Biblioth. Cotton. fol. 167. An original. Jan. A. D. 1534-5. mandantium, periculum manifestum, sententiamque excommunicationis notorie et damnabiliter incurrendo; ad quæ facienda nec consenserunt per se, nec per procuratores suos, neque super eisdem consulti fuerunt; ipsaque eadem statuta tum graves, tum inevitabiles poenas in se contineant; non nihil etiam iniquitatis habeant contra charitatem et canonicas sanctiones edita; sintque in se adeo captiosa, ut difficile sit ea non violare: hospitalitati quoque non parum derogantia, miseris vicariis rectoriarum suarum conductiones uti videtur prohibentia; ut iidem patres (quorum est veritatem canonum annunciare) remedium opportunum in statutis prædictis provideant tam præsenti, quam futuris temporibus debite consulentes. XXIX. A Commission to inquire into the yearly value of the Revenues belonging to the Clergy and Religious Houses, &c., pursuant to certain Instructions. Henricus Octavus Dei gratia Angliæ et Franciæ Rex, Fidei Cleop. E. iv. Defensor, Dominus Hiberniæ, et in terra supremum Caput Anglicanæ Ecclesiæ, reverendo in Christo patri episcopo Londinensi, ac dilectis et fidelibus suis Johanni Champneys militi, Thomæ Cromwell magno secretario suo, Johanni Alleyn militi, Thomæ Bedyl clerico, Johanni Baker, Henrico White, Johanni Onley, Thomæ Rushton, Gulielmo Bowyer, Paulo Wichpoll, Richardo Gresham, Hervey Mildmay, Thomæ Burgoyn, et Thomæ Roberts, auditoribus, salutem: sciatis quod nos de fidelitatibus et providis circumspectionibus vestris plene confidentes, assignavimus vos quinque quatuor e vobis, ac quinque quatuor et tribus vestrum, vel in majori aut minori numero, prout per discretiones vestras vobis melius visum fuerit, plenam potestatem et auctoritatem ad inquirendum, scrutandum, et examinandum viis, modis quibus scire poteritis infra civitatem London. et libertates ejusdem, de omnibus et singulis articulis et instructionibus præsentibus annexis, faciend. et exequend. cum effectu, prout in iisdem articulis plenius continetur, et idem injungentes quod circa præmissa effectualiter intendatis, ac ea faciatis et exequamini diligentes, &c., quod veritatem de eisdem articulis, et de eorum singulis habere poterimus, absque favore, fraude, dolo, corruptione, inde nobis respondere velitis; et quicquid in præmissis feceritis thesaurario, cancellario, camerario et baronibus de scaccario nostro; inde et de omnibus circumstantiis eorundem prout articuli prædicti in se exigunt, et festo sanctæ Trinitatis proxime futuræ sub sigillis vestris distincte et aperte in debita forma in scriptis certificetis: et hoc sub periculo incumbenti nullatenus omittatis: damus etiam præterea vobis plenam potestatem tales et tantos scribas, registrarios receptores auditores et alios officiarios, et ministros quorumcunque prælatorum et clericorum Ecclesiæ, coram vobis convocandi et examinandi, prout vobis pro meliori executione videbitur expedire : mandantes insuper tenore præsentium omnibus et singulis vice-comitibus, majoribus, ballivis, registrariis ac aliis officiariis et ministris, tam nostri quam aliquorum prælatorum, seu clericorum, singulis fidelibus subditis nostris quibuscunque quod vobis in executione præmissorum de tempore in tempus intendentes sint et auxiliantes, prout decet. In cujus rei testimonium has literas nostras fieri fecimus patentes apud Westm. xxx. die Januarii anno regni nostri vicesimo sexto. XXX. King Henry VIII.'s Commission in allowance of the Deputation made by Cromwell, Vicar-general. Cotton. fol. 131. A. D. 1535. 21. Henricus Octavus Dei gratia Angliæ et Franciæ Rex, Fidei Biblioth. Defensor, Dominus Hiberniæ, ac in terris supremum totius Cleop. vi. Ecclesiæ Anglicanæ sub Christo Caput, dilectis nobis Fi A. B. C. D. salutem. In terris supremam Ecclesiæ Anglicanæ sub Christo auctoritatem, etsi regiæ nostræ dignitati, ut præcellenti jam inde ab adepto primum divina disponente gratia, hujus regni nostri Angliæ sceptro, jure nobis competierit, nunc demum exerere quodam modo impellimur. Nempe quum hi, qui curam illius et regimen sibi potissimum arrogabant, suis potius ipsorum privatis commodis, quam publicæ illius saluti, aut compendio consulentes, eam tandem eo calamitatis tum nimia licentia et in officiis eis commissis oscitantia, tum suis malis exemplis, devenire passi sunt, ut non ab re metuendum sit, ne illam Christus suam non agnoscat sponsam. Quamobrem nostræ regiæ excellentiæ, cui prima et suprema post Deum auctoritas in quoscunque hujus regni nostri incolas, nullo sexus, ætatis, ordinis aut conditionis habito discrimine, sacro testante eloquio, cælitus demandata est; ex muneris hujusmodi debito potissimum incumbit dictam Ecclesiam viti orum vepribus, quantum cum Deo possumus, purgare, et virtutum seminibus et plantis conserere. Porro cum hi qui in eadem de cæteris antehac censuram sibi vendicabant, de se vero nullam a quovis mortalium haberi sustinebant, tum aliis hominibus plura indies corrigenda committant, tum ex eorum corruptis moribus majori præ cæteris sint plebi offendiculo; ut non immerito iidem et bonorum omnium, si boni, et malorum omnium si contra, certissimi sint authores. Ab his igitur veluti fonte et scaturigine ad Universitatem hujus regni nostri, et Ecclesiæ Anglicanæ reformationem jure auspicandam esse duximus; haud vanam spem habentes, quod fonte primitus purgato purus deinde et limpidus decurret rivus. Cæterum quia ad singula hujus regni nostri loca, pro præmissis exequandis nosipsi personaliter obire non valemus, alios quorum vicaria fide freti munus hujusmodi, veluti per ministros exequamur, qui quod vices nostras in ea parte suppleant, in partem solicitudinis asciscimus, et vocamus. Cum itaque nos alias per dilectum nobis Thomam Cromwel secretarium nostrum primarium et rotulorum nostrorum magistrum sive custodem nostrum, ad causas ecclesiasticas quascunque nostra auctoritate, uti supremi capitis dictæ Ecclesiæ Anglicanæ, quomodolibet tractandum seu ventilandum, atque ad exercendum, expediendum et exerendum omnem et omnimodam jurisdictionem, auctoritatem sive potestatem ecclesiasticam, quæ nobis tanquam supremo capiti hujusmodi competit, aut quovis modo competere possit, aut debeat ubilibet, infra regnum nostrum Angliæ et loca quæcunque nobis subjecta, vicemgerentem, vicarium generalem, ac commissarium specialem, et principalem cum potestate alium vel alios commissarium sive commissarios, ad præmissa vel ex eorum aliqua ordinanda et deputanda, per alias literas nostras patentes, sigillo nostro majori conjunctas, constituerimus, præfecerimus et ordinaverimus, prout ex tenore literarum nostrarum hujusmodi plenius liquet. Quia tamen et ipse nostris et totius regni nostri negotiis præpeditus existit, quo minus præmissa personaliter obire et exequi possit, idem Thomas Cromwell vicemgerens, vicarius generalis et officialis principalis noster hujusmodi, vos A. B. C. D. prælibatos ad infra inscripta omnia et singula vice et nomine nostris exequenda, commissarios nostros deputaverit, ordinaverit et constituerit. Nos igitur deputationem, ordinationem et constitutionem hujusmodi ratas et gratas habentes, ad visitandum tam in capite quam in membris, sede tam plena quam vacante, quoties et quando vobis opportunum visum fuerit, omnes et singulas ecclesias, etiam metropoliticas, cathedrales, et collegiatas, hospitalia quæque et monasteria tam virorum quam mulierum, prioratus, præceptorias dignitates, officia, domos et loca alia ecclesiastica tam secularia quam regularia, exempta et non exempta quæcunque infra regnum nostrum Angliæ et provincias, civitates, terras, dominia et loca nobis subjecta, ubicunque sita seu constituta, cujuscunque dignitatis, prærogativæ, ordinis, regulæ sive conditionis existant, deque statu et conditione eorundem tam in spiritualibus quam in temporalibus; necnon vita, moribus et conversatione tam præsidentium sive prælatorum eorundem quocunque nomine et dignitate, etiamsi archiepiscopali vel episcopali præfulgeant, quam aliarum personarum in eis degentium quarumcunque inquirendum et inquiri faciendum. Ac illos quos in ea parte curiosos vel culpabiles compereritis, pro modo culpæ hujusmodi corrigendi, puniendi et coercendi; ac si delicti qualitas id poposcerit, officiis sive beneficiis suis pro tempore, vel in perpetuum privandi et amovendi, vel ad tempus ab eisdem suspendendi; fructus quoque redditus et proventus ecclesiarum et locorum hujusmodi, si videbitur, sequestrandos, ac sub salvo et tuto sequestro custodiri faciendos atque mandandos. Sequestrumque hujusmodi relaxandum, ac componendum, calculum et rationem de receptis et collectis per sequestros hujusmodi tempore sequestri, et de administratione per eosdem exigendum et recipiendum, ac bene et fideliter computantes, quietandum et liberandum. Deque statu dictarum ecclesiarum et locorum tempore visitationis hujusmodi adnotationem, necnon de bonis, rebus et jocalibus eorundem inventoria facienda et exigenda. Statuta insuper, ordinationes et injunctiones particulares et generales pro bona et laudabili conservatione seu reformatione personarum, locorum et ordinum prædictorum juxta rei exigentiam auctoritate nostra faciendas et imponendas, pœnasque convenientes in earum violatores infligendas et irrogandas. Synodosque capitula et convocationes tam speciales quam generales pro præmissis, vel aliis causis et rationibus quibuscunque quoties et quando et ubicunque vobis visum fuerit magis expedire, nomine et auctoritate nostris conciendos et convocandos, ac eas et ea celebrandi, continuandi et prorogandi, 22. clerumque et populum ad synodos et capitula hujusmodi convocandi et congregandi, ac synodis, capitulis et convocationibus hujusmodi interessendi et præsidendi; eaque inibi statuendi et ordinandi, quæ pro reformatione vel emendatione personarum, locorum et ordinum prædictorum visa fuerint quomodolibet expedire. Dictasque ecclesias, loca et personas modis omnibus, quibus melius et efficacius valeatis ad statum honestiorem probatioresque vivendi mores reducendi et reponendi. Crimina quoque, excessus et delicta quoruncunque subditorum nostrorum juxta comperta et detecta quæcunque debite reformandi corrigendi et puniendi, quoscunque insuper subditos nostros pro præmissis, vel quibuscunque aliis causis ad forum ecclesiasticum quomodolibet spectantibus et pertinentibus, undicunque et quocunque infra hoc nostrum Angliæ regnum vobis videbitur melius expedire, ad vos et coram vobis citandi et evocandi. Contumacesque et rebelles tam per censuras et pœnas ecclesiasticas, quam per mulctarum impositionem ac alia juris hujus regni nostri remedia coercendi et puniendi. Causasque et negotia ecclesiastica hujusmodi cognoscendi, examinandi ac fine debito terminandi et subditos hujusmodi rei per vos judicatæ stare et acquiescere cogendi et compellandi. Resignationes insuper sive cessiones ecclesiarum seu locorum quascunque et quorumcunque, prædictorum factas sive faciendas, recipiendi et admittendi. Ecclesiasque et loca resignata, vacantia et pro vacantibus habenda fore pronuntiandi et declarandi. Licentiasque ad tractandum, communicandum et concludendum de et insuper pensione ex fructubus et emolumentis, nec non dictarum Ecclesiarum et locorum commissarium assignandum; nec non de et super quacunque permutatione fienda, quibuscunque personis idoneis id petentibus concedendum, pensionesque annuas, congruas et moderatas resignantibus hujusmodi assignandum et limitandum, ecclesiasque et loca prædicta de et super pensionum hujusmodi solutione et præstatione onerandum et obligandum; ac decreta et summas in ea parte necessarias, seu requisitas ferendas et promulgandas. Electionibus quoque prælatorum qui per electionem hujusmodi assumi soleant quorumcunque interessendi præsidendi, eligentesque in iisdem dirigendi et informandi. Electiones insuper quascunque rite factas et celebratas, et personas electas |