9665

dô si embizzen, in was bereit
harnasch und ir wâpenkleit
und ir ros verdecket.

ir manheit wart erwecket.

Nu truoc man in ir harnasch dar; schoene unde lichtgevar

wâfent sich die zwêne man.

si wolden ûf den grüenen plân
durch âventiure rîten.

9670 in vil kurzen zîten

ir zimierde daz was rich [162] unde ouch vil kostlich. 9675 Meleranz der degen kluoc,

swaz er ob dem îser truoc,

daz was allez snêwîz.

dar an lac vil grôzer vlîz

von gestein und ouch von golde.

9680 als er selbe wolde,

was sîn wâpenkleit geêret,

grôz rîcheit dar an gekêret,

sîn decke ein wîzer samît;
sîn wâfenroc sin kursît

9685 wâren wîz, sîn ros was blanc.
der helt ie nâch prîse ranc.

sîn schilt der was snêwîz,

dar an lac kostlîcher vlîz.

sîn helm het ein rîchez dach,

9690 in blanker varwe man daz sach. fünfzehen sper brâht man dar,

diu wâren alle wîzgevar.

. Cursûn was ouch bereit. alliu sîniu wâpenkleit

9695 wâren blâ lâsûr gevar,

schilt wâfenroc sîn decke gar,

blâ was sînes helmes dach,

dar ûf man gebunden sach

ein fluc wîz, diu ander blâ.
9700 härmîn wind die waren dâ
ûf al sîn wâpenkleit gesniten.
ê daz si von dannen riten,
der werde junge degen
[162] hiez der ritter schône pflegen.
9705 er bat ir schône nemen war.
sîn ros wart im gezogen dar,
dar ûf spranc der ellens rîch
âne stegereif ritterlîch.
Cursûn der snelle man

9710 der spranc ûf sînen castellân.
mit unverzagtlichen siten
ûf den anger si dô riten,
die knappen fuorten mit in dan
fünfzehen sper ûf den plân:
Diu wâren alle wiz gevar.

9715

was er ê schône komen dar,

er kam nu schôner, des man im jach.
der helt ze sînem garzûn sprach
'Gunetel, rüer zwên schilt an.'

9720 der garzûn huop sich dan

und ruort zwên schilt an der stunt."
er sprach 'ir herrn, ich tuon iu kunt:
mîn herre ist komen ûf den plân.
die zwêne suln in bestân

9725 der schilt ich hie rüere:

gesigent si, daz ist ir gefüere.
nu was der künc von Lorgân,
er und alle sîne man,

gewâfent ritterlîchen gar

9730 und warten wann er kæme dar.
dô si hâten vernomen

daz er was ûf den anger komen,
dô îlten si ze ir rossen dan

gên Meleranze ûf den plân.

*

9701 alle sine. 9711 vnuerzaglichen.

9734 Melerantzen.

[163] ritterlich kâmen si her.
ietweder fuort ein starkez sper.
langer si dô niht beliben,

diu ros mit sporn si dô triben
gên ein ander ritterlîch.

9740 diu tjoste wart guot unde rîch.
Libers der künc von Lorgân

sach daz beide sîne man

wurden gestochen nider.

ietweder liez den sînen wider

9745 zuo keiner wer niht enkomen
unz er het von im genomen

sîn sicherheit. dô daz geschach,
zwein andern rittern den wart gâch
ze der tjoste, den geschach alsan.

9750 Meleranz der werde man

des tages ûf dem anger streit
und Cursûn der unverzeit,
daz si den prîs fuorten dan
und mit in aht gevangen man
9755 brâhtens an die fiwerstat.
Meleranz die sînen bat

daz si der pflægen êrlîch.
der junge degen lobes rîch

des nahtes in schuof guot gemach. 9760 des morgens dô man den tac ersach,

dô stuont er ûf und bevalh sich got
mit guoten triuwen sunder spot.
Cursûn ouch daz selbe tete.

dô si sprachen ir gebete,

[163] dô was den helden bereit daz ezzen gên ir arbeit.

dô si von tische giengen,

ir dinc si sus an viengen:

die herren hiezen in tragen dar

9770 ir harnasch, daz was lichtgevar.

*

9742 beide am Anfang der nächsten Zeile. 9745 kommen. 9749 allsam.

Meleranzes wâpenkleit
erzeigten grôze rîcheit.

ez fuort der degen hôhgemuot
von pfellel rôt sam ein gluot
9775 wâpenroc und kursît.

[und] ein decke lanc unde wît
was der îserîn decke dach.

sîn schilt mir rîcher koste jach,
der was rôt; sins helmes dach
9780 was rôt: swer sîn sper sach,

9785

der muost im ganzer ræte jehen.
ez wart an ritter nie gesehen
wapenkleit sô kostlich.

ez was allez tiur und rîch
daz er an sînem lîbe truoc.
Cursûn der degen kluoc

Het verholn brâht dar,
daz sîn herre niht wart gewar,
zweier hande wâpenkleit.

9790 diu erzeigten grôze rîcheit.

daz ein was grüen alsam ein gras,
daz andr ein gelwer samît was,
härmîn wind dar ûf geströut.
Meleranz sich des fröut.

[164] do er diu wâpenkleit ersach,
ze Cursûn er dô sprach

'Cursûn, vil lieber werder man,
minen willen hâstu wol getân
daz du disiu wâpenkleit

9800 hâst mit dir brâht. mir was leit
daz ich niht gedâht dar an.

dâ hân ich vorht, vil werder man,
daz du ze disen zîten

alsô müezest strîten

*

9771 Melerantz. 9774 Von ainem pfel rot sam alẞ ain. 9782 an] ain. 9787 Det. 9791 Dz wz grün alsam ain grünes graß. 9793 wind] vnnd, vgl. 10004.

9804 muostest.

9805 under dem verhouwen schilt dîn:
daz was al diu sorge mîn

daz ich dich verlür, vil werder man.
an mir selbem hân ich missetân

daz ich niht zweier rosse mêr

9810 durch dînen willen brâhte her.

9815

des scham ich mich und ist mir leit,
küener degen unverzeit,

daz du ze disen zîten

ûf dem müeden ros solt strîten.'

Cursûn sprach 'herre mîn,

die klage sult ir lâzen sîn.

ze mîm rosse bin ich wol geriten. ich hân des vil kûm erbiten daz ich ze vehten funden hân." 9820 also sprach der küene man, 'ich hân geruot ze lange gar.' nu zôch man in diu ros dar. si sâzen ûf und riten dan, die zwêne muotes rîche man, [164] ûf den anger durch strîtes ger. man fuort mit in fünfzehen sper, diu wâren alle rôt gar,

als sîn wâfen was gevar.

Meleranz sant Gunetlîn für.

9830 durch sîner wirdekeite kür

in hiez der degen milte

rüeren zwêne schilte.

Günetel huop sich dan

gên der linden ûf den plân.

9835 er ruort die schilte unde sprach 'ir helde, iu nâhet ungemach:

iu kumt aber mîn herre,

seht ob iu daz iht werre,

der wil ze disen zîten

9840 umb den anger mit iu strîten.

9808 selb. 9817 zuo minem.

*

9821 gerüwet.

9826 f. her sper.