PATROLOGIÆ CURSUS COMPLETUS SEU BIBLIOTHECA UNIVERSALIS, INTEGRA, UNIFORMIS, COMMODA, OECONOMICA, OMNIUM SS. PATRUM, DOCTORUM SCRIPTORUMQUE ECCLESIASTICORUM, SIVE LATINORUM, SIVE GRÆCORUM, QUI AB EVO APOSTOLICO AD TEMPORA INNOCENTII III (ANNO 1216) PRO LATINIS ET AD CONCILII FLORENTINI TEMPORA (ANN. 1439) PRO GRÆCIS FLORUERUNT. RECUSIO CHRONOLOGICA OMNIUM QUÆ EXSTITERE MONUMENTORUM CATHOLICÆ TRADITIONIS PER QUINDECIM PRIORA JUXTA EDITIONES ACCURATISSIMAS INTER SE CUMQUE NONNULLIS CODICIBUS MANUSCRIPTIS COLLATAS, PERQUAM EDITIO ACCURATISSIMA, cæterisque OMNIBUS FACILE ANTEPONENDA, SI PERPENDANTUR CHARACTERUM NITIDITAS SERIES LATINA IN QUA PRODEUNT PATRES, DOCTORES SCRIPTORESQUE ECCLESIÆ LATINÆ SIVE CURSUUM COMPLETORUM IN SINGULOS SCIENTIÆ ECCLESIASTICE RAMOS EDITORE. PATROLOGIE LATINE TOMUS IV S. CYPRIANUS. PARISIIS APUD GARNIER FRATRES, EDITORES ET J.-P. MIGNE SUCCESSORES, IN VIA DICTA AVENUE DU MAINE, 208, 1891 SÆCULUM III. ANNI 203-258. S. THASCII CECILII CYPRIANI EPISCOPI CARTHAGINENSIS ET MARTYRIS OPERA OMNIA AD STEPHANI BALUZII EDITIONEM EXPRESSA, ET PRÆCIPUIS PRÆMITTUNTUR PATRUM MINORUM QUI SÆCULO TERTIO A TERTULLIANO AD CYPRIANUM IN ECCLESIA LATINA FLORUERE SCRIPTA QUÆ SUPERSUNT. ACCURANTE ET DENUO RECOGNOSCENTE J.-P. MIGNE, Bibliothecæ Cleri universæ SIVE CURSUUM COMPLETORUM IN SINGULOS SCIENTIÆ ECCLESIASTICE RAMOS EDITORE TOMUS POSTERIOR PARISIS APUD GARNIER FRATRES, EDITORES ET J.-P. MIGNE SUCCESSORES, 1891 Goth. Lumperi Dissertatio de S. Cypriani operibus dubiis, deperditis atque eidem suppositis. 835 Carmen de resurrectione mortuorum. 1053 D. NICOLAI LE NOURRY, O. S. E., DISSERTATIO de: Cypriani libris ad Demetrianum et de idolorum vanitate: 1059 HENRICI DODWELLI DISSERTATIONES CYPRIANICE TRES. Dissertio I, ad S. Cypriani epistolam 8, de visionibus.. 1115 Dissertatio II, ad S. Cypriani epistolam 24, de presbyteris doctoribus. 1139 Dissertatio III, de secundo martyrii baptismo. 1135 Oxoniensis editionis selectæ in Cyprianum notæ. 1487 Martini Joseph Routh, collegii S. Magdalena Oxon. præsidis, notæ in libros S. Cypriani de idolorum vanitate, de mortalitate, de opere et eleemosynis, de zelo et livore. 1230 PRÆFATIO IN QUA POST ENUMERATAS SANCTI CYPRIANI OPERUM EDITIONES, DE S. MARTYRIS DOCTRINA PLURIBUS DISSERITUR AUCTORE D. PRUDENTIO MARAN, O. S. B. 1-9 Ad hanc præfationem aggredienti nec S. Cypriani laudes persequi necessarium videtur, nec Baluzii laborem commendare. Conspirans omnium in Cypriani admiratione consensus, favoris aucupia non desiderat: editori suffragatur eruditionis fama et plurima in antiquis scriptoribus edendis et emendandis industria. Multa quidem exstant Baluzii laborum monumenta, nec cuiquam fere concedit, qui rem litterariam auctius ditaverit; sed, præterquam quod ad hoc extremum opus longo usu exercitatus accessit, nunquam aliis videtur operæ et labori minus pepercisse in vetustis codicibus undique comportandis et evolvendis. Jussus hac urbe abscedere anno 1710, consilium edendi Cypriani non abjecit, nec intermisit laborem, quem tamen, redux sub finem anni 1713, novo conatu repetiit, ac tandem typis cœpit mandare anno 1717. Jam prelum absolverat genuina Cypriani opera ac maximam partem Baluzii annotationum, cum eum utiliter laborantem vita defecit die 28 mensis Julii, anno ætatis 88, Christi 1718. Mortuo Baluzio, non sine litteratorum omnium desiderio, novæ hujus editionis opus diu interruptum pependit, sed, anno 1724, rev. admodum Pater domnus Dionysius de Sainte-Marthe, superior generalis congregationis Sancti-Mauri, pluribus rogante typographiæ regiæ præfecto, rem uni ex suis commisit, qui libenter oneri successit, et ab alio adjutus telam a doctissimo viro nondum absolutam pertexere conatus est, cum iis edendis et emendandis quæ Baluzius intacta reliquerat, tum vero, ut in pluribus aliis Patribus percommode factum est, uberius de rebus gestis Cypriani deque illius doctrina disserendo. Ut promissis satisfiat, nonnullæ S. Martyris sententiæ in hac præfatione, quam Vita Cypriani proxime sequetur, æquis ponderibus examinandæ sunt: sed antea variæ illius operum editiones recensendæ videntur. Variæ operum Cypriani editiones quæ in ipsis typographiæ incunabulis adornatæ ac postea pluribus in locis repetitæ sunt, quanta fuerint hujus scriptoris legendi studia declarant. Tres antiquissimæ memorantur: Romana, an. 1471, per Conradum Sweinheim et Arnoldum Pannartz; Veneta, an. 1471, per Vendelinum Spirensem; tuni quæ dicitur innominata, quia nec urbis nec typographi nomen ascriptum. Testatur editor Oxoniensis usum se esse tribus editionibus: « Ad manum habui, »> inquit, «<editiones vetustissimas, Spirensem anni 1471; innominatam, cui nec patria nec ætas affigitur, nec non illam Remboldi anni 1512. » Sed tamen editio illa quæ Spirensis vulgo dicitur, non Spiræ, sed Venetiis excusa, ut jam observarunt eruditorum nonnulli; et eorum errori, qui illam Spiræ attribuunt, locum dedit nomen Vindelini Spirensis, a quo perfecta fuit anno 1471. Nam Joannes Spirensis mortuus est Venetiis anno 1470, ejusque officio et laboribus in eadem urbe successit frater Vindelinus, cui proinde debetur hæc editio. Id patet ex his versibus, qui ad calcem editionis librorum de Civitate Dei ab eodem Vindelino adornatæ leguntur : Qui docuit Venetos exscribi posse Joannes M. CCCC. LXX. Ex his maxime dubium videtur quod ait, post nonnullos alios, eruditus auctor Annalium Typograph. tom. I, Vindelinum in Germaniam abiisse et anno 1571 Bartholdi opera ibi edidisse. Recenset idem scriptor libros a Vindelino Venetiis ann. 1572 et 1577 editos. Prodiit Parisiis, anno 1512, alia editio operum Cypriani ex typographia Bertoldi Rembolti et Joannis Waterloes. Accesserunt in hac editione Cardinalia Christi opera, Expositio in Symbolum Apostolorum et Passio S. Cypriani; libro sive epistola de Aleatoribus, et aliis nonnullis quæ ad Robertum Fortunatum 320 PATROL. IV. 1 |