[MISSA DE SANCTA TRINITATE.']

[fo. 174.

Omnipotens sempiterne deus qui dedisti nobis famulis tuis in confessione uere fidei aeternae trinitatis gloriam agnoscere. Et in potentia maiestatis adorare unitatem. quesumus ut eiusdem fidei firmitate ab omnibus semper muniamur aduersis. per dominum.

[Secreta1]

/Sanctificaquesumus domine deus noster. per tui sancti [fo. 174v. nominis inuocationem huius oblationem2 hostiam et per eam nosmetipsos tibi perfice munus aeternum. per.

unus

Praefatio.

aeterne deus. Qui cum unigenito filio tuo et spiritu sancto es deus. unus es dominus. Non in unius singularitate personae, sed in unius trinitate substantiae. Quod enim de tua gloria reuelante te credimus. hoc de filio tuo. hoc de spiritu sancto sine differentia discretionef sentimus. Ut in [con3]fessione uere sempiterneque deitatatis.† et in personis proprietas, et in essentia unitas. et in maiestate adoretur aequalitas. Quam laudant.

Ad complendum.

Proficiat nobis ad salutem corporis et animae domine deus. huius sacramenti susceptio. et sempiterna sanctae trinitatis eiusdemque indiuiduae unitatis confessio. per dominum nostrum.

Alia.

Domine deus pater omnipotens nos famulos tuae maiestati subiectos. per unicum filium tuum in uirtute sancti spiritus benedic et protege. ut ab omni hoste securi in tua iugiter laude laetemur. per eundem.*

[MISSA IN MEMORIAM SALUATORIS DOMINI NOSTRI.]

/Corda nostra quesumus sanctus splendor tuae incar- [fo. 175. nationis. natiuitatis passionis. resurrectionis. ascensionis et aduentus spiritus sancti nos clementi respectu illustret. quo mundi huius tenebris carere ualeamus. et ipso ducente perueniamus ad patriam claritatis aeternae. per dominum nostrum.

1 These headings are omitted in the MS.

Corrected to oblationis perhaps by another hand.

* Syllable omitted in MS.

4 The lower part of fo. 172v. is blank, being probably left for the heading of the next mass, which has not been inserted. The heading supplied is that given to the same mass in the "Red Book of Derby" (MS. C.C.C. Camb. 422. Warren, Lecfric Missal, p. 273.)

JUMIÈGES

R

Secreta.

In mentibus nostris quesumus domine uerae fidei sacramenta confirma. ut qui conceptum de uirgine deum et hominem firmiter confitemur. per eiusdem salutiferae incarnationis. Natiuitiuitatist passionis. resurrectionis. ascensionis. et aduentus spiritus sancti potentiam ad aeternam mereamur peruenire laetitiam. per eundem.

Ad complendum.

Praesta quesumus omnipotens pater. ut qui filii tui domini nostri iesu christi incarnationis. natiuitatis. passionis. resurrectionis. ascensionis. et aduentus spiritus sancti memoriam debita uenerationis laude colimus. ipsi per eiusdem spiritus sancti gratiam a morte animae resurgamus. et in tua semper sanctificatione uiuamus. per eundem.

MISSA PRO PECCATIS. FERIA II.

Exaudi domine quesumus supplicum praeces et confitentium tibi parce peccatis. ut pariter nobis indulgentiam tribuas benignus et pacem. per dominum.

Secreta.

/Hostias tibi domine placationis offerimus. ut et [fo. 175v. delicta nostra miseratus absoluas. et nutantia corda tu dirigas. per dominum nostrum.

Praefatio.

aeterne deus. Suppliciter te implorantes ut nos ab omnibus peccatis clementer eripias. et a cunctis protegas benignus inimicis. per christum.

Infra actionem.

Hanc igitur oblationem quam tibi offerimus pro peccatis atque offensionibus nostris ut omnium delictorum nostrorum remissionem consequi mereamur. quesumus domine.

Ad complendum.

Praesta nobis aeternae saluator. ut percipientes hoc munere ueniam peccatorum deinceps peccata uitemus. per dominum.

Super populum.

Deus cui proprium est misereri semper et parcere suscipe depraecationem nostram et quos delictorum catena constringit. miseratio tuae pietatis absoluat. per dominum nostrum.

MISSA AD SUFFRAGIA ANGELORUM. FERIA III.

Perpetuum. nobis domine tuae miserationis praesta subsidium. quibus et angelica prestitisti. suffragia non deesse. per.

Secreta.

Hostias tibi domine laudis offerimus. suppliciter depraecantes. ut easdem angelico pro nobis interueniente suffragio. et placatus accipias. et ad salutem nostram prouenire concedas. per.

aeterne deus. Quamuis enim illius sublimis angelicae substantiae sit habitatio semper in caelis. tuorum tamen fidelium praesumit affectum pro tua reuerentia potestatis. per haec piae deuotionis officia. quoddam retinere pignus in terris adstantium in conspectu tuo iugiter ministrorum per christum.

Ad complendum.

Repleti domine benedictione caelesti suppliciter imploramus. ut quod fragili caelebramus officio. sanctorum archangelorum nobis prodesse sentiamus auxilio. per dominum.

Super populum.

Plebem tuam quesumus domine perpetua pietate custodi. ut secura semper et necessariis adiuta subsidiis. spirituum tibimet placitorum. pia semper ueneratione laetetur. per dominum

nostrum.

MISSAPIENTIA.1 FERIA IIII.

Deus qui per coaeternam tibi sapientiam hominem cum non esset condidisti. perditumque misericorditer et mirabiliter reformasti. praesta quesumus ut eadem pectora nostra te inspirante" tota mente amemus. et ad te toto corde curramus. per dominum.

Secreta.

Sanctificetur quesumus domine deus huius oblationis munus tua cooperante sapientia. ut tibi placere possit ad laudem. et nobis proficere ad salutem. per.

& aeterne deus. Qui tui nominis agnitionem. et tuae potentiae gloriam nobis in coaeterna tibi sapientia reuelare uoluisti ut tuam confitentes maiestatem. et tuis inherere3 mandatis tecum uitam habeamus aeternam per christum.

Secreta.t

Infunde quesumus domine deus per haec sancta quae sumpsimus. tuae cordibus nostris lumen sapientiae ut te ueraciter agnoscamus. et fideliter diligamus. per dominum.

1 So MS. for Missa de Sapientia.

2 For inspirante te.

3 For inherentes.

Super populum.

Deus qui misisti filium tuum et ostendisti creaturae creatorem. respice propitius super nos famulos tuos. et praepara agiae sophiae dignam in cordibus nostris habitationem. per dominum.

MISSA DE SANCTA KARITATE. FERIA V.

Deus uita fidelium gloria humilium. beatitudo iustorum. propitius accipe supplicum pracces. ut animae quae promissiones tuas sitiunt. de tua semper karitatis habundantia repleantur.

per.

Secreta.

Mitte domine quesumus spiritum sanctum qui et munera praesentia tuum nobis efficiat sacramentum. et ad hoc percipiendum nostra corda purificet. per.

Praefatio.

aeterne deus. Et omnipotentiam tuam iugiter implorare. ut in commerationef omnium sanctorum tuorum eorum suffragantibus meritis. et prae/sentis uitae nobis subsidium et [fo. 177. aeternae tribuas praemium sempiternum. Quo sic mutabilia bona capiamus. ut per haec ad incommutabilia dona peruenire ualeamus. Sic temporalis laetitiae tempora transeant ut eis gaudia sempiterna succedant. per christum.

Ad complendum.

Spiritum in nobis domine tuae caritatis infunde. ut quos uno caelesti pane satiasti. tua facias pietate concordes. per dominum. Alia.

Sancti spiritus gratia quesumus domine corda nostra inluminet. et perfecte caritatis dulcedine habundanter reficiat. per dominum

nostrum.

MISSA DE SANCTA CRUCE. FERIA VI.

Deus qui unigeniti filii tui domini nostri iesu christi praetioso sanguine uiuifice crucis uexillum sanctificare uoluisti. concede quesumus eos qui eiusdem sanctae crucis gaudent honore. tua quoque ubique protectione gaudere. per.

Secreta.

Haec oblatio domine ab omnibus nos purget offensis. quae in ara crucis etiam totius mundi tulit offensa. per.

Praefatio.

aeterne deus. Qui salutem humani generis in ligno crucis constituisti. ut unde mors oriebatur. inde uita resurgeret. Et qui in ligno uincebat. in ligno quoque uinceretur. per christum.

Ad complendum.

Adesto quesumus domine deus noster. et quos sanctae crucis laetari fecisti honore. eius quoque perpetuis defende subsidiis. per dominum nostrum.

Alia.

Deus qui pro nobis filium tuum crucis patibulum [fo. 1777 subire uoluisti. ut inimici a nobis expelleres potestatem. concede nobis famulis tuis ut antiqui hostis temptamentis. tua gratia protegente resistere ualeamus. per eundem.

Alia.

Quesumus domine deus noster ut per uexillum sanctae crucis filii tui ad conterendas aduersariorum nostrorum insidias. nos in tuae protectionis securitate constituas. per.

Alia.

Sacrificium domine quod immolamus placatus intende. ut ab omni nos exuat bellorum nequitia. et uexillum sanctae crucis filii tui ad conterendas potestatis inimicae insidias nos in tuae protectionis securitate constituat. per.

Alia.

Deus qui per crucem et sanguinem domini nostri iesu christi filii tui dedisti pacem hominibus et caelestium collegium gaudiorum. da nobis et tuae pacis ubertate repleri. et de angelicae societatis unitate laetari. per eundem.

MISSA DE SANCTA MARIA. SABBATO.

Concede nos famulos tuos quesumus domine deus perpetua mentis et corporis sanitate gaudere. et gloriosa beatae mariae semper uirginis intercessione. a praesenti liberari tristitia. et futura perfrui laetitia. per.

Secreta.

Intercessio quesumus domine beatae mariae semper uirginis. munera nostra commendet. nosque in eius ueneratione tuae maiestati reddat acceptos. per dominum nostrum.

Praefatio.

aeterne deus. Licet enim castitatisf uirginalis [fo. 178. tibi sit ualde amabilis tamen illa omni laude extat dignissima. quae non desinit esse uirgo. postquam saluatorem protulit huic mundo. Non sunt namque caeterae mulieres eatenus insignes. quia nulla earum postquam genuit lucra uirginitatis possedit. Huius igitur genitricis tuae praecibus adiuuemur. cuius commemoratione laetamur. Credimus namque eam nobis impetrare posse salutem quae genuit regem atque sacerdotem. iesum christum dominum nostrum. quem laudant.