ALIA.

Pietate tua quesumus domine nostrorum solue uincula omnium delictorum. et intercedente beata dei genetrice maria atque sancto petro /apostolo tuo cum omnibus sanctis tuis regem nostrum atque pontificem siue omnem plebem illis comissam et nos famulos tuos atque locum istum in omni sanctitate custodi. omnesque affinitate uel familiaritate nobis iunctos seu omnes christianos a uitiis purga. uirtutibus illustra. pacem et salutem nobis tribue. hostes uisibiles et inuisibiles remoue. inimicis nostris karitatem largire. et omnibus fidelibus uiuis et defunctis in terra uiuentium uitam et requiem aeternam concede. per.

[Secreta1.]

Deus qui singulari corporis tui hostia totius mundi soluisti delicta. ac oblatione placatus maculas scelerum nostrorum absterge. et omnium christianorum fidelium uiuorum atque mortuorum peccata dimitte. eisque praemia aeterna concede. per.

Ad complendum.

Sumpta quesumus domine sacramenta omnia crimina nostra detergant. omnemque prauitatem et infirmitatem seu etiam hosticam rabiem atque subitam mortem meritis sanctorum omnium a nobis procul repellant et omnibus fidelibus uiuis et defunctis prosint ad ueniam. pro quorum quarumque tibi sunt oblata salute. per.

ITEM ALIA.

Sanctorum tuorum intercessionibus quesumus domine nos protege famulis et famulabus tuis. quorum commemorationem agimus. uel quorum elemosinas recipimus. seu etiam his qui nobis familiaritate iuncti sunt misericordiam tuam ubique praetende ut ab omnibus inpugnationibus defensi. tua opitulatione saluentur. et animas /famulorum famularumque tuarum [fo. 224v. omnium uidelicet fidelium catholicorum orthodoxorum quorum commemorationem agimus. et quorum corpora in hoc monasterio requiescunt. uel quorum nomina ante sanctum altare tuum scripta adesse uidentur. electorum tuorum iungere digneris consortio. per dominum nostrum.

Secreta.

Propitiare domine supplicationibus nostris et has oblationes quas pro incolomitate famulorum famularumque tuarum. et pro animabus omnium fidelium catholicorum orthodoxorum. quorum

1 Heading omitted in MS.

nomina ante sanctum altare tuum adesse uidentur nomini tuo consecrandas deferimus benignus assume. ut sacrificii praesentis oblatio ad refrigerium animarum eorum te miserante perueniat. per.

Ad complendum.

Purificet nos quesumus domine et diuinafsacramenti perceptio et gloriosa sanctorum tuorum oratio. et animabus famulorum famularumque tuarum quorum commemorationem agimus remissionem cunctorum tribue peccatorum. per.

ITEM ALIA.

Sanctae dei genetricis mariae et beatorum omnium caelestium uirtutum. sanctorum quoque patriarcharum. prophetarum. apostolorum. martyrum. confessorum. uirginum. atque omnium sanctorum tuorum quesumus omnipotens deus. meritis ac praecibus placatus. tribue nobis misericordiam tuam. et da populo tuo inuiolabilem fidei fir/mitatem et pacem. repelle a [fo. 225. nobis hostem. et famem. et pestem. da nobis in tua uirtute constantiam et fortitudinem. inmitte hostibus nostris formidinem et inualitudinem. retribue omnibus nobis bona facientibus uitae aeternae beatitudinem. da inimicis nostris et persequentibus nos recognitionem et indulgentiam. concede defunctis nostris. et omnibus in christo quiescentibus remissionem peccatorum et requiem sempiternam. per.

Secreta.

In conspectu maiestatis tuae quesumus omnipotens deus. intercedentibus omnibus sanctis tuis oblationes nostrae et praeces acceptabiles fiant. et tua propitiatione ueniam nobis et pacem tribue. hostem. famem. et pestem, a nobis. repelle. fidem spem et karitatem nobis largire. defensione tua nos semper circumtege hostium nostrorum superbiam et uirtutem contere. omnibus nobis bona facientibus gratiae tuae habundantiam retribuere.† discordantes ad pacis bonum conuerte defunctis nostris requiem concede. et omnibus fidelibus tuis uitam sempiternam largire. per.

Ad complendum.

Per huius sacramenti mysterium atque uirtutem quesumus domine deus noster omnipotens beata maria semper uirgine et omnibus sanctis tuis intercedentibus uitiorum nostrorum maculae deleantur. et praeces nostrae in conspectu maiestati† tuae acceptabiles inueniantur. populus tuus a peccatis et uitiis. et hostibus liberetur et fidei rectitudine roboretur. et hostium nostrorum superbia et fortitudo proteratur /pestilentia [fo. 225v. et fames. procul pellantur. bona nobis facientibus gratiae tuae

habundantia repleantur. discordantes in fraternam pacem reuocentur. defuncti nostri requiem consequantur et omnes fideles tui uitam perpetuam adipisci mereantur. per dominum.

ALIA.

Suscipe clementissime pater quesumus domine has oblationes quas ego peccator. praesumo offerre in honore domini nostri iesu christi et in commemoratione. beatissime dei genitricis mariae omniumque caelestium uirtutum. patriarcharum. prophetarum. apostolorum. martyrum. confessorum. ac uirginum. per intercessionem eorum. pro pace et sanitate populorum. et fructibus terrae et stabilitate aecclesiae. et ordine sanctorum. et pro sanitate regis et episcopi nostri. et pro me misero famulo tuo. et pro omnibus uiuentibus famulis. ac famulabus tuis atque defunctis fidelibus tuis. qui mihi propter nomen tuum domine bona fecerunt et mihi in tuo nomine confessi fuerunt. propitius esto nobis domine sanctae pater omnipotens aeterne deus. et ante conspectum maiestatis tuae fac nos gaudentes peruenire. per.

Secreta.

Oblationis huius domine placare muneribus et intercedentibus omnibus sanctis tuis. omnem populum christianum a cunctis defende periculis, et animabus famulorum famularumque tuarum. et cunctorum fidelium defunctorum. per haec sancta sacrificia. /remissionem omnium tribue peccatorum. per.

Ad complendum.

[fo. 226.

Purificent quesumus domine famulos tuos diuini sacramenti libatio. et gloriosa sanctae dei genitricis mariae et omnium sanctorum tuorum oratio et gregem nobis comissum. ac familiaritate et consanguinitate nobis iunctis. et pro me misero peccatori. uel omni populo christiano. misericordiam tuam ubique praetende et animabus famulorum tuorum famularumque tuarum cunctorumque fidelium defunctorum remissionem omnium tribue peccatorum. per.

MISSA PRO SACERDOTIBUS.

Omnia quae fecisti nobis domine in uero iudicio fecisti quia peccauimus tibi et mandatis tuis non oboediuimus sed da gloriam nomini tuo et fac nobiscum secundum multitudinem misericordiae tuae.

Psal. Beati inmaculati in uia.

Collecta.

Domine iesu christe propitius esto mihi peccatori. quia misericordia tua primus indigeo. et pro fratribus nostris sacerdotibus

exorare praesumo. quia tu es inmortalis et sine peccato. solus dominus deus noster. tu es benedictus qui benedicis omnia. tu es sanctus qui sanctificas omnia. indulge nobis famulis tuis quia peccatores sumus et indigni quod praesumimus ad sanctum altare tuum inuocare te. quia peccauimus coram te. et coram angelis tuis tribue nobis indulgentiam omnium delictorum nostrorum. per merita et intercessionem beatissimi apostoli /tui petri et da nobis facere uoluntatem tuam. ut tuae [fo. 226v. inspiratione conpuncti. libera tibi mente famulemur. omnibus diebus uitae nostrae ut participes aeternae uitae effici mereamur. per dominum.

Lectio hieremie prophetae.

Respice domine de domo sancta tua in nos et inclina aurem tuam et audi. Aperi oculos tuos et uide. quia non mortui qui sunt in inferno quorum spiritus acceptus est a uisceribus eorum dabunt honorem et iustificationem domine. Sed anima quae tristis est. super magnitudine.† et incedit curuamt et infirmis. et oculi deficientes anima esuriens. dat tibi gloriam et iustitiam. Et nunc domine anima in angustiis et spiritus anxius clamat ad te. audi et miserere. quia tu es deus miserator et misericors. Et miserere nostri quia peccauimus tibi domine deus noster.

RG. Propitius esto domine peccatis nostris propter nomen tuum ne quando dicant gentes ubi est deus eorum. Adiuua nos deus salutaris noster et propter honorem nominis tui domine libera nos.

Alleluia. Ostende nobis domine misericordiam tuam et salutare tuum da nobis.

Tractus. Domine non secundum peccata nostra quae fecimus nos neque secundum iniquitates nostras retribuett nobis.

V. Domine ne memineris iniquitatum nostrarum antiquarum cito anticipent nos misericordiae tuae quia pauperes facti sumus nimis. V. Adiuua nos deus salutaris noster et propter gloriam nominis tui domine libera nos et propitius esto peccatis nostris propter nomen tuum.

Secundum lucam.

In ill. Dixit iesus discipulis suis. uos autem estis qui permansistis mecum in temp/tationibus meis. Et ego [fo. 227. dispono uobis sicut disposuit mihi pater meus regnum. ut aedatis et bibatis super mensam meam in regno meo. et sedeatis super thronos iudicantes duodecim tribus israhel. Ait autem dominus Symon symon. ecce satanas expetiuit uos ut cribraret sicut triticum. Ego autem rogaui pro te. ut non deficiat fides tua. Et tu aliquando conuersus confirma fratres tuos.

1 Cf. fol. 212v. (p. 295, supra).

Off. Deus tu conuertens uiuificabis nos et plebs tua laetabitur in te ostende nobis domine misericordiam tuam et salutare tuum da nobis.

Secreta.

Suscipe clementissime pater hostias placationis et laudis benignus quas tibi offero ego indignus famulus tuus quem in ordinem sacerdotii commouere dignatus es. ut tibi seruitus mea complaceat. tua in me misericorditer dona conserua. qui pro sacerdotibus tuis mihi hac↑ opus commissist postulare. tu es deus tu scis figmentum nostrum. tu scis omnia quae egimus tibi in conspectu tuo. et in conspectu sanctorum tuorum. qui non uis mortem peccatoris sed ut conuertatur et uiuat. respice in nos domine per merita et intercessionem beatissimi apostoli tui petri et miserere nostri. quia tu es clemens et misericors deus. perfice domine benignus in nobis ut quae sacris mysteriis proficiamur piis actionibus exequamur. per dominum.

Praefatio.

aeterne deus. Clementiam tuam pronis mentibus obsecramus. ut nos famulos tuos sacerdotes. quos /sanctae [fo. 227v. dilectionis nobis familiaritate coniunxisti. tibi facias toto corde subiectos. ut interueniente beatissimo apostolo tuo petro. tuae karitatis spiritu repleti. a terrenis mundemur cupiditatibus. et caelesti beatitudine te donante digni efficiamur. per christum.

Com. Tu domine seruabis nos et custodies nos a generatione hac in aeternum.

Ad complendum.

Domine deus noster uerax promissor. propitiare operef tuo et nos famulos tuos indignos sacerdotes seruientes tibi, tribue nobis per merita et intercessionem beatissimi apostoli tui petri perseuerare in tua uoluntate famulantes. ut in diebus nostris merito et numero populus fidelis tibi seruiens augeatur. per dominum.

Super populum.

Conserua quesumus omnipotens deus. uitam nostram inmaculatum et incremento cunctarum uirtutum ut interueniente beatissimo apostolo tuo petro in tua misericordia uniuersorum ueniam percipiamus delictorum. et ad patriam tuae repromissionis aeternam quandoque peruenire mereamur inlaesi. per dominum nostrum iesum christum.