von hovemünchen und von klôsterrittern kan ich niht gesagen. Hofmünchen klôsterrittern, disen beiden wolt ich ir reht ze rehte wol bescheiden, ob sie sich wolten lâzen vinden 10 dâ sie ze rehte solten wesen: in klôster münche suln genesen, so suln des hoves sich ritter underwinden. Waz kleider frowen wol an stê? des wil ich iuch bescheiden: ein hemde wîz alsam ein snè, 15 daz ist daz sie got minne und habe in liep, dêst wol ein rîchez kleit. Dar obe sol sin ein roc gesniten, sô daz sie liep und leit sol tragen mit vil kiuschen siten. ir gürtel si diu minne, ir vürspan daz, sie tugende sî bereit; Diu êre ir mantel, daz der an ir decke, 20 ob iht des si daz wandels an ir blecke. ir rîse daŋ sol sîn ir triuwe, dar obe ein schapel von der art daz sie vor valsche si bewart: sie sælic wip, der lop ist immer nuwe. 25 Ein lîp, zwô sêle, ein munt, ein muot, ein triwe vor missewende und ouch vor varnder scham behuot, hic zwei, dâ zwei, in eime vereinet gar mit stæten triuwen ganz: Swâ liep mit liebe des wirt enein, då kan ich niht gedenken daz golt silber edel gestein 30 der zweier fröide vergulte diu sich biut durch liehter venster glanz. Und ob diu minne der zweier herze bünde, swå man diu beide undr einer decke fünde, daz arm mit arme sich beslüzze, då möht wol sîn der sæælden dach. 35 nu wol im dem ez, ie geschach! ich weiz daz wol daz sin got niht verdrüzze. Turnieren was ê ritterlich: nu ist ez rinderlich toblich tôtreis und mordes rich, mortmezzer und mortkolbe, gesliffen aks gar ûf des mannes tôt: 40 Sus ist der turnei nu gestalt, des werdent schoenen frowen ir ougen rôt, ir herze kalt, 1 Do man turnierens pflac dur ritters lère, dur hôhen muot, dur hübescheit und dur êre, 45 dô hæte man umb eine decke ungerne erwürget guoten man. swer daz nu tuot und daz wol kan, der dunket sich zer werlde gar ein recke. Ein höuschrek wânde ein löuwe sîn, 50 dô sprach ein heime 'mich bedunkt ich sî ein howendez swîn.' ein ohse wânde daz er sunge baz dann ie kein nahtegal. Dô sprach ein affe wæn ich bin daz schoenste tier.' ein tôre jach 'sô hân ich wîsen sin.' ein snegge wolte springen vür den lêhbart beide berc unt tal. 55 Ein môr sprach mich mac nieman überwîzen.' ein hase sprach 'ich tar wol wolve bizen.' ein igel sprach 'mîn hût ist linde: solt ich ez bi dem eide sagen, sie möhte ein keiserinne tragen 60 ze næhste an ir.' die lüge sint alle swinde. Ez, was ein gar unsælic man in einer stat gesezzen, dar inne er nic kein heil gewan: der dâhte 'ich wil versuochen wie mîn glücke in frömden landen sî.' Dô im der reise ze muote wart, 65 Unsæld wart sîn geverte, diu huop sich mit im ûf die vart. er lief gein einem walde: er wànde er wære Unsælden worden vrî. Er sprach 'Unsæld, nu bin ich dir entrunnen.' 'nein', sprach Unsælde, 'ich hân den sig gewunnen. swaz du gelief, daz selbe ich rande: 70 ûf dinem hals was mîn gemach.' der man dô zuo im selben sprach 'sost niht sô guot, ichn kêre wider ze lande.' Swenn ein vluorzùn driu jâr gestât und daz ein hunt des zûnes alter driu verslizzen hat, 75 wirt danne ein ros drîstunt als alt alsô der hunt, deist alt genuoc: Wirt danne cin man drîstunt als alt alsô daz ros, seht der ist allen wîben gar ze kalt, ern ist niht minnebær, swie vil er fiurs hie vor uz helme sluoc. Swer in dan vor geriht kampfliche an sprichet, 80 daz alte hovereht er an im brichet: daz, sult ir sunder triegen wizzen. ist daz ich ez, beziugen sol, so beziuge ichz mit hêrn Hoier wol, der hat driu rosses alter wol verslizzen. 85 Ich hân gehæret manigen tac daz cteswenne ein nagel cin isen wol behaben mac und daz ein isn behabt ein ros, daz ros behabt ein biderben man: So wirt ouch eteswenne erwert ein burc von biderbem manne und von der bürge ein lant ernert. 90 swaz grôzer dinge ergât, diu hebent sich von kleinen dingen an. Nagl îsen ros burc lant diu fünviu wæren bereit, wan daŋ mich dunket an den mæren wê im daz er ie wart geborn 95 an dem diu fünviu sint verlorn: der wære wert der åhte und ouch des bannes Got vater unser då du bist in deme himelriche gewaltic alles des dir ist, geheiliget so werd din nam, zuo müeze uns komen daz rîche dîn: 100 Dîn wille werde dem gelich hie ûf der erde als in den himeln, des gewer unsich. nu gib uns unser tegelich brôt und swes wir dar nåch dürftic sin. Vergib uns allen sament unser schulde 105 vergeben der wir ie genamen 110 dekeinen schaden, swie grôz er sî: vor sünden kor sô mache uns vri、 und læse uns ouch von allem übele. âmen. Alle schuole sint gar ein wint wane diu schuole aleine då der minne junger sint: diu ist sô künste rich daz, man ir muoz der meisterschefte jehen. Ir besme zamet so wilden man, daz, er nie engehôrte noch gesach, daz, er daz kan: wà hât ieman sô hôher schuole mêr gehæret und gesehen? 115 Diu minne lêrt die frouwen schône grüezen, diu minne lêret mangen spruch vil süezen, diu minne lêret grôze milte, sie lêrt die jungen in der jugent 120 ritterlich gebâren under schilte. Man tuot uns michel wunder kunt, wie man für Parzifàlen truoc mit zühten manger stunt den grål von arte rein, des wunsch was allen künicrîchen obe. 123 ein reinez wîp: der kiusche reichet wol des grâles zil. diu sich vor valsche vrît, diu wirt geziert wol nach der wisen lobe. Wil ieman nach dem niuwen gråle striten, der sol sîn kiusche milte zallen zîten, als alle die des grâles pflâgen 130 und noch vil guoter frouwen pflegen. wirt dem ein reiner wibes segen, der ist vrî vor vrô Schanden und ir mågen. Venediær die hânt vernomen daz romesch rîche veile si: des sint in brieve komen. 135 nu hânt sie sich vermezzen sie weln gern dar zuo ir stiure geben, Daz, ez, noch kome in ir gewalt: swaz sie daz kosten mac, des sint sie willic unde balt; sie jehent, würd in daz rîch, sie wolden immer deste gerner leben. Ir herzog ist ein mehtic kürsenære: 140 und wart ie kürsenære krônebære mit sînem igelvarwen glatze, sô mac er vil wol krône tragen, son darf ouch fürbaz nieman jagen der ez nu müge vergelten baz mit schatze. 145 Von Rine so bin ich geborn, in Österrîche erwahsen, Beheim hàn ich mir erkorn mêr dur den hêrren danne dur daz lant: doch beide sint sie guot. Der hêrre ist guot, sin lant ist sam, wan deich mich einer dinge sère bî in beiden scham, 150 daz mich nieman enwirdet, ez ensî ob erz alleine tuot. Wær ich bî gote im frône himelrîche und heten mich die sine unwerdeclîche, daz diuhte mich ein missewende. ich hån den künic alleine noch 155 und weder ritter noch daz roch: mich stiuret niht sîn alte noch sîn vende. Ez fuor ein ebenhêriu diet in einem scheffe, biz daz schef gein einer müln geriet: 160 Daz, sie diu ruoder in die hant geruochten nemen: dô sich der ir dekeiner underwant, don mohte er ouch daz schif niht eine bringen von der müln hin dan. Sus truoc der wâc daz schif mit disen liuten hin durch die müln. diz bîspel mac betiuten 165 die fürsten die so sint verdrozzen daz sie niht ruodernt gegen dem stade, ê daz ûf in geligt der schade der jenen geschach die durch die mülen flozzen. XLI. Bruoder Wernher. Swer kostecliche ein schone hûs mit holze rehte entworfen hât, die siule grôz, die wende starc, ûf dremel wol gedillet ståt, gespenget wol, und daz die tür mit slôzen sîn bewart, Der virste in rehter mâze erhaben, mit starken hengelboumen sleht, 5 dar ûf mit latten wol geströut, an hœhe und an der wîte reht: ob ez nu gar bereitet sî, mich dunket an der vart, Lât erg belîben âne dach, die tremel siule und ouch die starken wende, daz würde ein niht. ich wæne ich ir ze Wiene wilent einez sach, 10 daz nam dà von vil lasterlich ein ende: als ez diu nezze und ouch der snê mit winde sunder dach begreif, si schuofen dag in kurzer frist, an êren ez vil gar zersleif. Dâ ich ein lop erniuwen sol daz âne dach so manigen tac gestanden ist und âne bant, jà wæn ez ieman rehte mac 15 gerihten als ob sîn von jugent mit vlize wære gepflogen. Dâ im die siul sint worden vûl und daz, die rennen sint enzwei, und ez diu schand durchvlozzen hât, dà stêt mîn vlicken vür ein ei: swaz ich im niuwer nagel slâ, wir sîn dâ mite betrogen. Ez touc ze ganzer stæte niht 20 då man sich sol ze hôhen êren pflihten. den man von jugent unz an sin alter ie in houbetsünden siht, |