summam, et ornamentis totius glorificationis instructum, cœlestis unguenti rore sanctifica.

Si in Romana curia fit Consecratio, Subdiaconus Apostolicus, vel unus ex Capellanis Pontificiis ligat cuput Electi cum una ex longioribus mappulis, de octo superius dictis; et Consecrator, flexis genibus, versus ad altare incipit, cæteris prosequentibus, Hymnum :

Veni Creator Spiritus.

Et dicitur usque ad finem, prout habetur supra in Ordinatione Presbyteri, pag. 50.

Finito primo Versu, surgit Pontifex, et sedet in faldistorio ante medium altaris; capit mitram, deponit annulum et chirothecas, resumit annulum, et imponitur ei gremiale a ministris. Tum pollicem suum dexterum intingit in sanctum Chrisma, et caput Electi coram se genuflexi inungit, formans primo signum crucis per totam coronam, deinde reliquum coronæ liniendo, interim dicens :

Ungatur, et consecretur caput tuum, cœlesti benedictione, in ordine Pontificali.

Et producens manu dextera tertio signum crucis super caput Electi, dicit :

In nomine Pa† tris, et Fi† lii, et Spiritus † sancti. R. Amen. v. Pax tibi. §. Et cum spiritu tuo.

Et si plures sint consecrandi, hoc in persona cujuslibet singulariter repetit.

Expleta unctione, Pontifex pollicem cum medulla panis paululum abstergit; et finito Hymno prædicto, deposita mitra, surgit; et in pristina voce prosequitur dicens :

Hoc, Domine, copiose in caput ejus influat; hoc in oris subjecta decurrat; hoc in totius corporis extrema descendat, ut tui Spiritus virtus et inte

riora ejus repleat et exteriora circumtegat. Abundet in eo constantia fidei, puritas dilectionis, sinceritas pacis. Sint speciosi munere tuo pedes ejus ad evangelizandum pacem, ad evangelizandum bona tua. Da ei, Domine, ministerium reconciliationis in verbo, et in factis, in virtute signorum et prodigiorum. Sit sermo ejus et prædicatio, non in persuasibilibus humanæ sapientiæ verbis, sed in ostensione spiritus et virtutis. Da ei, Domine, claves regni cœlorum, ut utatur, non glorietur potestate, quam tribuis in ædificationem, non in destructionem. Quodcumque ligaverit super terram, sit ligatum et in cœlis; et quodcumque solverit super terram, sit solutum et in cœlis. Quorum retinuerit peccata, retenta sint; et quorum remiserit, tu remittas. Qui maledixerit ei, sit ille maledictus; et qui benedixerit ei, benedictionibus repleatur. Sit fidelis servus et prudens, quem constituas tu, Domine, super familiam tuam, ut det illis cibum in tempore opportuno et exhibeat omnem hominem perfectum Sit sollicitudine impiger, sit spiritu fervens, oderit superbiam, humilitatem ac veritatem diligat, neque eam umquam deserat, aut laudibus aut timore superatus. Non ponat lucem tenebras, nec tenebras lucem non dicat malum bonum, nec bonum malum. Sit sapientibus et insipientibus debitor; ut fructum de profectu omnium consequatur. Tribuas ei, Domine, cathedram Episcopalem ad regendum Ecclesiam tuam et plebem sibi commissam. Sis ei auctoritas, sis ei potestas, sis ei firmitas. Multiplica super eum bene † dictionem et gratiam tuam; ut ad exorandam semper misericordiam tuam, tuo munere idoneus et tua gratia possit esse devotus.

Deinde submissa voce dicit legendo, ita quod circumstantibus audiri possit :

Per Dominum nostrum Jesum Christum Filium

tuum, qui tecum vivit, et regnat in unitate Spiritus sancti Deus, per omnia sæcula sæculorum. R. Amen. Ꭱ . Post hæc Consecrator inchoat, schola prosequente, Antiphonam.

Unguentum in capite, quod descendit in barbam, barbam Aaron, quod descendit in oram vestimenti ejus mandavit Dominus benedictionem in sæculum.

PSALMUS 132.

Ecce quam bonum, et | Hermon, qui descendit in quam jucundum, *habi-montem Sion.

tare fratres in unum.

Quoniam illic mandavit Sicut unguentum in ca- Dominus benedictionem. pite, * quod descendit in* et vitam usque in sæcubarbam, barbam Aaron. lum.

Quod descendit in oram Gloria Patri etc. Sicut vestimenti ejus : * sicut roserat in principio etc.

Deinde repetitur tota Antiphona. Unguentum in capite etc.

Incepta Antiphona ante Psalmum, imponitur ad collum Electi alia ex longioribus mappulis, de octo supradictis. Consecrator sedet; accipit mitram; et Electo ante ipsum genuflexo inungit ambas manus simul junctas cum Chrismate in modum crucis, producendo cum pollice suo dextero intincto duas lineas; videlicet a pollice dexteræ manus usque ad indicem sinistra, et a pollice sinistræ usque ad indicem dexteræ; et mox inungat totaliter palmas Electi, dicens :

Ungantur manus istæ de oleo sanctificato et Chrismate sanctificationis, sicut unxit Samuel David Regem et Prophetam, ita ungantur et conse

crentur.

Et producens manu dextera ter signum crucis super manus Electi, dicit :

In nomine Dei Pa† tris, et Fi† lii, et Spiritus +

sancti, facientes imaginem sanctæ crucis Salvatoris nostri Jesu Christi, qui nos a morte redemit, et ad regna cœlorum perduxit. Exaudi nos, pie Pater omnipotens, æterne Deus; et præsta, ut, quod te rogamus, exoremus. Per eumdem Christum Dominum nostrum. R. Amen.

Et prosequitur sedens :

Deus, et Pater Domini nostri Jesu Christi, qui te ad Pontificatus sublimari voluit dignitatem, ipse te Chrismate et mysticæ delibutionis liquore perfundat, et spiritualis bene † dictionis ubertate fœcundet: quidquid bene † dixeris, benedicatur; et quidquid sanctificaveris, sanctificetur; et consecrata manus istius vel pollicis impositio cunctis proficiat ad salutem. R. Amen.

Præmissis itaque expeditis, Consecratus jungit ambas manus, et dexteram super sinistram tenet, et eas imponit mappulæ a collo dependenti. Consecrator vero abstergit paululum cum medulla panis pollicem; et, deposita mitra, surgit et benedicit baculum Pastoralem, si non sit benedictus, dicens:

OREMUS.

Sustentator imbecillitatis humanæ Deus, benetdic baculum istum ; et quod in eo exterius designatur, interius in moribus hujus famuli tui, tuæ propitiationis clementia operetur. Per Christum Dominum nostrum. R. Amen.

Deinde illum aspergit aqua benedicta.

Tum sedens, accepta mitra, solus tradit illum Consecrato coram eo genuflexo, capienti ipsum inter indices et medios digitos, manibus non disjunctis, Consecratore dicente:

Accipe baculum Pastoralis officii; ut sis in cor

rigendis vitiis pie sæviens, judicium sine ira tenens, in fovendis virtutibus auditorum animos demulcens, in tranquillitate severitatis censuram non deserens. R. Amen.

Quo facto, deposita mitra, surgit Consecrator, et benedicit annulum, si non sit prius benedictus, dicens :

OREMUS.

Creator et conservator humani generis, dator gratiæ spiritualis, largitor æternæ salutis, tu Domine, emitte benedictionem tuam super hunc annulum; ut quicumque hoc sacrosanctæ fidei signo insignitus incesserit, in virtute cœlestis defensionis ad æternam vitam sibi proficiat. Per Christum Dominum nostrum. . Amen.

Tum aspergit ipsum annulum aqua benedicta, sedet cum mitra, et solus annulum in digitum annularem dextera manus Consecrati immittit, di

cens:

Accipe annulum, fidei scilicet signaculum: quatenus sponsam Dei, sanctam videlicet Ecclesiam, intemerata fide ornatus, illibate custodias. . Amen.

Tum Consecrator accipit librum Evangeliorum de scapulis Consecrati, et, adjuvantibus ipsum Episcopis assistentibus, tradit eum clausum Consecrato, tangenti illum sine apertione manuum, dicens:

Accipe Evangelium et vade, prædica populo tibi commisso; potens est enim Deus, ut augeat tibi gratiam suam, qui vivit et regnat in sæcula sæculorum. R. Amen.

Demum Consecrator recipit Consecratum ad osculum pacis; similiter et assistentes Episcopi singuli, dicentes ipsi Consecrato: Pax tibi.