Oremus.

NFIRMITATES nostras quæsumus Domine be

nigne respice, et propter gloriam nominis tui, mala omnia, quæ juste pro peccatis nostris meremur, a nobis clementer averte: et præsta, ut in cunctis adversitatibus omnem nostram fiduciam collocemus in misericordia tua, et tibi semper in puritate vitæ serviamus, ad gloriam tui nominis: per unicum mediatorem nostrum et advocatum Jesum Christum Dominum nostrum. Amen.

GRATIARUM ACTIO GENERALIS.

MNIPOTENS Deus Pater omnis misericordiæ, nos indignissimi servi tui humillime et ex animo gratias agimus pro bonitate tua erga nos, et universum humanum genus. Benedicimus tibi pro creatione nostra, conservatione, et omnibus hujus vitæ bonis, præsertim vero pro amore tuo nunquam satis æstimando, quo mundum redimere dignatus es per Dominum nostrum Jesum Christum, insuper pro gratiæ præsidiis et spe gloriæ. Teque rogamus, ut debito beneficiorum tuorum sensu ita corda nostra afficias, ut exinde nos sincere grati, laudes tuas non modo labiis nostris, verum et in vita celebremus, dum cultui tuo nos totos devovemus, et coram te in sanctitate vitæ, et justitia omnibus diebus vitæ nostræ jugiter ambulamus, per Jesum Christum Dominum nostrum, cui tecum et Spiritui Sancto, sit omnis honor et gloria in æterna secula. Amen.

PRECATIO DIVI CHRYSOSTOMI.

MNIPOTENS Deus, qui nobis gratiam dedisti, ut hoc tempore unanimiter congregati, preces nostras ad te offerremus, quique polliceris ubi duo vel tres congregati fuerint in tuo nomine, te eorum supplicationes clementer exauditurum, petimus, ut vota et preces tuorum famulorum, prout tibi videbitur eorum saluti maxime expedire, perficias, et præsta nobis in hac vita tuæ veritatis cognitionem, et in futura vitam æternam. Amen.

G

ii. CORINTH. xiii.

RATIA Domini nostri Jesu Christi, charitas Dei, et communicatio Sancti Spiritus, sit semper cum omnibus nobis. Amen.

ORDO ADMINISTRANDÆ

CENE

DOMINI,

SEU

SACRE COMMUNIONIS.

Quo tempore Coena Domini celebrabitur, Presbyter stans ad Septentrionalem partem Mensa orationem Dominicam cum sequente Collecta recitabit, populo in genua provoluto.

PATER

ATER noster, qui es in cœlis, Sanctificetur Nomen tuum. Adveniat regnum tuum. Fiat voluntas tua, sicut in cœlo et in terra. Panem nostrum quotidianum da nobis hodie. Et dimitte nobis debita nostra, sicut et nos dimittimus debitoribus nostris. Et ne nos inducas in tentationem. Sed libera nos a malo. Quia tuum est regnum, potentia et gloria, in sæcula sæculorum. Amen.

COLLECTA.

MNIPOTENS Deus, cui omne cor patet, omnes affectus cogniti sunt, et nullum secretum est absconditum; Purifica cogitationes cordium nostrorum per inspirationem Spiritus Sancti, ut te ex animo amemus, et sanctum Nomen tuum debita veneratione celebremus, per Jesum Christum Dominum nostrum. Amen.

Tum Presbyter conversus ad populum, Decalogum integrum clara voce recitabit, populus autem in genua adhuc provolutus post unumquodque mandatum, veniam petet a Deo pro illius violatione tempore præterito, et rogabit ut sibi gratia concedatur qua illud servet in futurum, in hunc modum.

I.

MINISTER.

OCUTUS est Deus hos sermones, et dixit, Ego sum Dominus Deus tuus, non habebis deos alienos coram me.

POPULUS.

Domine miserere nostri, et corda nostra ad servandum hoc mandatum inclina.

MINISTER.

II. Non facies tibi sculptile, neque omnem similitudinem quæ est in cœlo desuper, et quæ in terra deorsum, nec eorum quæ sunt in aquis sub terra. Non adorabis ea neque coles; Ego enim sum Dominus Deus tuus fortis, Zelotes, visitans iniquitatem patrum in filios, in tertiam et quartam generationem eorum qui oderunt me, et faciens misericordiam in millia his qui diligunt me et custodiunt præcepta

mea.

POPULUS.

Domine miserere nostri, et corda nostra ad servandum hoc mandatum inclina.

MINISTER.

III. Non assumes Nomen Domini Dei tui in vanum, nec enim habebit insontem Dominus eum, qui assumpserit Nomen Domini Dei sui frustra.

POPULUS.

Domine miserere nostri, et corda nostra ad servandum hoc mandatum inclina.

MINISTER.

IV. Memento ut diem Sabbati sanctifices, sex diebus operaberis, et facies omnia opera tua; septimo autem die Sabbatum Domini Dei tui est; non facies omne opus in eo; tu et filius tuus et filia tua, servus tuus et ancilla tua, jumentum tuum, et advena qui est intra portas tuas. Sex enim diebus fecit Dominus cœlum et terram, et mare, et omnia quæ in eis sunt; et requievit in die septimo: idcirco benedixit Dominus diei Sabbati, et sanctificavit

eum.

POPULUS.

Domine miserere nostri, et corda nostra ad servandum hoc mandatum inclina.

MINISTER.

V. Honora patrem tuum et matrem tuam ; ut sis longævus super terram, quam Dominus Deus tuus dabit tibi.

POPULUS.

Domine miserere nostri, et corda nostra ad servandum hoc mandatum inclina.

MINISTER.

VI. Non occides.

POPULUS.

Domine miserere nostri, et corda nostra ad servandum hoc mandatum inclina.

MINISTER.

VII. Non mechaberis.

POPULUS.

Domine miserere nostri, et corda nostra ad ser

vandum hoc mandatum inclina.