suro obedieris, multum tibi proficiet ad salutem. Vale in pace, vive in Christo, dege in Domino, Dominus sit tecum.
De Libertate Capellarum Domini Regis.
Henricus Dei gratia Rex Angliæ, &c. universis Christi fidelibus ad quos præsens scriptum pervenerit, salutem. Noverit universitas vestra, quod nuncii nostri, quos nuper pro negotiis nostris et regni nostri ad Generale Concilium apud Lugdunum celebratum destinavimus, inter plura privilegia nobis et regno nostro a Domino Papa Innocentio concessa, unum nobis de immunitatibus, exemtionibus, et libertatibus capellarum nostrarum detulerunt, in hæc verba.
Innocentius Episcopus Servus, &c. carissimo in Christo filio Henrico Regi Anglorum illustri salutem, et Apostolicam benedictionem. Tanto libentius celsitudinis tuæ precibus benignum impartimur assensum, quanto inter reges et principes Christianos te specialius in Domino reputamus dilectum et devotum. Tuis itaque supplicationibus inclinati, districtius inhibemus, ne aliquis ordinarius, aut etiam delegatus, vel etiam subdelegatus in capellas regias, et oratoria earundem, Ecclesiæ Romanæ immediate subjecta, seu canonicos vel servientes eorundem, contra tenorem privilegiorum, aut indulgentiarum Apostolicæ sedis, excommunicationis, vel interdicti sententiam promulgare, seu aliquod ipsis onus imponere, quod aliis exemtis ecclesiis non consuevit imponi absque mandato sedis Apostolicæ speciali, quod expressam faciat de inhibitione hujusmodi mentionem. Nulli ergo, omnino hominum liceat hanc paginam nostræ inhibitionis infringere, vel ei ausu temerario contraire. Si quis autem hoc attemtare præsumserit, indignationem omnipotentis Dei, et beatorum Apostolorum Petri et Pauli se noveriti ncursurum. Data Lugduni XII. Kal. Augusti, Pontificatus nostri anno.
Volentes igitur privilegium illud in perpetua firmitate manere, vobis universis et singulis mandamus, quatenus illud inviolabiliter observetis, et observari facietis ; et ne aliquis contra prædictum privilegium aliquid audeat attemtare, sedem Apostolicam appellamus. Teste meipso apud Westmonasterium, xx. die Martii, anno regni nostri xxx.