was gepruoft sîns helmes dach.
5940 daz was sô grüen daz man des jach,

smaragd unde achmardî

wæren solher grüene frî.

umb den helm ein krône lac

von golde, ob ich sô sprechen mac,
[100a] kein rîcherr helm wart nie gesehen.
man muost im grôzer koste jehen.
ein ar, der was härmîn,

was gebunden ûf den helm sîn.
der was gar kostlîche.

5950 sus kam der ellens rîche
ûf den anger dâ der wîgant
den jungen Meleranzen vant.
sîn sper was grüene gevar
sam diu andern wâfen gar.
5955 mit hôhem muote kom er
geriten von der bürge her.
Dô er Meleranzen sach,
in sînem herzen er des jach,
er gesæhe nie keinen man
5960 dem sîn ritterschaft baz stüende an.
sus hielt der lobebære,

[reht] als er gemâlet wære,

bî der linden mit ûf geworfem sper.

nu kam vermezzenlîchen her

5965 gên im der künic Godonas.
vil frô er des strîtes was.

er fröut sich des gedingen,
er wând im solt gelingen,
als im ê dicke gelungen was.
5970 an der zinn und ûf dem palas
stuont ritter unde frouwen,

die wolden gerne schouwen

waz von in beiden solt beschehen.

5939 geprieffet. 5963 geworffnem.

5941 achmadey. 5942 Waren.

5962 al ob er.

si begunden algemeine jehen [100] daz si nie gesâhen

verre noch nâhen

zwêne man so kürlich.

Meleranz der ellens rich,

do er den künic komen sach, 5980 müezeclîch, im was niht gâch, stapft er von der linden her gên im mit ûf geworfem sper, als er tjostieren wolde.

von gestein und ouch von golde
5985 was sîn wâpenkleit vil kostlich.
Godonas der ellens rich

sîn ros mit den sporn nam.
Meleranz tet ouch alsam.

in beiden was zesamen ger,
5990 von rabîn sanden si diu sper.
dô wart diu tjost alsô geriten
von vælieren gar vermiten.
ietweder des niht vergaz,

sîn tjoste er sô eben maz

5995 als im diu ougen kunden spehen.
ein schoner tjost wart nie gesehen.
Die helde ellens rîche

trâfen gar gelîche

mit den spern dâ der schilt erwant,
6000 daz die sprîzen von der hant
hôch ûf gên den lüften flugen,
wan sich die schefte niht enbugen
die si beide brâhten dar.

des nam man von der bürge war.

[101] ir ietweder kûm gesaz.

Meleranz des niht vergaz,

der warf sin ros umb zehant.

alsam tet ouch der wîgant,

*

5973 all mit gemain. 5982 vffgeworffnem. 5992 välun.

6003 Dz sy.

6005 kom.

Godonas der künic rich,

6010 mit den swerten ritterlîch randen si ein ander an,

die zwêne muotes rîche man.
dâ wart zerfüeret daz gras.
swaz der liehten bluomen was,
6015 die liten ouch von treten nôt.
ir beider manheit daz gebôt
daz si erbeizten ûf den klê.
den rossen was von müede wê.
si heten diu ros dar zuo brâht
6020 daz vil kleine was ir maht.

Alrêrst wart ritterlich gestriten.
mit unverzagtlichen siten
si ze samen trâten.

ich sag iu wie si tâten:
6025 Godonas der küene degen
empfienc mit ungefüegen slegen
Meleranz den frömden gast,
dar an vil lützel des gebrast
im gült der küene degen balt.
6030 mit starken slegen ungezalt
galt er im swaz er im lêch,
daz er in dar an niht verzêch
ern gült im volleclîche,

der helt ellens rîche.

[101] der schilt si beide wurden bar, die erhiuwen si gar

daz ir vil lützel ganz beleip.

der wirt den gast mit slegen treip
über den anger mit gewalt.

6040 Meleranz der degen balt
der muoste vor im wîchen.
er sluoc sô krefteclîchen
ûf in slege ungezalt.
Meleranz der degen balt

*

6027 Melerantzen.

6033 Er.

6021 Aller. 6022 vnuerzaglichen.

6045 mit schirmen allez vor im gie.
den künic er verderben lie.

er gedâht 'ich wil in huote stân
und wil disen küenen man
lâzen vehten ûf mich.

6050 wirt er müede, sô sol ich
in vil wênic ruowen lân.'

sus weich er alles vor im dan

mit schirmen vor im hin und her.

under wîlen sô sluoc er

6055 dem künic einen solhen slac

der vil wol ze staten lac.
der künic was sô manhaft
und het ouch sô grôze kraft
daz er nam vast an slegen zuo.

6060 Meleranz gedâht im duo

'Dirre man hât grôze kraft.
er nimt ouch zuo an ritterschaft
und an krefticlîchen slegen.
ich wil den ellens rîchen degen
[102] nimmer sparn, ob ich kan.'

den wirt des landes treip er dan
gên der linden über den plân.
dise zwêne küene man
also lange vâhten hie,

6070 unz si ir kraft gar verlie.
ez wert ir ritterlicher strît
vil nâhen unz gên vesperzît.
dô si diu müede überwant,
Godonas der sprach zehant
6075 ze Meleranz dem werden man
'helt, wir suln unser strîten lân,
unz wir geruowen, deist mîn rât.
unser ietweder des niht enhât
daz wir ze disen zîten

6063 krefftlichen.

6045 schirm alleß alleß. gieng. 6077 das ist.

6053 schirm.

6061 Diser.

6080 mit ein ander strîten.

2

diu müede hât uns gesiget an.
wir suln ruowen, werder man.
Meleranz sprach 'sô ruowe wir.
iuwer slege die schadent mir
6085 niht als klein als umb ein hâr.
ir nemt der mîn ouch wênic war:
dâ von sul wir ruowe hân.'
si giengen zuo der linden dan

Und sâzen in den schate zehant.

6090 ietweder sîn helm abe bant.
ouch lôsten ûf diu härsenier
durch den luft die helde fier
erkuolten unde ruoten dâ.

der künc ze Meleranze sâ

[102] sprach 'vil küener wîgant,

mir wart noch nie der man bekant

der sich sô lange werte mîn.

ich wil durch die manheit dîn,
helt, dich geniezen lân.

6100 wiltu werden mîn man

und wiltu leisten mîn gebot?'
Meleranz sprach 'nu enwelle got,
der êren wær iu gar ze vil.
für wâr ich daz wol sprechen wil,

6105 wær iu sô wol gelungen

daz ir mich hett betwungen,
ez wære dannoch missetân.
ê daz ich würde iuwer man,
ich wolt den tôt ê willeclîch
6110 lîden, degen ellens rich.

welt ir die gevangen lân
und iuwer lant von mir hân,
so wil ich strîtes iuch verbern.

welt ir mich des niht gewern,