Ad complendum.

Refecti cybo spiritalis alimoniae. supplices te te domine depraecamur. ut huius participatione mysterii. doceas nos terrena despicere. et amare caelestia. per dominum.

DOMINICA III. DE ADUENTU DOMINI.

Aurem tuam quesumus domine precibus nostris accomoda. et mentis nostrae tenebras gratia tuae uisitationis illustra. per. Secreta.

Deuotionis nostrae tibi quesumus domine hostia iugiter immoletur. quae et sacra peragat instituta mysterii. et salutare tuum nobis mirabiliter operetur. per.

Praefatio.

Ꮿ per christum dominum nostrum. Cuius incarnatione salus facta est mundi. et passione redemptio procurata est hominis procreati. Ipse nos quesumus ad aeternum perducat praemium. qui redemit de tenebris infernorum. Iustificetque in aduentu secundo. qui nos redemit in primo. Quatinus nos a malis omnibus illius defendat sublimitas. cuius nos ad uitam erexit humilitas. per quem.

Ad complendum.

Inploramus domine clementiam tuam. ut haec diuina subsidia. a uitiis expiatos. ad festa nos praeparent. per dominum nostrum.

MENSISIS† X°† FERIA IIII.

/Praesta quesumus omnipotens deus ut redemptionis [fo. 100v. nostrae uentura sollempnitas et praesentis nobis uitae subsidia conferat. et aeterne beatitudinis praemia largiatur. per.

Alia.

Festina quesumus domine ne tardaueris. et auxilium nobis supernae uirtutis impende. ut aduentus tui consolationibus subleuentur. qui in tua pietate confidunt. per dominum nostrum.

Secreta.

Accepta tibi sint quesumus domine. nostra ieiunia. quae et expiando nos tua gratia dignos efficiant. et ad sempiterna promissa perducant. per.

Praefatio.

per christum dominum nostrum. Quem salute hominum nasciturum gabrihel archangelus nuntiauit. uirgo maria spiritus sancti cooperatione concepit. Ut quod angelica nuntiauit

sublimitas. uirginea crederet puritas ineffabilis perficeret deitas. Illius itaque optamus te opitulante cernere faciem sine confusione. cuius incarnationis gaudemus sollempnitate. Quatinus purificati ieiuniis. cunctis purgati a uitiis. natalis eius interesse mereamur sollempnibus festis. per quem.

Ad complendum.

Salutaris tui domine munere satiati. supplices depraecamur. ut cuius laetamur gustu. renouemur effectu. per dominum.

FERIA VI.

Excita domine quesumus potentiam tuam et ueni. ut hi qui in tua pietate confidunt ab omni citius aduersitate liberentur. per.

[[Secreta.']

[fo. 101. Muneribus nostris quesumus domine praccibusque susceptis. et caelestibus nos munda mysteriis. et clementer exaudi. per dominum.

Praefatio.

aeterne deus. Qui sanctificator es et institutor abstinentiae cuius nullus finis. nullusque est numerus. Effunde quesumus super nos ieiuniorum nostrorum spiritum gratiae salutaris. et ab omnibus nos perturbationibus saeculi huius tua defensione conserua. ut qui unigeniti tui caelebramus aduentum. continuum cius sentiamus auxilium. per quem.

Ad complendum.

Tui nos domine sacramenti libatio sancta restauret. et a uetustate purgatos. in mysterii salutaris faciat transire consortium. per dominum.

SABBATO IN XII. LECTIONIBUS.

Deus qui conspicis quia ex nostra prauitate affligimur. concede propitius ut ex tua uisitatione consolemur. per.

Alia.

Concede quesumus omnipotens deus. ut qui sub peccati iugo ex uetusta seruitute deprimitur expectata unigeniti filii tui noua natiuitate liberemur. per dominum.

Alia.

Indignos nos quesumus domine famulos tuos quos actionis propriae culpa contristat. unigeniti filii tui nos aduentus laetificat. per.

This heading is omitted in the MS. where space has been left for it on fol. 101. 2 Something seems to have been omitted here: probably the missing words are in diebus.

3 For deprimimur.

Alia.

Praesta quesumus omnipotens deus ut filii tui uentura sollempnitas. et praesentis nobis uitae remedia conferat et praemia aeterna concedat. per eundem.

Alia.

Praeces populi tui quesumus domine clementer/ [fo. 101V. exaudi. ut qui iustae pro peccatis nostris affligimur. pietatis tuae uisitatione consolemur. per.

Ad missam.

Deus qui tribus pueris mitigasti flammas ignium. concede propitius. ut nos famulos tuos non exurat flamma uitiorum. per dominum.

Secreta.

Sacrificiis praesentibus domine quesumus placatus intende. ut et deuotioni nostrae proficiant et saluti. per.

Praefatio.

aeterne deus. Qui non solum peccata dimittis. sed ipsos etiam iustificas peccatores. et reis non tantum poenas relaxas. sed dono largiris et praemia. Cuius nos pietatem supplices exoramus ut qui ieiuniis et uotis sollempnibus natiuitatem unigeniti tui praeuenimus. illius dono et praesentis uitae perturbationibus careamus. et aeterna munera capiamus. per quem maiestatem tuam.

Ad complendum.

Quesumus domine deus noster. ut sacrosanctof mysteria quae pro reparationis nostrae munimine contulisti. et praesens nobis remedium esse facias et futurum. per.

DOMINICA UACAT.

Excita domina potentiam tuam et ueni. et magna nobis uirtute succurre. ut per auxilium gratiae tuae quod nostra peccata praepediunt. indulgentiaef tuae propitiationis acceleret. Qui uiuis.

Secreta.

Sacrificiis praesentibus domine placatus intende. ut et deuotioni nostrae proficiant et/ saluti. per dominum nostrum. [fo. 102.

Praefatio.

per christum dominum nostrum. Quem iohannes praecessit nascendo. et in desertis heremi praedicando. et in fluentis iordanicis baptizando. et ad infernum descendendo. Cuius uenerande natiuitatis proxime uentura sollempnitas. ita nos

quesumus tibi placitos reddat. ut cum fructu bonorum operum ad regna caelestia introducat. Ut parando in cordibus nostris uiam domino, fructusque dignos penitentiae faciendo per praedicationem iohannis obtemperemus monitis nostri saluatoris Sicque perueniamus per filium sterilis ad filium uirginis. per iohannem hominem magnum ad eumdem dominum nostrum hominem deum. Qui sicut uenit ad nos redimentumf occultus. ita iustificet cum ad iudicandum uenerit manifestus. Per quem maiestatem tuam.

Ad complendum.

Sumptis muneribus domine quesumus. ut cum frequentatione mysterii. crescat nostrae salutis effectus. per dominum.

ALIAE ORATIONES DE ADUENTU DOMINI.

Prope esto domine omnibus expectantibus te in ueritate. ut in aduentu filii tui domini nostri placitis tibi actibus praesentemur. per eundem.

Alia.

Excita domine potentiam tuam et ueni. utf quod aecclesiae tuae promisisti usque in finem saeculi clementer operare. qu

tecum.

Alia.

Concede quesumus omnipotens deus ut magnę festiuitatis /uentura sollempnia. prospero caelebramust effectu. [fo. 102V. pariterque reddamur intenti caelestibus disciplinis. et de nostris temporibus laetiores. per.

Ala.

Praesta quesumus omnipotens deus. ut filii tui uentura sollempnitas et praesentis uitae nobis remedia conferat. et praemia aeterna concedat. per.

Alia.

Conscientias nostras domine quesumus uisitando purifica ut ueniens iesus christus filius tuus dominus noster. paratam sibi in nobis inueniet mansionem. per.

Alia.

Quesumus omnipotens deus praeces nostras respice. et tuae super nos uiscera pietatis impende. ut qui ex nostra culpa affligimur. saluatore nostro adueniente respiremus. per eundem.

Alia.

Porrige nobis domine dexteram tuae uenerationis et ueni. et peccata nostra propitiatus absolue. per dominum.

Alia.

Deus qui nostra conspicis semper infirmitate destitui. aduentus tui nos uisitatione custodi. per.

INCIPIUNT ORATIONES PRO PECCATIS.

Exaudi domine gemitum populi supplicantis. ut qui de meritorum qualitate diffidimus. non iudicium sed misericordiam consequi mereamur. per.

Alia.

Succurre quesumus domine populo supplicanti, et opem tuam tribue benignus infirmis. ut sincera tibi mente deuoti. et praesentis uitae remediis gaudeant et futurae. per.

Alia.

Exaudi quesumus domine supplices1 praeces. et confitentium /tibi parce peccatis. ut pariter nobis indulgentiam tribuas [fo. 103. benignus et pacem. per.

Alia.

Conserua quesumus domine populum tuum. et ab omnibus quas meremur aduersitatibus redde securum. ut tranquillitate deuota tibi mente deseruiat. per dominum nostrum.

Alia.

Afflictionem familiae tuae quesumus domine intende placatus. ut indulta uenia peccatorum. de tuis semper beneficiis gloriemur. per.

COTIDIANIS DIEBUS.

Deus qui conspicis omni nos uirtute destitui. interius exteriusque custodi. ut et ab omnibus aduersitatibus muniamur in corpore. et a prauis cogitationibus mundemur in mente. per dominum.

Alia.

Gratiae tuae quesumus domine supplicibus tuis tribue largitatem. ut mandata tua te operante sectantes consolationem praesentis uitae percipiant et futurae. per dominum.

Alia.

Subueniat nobis quesumus domine gratia tua. ut ab iminentibus peccatorum nostrorum periculis te mereamur protegente saluari. per dominum.

Alia.

Uox clamantis aecclesiae quesumus domine ad aures tuae pietatis ascendat. ut percepta uenia peccatorum te fiat operante deuota.2 protegente secura. per.

Probably for supplicum.

2 Probably te is omitted in the MS.