Fiant aures tuæ intendentes, in vocem

deprecationis meæ.

Si iniquitates observaveris Domine: Domine quis sustinebit?

Quia apud te propitiatio est: et propter legem tuam sustinui te Domine.

Sustinuit anima mea in verbo ejus : speravit anima mea in Domino.

A custodia matutina usque ad noctem, speret Israël in Domino.

Quia apud Dominum misericordia: et copiosa apud eum redemptio.

Et ipse redimet Israël, ex omnibus iniquitatibus ejus. Gloria Patri.

Deindè repetitur Ana.

Ne reminiscaris Domine delicta nostra, vel parentum nostrorum: neque vindictam sumas de peccatis nostris.

Posteà Sacerdos dicit:

Kyrie eleison.

Christe eleison. Kyrie

eleison. Pater noster. V. Et ne nos inducas in tentationem. R. Sed libera nos à malo. V. Ego Dixi, Domine miserere meî. R. Sana animam meam, quia peccavi tibi. V. Convertere Domine aliquantulùm. R. Et deprecare super servos tuos. V. Fiat misericordia tua Domine super nos. Quemadmodùm speravimus in te. cerdotes tui induantur justitiam.

R.

V. Sa

R. Et

sancti tui exultent. V. Ab occultis meis munda me Domine. R. Et ab alienis parce servo tuo. V. Domine exaudi orationem meam. R. Et clamor meus ad te veniat. V. Dominus vobiscum. R. Et cum spiritu

tuo.

Oremus.

AURES tuæ pietatis, mitissime Deus, inclina precibus nostris, et gratiâ sancti Spiritus illumina cor nostrum: ut tuis mysteriis dignè ministrare, teque æternà charitate dili. gere mereamur.

DEUS, cui omne cor patet, et omnis voluntas loquitur, et quem nullum latet secretum, purifica per infusionem sancti Spiritus cogitationes cordis nostri: ut te perfectè diligere, et dignè laudare mereamur.

URE igne sancti Spiritus renes nostros et cor nostrum, Domine; ut tibi casto corpore serviamus, et mundo corde placeamus.

MENTES nostras, quæsumus Domine, Paraclitus, qui à te procedit, illuminet: et inducat in omnem, sicut tuus promisit Filius, veritatem.

ADSIT nobis, quæsumus Domine, virtus Spiritus sancti: quæ et corda nostra clementer expurget, et ab omnibus tueatur adversis.

DEUS, qui corda fidelium sancti Spiritus illustratione docuisti, da nobis in eodem Spiritu recta sapere, et de ejus semper consolatione gaudere.

CONSCIENTIAS nostras, quæsumus Domine, visitando purifica: ut veniens Dominus noster Jesus Christus Filius tuus, paratam sibi in nobis inveniat mansionem.

vivit et regnat in unitate Spiritus us, per omnia sæcula sæculorum.

ORATIONES

Qui tecum sancti DeAmen.

DICENDE CUM SACERDOS INDUITUR SACERDOTALIBUS PARAMENTIS.

Cùm lavat manus, dicat.

DA, Domine, virtutem manibus meis ad abstergendam omnem maculam : ut sine pollutione mentis et corporis valeam tibi servire. Ad Amictum, dum ponitur super caput, dicat: IMPONE, Domine, capiti meo galeam salutis, ad expugnandos diabolicos incursus.

Ad Albam, cum ed induitur.

DEALBA me, Domine, et munda cor meum: ut in sanguine Agni dealbatus, gaudiis, perfruar sempiternis.

Ad Cingulum, dum se cingit.

PRÆCINGE me, Domine, cingulo puritatis,

et extingue in lumbis meis humorem libidinis: ut maneat in me virtus continentiæ, et castitatis.

Ad Manipulum, dum imponitur brachio sinistro.

MEREAR, Domine, portare manipulum fletûs et doloris: ut cum exultatione recipiam mer; cedem laboris.

Ad Stolam dum imponitur collo.

REDDE mihi, Domine, stolam immortalitatis, quam perdidi in prævaricatione primi parentis et quamvis indignus accedo ad tuum sacrum mysterium, merear tamen gaudium sempiternum.

Ad Casulam, cùm assumitur.

DOMINE, qui dixisti : Jugum meum suave est, et onus meum leve: fac ut istud portare sic valeam, quod consequar tuam gratiam. Amen.

ORATIONES

DICENDÆ AB EPISCOPO QUANDO IN PONTIFICALIBUS

CELEBRAT.

Ad Caligas.

CALCEA, Domine, pedes meos in præparationem Evangelii pacis, et protege me in velamento alarum tuarum.

Cùm exuitur Cappa.

EXUE me, Domine, veterem hominem cum moribus et actibus suis: et indue me novum hominem, qui secundùm Deum creatus est in justitia, et sanctitate veritatis.

Cùm lavat manus.

DA, Domine, virtutem manibus meis ad abstergendam omnem maculam immundam: ut sine pollutione mentis et corporis valeam tibi servire.

Ad Amictum.

PONE, Domine, galeam salutis in capite meo, ad expugnandas omnes diabolicas fraudes inimicorum omnium versutias superando.

Ad Albam.

DEALBA me, Domine, et à delicto meo munda me: ut cum his, qui stolas suas dealbaverunt in sanguine Agni, gaudiis perfruar sempiternis.

Ad Cingulum.

PRÆCINGE me, Domine, cingulo fidei, et virtute castitatis lumbos meos, et extingue in eis humorem libidinis, ut jugiter maneat in me vigor totius castitatis.