10195 der kunde wol mit ritterschaft.
er trôst sich sîner grôzen kraft.
nu gedâht Libers von Lorgân
'möht ich disem küenen man
daz swert underspringen,

10200 ich wolde mit im ringen.
möht ich den degen werde
bringen ûf die erde,

sô müest er sicherheit mir geben oder ich næm im daz leben. 10205 bî namen daz wil ich besehen; ez mac ungewarnet wol geschehen daz ich in wirfe dar nider:

sô lâz ich in niht wider

under mir ûf stân.'

10210 sus lief er an den starken man und wolt in nider swingen

und sicherheit betwingen.

nu moht er den werden degen
niendert von der stat erwegen.

[171] Meleranz der werde

swanc in ûf die erde

daz er niht weste wâ er lac.

er sprach 'zwâre ob ich mac,
Du muost der meit ir anger lân.'

10220 Meleranz der küene man

den helm er im abe brach

und daz härsenier: zuo im er sprach

'dîn lip muoz des tôdes sîn,

dun lobest mir bî den triuwen dîn

10225 daz du leistest mîn gebot

mit guoten triuwen âne spot.'

dô sprach der künc von Lorgân
'nu lât mich wizzen, werder man,

wer ir von gebürte sît.

10230 ist daz ez alsô eben lît

*

10198 disen. 10207 würff. 10208 lauß. 10221 ab im. 10224 Du.

umb iuch, sô bin ich bereit
dienstes unde sicherheit.

sît ir niht sô ein hôher man,
daz sult ir niht ver übel hân,
10235 von geburt und von der art
daz ich si lasters dran bewart,
daz ich iu sicherheit sül geben,
sô wil ich niht langer leben :
sô endet ez, degen ellens rîch,
10240 mit mînem tôde kurzlich.

ich wird dir nimmer undertân,
dun sagst mir, hôchgelopter man,
wer du von gebürte sîst.
ob du mir die gâbe gîst,
[171b] daz dien ich immer mêre.
des hâstu grôze êre,

küener helt unverzagt,

swâ man daz mære von dir sagt
daz du mir habest gesiget an.

10250 beide frowen unde man

müezen dich von schulden êren
und dîn wirde mêren,

wan ez mir nie geschach.'
Meleranz dô aber sprach

10255 ‘ich wil dir sagen von mîner art,
diu ist vor schande wol bewart:
Des soltu gar gewis sîn.
Leyses hiez der vater mîn,
dem dient gewalteclîche

10260 daz lant ze Francrîche.

mîn muoter hiez Olimpîâ:

diu ist küniginne dâ.

ichn weiz ob du iht hâst erkant

Artûs von Britanjen lant:

10265 der ist mîn æheim sunder wân.

nu hân ich dir kunt getân
von mînem gesleht ein teil.'
'ich wil mirz zellen für ein heil'
sprach Libers der werde man,
10270 'sît mir ist gesiget an,

daz mich doch überwunden hât
ein man umb den ez also stât
daz er mir ist genôzsam.

swie hart ich mich des lasters scham, [172] doch gib ich dir des sicherheit daz dir mîn dienest ist bereit, wan ich also gelobet hân.

ich wil sîn ouch niht abe gân: ich leist swaz ir gebietet mir.' 10280 er sprach 'herre, sô sult ir zuo iu nemen iuwer man den wir haben gesiget an und rîtet in Artûs lant.

dem sult ir, degen werd erkant,

10285 bringen iuwer sicherheit.

ir sult im dienstes sîn bereit

und sult mîn dâ bîten.

ich kum in kurzen zîten

nâch iu, hôchgelopter man,

10290 und lât der juncfrowen ir plân.' daz lopt er unde liez ez wâr. Meleranz der degen klâr

und Cursûn der werde man

nâmen urloup und riten dan.

10295 Libers der künc von Lorgân

sprach herre, ir sult mir mîne man

noch hînt her zuo mir senden.
ich wil mîn reise enden,

ich wil gên Britanjen varn:

10300 got müez iu lîp und êr bewarn.'

Meleranz sprach 'daz tuon ich.'

10284 Den.

*

hie mite schieden si sich.
Meleranz der werde man
reit ze sîme gesinde dan.
[172b] si wâren sîner künfte frô.
die gevangen ritter bâten dô
daz man in saget mære
wie ez ergangen wære.
si heten alle guoten trôst
10310 daz si wurden erlôst
von ir herren manheit.
dô in rehte wart geseit
wie ez dort ergangen was
bî der linden ûf dem gras,
10315 des wurden si alle unfrô.
Meleranz der hiez si dô
zuo ir herren rîten

und gebôt in an den zîten

daz si mit ir herren riten

10320 und die reis niht langer miten
gên Britanjen in daz lant.

daz lopten si dô: alzehant

brâht man ir ros und harnasch gar,

reht als si wâren komen dar.

10325 daz verhouwen gewant
legten si dô an zehant.

mit urloup schieden si dan

von Meleranz dem werden man.
zuo ir herren si dô riten

10330 mit vil trûrigen siten.

Der wolt die naht ruowe hân

bî der linden ûf dem plân.
dô sîn ritter zuo im kâmen dar,
si wurden alle riwevar.

[173] si klagten ir grôzez unheil.

dâ wider was von schulden geil

10304 sinem.

*

10320 lenger. 10323 ir] inn ir.

wappenklaid g. oder wâpengewant.

10325 D. v.

Cursûn unde Meleranz.

der fröude was mit wârheit ganz daz in was wol gelungen. 10340 'daz wir sîn betwungen'

sprach Libers von Lorgân

'und daz uns hânt gesiget an
zwêne man uns allen,

wem sol daz wol gevallen 10345 an uns, daz wir sô zagelich uns werten? ez ist billich,

ob man uns haz dar umbe treit.
der mich von mîner wirdekeit

hât gedrungen, deist der tiurest man

10350 des ich künde ie gewan.'

die ritter sprâchen 'daz ist wâr:

ez ist an sînem lîbe gar
swaz eim ritter rehte stât.

er schamt sich aller missetât,

10355 er kan nâch êren werben:
sîn lop mac niht verderben.'
die naht schuofens ir gemach.
des morgens dô der tac ûf brach,
do bereitten si sich zuo ir vart.
10360 daz wart niht langer ûf gespart.
Libers sîn gesinde sande

heim ze sînem lande:

die fuoren gegen Lorgân.

er und sîn ritter fuoren dan [173] gên Britanjen in daz lant. Meleranz fuor alzehant

zuo der linden ûf den plân,

dô Libers und sîne man

der linden heten sich bewegen:

10370 der solden si niht mêre pflegen. Die âventiure het erstriten

*

10342 an fehlt.

10349 der ist der trüwerest.

10360 lenger.