69514318

LOAN STACK

"Exhortatur itaque vos Sanctissimus Pater (Innocent. XII.) "ut sacras hasce leges et monita sapientissima, quae "hoc libello continentur, legatis ac relegatis, versetis"que assidue manibus tanquam regulam, qua perversos "populi Christiani mores facile restauretis." Epist. Past. Card. Carpegna anno 1700 ad confessor. districtus Romani.

Libellum, cui titulus:

80156 BR75

234

1846

"S. Caroli Borromaei S. R. E. Cardinalis et Archiepiscopi Mediolanensis,

PASTORUM INSTRUCTIONES«

utpote per S. Ecclesiae judicium jam dudum approbatum, de novo imprimendi licentiam libenter concedimus, nec non propter eximiam, qua abundat, doctrinam et prudentiam pastoralem omnibus sacerdotibus, quibus animarum cura incumbit, in usum frequentem enixe commendamus.

Monasterii 8. Decemb. 1845.

Melchers,

Vicar. General.

Prooemium.

Quum

uum divi Gregorii Papae I. Regulam Pastoralem, libellum aureum et ad verbum ediscendum, in Cleri usum et commodum nuper denuo ederem, insedit jam animo consilium, S. Caroli Borromaei Pastorum Instructiones quam primum subjungendi. Ea enim est utriusque opusculi ratio communisque finis, ut, quam S. Gregorins animarum in virtutis semitam dirigendarum artem per principia sibi stricte cohaerentia scite perquam tradit, eandem ipsam per principiorum applicationem S. Carolus mira sane cum prudentia et perspicuitate amplius prosequatur.

Has autem S. Caroli Instructiones haud parum commendant S. Autoris tum pietas eximia et doctrina, tum prudentia pastoralis ac zelus insuperatus, ad quae accedit libelli singularis praestantia, quae nullo non tempore, ex quo apparuit, undique et ubique ecclesiarum, quin summo ex loco testata habetur et declarata.