Et ipse respondet singulis : Et cum spiritu tuo. Tum Consecratus, medius inter assistentes Episcopos, redit ad capellam suam, ubi abstergitur ei sedenti caput cum medulla panis, et cum panno mundo: deinde cum pectine mundantur et complanantur capilli; postea lavat manus. Consecrator vero in suo faldistorio manus lavat. Deinde procedit in Missa usque ad Offertorium inclusive. Idem facit Consecratus in capella sua.

Dicto Offertorio, Consecrator sedet cum mitra in faldistorio ante medium altaris. Et Consecratus veniens ex sua capella, inter assistentes Episcopos medius, coram Consecratore genuflectit; et illi offert duo intortitia accensa, duos panes, et duo barilia vino plena; et Consecratoris prædicta recipientis manum reverenter osculatur.

Deinde Consecrator lavat manus, et accedit ad altare; Consecratus etiam ad posterius cornu Epistolæ altaris ejusdem accedit; et ibi stans medius inter Episcopos assistentes, ante se habens Missale suum, simul cum Consecratore dicit et facit omnia prout in Missali. Et ponatur una Hostia consecranda pro Consecrante et Consecrato, et vinum consecrandum in Calice sufficiens pro utroque.

Secreta sequens dicitur cum Secreta Missa diei. sub uno Per Dominum, per Consecratorem.

SECRETA.

Suscipe, Domine, munera quæ tibi offerimus pro hoc famulo tuo; et propitius in eo tua dona custodias. Per Dominum nostrum Jesum Christum Filium tuum, qui tecum vivit, et regnat in unitate Spiritus sancti Deus, per omnia sæcula sæculorum. B. Amen. Consecratus dicit:

SECRETA.

Suscipe, Domine, munera, quæ tibi offerimus pro me famulo tuo; et propitius in me tua dona custodias. Per Dominum nostrum Jesum Christum Filium tuum, qni tecum vivit et regnat in unitate Spiritus sancti Deus, per omnia sæcula sæculorum. B. Amen.

Infra actionem dicit Consecrator :

Hanc igitur oblationem servitutis nostræ, sed et cunctæ familiæ tuæ, quam tibi offerimus, etiam pro hoc famulo tuo, quem ad Episcopatus ordinem promovere dignatus es, quæsumus, Domine, ut placatus accipias, et propitius in eo tua dona custodias; ut, quod divino munere consecutus est, divinis effectibus exequatur; diesque nostros in tua pace disponas, atque ab æterna damnatione nos eripi, et in electorum tuorum jubeas grege numerari. Per Christum Dominum nostrum. R. Amen.

Consecratus dicit :

Hanc igitur oblationem servitutis nostræ, sed et cunctæ familiæ tuæ, quam tibi offerimus, etiam pro me famulo tuo, quem ad Episcopatus ordinem promovere dignatus es, quæsumus Domine, ut placatus accipias, et propitius in me tua dona custodias; ut, quod divino munere consecutus sum, divinis effectibus exequar; diesque nostros in tua pace disponas, atque ab æterna damnatione nos eripi, et in electorum tuorum jubeas grege numerari. Per Christum Dominum nostrum. R. Amen.

Dicta Oratione Domine Jesu Christe, qui etc., per Consecratorem et Consecratum, Consecratus accedit ad dexteram Consecratoris, et ambo oscu lantur altare; tum Consecrator dat pacem Consecrato, dicens: Pax tecum.

Cui respondet Consecratus: Et cum spiritu tuo. Et dat eam Assistentibus suis, seniori primo, tum alteri, singulis dicens: Pax tibi.

Et illi sibi respondent: Et cum spiritu tuo.

Deinde postquam Consecrator corpus Domini sumpserit, non totum sanguinem sumit, sed solum partem ejus cum particula Hostia in Calicem missa. Et priusquam se purificet, communicat Consecratum ante se in eodem cornu, capite inclinato, stantem et non genuflectentem, prius de corpore, tum de sanguine; deinde purificat se, postea Consecratum. Tum abluit digitos super Calicem, et sumit etiam ablutionem; et, assumpta mitra, lavat manus.

Interim Consecratus cum assistentibus Episcopis accedit ad posteriorem partem alterius cornu altaris, videlicet Evangelii, et ibi prosequitur Missam, sicut Consecrator in cornu Epistolæ.

Postcommunio, quæ dici debet cum Postcommunione diei, sub uno Per Dominum.

Pienum, quæsumus Domine, in nobis remedium tuæ miserationis operare; ac tales nos esse perfice propitius, et sic fove, ut tibi in omnibus placere valeamus. Per Dominum nostrum Jesum Christum Filium tuum, qui tecum vivit, et regnat in unitate Spiritus sancti Deus, per omnia sæcula sæculorum. B. Amen.

Deinde dicto, Ite missa est, vel Benedicamus Domino, prout tempus requirit, Consecrator dicto in medio altaris, Placeat etc., accepta ibidem mitra, si non sit archiepiscopus, et in sua provincia, stans versus ad altare, populo solemniter benedicit, dicens: Sit nomen Domini benedictum etc.

Data benedictione, reponitur faldistorium ante medium altaris, et Consecrator cum mitra in eo

Sanctus, Sanctus, Sanc- Judex crederis tus, * Dominus Deus Sabaoth.

Pleni sunt cœli et terra* majestatis gloriæ tuæ. Te gloriosus Apostolorum chorus,

Te Prophetarum * laudabilis numerus,

Te Martyrum candidatuslaudat exercitus. Te per orbem terrarum * sancta confitetur Ecclesia. Patrem immensæ majestatis.

*

venturus.

esse

Te ergo, quæsumus, tuis famulis subveni,* quos pretioso sanguine redemisti.

Eterna fac cum Sanctis tuis in gloria numerari. Salvum fac populum tuum, Domine,* et benedic hereditati tuæ.

*

Et rege eos, et extolle illos usque in æternum. Per singulos dies* benedicimus te.

Incepto Hymno, Consecratus ducitur ab assistentibus Episcopis cum mitris per Ecclesiam ; et omnibus benedicit, Consecratore interim apud altare sine mitra stante in eodem loco. Cum vero Consecratus reversus fuerit ad sedem suam seu faldistorium, ilerum sedet, quousque finiatur Hymnus prædictus ; Assistentes deponunt mitras, et stant apud Consecratorem.

Finito Hymno, Consecrator stans sine mitra apud

sedem seu faldistorium a parte dextera Consecrati dicit; vel si Officium cantatur, incipit, schola prosequente, Antiphonam :

Firmetur manus tua, et exaltetur dextera tua : justitia et judicium præparatio sedis tuæ. Gloria Patri, et Filio, et Spiritui sancto: Sicut erat in principio, et nunc et semper, et in sæcula sæculorum. Amen.

Et repetitur tota Antiphona; qua finita, Consecrator dicit :

v. Domine, exaudi orationem meam. R. Et clamor meus ad te veniat.

. Dominus vobiscum. R. Et cum spiritu tuo.

OREMUS.

Deus, omnium fidelium pastor et rector, hunc famulum tuum, quem Ecclesiæ tuæ præesse voluisti, propitius respice: da ei, quæsumus, verbo et exemplo, quibus præest, proficere; ut ad vitam, una cum grege sibi credito, perveniat sempiternam. Per Christum Dominum nostrum. R. Amen.

His dictis, Consecrator, detecto capite, manet ad cornu Evangelii altaris, apud quem Assistentes stant sine mitris.

Consecratus vero surgit, et accedens cum mitra et baculo Pastorali ante medium altaris, versus ad illud, signans se cum pollice dexteræ manus ante pectus, dicit:

Sit nomen Domini benedictum. R. Ex hoc nunc et usque in sæculum.

Deinde faciens signum crucis a fronte ad pectus, dicit:

Adjutorium nostrum in nomine Domini. R. Qui fecit cœlum et terram.