manum, et si benedicuntur nuptiæ, parentur quoque omnia ad Missam necessaria cum hostiis pro communione Sponsi et Sponsæ; velum ante ipsos communionis tempore extendendum; vas cum vino, et mappula pro illorum purificatione; instrumentum ad osculum pacis cum velo coloris ceteris paramentis missalibus uniformis, ad ipsius manubrium appenso.

Super altari in medio: Pluviale cum stola coloris albi, Crux pectoralis, cingulum, alba, amictus, et omnia oblongo ejusdem coloris velo cooperiuntur; mitra auriphrygiata, et velum pro ministro de ea inserviente; et baculus Pastoralis, si eo utatur.

Adsint ad minus quatuor Capellani superpelliceis induti; et duo testes quorum nomina excipientur in scriptis.

Scribentur etiam in pagella nomina cum Sponsi, tum Sponse, quam accedentem ad contrahendum Matrimonium cohonestari decet præsentia parentum vel propinquorum,

His omnibus ordinatis, Pontifex accedit ad altare, aliquantulum orat genuflexus; et si erit Missam celebraturus, accedit ad Sedem si fuerit in Ecclesia propria, vel ad faldistorium, in cornu Epistolæ altaris paratum, ubi sedens recitat Psalm. Quam dilecta etc., cum suis Capellanis.

Post orationes lavat manus et induitur supra. rochetum, vel supra superpelliceum, si fuerit Regularis, amictu, alba, cingulo, Cruce pectorali, stola, et pluviali coloris albi; deinde accipiet formale, si eo utatur, mitram et baculum Pastoralem; ascendit ad altare, quod in medio osculatur. Tum, deposito baculo, sedet super faldistorio,

ante medium altaris allato, renibus ipsi altari conversis.

Vocantur Sponsus et Sponsa, qui debito venerationis actu accedentes coram Pontifice genuflectunt; muliere ad sinistram viri stante.

Pontifex adhuc cum mitra sedens, eos singillatim interrogat coram tribus vel duobus testibus de consensu in matrimonium; proprio quemque nomine vocans, et patrio sermone alloquens primo virum, mox mulierem, in hunc modum :

N. vis accipere N. hic præsentem in tuam legitimam uxorem juxta Ritum sanctæ Matris Ecclesia? Respondeat Sponsus: Volo.

Recepto viri consensu per verbum Volo, vel aliud sensibile signum, mulierem interrogat:

N. vis accipere N. hic præsentem in tuum legitimum maritum juxta Ritum sanctæ Matris Ecclesiæ ?

Recepto mulieris consensu, quæ similiter respondere debet: Volo.

Nec sufficit consensus unius, sed debet esse amborum, et expressus aliquo signo sensibili, sire fiat per se, sive per procuratorem.

Mutuo igitur contrahentium consensu intellecto, Pontifex jubet eos invicem jungere dexteras, dicens :

Ego conjungo vos in matrimonium. In nomine Patris, et Fi† lii, et Spiritus † sancti. R. Amen.

Vel aliis verbis utatur juxta receptum uniuscujusque provincia ritum: postea surgens cum mitra, eos aspergit aqua benedicta. Mox deposita mitra, et ad altare conversus, annulum super pelvicula sibi oblatum benedicat.

BENEDICTIO ANNULI.

v. Adjutorium nostrum in nomine Domini. R. Qui fecit cœlum et terrain.

v. Domine, exaudi orationem meam. R. Et clamor meus ad te veniat.

v. Dominus vobiscum. R. Ft cum spiritu tuo.

OREMUS.

Benedict, Domine, annulum hunc, quem nos in tuo nomine bene † dicimus, ut quæ eum gestaverit, fidelitatem integram suo Sponso tenens, in pace et voluntate tua permaneat, atque in mutua charitate sempervivat. Per Christum Dominum nostrum. R. Amen.

Deinde Pontifex aspergat annulum aqua benedicta in modum crucis: postea iterum sedeat, accepta mitra, et tradat annulum benedictum Sponso, qui statim illum ponit in digito annulari sinistra manus Sponse, Pontifice dicente;

In nomine Pa† tris, et Filii, et Spiritus † sancti. Amen.

Tum cantatur, vel legitur sequens Antiphona, Pontifice adhuc cum mitra sedente :

Antiphona. 8 toni.

Confirma hoc, Deus, quod operatus es in nobis a templo sancto tuo, quod est in Jerusalem.

*. Gloria Patri, et Filio, et Spiritui sancto. . Sicut erat in principio et nunc et semper, et in sæcula sæculorum. Amen.

Et repetitur vel legitur Antiphona : Confirma hoc Deus, quod operatus es in nobis a templo sancto tuo, quod est in Jerusalem.

Qua repetita, Pontifex, deposita mitra, surgit,

et stans versus ad Sponsum et Sponsam, dicit super eos, manibus junctis :

Kyrie eleison. Christe eleison. Kyrie eleison. Pater noster etc., secreto.

v. Et ne nos inducas in tentationem. R. Sed libera nos a malo.

. Salvos fac servos tuos. Deus meus, sperantes in te.

v. Mitte eis, Domine, auxilium de sancto. R. Et de Sion tuere eos.

*. Esto eis, Domine, turris fortitudinis. . A facie inimici.

*. Domine, exaudi orationem meam. R. Et clamor meus ad te veniat.

✰. Dominus vobiscum. R. Et cum spiritu tuo.

OREMUS.

Respice, quæsumus Domine, super hos famulos tuos, et institutis tuis, quibus propagationem humani generis ordinasti, benignus assiste; ut qui to auctore junguntur, te auxiliante serventur. Per Christum Dominum nostrum. R. Amen.

His expletis, si benedicendæ sint nuptiæ, aliquantulum recedentibus in partem Conjugibus, Pontifex parat se ad Missam, ut in Missali romano: sin minus, absoluta supradicta Oratione, iterum sedet, accipit mitram, et gravi sermone alloquitur Sponsum, et Sponsam adhuc coram se genuflexos, admonendo eos, ut sibi invicem fidem servent Orationis tempore, et præsertim jejuniorum ac solemnitatum, casti permaneant: et vir uxorem, atque uxor virum diligat, et in timore Dei maneant.

Postea, accepto aspersorio, surgit, et super eos iterum fundit aquam benedictam.

CONFIRMATIONIS ET ORDINUM

UNI TANTUM CONFERENDORUM EX EODEM PONTIFICALI

DEPROMPTA.

CONFIRMATIO UNIUS.

Confirmationi conferendæ necessaria: Chrisma, Stuppa aut Gossipium ad tergendum frontem ei qui non habet vittam, Bacile cum buccali, Manutergium, Medulla panis.

Confirmando necessaria: Prævia confessio, Patrinus vel Matrina, Vitta linea munda.

Pontifex supra Rochetum, vel si sit Religiosus supra superpelliceum, paratus amictu, stola et pluviali albi coloris, cum mitra simplici et baculo pastoralí: vel, si hoc sacramentum minus solemniter conferatur, stola alba supra mozettam et mitra simplici paratus, accedit ad faldistoriumi ante medium altaris, si sit in aliqua capella, aut in alio convenienti loco sibi paratum, et sedens brevi sermone alloquitur adstantes et Confirmandum; quo facto lavat manus, deinde deposita mitra surgit, et versa facie ad Confirmandum ante se genuflexum, junctis manibus dicit:

Spiritus sanctus superveniat in te, et virtus Altissimi custodiat te a peccatis. Ę. Amen.

Deinde signans se manu dextera a fronte ad pectus signo Crucis, dicit:

*. Adjutorium nostrum in nomine Domini. R. Qui fecit cœlum et terram.

. Domine, exaudi orationem meam. R. Et clamor meus ad te veniat.

*. Dominus vobiscum. R. Et cum spiritu tuo. Tum extensis versus Confirmandum manibus, dicit:

OREMUS.

Omnipotens sempiterne Deus, qui regenerare dignatus es hunc famulum tuum (vel hanc famulam tuam) ex aqua et Spiritu sancto, quique dedisti ei remissionem omnium peccatorum emitte in eum