explendis sacris caeremoniis. Quae singula dum nomine Sacrae Congregationis Amplitudini Tuae communico, diu felix, et incolumis vivat. Romae 11 septembris 1847. Reverendissimo Domino uti Fratri - Episcopo Ariminen. (4951) CAEREMONIALE EPISCOPORUM 1. Non tollit laudabiles consuetudines. 2. Ejus observantia commendatur. 1. S. R. C. declaravit: Librum Caeremonialem immemorabiles, et laudabiles consuetudines non tollere. Die 11 jun. 1605 in Hispaniarum. (120) An decretum emanatum ad instantiam omnium Ecclesiarum in Hispaniae regnis, quod scilicet liber Caeremonialis Episcoporum non tollat laudabiles, et immemorabiles consuetudines, habeat locum etiam in regno Portugalliae? S. R. C. dictum decretum locum habere non solum in regnis Hispaniae et Portugalliae, sed etiam in quibuscumque aliis regnis et locis, per totum Christianum orbem, declaravit. Die 17 junii 1606 in Elboren. (171) 2. Orta alias controversia inter Episcopum Nicien. et Capitulum super incessu ad Ecclesiam; S. C. mandavit servari Caeremoniale pro utraque parte. Modo nolentibus Sindacis anteire Episcopum in incessu juxta ritum praescriptum in Caeremoniali; Episcopus supplicavit mandari eisdem Sindacis, ut si nolint observare praescriptum Caeremonialis, abstineant ab eundo. Et S. C. respondit: Servari omnino Caeremoniale, et quod Episcopus opportunis remediis provideat, ut observetur. Die 20 febr. 1627 in Nicien. (526) An liceat Episcopum Ordinarium loci extra Cathedralem Episcopo extero, cui pontificalia demandet, cathedram sub baldachino indulgere ? Et S. C. respondit: Minime licere, sed eo casu Episcopum exterum juxta Caeremonialis dispositionem faldistorio uti debere. Die 29 jan. 1656 in Januen. (1629) Praepositus et Canonici Ecclesiae Nicien, cum instarent ut Episcopus indueret cappam pontificalem in aula ipsius habitationis, quando cum canonicis est iturus ad solemnia celebranda in ecclesia, et ex altera parte Episcopus offerret se paratum observare Caeremoniale, modo ipsi quoque Canonici observent pro parte eorum, qui in tali casu sequi debent Episcopum, juxta dictum Caeremoniale lib. I, cap. 15, non autem anteire, ut faciunt; habito ad hanc S. R. C. per dictum Episcopum recursu, S. C. mandavit: servari Caeremoniale pro utraque parte, videlicet tam pro parte Episcopi, quam pro parte Canonicorum. Die 4 april. 1626 in Nicien. (474) Dum Rmus Syracusan. Archiepiscopus perspexit usum inter clerum sibi commissum vigentem, videlicet accedendi ad solemnem supplicationem Corporis Christi cum sacris vestibus, nimirum casula, stola et manipulo, illico reprehendit id omnino adversari Ecclesiasticis sanctionibus, ac Caeremoniali Episcoporum. Verum ad evitandas controversias, maluit Sacram hanc Congregationem Rituum humillimis adire precibus, enixeque rogare, ut declarare dignaretur num in pervetusta ac bene immemorabili exposita consuetudine clerum ipsum relinquere possit, vel potius eumdem adigere debeat ad assumendam casulam tantum absque stola et manipulo? Et sacra ipsa Congregatio ad Quirinale in hodierno ordinario coetu coadunata, post auditam a me Secretario fidelem relationem, et diligens super expositis institutum examen, rescribendum censuit. Quoad usum stolae in casu relinqui posse arbitrio ex consuetudine: Albam permittendam beneficiatis, non canonicis, qui uti debent rochetto et casula: manipulum vero omnino inhibendum juxta rubricas. Atque ita rescripsit. Die 22 juli 1848. Syracusan. (4975) CALENDARIUM 1. Calendarium Romanum est universale. 2. Calendario dioecesis uti non possunt Regulares, nisi quodam casu. 3. Calendario standum est, etsi erret. 4. Excipe si contra Missale vel Breviarium. 1. Utrum capitulum oppidi Villa-Franca, cum ulterius non utatur Calendario Toletano, possit Astoricensi ordinario uti? Et quatenus negative, quo Calendario uti debeat supradicta capitularis ecclesia? Resp. Negative, et adhibendum esse Calendarium Romanum exceptis officiis peculiariter concessis clero dumtaxat Urbis, vel totius Status Ecclesiastici, vel Italiae cum insulis adjacentibus; iis vero additis, quae juxta rubricarum regulas, et generalia S. R. C. decreta, ejusdem Ecclesiae oppidi Villa-Franca del Vierzo vere sunt propria. Die 30 sept. 1817 in Nullius Provinciae Compostellanae ad 1m. (4392) 2. S. C. jussit non posse Regulares uti Calendario dioecesano, sed tantum teneri ad recitationem officii proprii Sanctorum Patroni principalis, scilicet Titularis Ecclesiae Cathedralis, et Protectoris Civitatis. Die 10 jun. 1656 in Parisien. (658) Quum Sacrorum Rituum Congregatio de sententia requisita fuerit super sequentibus dubiis a R. P. D. Secretario subscripto propositis, nimirum: 1o An religiosi utriusque sexus proprium kalendarium non habentes, uti debeant kalendario dioecesano? 2o An oneri satisfaciant divini officii persolvendi si alio quam dioecesano kalendario utantur ? 3 An sit servanda consuetudo penes nonnullos Regularium Ordines invecta addendi symbolum Nicaenum Missae insignium Patronorum Ordinis, qui non sint institutores, titulares vel patroni etiam si de ipsis recitatur ritu duplicis secundae classis? Emi et Rmi Patres in ordinariis comitiis hodierna die ad Quirinale coadunati, post acceptum votum alterius ex Apostolicarum Caeremoniarum Magistris, respondendum censuerunt: Ad 1m Affirmative additis officiis peculiariter concessis Regularibus in illa dioecesi commorantibus. Ad 2m Provisum in praecedenti. Ad 3m Consuetudinem esse abrogandam, et solum addendum symbolum si sint vel titulares, vel patroni. Atque ita servandum mandarunt. Die 22 julii 1848. Dubiorum. (4964). Utrum Regularibus proprio Calendario utentibus licitum sit sese conformare ob antiquam consuetudinem, translationi festi S. Marci in feriam IV post Dominicam in Albis, quum hoc festum non amplius servetur in populo ? S. R. C. resp. Servetur particularis rubrica. Die 22 febr. 1847 in Mechlin. ad 3m. (4918) 3. An in casibus dubiis adhaerendum est Calendario dioecesis, sive quoad officium publicum, et privatum, sive quoad missam, sive quoad vestium sacrorum colorem, etiam si quibusdam probabilior videtur sententia Calendario opposita? Et quatenus affirmative, an idem dicendum de casu quo certum alicui videretur errare Calendarium? Respondit S. C. R. Standum Calendario. Die 23 maii 1835 in Namurcen. ad 2m. (4597) 4. An quoad lectiones primi Nocturni in duplicibus minoribus, standum sit dispositionibus Directorii vel Breviarii? Resp. Lectiones primi Nocturni in casu esse de Scriptura, nisi diversae in indulto expresse assignentur. Die 27 aug. 1836 in Minoricen. ad 7. (4638) CALIX 1. Non est execrandus antequam deauretur. 2. Contrectari ne potest a clericis et tonsuratis? 1. Usus sensim invaluit, ut quoties Calices, aliaque vasa, sacra unctione consecrata juxta Ritum Pontificalis Romani, artificis opera indigeant, quippe reficienda vel refundenda iterum sint; non antea eidem tradantur quam per sacerdotem vel directe et manu, vel aliquo mediante instrumento fuerint execrata. 1o Utrum rite, vel potius ex errore passim fiat bujusmodi execratio? 2o Si rite; utrum ab Episcopo, vel a quocumque sacerdote sit peragenda? Et S. C. respondit: ad 1" Negative, ad primam partem, Affirmative ad secundam. Ad 2 Provisum in primo; et detur decretum generale. Die 20 aprilis 1822. Factaque de praemissis SS. D. Nostro Pio VII, Pont. Max. relatione, Sanctitas Sua S. C. responsa approbavit, et generale decretum desuper edi, ac typis publici juris fieri mandavit. Die 23 dicti mensis et anni, in Dubiorum. (4438) 2. Vicarius Veliternus. . . petiit a S. C. declarari, vel sibi concedi licentiam utendi consuetudine, ut clerici in minoribus constituti, aut prima tantum tonsura initiati, item conversi religionum, et fratres laici sacristiis inservientes, possint contrectare calices, et corporalia: ad quod fuit dictum: Agendum esse cum Rmo Vulpio, quem reperi in nostra sententia ut clericis, non laicis concedi possit. Die 24 aprilis 1626 in Veliterna. ad 2m. (477) 3. Quum Reverendissimus Leodien. Episcopus Sacrorum Rituum Congregationem enixe rogarit, ut declarare dignaretur: Utrum Calix et Patena suam amittant consecrationem per novam deaurationem, et sic indigeant nova consecratione? Sacra eadem Congregatio ad Vaticanum subsignata die in Ordinariis comitiis coadunata, ad relationem secretarii, rescripsit: Affirmative, amittere nimirum, et indigere juxta exposita. Die 14 juni 1845 in Leodien. (4866) CAMPANA (*) 1. Non benedicuntur Campanae a sacerdotibus. 2. Quaenam benedicuntur. 3. Quomodo pulsandae dum viaticum defertur. 1. An liceat delegare benedictionem Campanarum, omissa unctione, personis ordine Episcopali non insignitis, ut praedecessores petentis consuevisse asseritur? (*) 4. Campanae consecratae etiam in turri profana existentes nullatenus usui profano inservire debent (S. C. Ep.1581 (Barb.)), nisi de licentia Episcopi. Ead. 51 jan. 1559 (Ferr.) 2. Regulares possunt cogi ab Episcopo ad deponendum de campanili Campanas, si ibi non benedictas appenderunt. S. C. Ep. 17 jan. 1614. (Ferr.) 3. Est abusus non tolerandus, quod Campana aliqua pro solis nobilibus pulsari reservetur, sed pulsari debet pro quibuscumque petierint. Ead. 19 jan. 1585. (Ferr.) Resp. Non licere. S. R. C. de 19 april. 1687 in Majoricen. (2985) 2. An signa seu Campanae pro indicandis horis in horologiis publicis possint benedici eadem formula, qua ex Pontificali Romano benedicuntur signa Ecclesiarum? Resp. Negative, praeterquam in casu, quod eadem signa nedum pro horarum indicatione pulsanda sint, verum etiam pro sacris actionibus. Die 17 sept. 1822 in Dubiorum ad 2m. (4440) Non videntur posse benedici solemni ritu Campanae, quae solum deserviunt profanis usibus; nam, ut ex ipsa benedictione, quae habetur in Pontificali, colligi potest; Campanae benedicuntur in usum tantum ecclesiasticum, ut caetera vasa sacra: et ideo inunguntur, variisque caeremoniis consecrantur fere ad eum modum, quo consecrantur altaria. Campanae de quibus agitur non videntur praesumi posse benedictae, non solum quia factae sunt tempore bellorum, et schismatum, sed etiam quia sunt institutae ad profanos usus. Non videtur ullo modo decere, ut Episcopus in habitu pontificali ascendat turrim, ut Campanas solemni ritu benedicat : posset tamen sacerdos aliquis turrim ascendere, et aqua benedicta Campanas aspergere. Die 16 jul. 1594 in Perusina ad 1m, 2m, 3m. (83 suppl.) 3. In Monialium monasterio S. Petri, Beneficiatus ordinavit ut populo jam convocato ad associandum SS. Sacram. per viaticum administrando, magnae Campanae continuo pulsarentur. An liceat hebdomadario similia ordinare? S. R. C. declaravit non licere, et mandavit servari consuetudinem dictae ecclesiae et Rituale Romanum. Die 18 maji 1675 in Barchinonen (2576). CANONICI S. 1. DE CANONICORUM OFFICIIS 1. Quando et quomodo Episcopo associare tenentur. 2. Si renuant, poenis plectendi. 3. Non tamen obligantur in missis privatis. 4. Sed in Ordinationibus. 5. In benedictione SS. Olei, si desint presbyteri. 6. Tenentur inservire Episcopo et dignitatibus extra Cathedralem. 7. Possunt compelli ad adorandam Crucem, in feria VI Parasceves. 8. An tenentur inservire ut diaconi. 9. Non excusatur ab hoc officio qui organum pulsat. 10. Quomodo assistunt Episcopo pontificalia celebraturo. 11. Quomodo feria VI Parasceves. 12. Non possunt compelli ad persolvenda officia ordinaria cum cantu. |