10

læge er bî der wol getânen mit ir rôten munde,
er geruorte niemer si, wand er vor liebe erwunde.
Wær aber ich sô sælic daz

ich die vil liebe hæte

alters eine an einer stat dâ uns dâ nieman schiede,
Wir schieden unsich âne haz:

wer weiz waz ich ir tæte,

15 obe ich ir gewaltic wære! ich sag iu, mîne liebe,

5

Ja enkust ich niht daz vingerlîn dazs an ir hende trüege;

ich kustes an ir rôten munt, ich wære als ungevüege:

mich dunket, sold ichs iemer phlegen, ichn möhtes mich niht gnüegen.

LVII. Hêr Geltâr.

Het ich einen kneht, der sunge lîht von sîner frouwen,

der müeste die bescheidenlîche nemnen mir,

daz des iemen wânde ez wær mîn wîp.

Alram Ruopreht Friderich, wer sol iu des getrouwen,

von Mergersdorf daz sô die hêrren effet ir?

wære gerihte, ez gienge iu an den lîp.

Ir sît ze veiz bî klagender not:

wær ieman ernst der sich alsô

nâch minnen senet, der læg inner jâres friste tôt.

10 Man singet minnewîse dâ ze hove und inme schalle:

so ist mir sô nôt nâch alder wât deich niht von vrowen singe. mir wærn viere kappen lieber danne ein krenzelîn.

Mir gæbe ein hêrre lîhter sînen meiden ûz dem stalle

dann obe ich als ein wæher Flæminc vür die vrowen dringe.

15 ich wil bî dem wirte und bî dem ingesinde sîn.

Ich vliuse des wirtes hulde niht, bit ich in sîner kleider:
sô wære im umbe ein überigez hübeschen michel leider.
gît mir ein hêrre sîn gewant, diu êre ist unser beider.
slahen ûf die minnesenger die man rûnen siht!

20 Der walt und diu heide breit

die stênt lobelich gekleit,

25

30

35

40

elliu herze erstœret sint,

des fröunt sich megde und stolze kint:
ende hât der kalde wint.

'Ich wil mîn trûren lân',

sprach ein magt, 'dur einen man
der mir kom in mînen sin.

nu wizze er deich im wæge bin:
ich wil mit im vil tougen hin.'
Diu muoter vor zorne sprach
'wê daz ich dich ie gesach!
war hâstu dich ane geleit,
dîn hâr mit rôsen wol bekleit?
du wirdest niemer altiu meit.'

'So wird ab altez wîp:
muoter, ich muoz sînen lîp
minnen schiere od ich bin tôt.

Wir suln hôhen muot enpfâhen,

beide frowen unde man.

Trûren, du solt von mir gâhen

sît daz ich gesehen hân

5 Des vil liehten meien schîn:

man hært in den ouwen singen
diu vil kleiniu vogellîn.

Diu vröunt sich der spilnden sunne,

swâ si vor dem berge ûf gât.

10 Waz gelîchet sich der wunne dâ ein rôse in touwe stât?

Nieman danne ein schoenez wîp

15

diu mit rehter wîbes güete

wol kan zieren iren lîp.

Liep daz hebt sich in den ougen
und gât in daz herze în:

Sô spricht liep ze liebe tougen
'liep, wan solt ich bî dir sîn!'

20 disiu liet diu hât gesungen
vor dem walde ein vogellîn.

LIX. Der von Suonegge.

Vil süeziu Minne, du hâst mich betwungen daz ich muoz singen der vil minneclîchen, Nâch der mîn herze ie hât dâ her gerungen: diu kan vil suoze dur mîn ougen slîchen 5 Al in mîn herze lieplich unz ze grunde; wand âne got nieman erdenken kunde sô lieplîch lachen von sô rôtem munde.

Wâ sach ie man ein wîp sô schoene und guote in allen welschen und in tiutschen rîchen? 10 An kiusche ein engel, si ist in reiner huote: in al der werlt kan ich ir niht gelîchen. In weiz niht wa ich ein lieber frowen funde; wand âne got nieman erdenken kunde sô lieplîch lachen von sô rôtem munde.

15

Do ich êrst an sach die reinen minneclîchen, ich wânde dazs ein schoner engel wære. Ich dâhte ich solte an allen fröiden rîchen: dô bant si mich in manige sende swære. In trûwet niht daz si mich alsô bunde; 20 wand âne got nieman erdenken kunde sô lieplich lachen von sô rôtem munde.

LX. Meister Heinrich Teschler.

Si jehent ich habe doch vollen teil
der welte volge und ouch die kunst:

war umbe ich swîge und niht ensinge als wîlent ê?

Sî redent ir zuht: got gebe in heil

5 und daz ez in gein liebes gunst

baz dan mir noch gelungen sî ze leste ergê.

In zwîvel niht, und wisten sî

wie rehte kranc dar an gewesen ist mîn gelinge,

sî stüenden mir des alle bî

10 daz es mir nôt tuot daz ich swîge und niht ensinge: sus wunder nieman ob ich sanges abe gestê.

Als mir in die gedanke kumet

waz ich ir liebe schaden habe,

dur die mîn herze senelîchen kumber treit,

15 Und mich daz nie niht hât gefrumet,

wan daz ich bin gewahsen abe

an fröide, diu der welt ie was von mir bereit,

So wirde sinne und witze bar:

wie möht ich dann gesingen ûz sô trüebem muote? 20 mîn neme ir helfe bezzer war,

daz mir doch eteswaz von ir beschehe ze guote,
sô ist mîn fröide und al mîn singen hin geleit.
Sît daz ich nu niht bringen mac

der welte fröiden rîchen sanc,

25 dêswâr sô muoz ouch klagesanges sîn geswigen. Ob ich des ie dâ her gepflac,

dar an so was mîn witze kranc:

daz muoz nu hinnen für von mir geruowet ligen.
Waz touc ze sange ein trüebez klagen?

30 ein siufteberndez liet, ein fröidelôs gedoene?
geschiht mir leit, ich wils gedagen:

kumt liep, mit fröiden rîchem sange ich daz bekrone. von dirre zît sô muoz der site an mir gesigen.

LXI. Hêr Heinrich von Stretelingen.

Nahtegal, guot vogellîn,

mîner frowen solt du singen in ir ôre dar,
Sît si hât daz herze mîn

und ich âne fröide und âne hôhgemüete var.

10

Frowe, bluomen unde klê

unde heide diu số winnecliche grüene lit,

Die wen muoten unde mê

daz diu vogellîn wol singen suoze wider strît.

20 daz diu sælden rîche erkenne mîne grôze nôt.

Sit day mìn trôst an dir lit,

sô gefüege daz ir süezer munt durliuhtic rôt
Der senden quâle

in kurzen zîten werde gewar.

25 schiuz dîne strâle zeinem mâle du weist selbe war. Deilidurei faledirannurei,

5

10

LXII. Meister Friderich von Sunburc.

Swie liegen al der welte sî verboten in der ê,

doch wilichz erlouben drîer hande liuten unde nieman mê:
den selben tuot ouch liegen wê, jâ büezent si dâ mite.

Ich wæn der arme liegen muoz, der milte ouch liegen kan:

swer minne pfligt, der liuget ouch, ez sî daz wîb, ez sî der man,

die minnent von der ê hin dan: lüg ist der minne site.
Doch weiz ich einer hande volc, daz liuget âne schame,
des ich genennen niht getar: sô kreftig ist sîn name.

ez sol den herren nieman sagen; daz selbe volc daz liuget gern:
wær ich ein fürste, der mich lobt, den wolde ich heizen wern.

Ich hœre dicke sprechen sô 'die haben sich abe getân

der welte:' daz doch nie geschach noch niemer mensche erziugen kan,