissione percepta. in tua semper benedictione laetemur. per dominum nostrum.

FERIA IIII.

Populum tuum domine propitius respice et quos ab aescis carnalibus praecipis abstinere. a noxiis quoque uitiis cessare concede. per dominum.

Secreta.

Hostias domine quas tibi offerimus. propitius respice. et per haec sancta commercia. uincula peccatorum nostrorum absolue. per dominum.

Praefatio.

per christum dominum nostrum. Per quem humani generis reconciliationem mirabili dispensatione operatus es. Praesta quesumus ut sancto purificati ieiunio et tibi toto corde simus subiecti. et inter mundanae prauitatis insidias. te miserante perseueremus inlaesi. per quem.

Ad complendum.

Sumptis domine sacramentis ad redemptionis aeternae quesumus proficiamus augmentum. per.