swenn ich in Kristes schar mit fröiden wünneclîchen var. Ich var mit iuwern hulden, herren unde måge: liut unde lant diu müezen sælic sîn. 75 Es ist unnôt daz iemen mîner verte vrâge: ich sage wol für wâr die reise mîn. Mich viene diu minne und lie mich varn ûf mine sicherheit: nu hât sî mir enboten bî ir liebe daz ich var. cz, ist unwendic, ich muoz endelichen dar: 80 wie kûme ich briche mîne triuwe und mînen eit! Sich rüemet maniger wag er durch die minne tæte: wâ sint diu werc? die rede hære ich wol. Doch sehe ich gerne daz si ir eteslîchen bæte daz, er ir diente als ich ir dienen sol. 85 Ez ist geminnet, der sich dur die minne ellenden muoz. Ir minnesinger, iu muoz ofte misselingen: 90 daz iu den schaden tuot, daz ist der wàn. Ich wil mich rüemen, ich mac wol von minne singen, sît mich diu minne hât und ich sî hân. Daz ich dâ wil, seht daz, wil alse gerne haben mich: 95 ir ringent umbe liep daz iuwer niht enwil: wan mügent ir armen minnen solhe minne als ich? Dir hât enboten, frowe guot, sîn dienest der dir es wo! gan, 100 daz beste daz sîn herze kan. Der wil dur dinen willen disen sumer sîn vil hôhes muotes verre ûf die genâde din. daz ich mit guoten mæren var: 105 sô bin ich willekomen dar. 'Du solt im, bote, min dienest sagen: swaz ime ze liebe müge geschehen, 110 Und bite in daz er wende sinen stolzen lip dâ man im lône: ich bin im ein vil vremedez, wîp zenpfâhen sus getâne rede. swes er ouch anders danne gert, daz tuon ich, wan des ist er wert. 115 Ich muoz von rehte den tac iemer minnen dô ich die werden von êrest erkande, 120 In süezer zühte, mit wîplîchen sinnen. wol mich daz ich den muot ie dar bewande! Daz, schât ir niht und ist mir iemer guot, wand ich ze gote und zer werlte den muot deste baz dur ir willen kêre: sus ding ich daz sich mîn fröide noch mère. Ich schiet von ir daz ich ir niht enkunde bescheiden wie ich si meinde in dem muote. 125 Sit fuogte mir ein vil sæligiu stunde daz ich sî vant mir ze heile âne huote. Dô ich die werden mit fuoge gesach, und ich ir gar mînes willen verjach, daznpfie sî mir daz irs got iemer lône. 130 135 sî was von kinde und muoz ie sîn mîn krône. Sich mac min lip von der guoten wol scheiden: min herze min wille muoz bi ir blîben. Si mac mir leben und fröide wol leiden, An ir lît beide mîn liep und mîn leit: swaz si min wil, deist ir iemer bereit. wart ich ie vrô, daz schuof niht wan ir güete. Maniger grüezet mich alsô 140 (der gruoz tuot mich ze mâze frô) 'Hartman, gên wir schouwen ritterliche frouwen.' mac er mich mit gemache lân und île er zuo den frowen gân! 145 bi frowen triuwe ich niht vervân wan daz ich müede vor in stân. Ze frowen habe ich einen sin: als sî mir sint, als bin ich in; wand ich mac baz vertrîben 150 die zit mit armen wiben. 155 swar ich kum, dâ ist ir vil, In mîner tôrheit mir geschach do wart ich twerhes an gesehen. XIX. Der Marcgrâve von Hôhenburc: Ich het ic gedàht wie ein wîp wesen solde, ob ich müese wünschen ir lip und ir site, Daz ich si danne mir selbeme wolde daz ich mîne wunne het iemer då mite. 5 Nu weiz ich ein wip alse gar minneclich daz mînem wunsche enwart nie sô gelîch. ich wæn er sich hat an ir schone bewæret: ich bin von ir minne unsanfte erværet. Ir lîp und ir êre deist allez vil reine: 10 owê deich si vremiden muoz unde sol! Welt ir daz mîn herze daz niht enweine? swenn man der guoten gedenket so wol, Sô kum ich vor liebe in so wè tuonde nôt daz man mich vil dicke siht bleich unde rôt: 15 sô dunket mich wie si mir stê vor den ougen; sô siufte ich mit lachendem munde also tougen. Sin ist niht in allen sô schoene mîn frouwe als si mir erschein diu den wunsch an ir treit. Si weiz wol daz ich schoner wip dicke schouwe 20 an die doch so gar niht mîn wille ist geleit. Hie han ich die schoene in der güete gesehen, daz man ir des besten von wârheit muoz jehen. ich prîse vil selten die schone âne guete: diu hât si beide, sô mirs got behüete. 25 Ich wache umb eines ritters lip und umb din êre, schoene wîp: wecke in, frouwe! Got gebe daz cz im wol ergê, daz er erwache und niemen mê: 30 wecke in, frouwe! Est an der zit, niht langer bît, ich bite ouch niht wan dur den willen sîn. wiltun bewarn, 35 sô heiz in varn: verslâfet er, so ist gar diu schulde din. 'Din lip der müeze unsælic sîn, Din wachen daz wær allez guot: Wahtære, in hân 45 dir nibt getân wan allez guot, daz mir wirt selten schin. du gers des tages dur daz du jages vil seneder vröiden von dem herzen mîn. 50 slåf, geselle!' 'Dîn zorn si dir vil gar vertragen, der ritter sol niht hie betagen: wecke in, frouwe! Er gap sich uf die triuwe min, 55 do enphalch i'n den genâden dîn: wecke in, frouwe! Vil sælic wip, sol er den lip verliesen, sô sîn wir mit ime verlorn. 60 ich singe ich sage: êst an dem tage, nu wecke in, wand in wecket doch mîn horn. XX. Hêr Hiltbolt von Swanegou. Ein schapel brûn under wilen ie blanc hât mir gehohet daz herze und den muot. Hie bi künd ich mîner vrowen den sanc daz sî bekenne wer mich singen tuot. 5 Ich sol mich gên ir hulden hüetende sin noch michels baz danne der ougen mîn: sî sî getriuwe, daz werde an mir schin. Ez ist ein wunder, mir wart nie sû wê, dô ich wol vieren für eigen mich bôt. 10 Nu minn ich eine und enkein ander mê und ist nach der einen noch græzer min nôt Danne sî wære von minne allez ie. ez was ein spil då mit ich umbe gie: nu kenn ich minne, die kande ich ê nie. 15 Ez ist ein reht daz ich lâze den muot liebe muoz dicke mit leide zergân. |