Vam singende unde lesende der scholekynderen
in der kerken.

Vêle de gelêrt synt möten bekennen, dat id en tor lere unde tor memorie geholpen hefft, dat se in der jöget mosten singen psalme unde etlike antiphen unde responsoria 2c., welk ock plach mit guder mêticheit gewönlick syn in kleynen steden unde ock in groten, alse noch, dar me nicht singet horas canonicas unde s andere dinck des neyn ende is, dat ock vordretlick is geworden den presteren unde bevalen den drunkenen chorschôleren.

Darumme wille wy sulke nutticheit unsen kynderen ock hebben, dat se avent unde morgen singen unde lêsen alle dage, welk me plecht to nomen vesper unde metten. Unde de to vorne 10 so geleret hebben, scholen unsen kynderen dat ock nicht vorgunnen, se scholen de brugge nicht upwerpen, wen frame låde over dat water willen navolgen. Wat en geholpen hefft, wert anderen ock helpen unde schal nu dorch Gades gnade mehr noch helpen, de wile id mêtich schal unde schickelick gehölden werden, 15 deme anderen studio unschedelik unde unvorhinderlick, dar to ock neyne antiphen, responsorium edder wat anders schal gesungen edder gelesen werden, id sy denne alleyne uth der hilgen scrifft unde nach der hilgen scrifft meyninge. Dar up scholen sehn de scholemeystere, dat id nicht anders to ga. Ock schal 20 nu bêter vlyt vohrgewendet werden, dat de kyndere dat latin dat se singen unde låsen, leren vorstahn. Mit sulker wise werden se gewanet tor hilgen scrifft schyr mit spele gande, Darumme schal id alle dage mit disseme stucke geholden werden, alse hyr na steyt.

25

Alle werkel dage schal de cantor to sunte Marten unde de cantor to sunte Catharinen mit allen jungen syner schole in de kerke, tor scholen belegen, gan, des morgens to achten, des avendes to twen, doch up sulke tidt, dat de predige nicht dar dorch werde vorhindert. De costere in den beyden kerken scholen dar 30 to lûden, up tidt alse en de scholemeystere unde predicanten dar sulvest bevehlen werden. Deme cantor schal noch eyn van den gesellen helpen, dat se konen psalme singen up beyden choren.

Des morgens scholen twe jungen up eynner sundergen stede imme chore anheven eynne antiphen, unde balde na deme an- 35 hevende scholen twe andere jungen, ock up eynner sundergen stede, anhêven eynnen psalm van den de me nômet de metten

psalme, nach deme tono der antiphen. Den sulvigen psalm unde noch eynnen edder twe dar to, dar na se lanck edder kort synt, schal me up beyden chören, versch umme versch, latinisch mit deme Gloria patri, uth singen, dar to eynnen octonarium uth s deme psalme Beati qui sunt integri in via etc. mit deme Gloria patri, unde dar up de antiphen.

De psalme scholen nicht overgerumpelt werden, sunder fŷn syllabatim pronunciêret, mit eynnem gudeme medio, unde dat up deme anderen chore nicht werde dat andere versch angehaven, 10 ehr dat vorneste uthe is. Jagen wert jo neyn nôt syn, me nême deste weyniger psalme unde singe de sulvigen recht. Overs dat unbeschedelike unde festlike monnekeslåpent lavet ock nemand de vorstand hefft. Gelêrde gesellen werden sick wol hyr inne schicken mit den kynderen.

15 Balde na der antiphen schal ein junge bereyt sŷn, vor dem. pulmete dar me id wol hören kan, unde lesen eynne latinische lectie uth deme nyen testamente, sosse edder achte regen lanck, nicht vele, dar na id de sententie liden wil. De lectie schal gelesen werden mit sulkem tono, alse me lectien plecht to lêsen in 20 der metten, dat ende overs, alse me plach enden, wen me las eyn prophetia, also: sol sol sol la sol fa fa. Iube domine, edder Tu autem domine, darven se nicht seggen, sonder scholen anheven mit deme titel des bokes unde des capitels dar uth se lêsen, also: Lectio sancti evangelii secundum Mattheum capite primo, 25 secundo 2c., Lectio epistole beati Pauli apostoli ad Romanos capite duodecimo 2c., Lectio Actorum apostolorum capite quinto 2c., unde in der avent lectie: Lectio libri Geneseos capite primo. In principio creavit Deus 2c., item Lectio Esaie prophete capite etc. Na deme ersten jungen schal balde eyn ander vortan lesen, ock 30 So, doch ane vohr rêde, unde flux na deme anderen de drudde ock so, dat se to samende uth lesen eyn halff capitel edder eyn gantz, darna de capitele lanck edder kort synt wente etlike capitele synt so lanck, dat me wol dre morgen konde dar uth lesen ix korte lectiones dat de kynder nicht dar mede be35 schweret werden unde so weynich desto vlitiger leren. Na den dren schal de vêrde junge balde, wat de anderen latinisch hebben gelesen, düdesch låsen, doch nicht mit gesange, sonder lude unde slicht, alse me plecht eyn evangelion up dem predickstole to lesen, nicht stamerende, nicht hastich, nicht unvorsten40 dich, sonder bedütlick, beschedelick, distincte unde fŷn uth deme

munde vorstentlick. Darumb möten ock de schat casten heren in allen paren vorschaffen in de scholen latinische unde důdesche biblien.

Balde dar up schal de cantor alleyne singen dat erste halve versch vamme Benedictus, nach deme tono der antiphen de hes gedenket na deme Benedictus to singen. Dat Benedictus schal geendet werden na gewånheit up beiden chôren.

Na der antiphen late me de kyndere up de kne vallen unde segge: Kyrie eleison, Christe eleison, Kyrie eleison. Pater noster. De predicante spreke: Et ne nos. Ostende nobis domine mise- 10 ricordiam tuam. Responsio: Et salutare tuum da nobis. Dominus vobiscum. Oremus cum collecta. Rursum Dominus vobiscum. Dar up singen twe kyndere Benedicamus.

Dit alle, wen me id gewanen wert, wert kume eynne halve stunde waren.

De cantor schal den kynderen mennigerleye gude antiphonen leren, dat nicht vordrêtlick stedes eynnerleye werde gesungen. Môt he doch sus alle dage eyne stunde mit den jungen singen, mit etliken wat behendes, mit anderen wat ringes unde graves.

15

20

Des avendes edder to der vesper schal id na aller wise mit der antiphen vohr unde mit den vesper psalmen, doch ane den octonarium, geholden werden alse des morgens. De vehr lectien overs scholen syn uth deme olden testamente. Dar na schal me singen de kostelen hymnos feriales, alle dage eynnen, eder ock 25 to tiden andere fyne hymnos Ambrosii, Prudentii 2c., der hilgen scrifft gelickmatich. Unde na deme hymno dat Magnificat, alse vamme Benedictus gesecht is. Dar na Kyrieeleyson 2c.

>

Des hilgen avendes overs unde des hilgen dages tor vesper schal id ock so geholden werden in allen vyff groten paren. 30 Wente denne schal eyn geselle in syne pare gån, mit den jungen de dar ore olderen hebben. Eyn predicante mach em de psalme up eynnem chore helpen singen. Overs na den lectien, ehr me den hymnum singet, schal me singen eyn responsorium, unde de ungelerden kyndere, de ersten singen leren, scholen dat versch 35 alleyne singen in deme responsorio mit deme Gloria patri. Na deme Benedicamus schal me lesen Nunc dimittis, lancksam, mit eynneme medio, doch sine tono, up beyden choren de versche umme schicht, mit deme Gloria patri. Dar up balde gesungen den hymnum tome heren Christo: Jesu, redemptor seculi, verbum 40

patris altissimi 2c., mit gelikeme sange unde mit eynner langen note edder pause, wen eyn dimetrum uthe is, welck ock fŷn were in anderen hymnis to holden.

Na deme hymno, wen dat Amen gesungen is, so late me 5 de kyndere by paren tuchtich uth der kerken gan, unde up deme kerckhave geve me en vorlöff 2c. Wente se overs up sulke hilgeavende unde hilgedage scholen in ore pare kamen, so lere me se, dat se sick nicht samelen up eynne stede in der kerken unde driven bôverye, sunder eyn jewelick nême lêver mit sick synen 10 psalter, edder syn nye testamente, edder wat anders, unde lese in eynner banck edder stede, so lange dat na deme ludende de geselle uth der scholen kumpt unde kloppet mit deme stocke imme chore. Denne scholen se tüchtig int chôr gån 2c.

Des sundages up den morgen, wen me den catechismon 15 hefft in den paren geprediget unde eyn düdesch lêt dar na gesungen, scholen dar bereyt syn, alse des avendes to vorne, de kyndere de in de pare hôren mit åreme gesellen unde lesen latinisch up beyden chôren, lancksam, sine tono, umme schicht, den catechismon mit disser wise.

20

De geselle schal ersten mit lancksameme unde middelmatescheme stemmen spreken:

Hec sunt precepta domini Dei nostri.

Na deme sulvesten stemmen scholen de kyndere alleyne, lancksam unde beschedeliken, up beyden chôren, umme schicht, 25 eyn jewelick chor syne rêge lêsen, alse hyr de regen na synt gescrêven:

30

Ego sum dominus Deus tuus. Non habebis deos alienos

coram me.

Non assumes nomen domini Dei tui in vanum.

Sabbatum sanctificabis mihi.

Honora patrem tuum et matrem tuam, ut sis longaevus super terram.

Non occides.

Non maechaberis.

35 Non furtum facies.

Non loqueris contra proximum tuum falsum testimonium.
Non concupisces domum proximi tui.

Non concupisces uxorem eius, non servum, non ancillam, non bovem, non asinum nec omnia quae illius sunt.

terre.

Vortan na der sulvigen wise
spreke de geselle:

Hi sunt articuli nostre fidei.

De kyndere ummeschicht alse tovorne:

Credo in Deum patrem, omnipotentem, creatorem coeli et s

Et in Iesum Christum, filium eius unicum, dominum nostrum. Qui conceptus est de spiritu sancto, natus ex Maria virgine. Passus sub Pontio Pilato, crucifixus, mortuus et sepultus, descendit ad inferos.

Tertia die resurrexit a mortuis, ascendit ad coelos, sedet ad dexteram Dei patris omnipotentis.

Inde venturus est iudicare vivos et mortuos.
Credo in spiritum sanctum.

Sanctam ecclesiam catholicam, sanctorum communionem.
Remmissionem peccatorum.

Carnis resurrectionem.

10

15

Fiat voluntas tua, sicut in coelo et in terra.
Panem nostrum quotidianum da nobis hodie.

Et dimitte nobis debita nostra, sicut et nos dimittimus

debitoribus nostris.

Et ne nos inducas in tentationem.

Sed libera nos a malo. Amen.

De geselle:

Mandavit Christus, ut baptizemur in ipsum, dicens.

De kyndere:

Ite in mundum universum et praedicate evangelium omni

creaturae.

Qui crediderit et baptizatus fuerit salvus erit.

25

30

35