No. XI. DOCUMENTS RELATING TO THE CONSECRATION OF SCORY AND COVERDALE. 1. Records concerning the Consecration of John Scory. THE following accurate transcript of this Record is taken from fol. 333 of Archbishop Cranmer's Register at Lambeth: In Oratorio sive capella Manerii sui de Croydon Ecclesiæ Christi Cantuariensis jurisdictionis immediatæ, die Dominica videlicet tricesimo die mensis Augusti, A.D. 1551, sub modo et forma subsequentibus. Idem Reverendissimus ad hoc tam sacrum munus obeundum, usitatis insignijs redimitus, et uno Epitogio sive capà holosericâ indutus, Oratorium suum prædictum, honesté et decenter ornatum, ingressus, ad celebrandum Sacro-sanctam Domini Cœnam, uti moris est, ex præscripto libri intitulati, The Book of Common Service (est) coram plebe ibidem congregatâ accinctus, inchoatis primitùs et publicè recitatis sanctis suffragiis in hâc parte deputatis, lectisque in vulgari Epistolâ et Evangelio ad hanc diem designatis; eisque finitis Reverendi Patres Domini Nicolaus London : et Io. Episcopus Suffraganeus Bedford: eidem Reverendissimo in hujusmodi Consecratione assistentes, superpelliceis linteis et capis induti, baculos suos pastorales in eorum manibus tenentes, dictum Dominum Io. Scorye consimili habitu indutum, medium inter se ducentes, cum eidem Reverendissimo Patri, in decenti Cathedra sedenti, et ad hujusmodi sacrum Consecrationis munus (ut præmittitur) impartiendum accincto præsentabant, et exhibebant sub hujusmodi verborum tenore, Most Reverend Father in God, we present unto you this godly and well-learned man to be consecrated Bishoppe. Eodem electo mox producente Regias Literas Patentes eidem Reverendissimo Patri directas, hunc complectentes tenorem :Edwardus sextus, etc....Teste meipso apud Westm: 27 die Aprilis, Anno Regni nostri quinto. Quibus de Mandato Reverendissimo publicè per Griffinum Leyson L.L.D. Dicti Reverendissimi Patris Cancellarium lectis, ipse Electus tactis Sacro sanctis Dei Evangeliis juramentum præstitit corporale de renuntiando, refutando, et recusando Romano Pontifice, ejusque auctoritati et jurisdictioni usurpatis sub hâc serie verborum . . . I John Scorye, etc. Mox tactis denuo eisdem Evangeliis, qui suprà electus et consecrandus Canonica obedientiæ jusjurandum Reverendissimo Archiepiscopus exhibendum sub hac formâ sequente, præstitit I John Scorye, etc. Quibus sic in ordine expeditus, Reverendissimus habuit verba ad populum et plebem, hortando et excitando, omnem Cœtum præsentem ad supplicationes fundendas Altissimo, juxta contentum et ordinem præscriptum in libro Ordinario emanato, sub dat. mensis Martii A.D. 1549. Pro cujus libri serie et tenore sæpè dictus electus fuit ritè et rectè consecratus et Episcopalibus insigniis indutus; præmissa tamen et publicè expositâ primitus per Reverendum Patrem London: antistitem, in modum concionis Epist. S. Pauli ad Titum primo capitulo, iis omnibus ad amussim peractis, participataque Communione Corporis et Sanguinis Domini Nostri Jesu Christi super quâdam mensa linteo albo coopertà, tam per dictum Reverendissimum, quàm etiam per dictos assistentes, et dictum consecratum, cæterosque ibidem ministrantes, idem Reverendissimus decrevit scribendum fore venerabili viro Domino Archidiacono Cantuar: pro Investiturâ, Installatione et Inthronizatione dicti Episcopi Roffen uti moris est. Acta sunt hæc in præsentiis Antonii Huse, Registrarii principalis dicti Reverendissimi Patris, Petri Lylly, Edwardi Byggs, Iohannis Incent, Notariorum publicorum, etc. A True Copy, FREDERICK GEORGE LEE. W. H. WHITLEY. F. R. BOND. 2. Ex Registro Johannis Scory, Lib. B. Registrum Reverendi in Christo Patris ac Domini Domini Johannis Divinâ permissione dudum Roffens: Episcopi, et nuper in Episcopum et Pastorem Ecclesiæ Cath. Cicestrensis ritè et legitimè nominati et translati, etc, 3. Acta Installationis ejusdem R. patris. Vicesimo nono die mensis Julii 1552. Venerab. vir Iohannes Worthial utriusque juris Baccalaureus ac Archidiaconus Archidiaconatus Cicestrensis in Ecclesià Cathedrali prædictâ, necnon Procurator prænominati Reverendi Patris pro installatione, et inthronizatione ejusdem Reverendi Patris in Ecclesià hujus modi obtinenda et expediendà; ad ostium occidentale Ecclesiæ Cathedralis prædictæ personaliter constitutus, coram venerabili viro Jacobo Turberville S. T. P. prælibatæ Ecclesiæ Cath. Capituli pro hac vice Præsidente, et Capitulo ejusdem, ac cæteris Ministris Ecclesiæ hujusmodi tunc ibidem existentibus exhibuit quoddam Procuratorium cujus Procuratorii tenor talis est: Pateat universis per præsentes quod cum nos Johannes Scory nuper Roffens: Episcopus, ad Ecclesiam Cathedralem Cicestrensem ritè et legitimè nominati et translati, variis tamen nonnullis et arduis negotiis adeò præpediti sumus . . . . Itaque expeditioni infra scriptorum in personâ nostrâ commodè interesse non possimus . . . . Dilectum igitur nobis in Christo Magistrum Iohannem Worthiall utriusque Juris Baccalaureum, Archidiaconum Cicestrensem, in Ecclesià nostra Cathedrali Cicestrensi, nostrum verum, legitimum, et indubitatum Procuratorem, Actorem, Factorem, negotiorum nostrorum infra scriptorum Gestorem et Ministrum specialem nominamus, ordinamus, facimus et constituimus per præsentes; damus et concedimus eidem Procuratori nostro potestatem generalem et mandatum speciale pro nobis, ac vice et nominibus nostro coram Decano, ejusve deputato et Capitulo dictæ nostræ Cathedralis Cicestrens: comparendi, nosque à personali comparatione in hac parte excusandi, nosque in realem, actualem et corporalem possessionem dictæ Ecclesiæ Cathedralis Cicestrens: et dignitatis Episcopalis ejusdem induci et installari et intronizari petendi et obtinendi, et generaliter omnia alia et singula faciendi, exercendi et expediendi quæ in præmissis, seu circa ea, necessaria sint vel fuerint, seu quomodolibet opportuna. In cujus rei testimonium, etc. Dat. in Manerio nostro de Aldingborne 28 die mensis Julii, An. Dom. 1552. Quo quidem Procuratorio exhibito, publicèque perlecto, ac per Præsidentem et Capitulem antedict. quatenus ad eos attinebat admisso, dictus M. Io. Worthiall petiit se nomine quo suprà in realem, actualem et corporalem possessionem Ecclesiæ Cath. prædictæ admitti, installari et intronizari. Deinde præfatus Præsidens et Capitulum, cum aliis ministris, unà cum dicto Magistro Io. Worthiall Procuratore antedicto intrarunt Ecclesiam ibidem et à dicto ostio occidentali usque ad ostium Chori ejusdem Ecclesiæ euntes, et abhinc per medium Chori usque ad primum gradum procedendo Psalmum Deus misereatur in vulgari devotè decantarunt, factaque ibidem genuflexione paulisper per dictum procuratorem precibusque et oratione per præfatum Præsidem in tali Actu solitis solemniter dictis, providus vir M. Laurentius Woodcocke clericus publicè tunc ibidem exhibuit et legi fecit quasdam literas Commissionales per Ven. virum Edmundum Cranmer Archidiaconum Cantuar: ei directas tenoris sequentis: ... Edmundus Cranmer Archidiaconus Cantuar: ad quem inductio, installatio et intronizatio omnium et singulorum Episcoporum Cantuar: Provinciæ tam de jure et laudabili longævaque et legitimè præscripta consuetudine, quam . . . dignoscitur pertinere, venerabilis viris Magistris Worthiall Archidiacono Cicestrensi et Laurentio Woodcocke Prebendario in eâdem Ecclesiâ salutem in Domino sempiternam, etc. Dudum pro parte Reverendi in Christo Patris et Domini Domini Iohannis Scory nuper Roffensis Episcopi, ad Ecclesiam Cathed. Cicestrensem vacantem in Episcopum et Pastorem ejusdem Ecclesiæ ritè et legitimè nominati et translati, fuimus debita cum instantia requisiti, quatenus eundem Rev. Patrem, vel ejus Procuratorem legitimum, in realem, actualem et corporalem possessionem Ecclesiæ Cath. Cicestrensis, juriumque et pertinentium suorum universorum induceremus, et installaremus, et intronizaremus. Nos vero antefati Reverendi Patris requisitioni et volo annuere volentes vobis, et vestrûm cuilibet, ad inducendum prælibatum Reverendum Patrem seu ejus Procuratorem legitimum, in realem, actualem et corporalem possessionem antedictæ Ecclesiæ Cathedralis Cicestrensis, juriumque et pertinentium suorum universorum conjunctim et divisim committimus vices nostras, et plenam in hac parte tenore præsentium, concedimus facultatem, etc. Datum Londini 28 die mensis Junii An. D. 1552. Quarum insuper literarum authoritate et vigore præfatus M. Laurentius Woodcocke antedictum Magistrum Io. Worthiall nomine Procuratio dicti Reverendi Patris in sedem Episcopalem Eccles. Cathedr. prædict. honorifice induxit, installavit et intronizavit, etc. A True Copy, W. H. WHITLEY. 4. Extract from the Register of Bonner, Bishop of London. This deed, by which Scory was rehabilitated and restored, practically proves that the directions of the Breve to Cardinal Pole were in this case actually carried out by Bishop Bonner. EDMUNDUS, permissione Divinâ London: Episcopus, Universis et singulis Christi fidelibus, ad quos præsentes literæ nostræ testimoniales pervenerint; ac eis præsertim quos infra scripta tangunt, seu tangere poterint quomodolibet in futurum, salutem in Auctore salutis et fidem indubiam præsentibus adhibere. Quia boni Pastoris officium tunc nos rite exequi arbitramur, cum ad exemplar Christi errantes oves ad caulam Dominici Gregis redu cimus, et Ecclesiæ Christi, quæ redeunti gremium non claudit, restituimus: et quia dilectus Confrater noster Ioannes nuper Cicestren. Episcopus in Dioc. et jurisdictione nostris London: ad præsens residentiam et moram faciens; qui olim laxatis pudicitiæ et castitatis habenis, contra Sacros Canones et Sanctorum Patrum decreta ad illicitas et prohibitas convolavit nuptias; se ea ratione non solum Ecclesiastic. Sacrament. pertractand. omnino indignum; verum etiam a publica officii sui pastoralis functione privatum et suspensum reddens. transactæ licentiosæ vitæ valde pœnitentem et deplorantem, plurimis argumentis se declaravit, ac pro commissis pœnitentiam alias per nos sibi injunctam salutarem, aliquo temporis tractu in cordis sui amaritudine et animi dolore peregit, vitam hactenus degens laudabilem spemque faciens id se in posterum facturum, atque ob id ad Ecclesiasticæ ac Pastoralis Functionis statum, saltem cum quodam nos præmissa ac humilem dicti confratris nostri petitionem pro temperamento, justitia exigenta, reponend. hinc est quod reconciliatione sua habenda et obtinenda considerantes, ejus precibus favorabiliter inclinati, eundem confratrem nostrum ad publicum Ecclesiastici Ministerii et Officii sui Pastoralis Functionem et Executionem, infra Dioc. nostram London: exercend. |