CONCILIUM PROVINCIALE III,

BALTIMORI HABITUM MENSE OCTOBRI,

ANNO 1837.

ACTA CONCILII.

DOMINICA

SESSIO PRIMA.

IINICA III post Pascha, die 16 Aprilis anno R. S. 1837, inceptum est Concilium Baltimorense Provinciale tertium in Ecclesiâ Metropolitanâ, horâ decimâ A. M.

Post solemnes supplicationes ab ædibus Archiepiscopalibus, Missa solemniter celebrata est ab Illmo et Revño D. SAMUELE ECCLESTON, Archiepiscopo Baltimorensi; et post Concionem ab Illmo ac Revño D. FRANCISCO PATRITIO KENRICK, Episcopo Arathensi, et Coadjutore Episcopi Philadelphiensis, apertum est Concilium juxta formam in Pontificali præscriptam, emissâ fidei professione ab Illmo ac Revño Archiepiscopo, et Illmis ac Revñis Episcopis Bolinensi, Oriensi, Vincennopolitano et Neo-Aurelianensi, qui primâ vice Concilio Provinciali aderant.

Præfuit Illmus ac Revñus D. SAMUEL ECCLESTON, Archiepiscopus Baltimorensis.

Aderant Illmus ac Revñus D. JOSEPHUS ROSATI, Episcopus S. Ludovici;

Illmus ac Revñus D. BENEDICTUS JOSEPHUS FENWICK, Episcopus Bostoniensis;

Illmus ac Revñus D. FRANCISCUS PATRITIUS KENRICK, Episcopus Arathensis, et Coadjutor Episcopi Philadelphiensis, cum plenâ potestate in Diœcesim Philadelphiensem;

Illmus ac Revñus D. JOANNES BAPTISTA PURCELL, Episcopus Cincinnatensis;

Illmus ac Revñus D. GUIDO IGNATIUS CHABRAT, Episcopus Bolinensis, et Coadjutor Episcopi Bardensis;

Illmus ac Revñus D. GULIELMUS CLANCY, Episcopus Oriensis, et Coadjutor Episcopi Carolopolitani; Illmus ac Revñus D. SIMON GABRIEL BRUTE, Episcopus Vincennopolitanus;

Illmus ac Revñus D. ANTONIUS BLANC, Episcopus Neo-Aurelianensis.

Placuit Patribus, proponente Illmo ac Revño D. Archiepiscopo, designare Officiales Concilii Provincialis :

Illmum ac Revñum D. BENEDICTUM J. FENWICK, Promotorem primum, cum potestate designandi Congregationes;

Admodùm Reverendum D. LUDOVICUM R. DELUOL, S. T. D., Vicarium Generalem Archiepiscopi Baltimorensis, Promotorem secundum;

Rev. D. EDUARDUM DAMPHOUX, S. T. D., Metropolitanæ Ecclesiæ Rectorem, Secretarium;

Rev. D. CAROLUM I. WHITE, Rectoris Metropolitanæ Ecclesiæ Adjutorem, socium Secretarium;

Rev. D. FRANCISCUM LHOMME, et D. HUGONEM GRIFFIN, Magistros Cæremoniarum;

Rev. DD. JOANNEM RANDANNE et PETRUM FREDET, Cantores.

PRIMA CONGREGATIO PRIVATA.

DIE 17 Aprilis, horâ nonâ A. M. habita est Congregatio prima privata in ædibus Archiepiscopalibus. Præfuit Illmus ac Revñus D. Archiepiscopus. Aderant Illmi ac Revñi DD. Episcopi suprà memorati, et Illmus ac Revñus D. JOANNES ENGLAND, Episcopus Carolopolitanus, qui aperto jam Concilio advenit. Adfuerunt insuper admodùm Rev. D. Promotor secundus, et Secretarii.

Illmus ac Revñus D. JOANNES DUBOIS, Episcopus Neo-Eboracensis, litteris per procuratorem missis, se excusatum haberi rogavit; quod Patribus vi

sum est.

Exhibito Mandato procurationis ab admodùm Rev. D. FELICE VARELA, Vicario Generali Episcopi NeoEboracensis, ut sui Episcopi vicibus in Concilio Provinciali fungatur, iis privilegiis fruiturus quæ Patribus visum fuerit, placuit ut admittatur cum voto consultativo tantùm.

Patribus visum est expedire preces Summo Pontifici porrigere, ut nova Sedes Episcopalis in urbe Pittsburgi erigatur, quæ suâ ditione eam partem provinciæ Pennsylvania complectatur, quæ Occidentalis dicitur, vulgò The Western District of Pennsyl vania, juxta divisionem civilem quæ legibus ejusdem Provinciæ statuta est.*

Respectivi limites Pittsburgensis et Philadelphiensis Diœcesum certiore lege definiti sunt anno 1850. Decretum eâ de re reperietur inter Acta Concilii Provincialis VII.

Placuit Patribus has sequentes regulas in privatis Congregationibus Episcoporum servari: 1. Invocatâ divini luminis gratiâ per Antiphonam Veni sancte Spiritus, Episcopi sedent juxta ordinem temporis suæ consecrationis. 2. Secretarius legit Acta Congregationis præcedentis: Episcopi, si quid circa illa mutandum, vel illis addendum putant, proponunt. 3. Promotor proponit unam de quæstionibus in Congregatione generali præcedenti agitatis; legit, vel legendum tradit Secretario votum Theologorum, quibus illius quæstionis examen commissum fuerat. 4. Episcopi sententiam suam aperiunt ordine quo sedent. 5. Demùm pluralitate votorum quæstio deciditur.

PRIMA CONGREGATIO PUBLICA.

DIE 17 Aprilis, horâ quartâ P. M. habita est prima Congregatio publica in Ecclesiâ Metropolitanâ.

Præfuit Illmus ac Revñus D. Archiepiscopus. Aderant Illmi ac Revñi DD. Episcopi suprà memorati, secundus Promotor, et Secretarii. Aderant insuper:

Admodùm Rev. Pater GULIELMUS MCSHErry, Superior Societatis Jesu;

Rev. D. JOANNES J. CHANCHE, Præses Collegii S. Mariæ Baltimorensis;

Rev. D. PETRUS SCHREIBER, Rec

toris Metropolitanæ Ecclesiæ adju

tor;

Theologi Me

tropolitanæ Ecclesiæ no

minati.

Rev. D. REGIS LOISEL, ab Episcopo S. Ludovici adductus Theologus;

Rev. D. THOMAS F. MULLEDY, S. J. Præses Collegii Georgiopolitani, ab Episcopo Bostoniensi designatus Theologus;

Admodùm Rev. D. LUDOVICUS DEBARTH, ab Episcopo Arathensi designatus Theologus;

Admodùm Rev. D. STEPHANUS T. BADIN, ab Episcopo Cincinnatensi adductus Theologus;

Rev. D. IGNATIUS A. REYNOLDS, ab Episcopo Bolinensi adductus Theologus;

Rev. D. JOANNES HUGHES, ab Episcopo Oriensi designatus Theologus;

Admodùm Rev. D. PETRUS R. KENRICK, Vicarius Generalis Episcopi Arathensis, ab Episcopo Vincennopolitano designatus Theologus;

Rev. D. AUGUSTINUS VEROT, ab Episcopo NeoAurel. designatus Theologus;

Admodùm Rev. D. FELIX VARELA, V. G. Episcopi Neo-Eborac. Procurator;

Admodùm Rev. D. PETRUS J. VERHÆGEN, Superior Missionum Patrum Soc. Jesu in Diœcesi S. Ludovici.

Illmus ac Revmus Promotor legit sequentes regulas in Congregationibus publicis servandas: 1. Invocatâ Spiritûs sancti assistentiâ per Antiphonam Veni S. Spiritus, Episcopi sedent juxta ordinem consecrationis, et Theologi sedent hoc ordine: Vicarii Generales; Superiores Ordinum; reliqui Theologi juxta ordinem prioritatis ordinationis. 2. Promotor proponit quæstiones discutiendas, et requirit ut votum circa illas legatur ab uno ex Theologis Congregationis specialis, cui illarum examen commissum fuerat. 3. Lecto voto Theologorum, Promotor requirit à Theologis ut si quid circa illud dicendum habeant,