V.c For the

peace of the Church.

For orthodox princes.

d

For the Patriarch and Clergy.

Oratio pro pace.

Sacerdos. Iterum oremus Deum omnipotentem, patrem Domini Dei et Salvatoris nostri Jesu Christi. Rogamus et obsecramus bonitatem tuam, amator hominum; memento, Domine, pacis unicae illius tuae, sanctae, Catholicae et Apostolicae Ecclesiae, quae a finibus ad fines usque terrae diffunditur, omni populo, et terris benedic. Pacem illam coelestem cordibus nostris immitte, sed et pacem istius vitae nobis benigne concede.

Reges orthodoxos, exercitum, duces, consiliarios, vulgus promiscuum, et vicinos nostros, ingressum et exitum nostrum omni pace exorna. O Rex pacis, da nobis pacem tuam, qui

omnia dedisti nobis. Posside nos, Deus Salvator noster, nam praeter te alium non novimus, et nomen tuum sanctum invocamus. Vivant itaque animae nostrae per Spiritum tuum sanctum, neque mors peccati dominetur super nos servos tuos, nec super omnem populum tuum. Domine miserere.

Rursus precamur te, Domine omnipotens, Pater Domini Dei et Salvatoris nostri Jesu Christi, rogamus et obsecramus bonitatem tuam, O amator hominum.

Si Patriarcha ipse celebret, dicet socius Sacerdotis.

Memento, Domine, beati Patris nostri et venerandi Archiepiscopi Papae N., ejusque in ministerio Apostolico consortis venerandi Patris Episcopi N.; custodi et conserva nobis illos annis multis et tranquillis temporibus, ut opere impleant et perficiant sanctitatem Episcopatus, quae ipsis a te concredita est, secundum voluntatem tuam sanctam et beatam; verbumque veritatis recte dispensent, plebem tuam cum sanctitate et justitia regant, simul cum reliquis Episcopis Orthodoxis, Hegumenis, Presbyteris, et Diaconis, omnique plenitudine unicae tuae, unius, sanctae, Catholicae et Apostolicae Ecclesiae. Da nobis et ipsis pacem et salutem in omni loco, precesque omnes, quas fundunt pro nobis et omni populo tuo, ad te suscipe, ut etiam eas quae a nobis pro ipsis fiunt,

Hic Sacerdos semel adolet incensum, dicens ea quae supra declarata sunt: quod si socium Sacerdotem habuerit, id ipsius vice faciet.

Super altare tuum sanctum, spirituale, coeleste, ut etiam

thuris odoramenta: universos corum hostes visibiles et invisi- V. d biles contere et deprime sub vestigiis eorum velociter: eos autem in pace et justitia custodi in Ecclesia tua sancta. Domine miserere.

Pro congregatione.

For the

Iterum etiam oramus te, Deus omnipotens, pater Domini e Dei et Salvatoris nostri Jesu Christi, petimus et obsecramus People. bonitatem tuam, O amator hominum; memento, Domine, congregationum nostrarum, et benedic illis. Da ut sint nobis absque turbatione et impedimento, ut eas celebremus secundum voluntatem tuam sanctam et beatam, domos orationis, domos benedictionis, domos sanctitatis: concede nobis in illis esse, Domine, et servis tuis qui post nos in saeculum usque futuri

sunt.

[Oratio pro Ecclesia, quam hoc loco recitabit Sacerdos jejunii diebus. Cultum idolorum ab omni orbe procul remove: Satanam et omnem virtutem ejus pessimam contere, et dejice sub pedibus nostris velociter: haereses et autores earum compesce, ut rescindatur et abrumpatur omnis haeretica pravitas, Ecclesiae tuae sanctae inimica. Domine, sicut olim, ita et nunc eas deprime; aufer illas haereticis tenebras cordis sui; miseriamque ipsis suam perspicue demonstra: compesce invidiam eorum, consilia, machinationes, dolos, et detractiones; dextrasque quibus adversum nos abutuntur imbelles omnino esse jubeto. Conventicula eorum reprime, divide consultationes eorum, O Deus, qui dissipasti consilium Achitophel.] Adolebit incensum ad Orientem tribus vicibus.

Exsurge, Domine Deus, dissipentur omnes inimici tui, et fugiant a facie tua omnes qui oderunt nomen sanctum tuum. Conversus ad Occidentem, Sacerdotes, Diaconos et populum incensabit. Et populus tuus millies millenis benedictionibus, et decem millies millibus cumulatus adimpleat omnes voluntates tuas. Tum conversus ad Orientem dicet.

Per gratiam, clementiam et amorem erga homines Filii tui unigeniti, Domini Dei et Salvatoris nostri Jesu Christi, etc.

f

Populus dicet Symbolum fidei Orthodoxae. Adolebit Sacerdos ter incen- VI. sum ad Orientem, dabitque thuribulum illi qui deferre solet, tum dicent Symbo- THE CREED

lum: quo tempore lavabit Sacerdos ter manus suas, et antequam eas abstergat, convertetur ad populum, educetque manus ex aqua coram eo, et a sordibus diligenter purgabit.

VI.

VII. THE KISS 1 OF PEACE.

a

Post recitationem Symboli dicet, Pax omnibus.
Respondebitque populus, Et cum spiritu tuo.

Tum conversus signabit populum semel in modum crucis, et dicet hano

orationem.

Oratio Osculi pacis ad Patrem.

Sacerdos. Deus magne et aeterne, qui hominem absque vitio

1 The corresponding prayers for the Liturgy of S. Cyril are as follows:Oratio pacis S. Cyrilli.

Sacerdos. Autor vitae et rex saeculorum, Deus cui flectitur omne genu eorum quae in coelis sunt, super terram, et quae sub terra: cui omnia subjiciuntur obsequio servitutis, et inclinantur sub sceptro Regni ejus, quem laudant exercitus angelici, ordines coelestes, et naturae intellectuales, incessabili voce loquentes divinitatem ejus: qui ita voluisti, ut nos imbelles et terreni ministraremus tibi, non propter puritatem manuum nostrarum, aut aliquod bonum opus nostrum super terram, sed quia placuit tibi communicare nobis servis tuis infimis et indignis quiddam ex puritate tua. Suscipe nos ad te, O bone et amator hominum, ut accedamus ad altare tuum sanctum, secundum magnam misericordiam tuam: et fac nos dignos pace coelesti quae decet divinitatem tuam, quaeque salute plena est; ut demus eam invicem in caritate perfecta, et osculemur nos mutuo, in osculo sancto, neque per cogitationes abominabiles despectui habeamus timorem tuum, aut mente dolosa et malitiá proditoris; neque conscientiam habentes nequitiae consentientem, sed cum gaudio animarum nostrarum et laetitia cordis nostri; cum sit nobis signum magnum et perfectum dilectionis Unigeniti Filii tui. Ne repellas nos servos tuos propter maculas peccatorum nostrorum: tu enim qui creasti figmentum nostrum, scis quod nullus 1 Kings viii. natus ex muliere sit, qui non peccet coram te. Fac nos omnes dignos, 46. Domine, ut corde puro et anima plena gratiae tuae stemus coram te, et offeramus tibi hoc sacrificium sanctum, rationale, spirituale, et incruentum, ad remissionem delictorum nostrorum, et veniam ignorantiarum populi tui: quia tu es Deus clemens et misericors, et ad te sursum mittimus gloriam, honorem, et adorationem, Pater, Fili, et Spiritus sancte nunc et semper, etc.

Alia Oratio osculi pacis ad Patrem.

Deus caritatis, largitor concordiae, qui consilium unicum ad profectum dedisti nobis, cum praecepto novo, per Unigenitum filium tuum, ut diligeremus alterutrum, sicut dilexisti nos indignos et errantes, dedistique Filium tuum dilectum pro vita et salute nostra: rogamus te, Domine, tribue nobis famulis tuis omni tempore vitae nostrae super terram, nunc vero praesertim et praecipue, animum immemorem malitiae prioris, conscientiam puram, et cogitationes sinceras, simulque cor diligens fratres, ut demus osculum spirituale, fugiamusque exemplum Judae proditoris, et, quemadmodum discipuli tui et Apostoli sancti, salutemus invicem, et in sanctitate sanctificemur et mundemur, mediante Spiritu sancto tuo, per gratiam unigeniti Filii tui etc.

condidisti, et mortem, quae Satanae invidia in mundum intra- VII. a verat, per adventum vivificantem Filii tui unigeniti Jesu Christi Domini Dei et Salvatoris nostri destruxisti, replevistique terram coelesti pace: tu quem celebrant Angelorum exercitus, dicendo; Gloria in excelsis Deo et pax super terram, et in hominibus Luke ii. 14. bona voluntas, imple per beneplacitum tuum, Domine, corda nostra pace tua, et munda nos ab omni macula omnique simultate, omni fraude, omni malo, omnique injuriarum recordatione mortifera. Fac, Domine, ut omnes digni simus amplectendi invicem in osculo sancto, et ita illius participes simus, ut non in judicio repellas nos ab immortali et coelesti dono tuo, per Christum Jesum Dominum nostrum.

Oratio alia Osculi pacis.

Sacerdos. Superant omnem sermonis facultatem, et omnem vim mentis, b divitiae munerum tuorum, Domine, quia abscondisti sapientibus et prudentibus, et nobis parvulis revelasti ea, quae cupierunt Prophetae et Reges Matt. xi. 25. videre, et non viderunt. Haec in nos peccatores gratiose contulisti, ut ea administraremus, et per ea sanctificaremur, cum filii tui dispensationem nobis exhibuisti, et sacrum ritum istius sacrificii incruenti: nec enim illud est sanguinis legalis, aut justitiae corporeae, sed agnus est spiritalis, gladiusque rationalis et incorporeus, in hoc sacrificio, quod tibi offerimus. Rogamus et obsecramus bonitatem tuam, O hominum amator, purifica labia nostra, et libera mentes nostras ab omni contagione materiali: mitte nobis gratiam Spiritus tui sancti et dignos effice salutandi invicem in osculo sancto, ut non incidentes in judicium, percipiamus donum tuum immortale et coeleste, per Jesum Christum Dominum nostrum.

Oratio Pacis Jacobi Apostoli.

Sacerdos. Deus, omnium Domine, dignos effice hac salute nos peccatores indignissimos, ut ab omni labe omnique hypocrisi purgemur, amplectamurque invicem in osculo sancto et unum corpus, unusque spiritus efficiamur in vinculo caritatis et pacis Domini nostri Jesu Christi, cum quo benedictus es, et cum Spiritu tuo vivificante, tibique consubstantiali, nunc et semper et in omnia saecula saeculorum. Amen.

Diaconus. Accedite, adstate, o viri, cum tremore, et ad Orientem aspicite. Attendamus.

Populus. Misericordia, pax et sacrificium laudis.

Ter signum crucis hic fit, primum a Sacerdote super se ipsum: secundo super Diaconos ministrantes: tertio super populum.

с

ANAPHORA OF S. CYRIL.

Sacerdos. Dominus vobiscum.
Populus. Et cum Spiritu tuo.
Sacerdos. Sursum corda.
Populus. Habemus ad Dominum.
Sacerdos. Gratias agamus Domino.
Populus. Dignum et justum est.

Sacerdos. Dignum et justum est, quia tu vere dignus es: justum et sanctum, conveniens et necessarium, animabus, corporibus, spiritibusque nostris, aeterne Domine, Domine Deus Pater omnipotens, semper et in omni loco dominationis tuae, ut laudem te, psallam tibi, benedicam tibi, serviam tibi, adorem te, gratias agam tibi, celebrem te et confitear tibi die ac nocte, labiis indesinentibus, corde nunquam silenti, et laude non interrupta. Tu creasti coelos et quae in coelis sunt, terram et omnia quae in ea sunt, maria, flumina, fontes, et paludes, et quaecumque in eis sunt. Tu creasti hominem ad imaginem et similitudinem tuam, et omnia creasti in sapientia tua, in lumine tuo vero, unigenito filio tuo, Domino, Deo, Salvatore et Rege nostro Jesu Christo: propter quod gratias agimus tibi et offerimus tibi, eique simul et Spiritui sancto, Trinitati sanctae, consubstantiali et indivisae, hoc sacrificium rationabile et hoc ministerium incruentum, quod offerunt tibi omnes populi ab ortu solis usque ad occasum; a septentrione ad austrum, quia nomen tuum, Domine, magnum est in omnibus gentibus et in omni loco offerunt incensum nomini tuo sancto, et sacrificium purum, simul cum hoc sacrificio et hac oblatione.

Sacerdos accipit thuribulum et adolet incensum.

Domine miserere.

Rogamus et obsecramus bonitatem tuam, amator hominum. Memento, Domine, pacis unius, unicae, sanctae, Catholicae, et Apostolicae Ecclesiae.

Diaconus. Orate pro pace unius, sanctae, Catholicae et Apostolicae Ecclesiae, pro salute populorum, et securitate cujuscumque loci, et ut dimittantur nobis peccata nostra.