cum! Paravit in conspectu tuo mensam, adversus omnes defectus, omnes fragilitatis maculas, quae adhuc tribulant te. Ecce sponsus venit: intra cum eo ad nuptias, et claude januam cordis omni cogitationi terrenae. O felicitas ineffabilis! O gaudium super omne gaudium! Mihi datum est aeterno Patri sacrificare et offere Agnum sine macula, qui tollit peccata mundi! Mihi datum est consecrare, et intra me sumere Carnem et Sanguinem Redemptoris mei. O Jubilum cordis mei! veni et satia desiderium meum: refice esurientem animam meam; veni et sanctifica indignum ministrum tuum, qui visitationem tuam ardenter desiderat, et amorose exspectat. O Panis Angelorum! sis sustentaculum meum: O Manna de coelo! sis fortitudo mea: O lux mundi! illumina me: O Deus! inflamma me, conforta me contra omnes inimicorum meorum insidias; et per auxi. lium gratiae tuae, erga sanctissima mysteria tua me adeo devotum praebebo hic in terra, ut interminabili guadio tecum merear perfrui in patria. Fiat! O Maria, Virgo gloriosissima quae portans Creatorem tuum, abiisti in montana, ad cognatam tuam, intercede pro me, ut eadem fide: eadem humilitate hodie portem tuum ac meum Jesum, et diligenter conservem gratiam ejus. Amen. GRATIARUM ACTIO XXIV. O beatissima Trinitas, Deus manet. Ipsi, Spiritui Sancto omnipotens, sis benedictus et tibi sit omnis honor et pro immenso favore, quem hodie recepi. Da mihi cor gratum, quod possit te digne laudare. Per passionem et mortem Salvatoris mei, quam incruento modo hodie per ministerium meum renovavit, oro te, ut acceptabilis fiat in conspectu tuo gratiarum actio mea. O Pater aeterne, memento tributum gratitudinis meae tibi offeri in unione meritorum Filii tui, ab aeterno a te dilecti, et qui nunc in me gloria. Benedictus sis, bone Jesu, qui visitas cor meum! Benedictus sis, clementissime Redemptor, qui venis in nomine Domini. Pertineo nunc totus ad te, et tu vicissim totus ad me! O admirabile commercium ! Omnipotens in corde meo residet! Deus qui me creavit, remanet in anima vilis creaturae. Ah! Jesu! misereor tui videns te in corde frigidiori et duriori quam praesepe, in quo collocatus es in nativitate: in corde, quod majorem dolorem tibi causavit quam instrumenta passionis tuae. Non enim semel, sed centies renovavi per peccata mea cruciatus tuos et mortem tuam. O Jesu, qui omnipotens es, qui de indignis dignos facis, et de peccatoribus justos et sanctos, fac ut sancta praesentia tua emundet cor meum ab omni macula, ab omnibus reliquiis peccatorum. Expelle ex eo indifferentiam et teporem: totum liquescat in sanctis ardoribus, quod auctorem sanctae dilectionis in se possidet: totum sit igneum, quod ignem in se recepit. O Salvator Jesu, cum intra me sis ad conferendum mihi favores tuos, et cum invites me ad rogandum: precor te, per viscera misericordiae tuae, ut exaudias obsecrationem meam. Concede mihi incrementum vivae Fidei, Spei, Charitatis et contritionis: da mihi humilitatem, puritatem, patientiam, mansuetudinem, caeterasque tam sublimi statui meo necessarias virtutes. Immuta animam tam plenam mundo et mundanis affectibus, tam refertam superbia et amore proprio: renova illam, redde eam conformem sanctissimae voluntati tuae, et magis ac magis addictam honori et gloriae tuae. Sanctifica sensus meos, ut nihil ad mittant divinae legi tuae contrarium: memoriam meam, ut semper in te occupetur, et circa sublimes tuas perfectiones versetur: intellectum, ut dirigatur ad te voluntatem, ut semper laudet te, semper quae tibi placita sunt cupiat. In sinceritate cordis mei offero tibi in holocaustum perpetuum, animam et corpus meum, sensus, potentias, possessiones, cogitationes, verba et actiones meas. Ure, O ignis divine, consume, O ardor omnipotens, quidquid in me est quod non tendit ad te aut tibi displicet, quidquid me a te avellere potest. O sancta Trinitas, omnipotens Deus, exaudi preces ministri tui: non potes mihi negare quod Jesus, qui in me est, mecum petit; si ego non exaudior, Jesus, qui mecum rogat, exaudietur utique pro reverentia sua. 1pse enim dixit: petite et accipietis, pulsate et aperietur vobis: quodcumque petieritis Patrem in nomine meo dabit vobis. O Maria, Mater et Virgo, Regina super omnes speciosa, ora pro me, ut cum eximio favore quem hodie Filius tuus mihi concessit, etiam concedat gratiam semper in virtute proficiendi, ut dignus in conspectu ejus minister appaream. Amen. SUSPIRIA. Quis me separabit a charitate Christi? Mihi enim adhaerere Deo bonum est. Pre omnibus creaturis adherere Deo bonum est, reddit hominem nobilem, sublimem, illustrem. Homo Deo impletur, creaturis exclusis, in gaudio sanctificat animam suam, vivit in statu gratiae "Superabundavit gratia." 2 Tim. Magna pace fruitur in hac vita, etiam in tribulationibus, sancte vivit et sancte moritur. "Deo semel invento, anima creaturis omnibus libenter valedicit."- Blosius. disiderium naturale hominum, dare, quia nemo potest dare quod non habet. Creaturae imprudentem hominem facile decipiunt, "Intentationem, et in muscipulum pedibus insipientium." Sap. xiv. Tunc rosae in spinas mutantur? Pete a Domino virtutem indefessae sollicitudinis, ut habens animam tuam in manibus tuis semper, non cesses eam a vitiis purgare, et excolere virtutibus. ASPIRATIO. Inordinate adherere creaturis reddit hominen vilem Quis me se&c., est quasi idolotatra; ex perabit a charitate Christi: St. Thomas, "Peccatum est tribulatio, angustiae, fames aversio a Deo, et conversio creaturae? Vivo ego, jam ad creaturas." Creaturae non non ego, vivit vero, in me possunt homini felicitatem; Christus. PRAEPARATIO XXV. O Agne immaculate, qui pasceris inter lilia, et qui es ipse flos campi et lilium convallium, cujus deliciae sunt conversari cum animabus puris et Deo dilectis, quid invenies in horto cordis mei, in quem hodie ingredieris, nisi spinas et tribulos, miserias et infirmitates? In vanum ibi quaeres flores pietatis, vel fructus bonorum operum. Heu! quam magna inter me et te differentia! quale discrimen inter bona exempla tua, et tepidam vitam meam! et tamen mihi specialiter dictum est: sanctus esto, quia ego sanctus sum : esto perfectus, sicut Pater coelestis perfectus est. Tu habitas in luce inaccessibili, et ego in mediis tenebris: tu Magister mitis, humilis et mansuetus, et ego servus nequam, superbus, iracundus et impatiens: tu Agnus innocens, immaculatus, et ego ingratus peccator! Quomodo ergo ad te accedam, et me Carna tua et Sanguine tuo nutriam ? Si considero indignitatem meam, erubesco coram te, et non audeo coelum aspicere, multo minus ad Sancta Sanctorum introire. Sed quia scio te esse Patrem misericordem et Deum totius bonitatis, qui neminem in te sperantem repellis, ideo in te confido et ad te audeo venire. Adeo magna est benignitas tua, ut quamvis multis onustus miseriis, et violentis tentationibus exagitatus, tamen ad tabernacula tua accedo, ut suavem et potentem tuam opem experiar. Tanta est fiducia mea in tua miseratione, ut timerem tibi displicere, si a mensa tua abstinerem : et quo major mea indignitas est, eo major est misericordia tua, in admittendo me ad participationem Mysteriorum tuorum, in quibus spero me inventurum remedium contra omnes infirmitates meas. En, charissime mi Jesu, venio ad te sicut sitiens viator ad fontem aquarum; sicut infans ab ubera matris suae; et sicut filius ingratus ad optimum patrem. Memorare, Domine, misericordiae quam Magdalenae exhibuisti: non repulisti eam e praesentia tua, etsi notoriam peccatricem; e contra mansuete eam recepisti, illius causam egisti, et ad osculum sacrorum pedum tuorum eam admisisti. En, benigne Redemptor novam occasionem exercendi mi sericordiam. En ad pedes tuos miseram creaturam, quae desiderat te recipere. Respice me, et purifica cor meum. Si ex oculis meis non profluunt sufficientes lacrymae ad lavandum pedes tuos: ex sacris tamen Vulneribus tuis satis Sanguinis fluxit ad abstergendum, non solum peccata mea, sed delicta totius mundi. Si ergo adhuc in corde meo aliquid remanet, quod non satis purum est; amplius lava me, purifica me, antequam praesumam conficere Corpus et Sanguinem tuum, et Deum meum in intima mea introducere. Veni, O Esca divina, et nutri animam meam desiderio te desiderantem veni fornax charitatis, et consume me totum: ignis amoris, inflamma me, Pastor bone, dirige me; mi Pater et Sponse, suscipe me; vita et pax mea, salva me. Veni, lumen animarum, consolator cordium, desiderium Patriarcharum et gaudium Angelorum. Veni, deliciae coeli et beatitudo Sanctorum: ad te anhelat cor meum: nam esse tecum dulcis est paradisus esse sine te gravis est infernus. O sanctissima Virgo Maria, recepturus sum hodie dilectum tuum Jesum. Intercede pro me, ut eadem fide, eadem devotione et charitate ipsum excipiam, qua sanctus senex Simeon eum e manibus tuis in ulnas suas excepit. Amen. GRATIARUM ACTIO XXV. O dulcis Jesu, mi Deus et Redemptor, Rex coelorum et Domine infinitae majestatis et potentiae, qui iterum honoras indignum servum tuum divina et reali tua praesentia, quomodo adeo te humilias, ut velis habitare in anima mea, tam parum te amante, tam parum te digna? Nonne sufficiens erat, O Sponse sanguinum, tot tantaque tormenta, et mortem ipsam amore mei sustinuisse? Quis sum ego, indigna creatura tua, ut tribuas te in nutrimentum meum, et participem me facias omnium meritorum quae acquisivisti crudeli et ignominiosa tua morte in cruce? Quid te impellit ut me adeo honores? Sed quid plura? Amor tuus est, O Jesu! Charitas quae te impellit et urget; dilectio tua, qua majorem nemo habet. O immensa bonitas! O suavis benignitas Dei mei, quam hucusque tam parum amavi, da ut deinceps diligam te cum omni fervore, et ex omnibus potentiis cordis mei. O suavis amator animae meae, non poteras majorem mihi gratiam largiri, quam illa qua me hodie in sacra Communione honoras. nativitatem dedisti te ́socium meum, et per mortem tuam Per coelo, in cujus participatione filii hominum redduntur filii Dei! O Panis, omne delectamentum in te habens, qui refocillas animam, spiritum recreas, flammas concupiscentiae extinguis, voluntatem subjicis et amorem proprium mortificas: sanctifica cor meum, in quo nunc habitas, et redde illud victimam acceptabilem divinae majestati. Et quid nunc, O bone Jesu, retribuam tibi pro hoc immenso tuo beneficio? Si gratiarum actio mea debet adaequare favorem tuum, quid sufficiet ad testificandum tibi gratitudinem meam? Et quid poterit tibi dare debilis creatura tua quae nequidem per horae quadrantem attente te laudare potest? Si in visitatione matris tuae Mariae, cog |