Then let him take the child and dip it in the Font, and say,

And I baptise thee in the name of the Father, and of the Son, and of the Holy Ghost.

Then shall the Godfathers and Godmothers hold the child in the Font, and the Priest shall say, while he is putting on the chrisom,

Almighty God, the Father of our Lord Jesus Christ, who hath regenerated thee by water and the Holy Ghost, and hath forgiven thee all thy sins, strengthen thee with his grace to everlasting life. Amen.

Peace be with thee. Answer: Amen.

After the baptism the Pastor or Minister shall exhort the Godfathers and Godmothers nearly as follows:-I exhort you by the Christian charity which you have now shewn in behalf of the infant at his baptism, that if it should lose its parents by death or other accident before it come to the use of reason, you should carefully and faithfully instruct and teach it: First, the ten Commandments, that it may learn thereby to know the will of God and its own sin; Secondly, the Christian faith, by which we obtain grace, forgiveness of sins, and the Holy Ghost; Lastly, also the Lord's Prayer, that it may be able to call upon God, and pray for help, to resist Satan, and to live a Christian life, until God accomplish in him what he has now begun in baptism, and he come to everlasting life.

Fol. lxviii. vers.

No. III.

The Forms and Orders for Baptism and Confirmation, with the accompanying observations, drawn up and inserted by Bucer, in the Liturgical work published in 1543, by Herman Archbishop of Cologne.*

De Sacrosanctis Sacramentis in genere.

Pastores et Doctores Ecclesiarum meminerint esse officii sui, magna cura populum docere et instituere, non solum in ipsa Sacra

* Originally published by him in German at Bonne in 1543, but the above Latin translation was also published at Bonne, and therefore of course under his sanction, in 1545. The title is,-Nostra Hermanni ex gratia Dei Archiepiscopi Coloniensis et Principis Electoris &c. Simplex ac pia Deliberatio, qua ratione, Christiana et in verbo Dei fundata Reformatio, Doctrinæ, Administrationis divinorum Sacramentorum, Cæremoniarum, totiusq; curæ animarum, et aliorum Ministeriorum Ecclesiasticorum, apud eos qui nostræ Pastorali cura commendati sunt, tantisper instituenda sit, donec Dominus dederit constitui meliorem, uel per liberam et Christianam Synodum, siue Generalem siue Nationalem, uel per Ordines Imperii Nationis Germanicæ in Spiritu Sancto congregatos. Bonnæ 1545. fol. The copy used is one in the Cambridge University Library. G. 9. 20.

mentorum administratione, sed etiam subinde in concionibus, cum locus postulauerit, quid in tractatione, et dispensatione cuiusq; Sacramenti agatur, et exhibeatur, Quomodo se homines ad percipienda Sacramenta præparare debeant, qua item fiducia illa sumere necesse sit, et in quo fiduciam percipiendi beneficii diuini in Sacramentis ponere oporteat, quantumq; studii et Religionis ad Sacramentorum tractationem requiratur, non solum ab iis, qui ipsi utuntur Sacramentis, sed etiam ab iis, qui administrationi eorum, et dispensationi intersunt, maximè uero à Ministris, qui Sacramenta aliis exhibent et distribuunt.

In primis uerò et sedulo monebunt populum, ut ne existimet consequi se posse gratiam Dei, et communionem cum Christo in Sacramentis, ex ui et merito operis externi, siue eius, qui Sacramenta administrat, siue eius, qui ea sumit, sed tantum uirtute Dei, et merito Christi, qui in suo uerbo et Sacramentis efficax esse uult, et iis qui sacramenta iuxta uerbum suum vera fide percipiunt, omnia ea indubitato præstare, quæ sacramentis suis exhibet, et uerbis suis testatur.

De Baptismo.

Baptismus est sacramentum regenerationis, quo Christo Domino inserimur, incorporamur, sepelimur in mortem eius, induimur ea [? eo], atq; efficimur per eum filii, et hæredes Dei. Quare sacramentum hoc oportet summa reuerentia et Religione tractare et percipere, Ac propterea ea ratio administrandi hoc sacramentum ineundum, et eiusmodi tempus, quo administretur, ordinandum est, ut omnia seruiant ad excitandam et augendam reuerentiam et religionem, quo sacrosanctum hoc sacramentum pie et salutariter administretur et percipiatur.

rect.

Apud ueteres duobus tantum anni temporibus, Paschæ scilicet et Fol. Ixix. Pentecostes, Baptisma publice administratum est, Quam constitutionem, quia difficile forsitan sit reuocare, uolumus ut Baptisma non nisi Dominicis et Festis diebus, quibus tota conuenire Ecclesia solet, administretur, siquidem non obstiterit imbecillitas infantium, de quibus metuendum, ne non superesse possint ad proximum diem Festum, quò Eucharistiæ tractatio cum Baptismate coniungatur, et ii, qui infantes ad Baptismum attulerunt, corpore et sanguine Domini nostri Jesu Christi, ex more et instituto primitiuæ Ecclesiæ utantur.

Vt autem religiose et reuerentur omnia cum administrentur, tum percipiantur in hoc Sacramento, parentes infantium Pastoribus Ecclesiarum id maturius significare, et ab iis Baptismum una cum susceptoribus, infantibus suis petere humiliter debent. Vt si uel parentes, uel susceptores, uel utrique obnoxii sunt manifestis cri

Fol. Ixix. vers.

minibus, à Pastore uel corrigantur, si modo correctionem admiserint, uel si incorrigibiles sunt, à communione Baptismi arceri possint, ne ad iudicium, et cum periculo offendendæ Ecclesiæ, tam diuinæ actioni adstent. Tam enim reos se faciunt corporis et mortis Christi, qui huic Sacramento Baptismi indigne adstant, et infantibus suis non uera fide in Christum illud expetunt, quàm qui corpus et sanguinem Domini sumunt indigne, id est, non iuxta institutionem Christi, absque uera scilicet pœnitentia et fide in Christum. Quare si ad Pastores ueniant petitum Sacrum Baptisma, uel parentes infantium, uel eorum susceptores, qui manifestis criminibus et flagitiis contaminati sunt, hos ad pœnitentiam adhortabuntur, et ut hac uice non intersint administrationi huius Sacramenti admonebunt, ne et sibi ipsis iudicium Dei accersant, et Ecclesiæ sint scandalo. Tales enim propter flagitia sua non habent partem in regno Dei, neque ad Sacramentorum communicationem admittendi sunt, nisi publice pœnituerint. Si uero parentes in talibus criminibus depræhensi fuerint, cognatos suos, uel alios amicos, qui Ecclesiæ uera et uiua adhuc membra sunt, rogabunt, ut in eorum loco infantibus suis Baptismum petant. Si susceptores indigni Ecclesia iudicentur, alii rogandi erunt, de quibus bonum extiterit testimonium.

In petitione uero Baptismi, rogabunt Pastores, an non Baptismum infantes iam receperint, quod fieri solet, dum recens natis mors imminere creditur. Si enim Baptizati fuerint, tum Pastores ea, quæ paulo post de huiusmodi infantibus subiicientur, facere debent. Sed si baptizati non sint, uel non certo, uel non ut oportet, baptizati, et parentes et susceptores non rei fuerint criminum eorum, propter quæ essent à Baptismo arcendi, moneri à Pastoribus diligenter debent, de immenso beneficio regenerationis in Christo, quod pueris expetunt, item de horribili lapsu et reatu, unde infantes per Christum Iesum in Baptismo liberantur. Deinde hortabuntur illos, ut religiose adsint primum Exorcismo et Catechismo, deinde etiam administrationi Baptismi, Postremo, ut simul utantur Sacramento Corporis et Sanguinis Domini, Hoc enim fieri decet non ideo tantum, quòd membra sunt Christi, et asymbolos adesse mensæ Domini non oporteat, uerum etiam, quòd indignum sit infantibus communionem Christi petere, et suscipere in Baptismate, et sibiipsis non eam sumere Sacramento, quo illa ipsis quoq; offertur, Non enim, si uera fide communionem Christi infantibus in Baptismate petunt et percipiunt, poterunt sibiipsis eandem non petere, et oblatam in Sacramento non cupide excipere.

Veteres hoc Sacramentum Coenæ Domini etiam infantibus una cum Baptismo administrabant, sed cum non sine causa mos ille exoleuerit, congruit, et omnino ex officio est pietatis, parentes unà

cum susceptoribus et cognatis, qui sanctissimum Sacramentum regenerationis suis infantibus accipiunt, cœna Domini singulari Spiritus desyderio uti, ut et sibi Christi communionem accipiant, quam pro infantibus in Baptismo susceperint. Quod et ad aliorum, imo totius Ecclesiæ ædificationem confert, et Sacram Christi communionem cæteris commendat.

Vt ergo diligentius et maiore religione omnia in administratione Sacri Baptismatis gerantur et perficiantur, uolumus, ut ubicunque id commode fieri poterit, Catechismus parentum, et susceptorum, item Exorcismus infantum exhibeatur, pridie eius Festi, uel Dominici diei, quo Baptisma exhibendum erit. Cum enim Baptisma administrari debeat in summa Liturgia, dum tota Ecclesia collecta est, conuenit in his Sacris actionibus utriusque Sacramenti, eam adhiberi moderationem, quæ conducat religioni populi excitandæ, Fol. lxx. non prebeat prolixitate occasionem aliquam negligentiæ uel pio animi ardori minuendo. Quare ubi id licebit, utile fuerit actionem Catechismi et Exorcismi, more ueterum, ab actione Baptismi tempore seiungere. At ubi populo, uel quòd plerique à templo longius habitant, uel alia iusta de caussa, commodum adesse non fuerit, ibi licebit Catechismum et Exorcismum cum Baptismo simul administrare.

Istud tamen Pastores, quantum omnino fieri potest, studebunt, ut sanctissimum hoc Sacramentum Baptismi, quod est prima adoptio, susceptio, et ingressus in regnum Christi, non nisi coram uniuersa Ecclesia, et summa cum grauitate et religione administretur et percipiatur.

Quando igitur Catechismus et Exorcismus, pridie quàm Baptismus administretur, habebuntur, infantes deferantur ad uespertinum conuentum, in quo alioqui populus propter instans festum, uel celebrationem Dominicæ diei adesse solet, parentes et cognati exemplo Sanctorum ueterum cum susceptoribus adesse simul, et deducere ad templum suos infantes debent, Quibus congregatis et aliis, debent Pastores et Ministri, his, qui infantes attulerint, et toti reliquo populo, singulari grauitate et religione, primum exponere perspicuè mysterium S. Baptismatis, et ingentia Dei beneficia, quæ in illo exhibentur. Deinde exhortabuntur illos ad piam et fidelem perceptionem tanti Sacramenti, et beneficiorum Christi adeo inæstimabilium. Tum requirent à parentibus, et susceptoribus infantium renunciationem Satanæ et mundi, et confessionem præcipuorum articulorum Fidei, et Religionis nostræ, quam illi confessionem, et renunciationem clarè et grauiter coram uniuersa Ecclesia facere debent.

rect.

Fol. lxx.

vers.

FORMA CATECHISMI, HOC EST, INSTITVTIONIS, EXHORTATIONIS,

ET

INTERROGATIONUM AD SUSCEPTORES, ET OMNES EOS QUI INFANTES AD SACRUM BAPTISMA ADFERUNT.

Primum omnium Pastor adstantibus sibi reliquis Ministris ita eos, qui infantes ad Baptismum offerunt, exhortabitur.

Dilecti in Christo Iesu, quotidie ex uerbo Dei audimus, et propria experientia discimus, tàm in uita, quàm in morte, iam inde ab Adæ lapsu nos omnes concipi, et nasci in peccatis, esse reos iræ Dei, et damnatos propter Adæ delictum, nisi liberemur morte, et meritis Filii Dei Christi Iesu, nostri unici liberatoris. Cum itaq; præsentes hi infantes communi nobiscum sorte nati sint, dubium non est, quin et ipsi peccato et originali morbo commaculati sint, atq; obnoxii æternæ morti, et damnationi. Sed Deus Pater pro ineffabili sua clementia, et misericordia ergà genus humanum, Filium suum misit, ut mundum seruaret, quare etiam et hos infantes seruatos uult. Ille peccata totius mundi tulit, et tàm paruulos, quàm nos adultos à peccatis, morte, Diabolo, et æterna condemnatione liberauit et saluos fecit, qui uoluit sibi offerri paruulos, ut iis benedictionem impartiretur. Quare pro Christiana pietate uestra, hunc puerum assumite, et ad Christum adducite, et offerte piis uestris precibus, quò peccatorum suorum ab illo consequatur remissionem, transferatur in regnum gratiæ ereptus à tyrannide Satanæ, et constituatur hæres æternæ salutis. Et uobis certissimum sit, Dominum nostrum Iesum Christum, hoc opus charitatis uestræ erga hunc infantem clementissimè respecturum, et preces uestras exauditurum, quia ipse suo uerbo mandauit, Sinite paruulos uenire ad me, talium est enim regnum cœlorum. Quapropter dilecti hortor et obsecro uos, quotquot adestis, ut magnitudinem huius actionis, atque operis, quod agimus, religiose uobiscum expendatis, Videtis enim, quàm miserabiliter Ecclesia infantulos istos imbecilles, et omni uirtute destitutos, huc supplex, sed tamen constanter afferat, Quo sanè opere clare confitetur eos esse filios iræ Dei, peccati, et æternæ mortis, Proinde piis uotis, et ardenti oratione pro eis orat, gratiam et auxilium Dei impetrare eis cupiens, quò per Baptismum renati ex Deo, filii Dei efficiantur. Ne putetis igitur leue quiddam, et puerile quid tractari in hac Sacrosancta actione, qua bellum suscipitur cum Satana, qua non tantum ille ab infante expellitur, sed infans Sacramento astringitur, quòd cum hoc semper, ut cum Regis sui Christi hoste belligerari debeat, ad extremum usque Spiritum summa contentione pugnare. Quare magna cum fiducia, et ardentissimis precibus inuocandus est Deus, ut non modo è potestate Satanæ liberare, sed et confirmare, et defendere uelit hunc infantem, ut in omni uita, et