Tum elevans ac jungens manus, et caput inclinans, dicit:

Benedicat vos omnipotens Deus.

Et cum dixerit Deus, vertit se ad populum et tertio super eum signans benedicit, dicens : Pater, et Filius, et Spiritus

B. Amen.

sanctus.

Tum Consecrator accipit mitram, stans in cornu Evangelii, versa facie ad cornu Epistolæ, apud quem etiam stant Assistentes cum mitris; Consecratus vero accedit ad cornu Epistolæ altaris, et ibidem cum mitra et baculo genuflexus, versus ad Consecratorem, dicit cantando:

Ad multos annos.

Deinde accedens ante medium altaris, ubi iterum, ut prius genuflexus, dicit altius cantando :

Ad multos annos.

Postea accedit ad pedes Consecratoris, ubi tertic genuflexus, ut supra, iterum altius cantando dicit: Ad multos annos.

Tum Consecrator recipit eum surgentem ad osculum pacis ; et similiter faciunt assistentes Episcopi, qui Consecratum cum mitra et baculo Pastorali incedentem, et Evangelium sancti Joannis In principio erat Verbum etc. dicentem, post reverentiam cruci super altare factam, inter se medium ducentes, ad suam capellam revertuntur, ad se exuendum sacris vestibus; et interim dicit Antiphonam Trium puerorum, et Canticum Benedicite. Consecrator vero pacis osculo, ut præmittitur, Consecrato dato, dicit submissa voce: Dominus vobiscum.

Initium sancti Evangelii secundum Joannem.
In principio erat Verbum etc.

Signat altare, et se; et facta similiter cruci reverentia, apud sedem vel faldistorium deponit sacras vestes, interim etiam dicens Antiphonam Trium puerorum et Canticum Benedicite etc.; quibus depositis, Consecratus Consecratori et Assistentibus suis pro more gratias agit; et vadunt in pace omnes.

Quando Electus in Patriarcham, vel Archiepiscocum consecratur, forma præmissa in omnibus observatur; sed per hujusmodi consecrationem non assumit sibi nomen Patriarchæ, vel Archiepiscopi, quod per traditionem Pallii dumtaxat sibi attribuitur, usque ad quam dicitur Electus, etiam post consecrationem prædictam, prout infra dicetur. Electus vero in Episcopum, cum primum consecratus est Episcopus, vocatur non Electus.

In anniversario consecrationis Episcopi dicitur Missa ut in Missali Romano.

DE PALLIO.

Cum Pallium a Sede Apostolica mittitur, Pontifex, cui res ipsa commitittur, statuta die cum electo convenit in Ecclesia sua, si commode fieri potest, vel alia Ecclesia sua diœcesis vel provinciæ magis commoda, in qua Missarum solemnia peragantur. Et, facta communione per celebrantem, Pallium reponitur supra medium altaris extensum, et serico, in quo involutum portalum fuit, coopertum. Deinde peractis Missarum solemniis, Pontifex indutus amictu, stola, pluviali, et mitra, sedens ante altare super faldistorio, capit juramentum fidelitatis, nomine Sedis Apostolicæ, ab ipso Electo, omnibus Pontificalibus paramentis ac si celebraturus esset, mitra ta

men et chirothecis demptis, induto, ante se genuflexo, juxta formam per litteras Apostolicas traditam.

FORMA JURAMENTI.

Ego N. Electus Ecclesiæ N. ab hac hora in antea fidelis etc. prout habetur in Consecratione Electi in Episcopum, pag. 62.

Expleto juramento ab Electo, dictus Pontifex in gremio suo librum Evangeliorum ambabus manibus apertum tenens, inferiore parte libri Electo versa, ab co præstationem hujusmodi juramenti recipit, et Electo adhuc coram eo genuflexo, dicente :

Sic me Deus adjuvet, et hæc sancta Dei Evangelia.

Tum Pontifex respondet : Deo gratias.

Juramento præstito, Pontifex surgit cum mitra, et Pallium de altari accipit, et illud super humeros Electi adhuc ante se genuflexi imponit, dicens:

Ad honorem omnipotentis Dei, et beatæ Mariæ semper virginis, ac beatorum Apostolorum Petri et Pauli, Domini nostri N. Papæ N., et sanctæ Romanæ Ecclesiæ, nec non Ecclesiæ N. tibi commissæ, tradimus tibi Pallium de corpore beati Petri sumptum, in quo est plenitudo Pontificalis officii, cum Patriarchalis (vel archiepiscopalis) nominis appellatione; ut utaris eo intra Ecclesiam tuam certis diebus, qui exprimuntur in privilegiis ab Apostolica Sede concessis. In nomine Pa† tris, et Fi† lii et Spiritus sancti. . Amen.

Quo dato, Pontifex, detecto capite, vadit ad cornu Evangelii altaris, et Patriarcha, vel Archiepiscopus surgit cum Pallio; et ascendens ad altare, crucem suam ante se habens, si sit in Ecclesia sua, vel alia suæ diœcesis vel provincia, detecto capite benedicit

populo solemniter, dicens: Sit nomen Domini etc. Qua benedictione data, dimissis in Ecclesia paramentis, omnes ad sua revertuntur.

Et quia Pontificalis officii plenitudo confertur per Pallium, antequam obtinuerit quis Pallium, licet sit consecratus, non sortitur nomen Patriarchæ, Primatis, aut Archiepiscopi; et non licet ei Episcopos consecrare; nec convocare Concilium ; nec Chrisma conficere; neque Ecclesias dedicare; nec Clericos ordinare, etiam si Pallium in alia Ecclesia habuisset, cum oporteat petere novum Pallium.

Potest tamen, quando vult, Missam sine Pallio et sandaliis celebrare.

Potest etiam hujusmodi consecrationes ante Pallii receptionem alteri committere, dummodo non sit in mora petendi Pallium.

Neque ante habitum Pallium potest Electus ante se crucem deferre, sed tantum postea.

Nec potest Patriarcha, vel Archiepiscopus uti Pallio extra suum Patriarchatum vel provinciam, et non omni tempore, sed tantum in Ecclesiis, in Missarum solemniis, in Festis præcipuis; non in processionibus, neque in Missis pro defunctis. Et quia Pallium est personale, ideo commodari non potest; neque in morte alicui relinqui; sed Patriarcha, vel Archiepiscopus, cum eo sepeliri debet.

DIES, QUIBUS PALLIO UTI POTEST PATRIARCHA, SIVE
ARCHIEPISCOPUS, SUNT HI:

Nativitas Domini nostri Jesu Christi.
Sancti Stephani Protomartyris.

Sancti Joannis Apostoli et Evangelistæ.
Circumcisio Domini.

Epiphania Domini.

Dominica in Palmis.

Feria quinta in Cœna Domini.

Sabbatum sanctum.

Dominica Resurrectionis cum duobus diebus se

quentibus.

Dominica in albis.

Ascensio Domini.

Dominica Pentecostes.

Festum Corporis Christi.

Festivitates quatuor beatæ Mariæ semper Virginis, Purificationis, Annuntiationis, Assumptionis, et Nativitatis.

Nativitas sancti Joannis Baptistæ.

Festum omnium Sanctorum.

Festivitates omnium Apostolorum.

Dedicationes Ecclesiarum.

Principales Festivitates Ecclesiæ suæ.
Ordinationes Clericorum.

Consecrationes Episcoporum et Virginum. Dies anniversarius Dedicationis Ecclesiæ et Consecrationis suæ.

DE BENEDICTIONE ABBATIS.

Imprimis Benedicendus provideat de mandato Apostolico benedictionem sibi impendendam Pontifici committente.

Deinde statuta die benedictionis, quæ debet esse Dominica, vel festiva, tam ipse Pontifex quam Electus, convenit quod die præcedenti jejunent.

In Ecclesia, ubi benedictio fiet, ornantur due capellæ, major pro Pontifice, minor pro Electo. In majori quidem, super altari parato, ut est moris, erit crux in medio, et ad minus quatuor candelabra. In terra ad gradus altaris erunt tapetia strata.

Paratur etiam in loco congruo credentia pro Pontifice, super quam erit mappa munda, duo