Post Benedictionem aquæ, Sacerdos Dominicis diebus, antequam incipiat Missam, aspergit altare, deinde se, et ministros, ac populum, prout in Missali præscribitur.

Posteà Christi fideles possunt de ipsa Aqua benedicta in vasculis suis accipere, et secum deferre ad aspergendos ægros, domos, agros, vineas, et alia, et ad eam habendam in cubiculis suis, ut ea quotidie et sæpiùs aspergi possint.

BENEDICTIO CANDELARUM EXTRA DIEM PURIFICATIONIS BEATÆ MARIÆ VIRGINIS.

V. Adjutorium nostrum in nomine Domini.

R. Qui fecit cœlum et terram.

. Dominus vobiscum.

R. Et cum spiritu tuo.

OREMUS.

OMINE Jesu Christe, Fili Dei vivi, bene dic

candelas istas supplicationibus nostris: infunde eis Domine per virtutem sanctæ Crucis, benedictionem cœlestem, qui eas ad repellendas tenebras humano generi tribuisti: talemque benedictionem signaculo sanctæ Crucis accipiant, ut quibuscumque locis accensæ sive positæ fuerint, discedant principes tenebrarum, et contremiscant, et fugiant pavidi cum omnibus ministris suis ab habitationibus illis: nec præsumant ampliùs inquietare aut molestare servientes tibi omnipotenti Deo. Qui vivis et regnas in sæcula sæculorum. R. Amen.

Postmodum aspergantur Aqua benedicta.

BENEDICTIO DOMORUM.

AROCHUS, seu alii Sacerdotes volentes aliquam

lium aspergere Aqua benedicta, ingredientes domum

dicant:

Pax huic domui, et omnibus habitantibus in ea.

Deinde loca aspergendo dicant Antiphonam: Asperges me Domine hyssopo, et mundabor; lavabis me, et super nivem dealbabor. Psalm. Miserere meî Deus, secundùm magnam misericordiam tuam. Gloria Patri, et Filio, et Spiritui sancto. Sicut erat, etc. et repetitur Antiphona: Asperges me Domine, etc.

. Domine exaudi orationem meam.

R. Et clamor meus ad te veniat.

. Dominus vobiscum.

R. Et cum spiritu tuo.

OREMUS.

EXAUD

ORATIO.

XAUDI nos, Domine sancte, Pater omnipotens, æterne Deus: et mittere digneris sanctum Angelum tuum de cœlis, qui custodiat, foveat, protegat, visitet, atque defendat omnes habitantes in hoc habitaculo. Per Christum Dominum nostrum. R. Amen. Deinde aspergat Aqua benedicta.

BENEDICTIO LOCI.

. Adjutorium nostrum in nomine Domini.

R. Qui fecit cœlum et terram.

. Domine exaudi orationem meam.

R. Et clamor meus ad te veniat.

. Dominus vobiscum.

R. Et cum spiritu tuo.

OREMUS.

BEN

ORATIO.

ENEX DIC, Domine Deus omnipotens, locum istum (vel domum istam) ut sit in eo (vel in ea) sanitas, castitas, victoria, virtus, humilitas, bonitas, et mansuetudo, plenitudo legis, et gratiarum actio Deo Patri, et Filio, et Spiritui sancto; et hæc benedictio maneat super hunc locum, et super habitantes in eo nunc et semper. R. Amen. Et aspergat Aqua benedicta.

ALIA BENEDICTIO DOMUS NOVE.

Adjutorium nostrum in nomine Domini.

R. Qui fecit cœlum et terram.

V. Dominus vobiscum.

R. Et cum spiritu tuo.

OREMUS.

E Deum Patrem omnipotentem suppliciter exora

mus pro hac domo, et habitatoribus ejus, ac rebus: ut eam benedicere, et sanctificare, ac bonis omnibus ampliare digneris: tribue eis Domine de rore cœli abundantiam, et de pinguedine terræ vitæ substantiam, et desideria voti eorum ad effectum tuæ miserationis perducas. Ad introitum ergo nostrum bene dicere et sanctificare digneris hanc domum, sicut benedicere dignatus es domum Abraham, Isaac, et Jacob: et intra parietes domus istius Angeli tuæ lucis inhabitent, eamque et ejus habitatores custodiant. Per Christum Dominum nostrum. R. Amen.

Deinde aspergat Aqua benedicta.

BENEDICTIO THALAMI.

. Adjutorium nostrum in nomine Domini. R. Qui fecit cœlum et terram.

V. Dominus vobiscum.

R. Et cum spiritu tuo.

BENE

OREMUS.

ENEX DIC, Domine Deus, thalamum hunc, ut omnes habitantes in eo, in tua pace consistant, et in tua voluntate permaneant, et senescant, et mul tiplicentur in longitudine dierum, et ad regna cœlorum perveniant. Per Christum Dominum nostrum. R. Amen.

Postea aspergat thalamum Aqua benedicta.

BENEDICTIO NOVE NAVIS.

V. Adjutorium nostrum in nomine Domini.

R. Qui fecit cœlum et terram.

. Dominus vobiscum.

R. Et cum spiritu tuo.

ROPITIARE, Domine, supplicationibus nostris,

PROPY

et benedic navem istam dextera tua sancta, et omnes qui in ea vehentur, sicut dignatus es benedicere arcam Noë ambulantem in diluvio: porrige eis Domine dexteram tuam, sicut porrexisti beato Petro ambulanti supra mare: et mitte sanctum Angelum tuum de cœlis, qui liberet et custodiat eam semper à periculis universis, cum omnibus quæ in ea erunt: et

famulos tuos, repulsis adversitatibus, portu semper optabili cursuque tranquillo tuearis, transactisque ac rectè perfectis negotiis omnibus, iterato tempore ad propria cum omni gaudio revocare digneris. Qui vivis et regnas, etc.

Aspergat navim Aqua benedicta.

BENEDICTIO COMMUNIS SUPER FRUGES ET VINEAS.

. Adjutorium nostrum in nomine Domini. R. Qui fecit cœlum et terram.

. Domine exaudi orationem meam.

R. Et clamor meus ad te veniat.

. Dominus vobiscum.

R. Et cum spiritu tuo.

OREMUS.

RAMUS pietatem tuam omnipotens Deus, ut has primitias creaturæ tuæ, quas aëris et pluvia temperamento nutrire dignatus es, benedictionis tuæ imbre perfundas; et fructus terræ tuæ usque ad maturitatem perducas. Tribue quoque populo tuo de tuis muneribus tibi semper gratias agere, ut à fertilitate terræ esurientium animas bonis affluentibus repleas, et egenus et pauper laudent nomen gloriæ tuæ. Per Christum Dominum nostrum. R. Amen.

Aspergat illas Aqua benedicta.

11