lum visui, cithara auditui, mel gustui, balsamum olfactui, flos tactui. Ibi erit candor lucis æstivalis, amoenitas vernalis, abundantia autumnalis, requies hiemalis. Ibi, teste Augustino, fulget quod non capit locus, sonat quod non capit tempus, olet quod non spargit flatus, sapit quod non minuit edacitas, non erit quod divellat satietas. Ibi, sicut ait idem Augustinus, Deus sine fine videbitur, sive fastidio amabitur, sine fatigatione laudabitur. Ibi videretur stultitia sapientia Salomonis1. Ibi esset deformitas pulchritudo Absalonis. Ibi esset tarditas velocitas Asaelis". Ibi judicaretur infirmitas fortitudo Samsonis. Ibi esset mortalitas longa vita Mathusalem *. Ibi esset paupertas regnum Augusti. Ibi secundum Augustinum, nihil obest, nihil deest, nihil affluit, nihil defluit, nihil est extra quod appetatur, nihil intra quod fastidiatur. Ibi, secundum Bernardum, Deus erit rationi plenitudo lucis, voluntati multitudo pacis, memoriæ continuatio æternitatis.

Item, Augustinus de corporis et animæ misera vita : « O caro, illam vitam am«< plecti debuisti, ubi vita sine morte, ubi « juventus sine senectute, ubi lux sine « tenebris, ubi gaudium sine tristitia, ubi << pax sine discordia, ubi voluntas sine << turbatione, ubi regnum sine muta<< tione. >>

Item, Augustinus : « Illud quod pro«< mittit Deus, fide non capitur, spe non attingitur, charitate non comprehen« ditur. Desideria et vota transcendit, << acquiri potest, æstimari non potest. » Ibi, secundum Augustinum, « Carmina «< non desunt, præmia non deficiunt : ibi << nihil quod amabitur, deerit: ibi nihil << desiderabitur, quod non adsit. » Illa beatitudo, sicut ait Augustinus, in duobus consistit, scilicet in necessaria præsentia omnis boni, et in necessaria absentia omni mali.

Item, Augustinus « O vita vitalis, << dulcis et amabilis, et semper memora«bilis ubi summa securitas, secura <«< tranquillitas, tranquilla jucunditas, ju<«< cunda felicitas, felix æternitas, ubi << æterna beatitudo, et beata certitudo, << ubi certa visio, et sine fine laudatio! « Ibi affluentia divitiarum, influentia deli«< ciarum, et confluentia bonorum,»> Denique de gaudiis cœlestibus repleat nos Dei Filius, qui cum Patre et Spiritu sancto vivit et regnat Deus. Amen.