Daz ich dâ wil, seht daz wil alse gerne haben mich:
sô müezt ab ir verliesen under wîlen wânes vil.

95 ir ringent umbe liep daz iuwer niht enwil:

wan mügent ir armen minnen solhe minne als ich?

Dir hât enboten, frowe guot,
sîn dienest der dir es wol gan,
Ein ritter der vil gerne tuot

100 daz beste daz sîn herze kan.

Der wil dur dînen willen disen sumer sîn

vil hôhes muotes verre ûf die genâde dîn.
daz solt dû minneclîche enpfân

daz ich mit guoten mæren var:

105 sô bin ich willekomen dar.

'Dû solt im, bote, mîn dienest sagen:
swaz ime ze liebe müge geschehen,
Daz möhte niemen baz behagen,

der in sô selten habe gesehen.

110 Und bite in daz er wende sînen stolzen lîp

dâ man im lône: ich bin im ein vil vremedez wîp
zenpfâhen sus getâne rede.

swes er ouch anders danne gert,

daz tuon ich, wan des ist er wert.'

115 Ich muoz von rehte den tac iemer minnen
dô ich die werden von êrest erkande,
In süezer zühte, mit wîplîchen sinnen.

wol mich daz ich den muot ie dar bewande! Daz schât ir niht und ist mir iemer guot, 120 wand ich ze gote und zer werlte den muot deste baz dur den ir willen bekêre:

sus ding ich daz sich mîn fröide noch mêre.

Ich schiet von ir daz ich ir niht enkunde bescheiden wie ich sî meinde in dem muote. 125 Sît fuogte mir ein vil sæligiu stunde

daz ich sî vant mir ze heile âne huote.
Dô ich die werden mit fuoge gesach,
und ich ir gar mînes willen verjach,

Bartsch, Deutsche Liederdichter. 2. Auflage.

daznpfie sî mir daz irs got iemer lône.

130 sî was von kinde und muoz ie sîn mîn krône.
Sich mac mîn lîp von der guoten wol scheiden:
mîn herze mîn wille muoz bî ir blîben.

Sî mac mir leben und fröide wol leiden,
und dâ bî al mîne swære vertrîben.

135 An ir lît beide mîn liep und mîn leit:
swaz sî mîn wil, deist ir iemer bereit.

wart ich ie vrô, daz schuof niht wan ir güete.
got sî der ir lip und êre behüete.

XIX. Der Marcgrâve von Hôhenburc.

Ich het ie gedâht wie ein wîp wesen solde, ob ich müese wünschen ir lîp und ir site, Daz ich si danne mir selbeme wolde daz ich mîne wunne het iemer dâ mite. 5 Nu weiz ich ein wîp alse gar minneclîch daz mînem wunsche enwart nie sô gelîch. ich wæn er sich hât an ir schone bewæret: ich bin von ir minne unsanfte erværet.

10

Ir lîp und ir êre deist allez vil reine:
owê deich si vremiden muoz unde sol!
Welt ir daz mîn herze daz niht enweine?
swenn man der guoten gedenket sô wol,
Sô kume ich vor liebe in sô wê tuonde nôt
daz man mich vil dicke siht bleich unde rôt:
15 sô dunket mich wie si mir stê vor den ougen;
sô siufte ich mit lachendem munde also tougen.
Sin ist niht in allen sô schoene mîn frouwe
als si mir erschein diu den wunsch an ir treit.
Si weiz wol daz ich schoner wîp dicke schouwe
20 an die doch sô gar niht mîn wille ist geleit.

Hie hân ich die schoene in der güete gesehen,
daz man ir des besten von wârheit muoz jehen.
ich prîse vil selten die schoene âne güete:
diu hât si beide, sô mirs got behüete.

25 'Ich wache umb eines ritters lîp und umb dîn êre, schoene wîp:

wecke in, frouwe!

Got gebe daz ez im wol ergê,

daz er erwache und niemen mê:

30 wecke in, frouwe!

Êst an der zît,

niht langer bît,

ich bite ouch niht wan dur den willen sîn.

wiltun bewarn,

35 sô heiz in varn:

nu wecke in, wand in wecket doch mîn horn.

wecke in,

frouwe!'

XX. Hêr Hiltbolt von Swanegou.

Ein schapel brûn under wîlen ie blanc hât mir gehohet daz herze und den muot. Hie bî künd ich mîner vrowen den sanc daz sî bekenne wer mich singen tuot. 5 Ich sol mich gên ir hulden hüetende sîn noch michels baz danne der ougen mîn: sî sî getriuwe, daz werde an mir schîn.

Ez ist ein wunder, mir wart nie sê wê, dô ich wol vieren für eigen mich bôt. 10 Nu minn ich eine und enkein ander mê

und ist nach der einen noch grozer mîn nôt Danne sî wære von minne allez ie.

ez was ein spil dâ mit ich umbe gie:

nu 'rkenn ich minne, die 'rkande ich ê nie.

15 Ez ist ein reht daz ich lâze den muot der mir ûf minne ie was rîche unde guot: ich wil gebâren als ez mir nu stât. Owê daz minne ie daz bose ende hât! swer sich mit stæte an ir unstæte lât, 20 wê wie unsanfte ein scheiden dem tuot! Alse ez mir hât daz selbe getân: liebe muoz dicke mit leide zergân. wie sanfte im ist der sich hât behuot! Nu werdent ougen vil trüebe unde rôt, 25 nâch liebem friunde sô lîdent sî nôt die ir dâ beitent vil lîhte iemer mê. Daz leit getuot manger frouwen nu wê die fröid enpflâgen mit liebe als ê:

der wunne wendet nu mange der tôt. 30 Minne unde friunde ich dur got lâzen wil: des dunket mich dur in niemer ze vil, sît man uns von ime dienest gebôt.

Mîn teil der minne daz sult ir iu hân, daz enwil ich anders niemanne lân: 35 dâ bî gedenken sult ir, herre, mîn. Het ich iht liebers, daz solt iuwer sîn. fröide unde wunne werd iu von ir schîn: sî hât mir niht wane leit noch getân, Sît ich mich kêrte und ie sêre ranc 40 an eine stat dâ mir leider nie lanc:

baz dan mir müeze ez iu dâ mite ergân.
Daz ir genâde sô gar mich vergie,
des bin ich vrô unde klagte ez doch ie.
ir edeler minne ich noch sanfter enbir

45 Danne ich sî weste in den sorgen nâch mir