Diz ist ein leich von deme heiligen grabe. 45 Ein tumber man iu hât gegeben disen wîsen rât, dur daz man in ze guote schol verstân. ir wîsen merkent in: daz wirt iu ein vil grôz gewin, 50 swer in verstât, so ist mîn rât noch wîser denne ich selbe bin. Mîn tumber mannes munt der tuot iu allen gerne kunt 55 wiez umbe gotes wunder ist getân; swer ime nieht gerne dienen wil, wan sîn zorn 60 vil harte ergân muoz über in. Nu hærent wîses mannes wort von tumbes mannes munde: ez wurde ein langer wernder hort, 65 Daz wære guot und ouch mîn rât, vil maneger drumbe enphangen hât Als müezen wir: 70 jâ teile ich mir die selben sælekeit. ob ich gedienen kan dar nâch, diu gnâde ist mir gereit. Ob ich verbir 75 die bloeden gir die noch mîn herze treit, so wirt mir hin zen fröweden gâch, dâ von man wunder seit. Nu sint uns starkiu mære komen: 80 diu habent ir alle wol vernomen. nu wünschent algelîche 85 Heiles umbe den rîchen got, an keiser Friderîche, Daz wir geniezen müezen sîn, des er gedienet hât und ander manec bilgerîn, der dinc vil schône stât. der sêle diust vor gote schîn, 90 der niemer si verlât: der selbe sedel ist uns allen veile. daz ist ein sælekeit, sît got sô süezen market gît. 95 jâ vinden wir gereit lediclîchen âne strît grôz liep ân allez leit. nu werbent nach dem wunneclichem heile. Nu hæret man der liute vil 100 ir friunde sêre klagen. 105 ze wâre ich iu dar umbe wil ein ander mære sagen. wir mugen wol stille dagen. Swer si weinet, derst ein kint. daz wir niet sîn dâ si dâ sint, daz ist ein schade den wir michels gerner möhten weinen. 110 Diz kurze leben daz ist ein wint: wir sîn mit sehenden ougen blint, daz wir nu got von herzen niet mit rehten triwen meinen. Ir dinc nâch grôzen êren stât, ir sælec sêle enphangen hât 115 sunder strît und âne nît die liehten himelkrône. Wie sæleclîchenz deme ergât 120 und ime dâ gît den zaller zît nâch wunneclîchem lône. Der tiufel huob den selben spot: enslâfen was der rîche got, 125 dur daz wir brâchen sîn gebot: Swer nu daz kriuze nimet, wie wol daz helden zimet! daz kumt von mannes muote. 135 in sîner huote si zallen zîten hât, der niemer sie verlât. Sô sprichet lîhte ein bæser man, der heldes herze nie gewan, 140 wir sun hie heime vil sanfte belîben, die zît wol vertrîben vil schône mit wîben.' Sô sprichet diu der er dâ gert 'gespile, er ist nicht bastes wert: 145 vil gerne ich in verbir.' 'trût gespil, daz râte ich dir.' nu hât er beidinthalb ferlorn, 150 durch in ze lîden die nôt und den tôt. erst sælec, der dâ sterben sol dâ got erstarp, dô er erwarp 155 daz heil der kristenheite. Diu helle diust ein bitter hol, so werbent ir 160 daz man iuch darwert leite. Vil maneger nach der werlte strebet, dem si mit bœsem ende gebet, und nieman weiz wie lange er lebet: 165 Ich râte iu dar ich selbe wil. nu nement daz kriuze und varent dâ hin (daz wirt iu ein vil grôz gewin) und fürhtent nieht den tôt. Der tumbe man von Rugge hât 170 gegeben disen wîsen rât. ist ieman der in nu verstât Den riwet, sô der schade ergât, XI. Hêr Albreht von Johansdorf. Ich hân dur got daz kriuze an mich genomen Nu helfe er mir, ob ich her wider kome, ein wîp diu grôzen kumber von mir hât, 5 Daz ich sie vinde an ir êren: so wert er mich der bete gar. sul aber siu ir leben verkêren, sô gebe got daz ich vervar. Mich mac der tôt von ir minnen wol scheiden, 10 anderes nieman: des hân ich gesworn. Ern ist mîn vriunt niht der mir sie wil leiden, sô bin ich vervluochet vor gote als ein heiden. 15 siu ist wol gemuot und ist vil wol geborn. heiliger got, wis genædic uns beiden! Dô diu wol getâne gesach an mîm kleide daz kriuze, dô sprach diu vil guote, ê ich gie, 'Wie wiltu mir nu geleisten diu beide, 20 varn über mer und iedoch wesen hie?' Siu sprach wie ich wolde gebâren um sie. 25 ê was mir wê: dô geschach mir nie sô leide. Swer daz bestrûchet, der mac wol besnaben; 30 dâne mac niemen gevallen ze sêre, daz meine ich, sô die sêle werden gevage, sô sie mit schalle ze himele kêren. Ich vant si âne huote die vil minneclîchen eine stân. 35 Sâ dô sprach diu guote 'waz welt ir sô eine her gegân?' 'Frouwe, ez ist alsô geschehen.' 'saget war umbe sît ir her? des sult ir mir verjehen.' 'Mînen senden kumber 40 klage ich iu, vil liebe frouwe mîn.' 45 'Wê, waz saget ir tumber? ir mugt iuwer klage wol lâzen sîn.' 'Frouwe, in mag ir niht enbern.' 'sô wil ich in tûsent jâren niemer iuch gewern.' Neinâ, küniginne! daz mîn dienest sô iht sî verlorn!' 'Ir sît âne sinne daz ir bringet mich in selhen zorn.' Frouwe, iur haz tuot mir den tôt."' 50 wer hât iuch, vil lieber man, betwungen ûf die nôt?' 'Daz hât iuwer schone die ir hât, vil minneclîchez wîp.' 'Iuwer süezen done wolden krenken mînen stæten lîp.' 55 Frouwe, niene welle got.' 'werte ich iuch, des hetet ir êre und wære mîn der spot.' 'Lât mich noch geniezen daz ich iu von herzen ie was holt.' |