SELECTA SS. ECCLESIÆ PATRUM, COMPLECTENS EXQUISITISSIMA OPERA TUM DOGMATICA ET MORALIA, TUM APOLOGETICA ET ORATORIA; ACCURANTIBUS D. CAILLAU, MISSIONUM GALLICARUM PRESBYTERO, ET NONNULLIS CLERI GALLICANI PRESBYTERIS, UNA CUM D. M. N.S. GUILLON, IN FACULTATE theologiæ pARISIENSI ELOQUENTIÆ SACRÆ PROFESSORE, TOMUS PRIMUS. BRUXELLIS, APUD MÉQUIGNON-HAVARD, EDITOREM, VIA VULGO DICTA DE LA CHANCELLERIE. M. DCCC. XXIX. PRÆFATIO. PRIMUM sacerdotis studium, assidue sacram Scripturam pervolvere; deinde sanctas Patrum divitias continua lectione effodere; effossos denique ex inexhaustis illis doctrinæ abyssis thesauros, prædicationis ministerio in orbem christianum late disseminare. Ut flumen a fonte separatum arescit, ut deficit ramus ex arbore abruptus, sic lectione scripturarum et doctorum destituta prædicatio languescat necesse est. Jam vero humana simul et divina scaturiunt argumenta, quibus assidua veterum lectio necessaria demonstretur; et ut pri→ mo humanum dicam propter infirmitatem, (Rom. vi, 9.) si Plato et Socrates, cum ambitiosum sibi philosophorum nomen vellent apud homines vindicare, tot tantisque laboribus insistere non dubitaverint; si facundus ille Demosthenes, vano popularis auræ desiderio impulsus, abdicatis omnibus terrestribus curis, nunc procul ab urbium tumultu, solus, in tenebrosæ specus silentio, obscura tremulæ lampadis luce vix recreatus, Thucydidis aliorumque scriptorum lectioni incumbere, nunc vicina maris saxa scandens, novo studii genere, longos sermones anhelanti licet spiritu recitare sustinuerit; si nunc etiam, ut de nostro quoque tempore sermonem faciamus, illi qui mundi gloriam quærunt, sive ad explicandas legum ambages, sive ad componendam Homerici carminis modulationem, sive ad obtinendam sublimis vel nitidæ orationis famam, assiduis conatibus insudare non desinant: quanto pudore perfundi deberent Ecclesiæ alumni, imo et sacerdotii tirones, si qui, contemptis veterum divitiis, tam gloriosum laborem, vel turpi metu reformidantes, vel culpabili negligentia prætereuntes, ne manu quidem pertractare, aut oculo perlustrare curarent sacros virorum illorum codices qui, juxta Scripturæ effatum, postquam se amplius |